不吃不可 (已結業)

平時間唔中都有幫襯，今日星期日中午想買個車仔面食，叫餸叫錯左就比個阿姐鬧，想要加個汁又比佢話，唔明白做顧客咁少事都要受氣，一向好少上黎打食評都忍唔住要打返個比劣評，講真呢頭冇其他車仔面檔冇選擇，如果唔係都唔會幫襯，環境又唔係好，而家更加唔來再幫襯！

先講環境，舖裏面有少少位坐，唔太舒服，但食得車仔面，都係快食㗎啦，所以問題不大。衛生方面都ok嘅，你可以睇住佢執餸。味道方面，講真普普通通，豬紅就散嘅，牛腩夠味，但好（鞋），最大問題係，價錢唔平，樣樣都5蚊起標，但份量極少，如果價錢同質素嘅比例，算係貴。

真係不吃也可呀XD 唔係唔好味，係唔太抵食，原本想食蟹柳的，但竟然$5得一條好貴，得食指咁大，事頭婆夾起一條蟹柳時，都有再三confirm我係咪真係要，講到明$5得一條仔，都算你老實啦!!XD 因為我都幾咁中意車仔麵嘅，食過好多間車仔麵，就係未食過$5一條蟹柳咁貴，唔食蟹柳，唯有揀腸仔，都係$5一條㗎，不過叫大條過一條蟹柳感覺抵啲啲正常啲囉，反而雞翼$7有2隻，其實兩碗味道都OK的，個生菜魚肉湯就唔太夠味。

今日去左屯門搵朋友食飯，趕時間又唔想食太貴，朋友帶咗我去食呢間車仔麵🍜兩餸加面底都只不過係＄22咋！我記得下午茶有啲套餐仲抵呀🤤🤤🤤我就叫咗雞翼、脆皮腸，再加秘製咖喱汁～先講油麵，油麵而家好難係街搵到好食，成日都會有太大陣鹼水味，不過呢個冇喎！煮得啱啱好，唔會太淋又唔會太硬，都唔錯～雞翼就不過不失啦，如果可以整得再入味啲就好啦脆皮腸就冇咩特別啦至於秘製咖喱汁我就覺得佢唔夠濃味，又唔夠辣其實整體來講就唔算好好味，但係勝在夠平！

晏晝落去同女朋友一齊，其實都當係晚餐，雖然佢嘈住要食吉野家打邊爐，但因為太熱氣最後都係比我迫左食車仔麵，其實住附近差唔多一年，每一兩個月都會落嚟食一次，今次覺得佢又比之前進步左牛腩汁湯底10分吸引，啲蘿蔔甜到你唔信，豬大腸同以前一樣都係咁好食，滷水蛋就不過不失，豆腐卜同埋豬紅格住啲湯一齊食，真係估唔到車仔麵都有咁嘅享受我一貫嘅作風就係唔食油麵，因為感覺冇咁肥，米粉就可以同啲湯一齊食，最緊要係低卡路里，健康啲嘛！仲要一人送一杯菊花蜜，正！

重陽節假期起身就落咗去食車仔麵，呢間車仔麵嘅豬大腸係有水準既腩汁底同咖喱底都算唔錯，不過間鋪好窄，街坊look可以去一試。好有以前細細個係街邊食車仔麵嗰一種風味

四月時間到了倫敦做了接近一個星期的評判工作, 遇到了新朋舊友。然而這次也得到了不少寶貴的經驗, 亦見識到數十年日本清酒品酒經驗的功架, 也與從前不混熟的點頭之友多了時間相處, 感覺十分充實。一周過去, 回港已是復活節, 家人在節日中有個重要的活動, 當然不可不參與。於是早早就已到埗等候, 但可能因時差問題, 肚子突然餓起來, 於是找找餐廳填肚。就在活動地點附近找吃的, 看到了這家車仔麵檔, 便入內快快吃個爽快的。車仔麵檔簡單操作, 不落花巧地將餸及麵底都放到紙上給選擇。要上一個豬腸豬紅, 豆卜魚蛋油麵, 加個辣汁。辣汁惹味而濃香, 但是湯底略淡。但是麵底份量大, 餸也算不少。一個四餸麵已堆滿闊大的碗面, 感覺抵食!豬腸甘香, 腸壁有彈性, 內層夾著油脂惹味。老實說, 這味東西跟車仔麵或是雲南米線真的很匹配, 就有種不吃不可的感覺。豬紅結構堅實, 口中有一點點削的感覺, 但整體還算滑溜。魚蛋也算彈牙, 咖哩味道也可以, 與辣汁相融。油麵與豆卜, 一個不拉湯汁, 另一個吸盡湯中味道, 一剛一柔同放口中, 味道平衡許多, 連略淡的湯身也啖出味道。整體感覺不錯, 街坊食肆份量, 價錢也合理,

下晝臨返工去屯門新墟搵野食，見到呢間個招牌咁招積，就入去試下咯。點咗個三餸嗱喳麵，墨丸腩肉白蘿蔔，上菜用果隻碗又幾鬼的飾，搞到碗野好似好豐滿咁，加咗啲秘製咖喱醬汁，呢種汁真係不吃不可，令到成碗麵整體變得很有風味～佢又唔似咖喱魚旦果種辣度，稀得嚟又可以同湯底混埋一齊，價錢又唔貴，下次路過可以再試多次～只是個收銀呢，唔知係未做國語客做得太多，真係收錢就為收錢，一啲待客既基本態度欠奉，眼尾都唔望一眼，幾多幾多錢呀～找錢又沒聲的，好似對住部自助販賣機咁。

呢日同男友仔 2 個無無聊入左屯門睇戲, 順便行下...去到下午茶時間, 肚仔有 D 餓....係時候搵食~漫無目的...行行逛逛...然後見到"佢" <<不吃不可>>!!男友仔偏愛車仔麵, 所以見到佢有車仔麵就二話不說殺入去嚕~坐低之後, 哦~ 自己畫紙仔的耶...lol因為我唔太肚餓既關係, 所以 only 叫左個: 生菜魚肉湯 ($12)而男友仔就當然係叫車仔麵啦: 幼麵 配 魚蛋 + 蘿蔔 + 豬腸 ($23)等左大約 10 分鐘...有得食!!生菜魚肉湯 - 算幾大碗, 多魚肉, 但少生菜...湯底唔錯, 可惜...魚肉無咬口亦無魚味 幼麵 配 魚蛋 + 蘿蔔 + 豬腸 - 幼麵無特別, 魚蛋可以的, 蘿蔔唔算甜, 豬腸好淋, 咖哩汁唔錯, 但.....湯底.....配料.....成碗野都.....無咩味, 就係汁還汁, 餸還餸既感覺 呢次試食, 我同男友仔都一致覺得....睇黎....就應該....唔會再黎~

開始長途踩單車行程前，就來附近食個豐富車仔麵～也是吃超值的九餸特餐＄２５：蘿蔔﹑雞翼尖﹑生菜﹑魚蛋﹑魚角（魚片）﹑豬紅﹑豬皮﹑黃金丸（代替了魚皮餃），還有一種餸就忘記了。我每次吃也會加少少秘製咖哩汁，整碗麵就會生色不少！要了兩杯豆漿，朋友不渴就讓了給我（呵）；今日阿姐手鬆了？每碗比平時的多了蘿蔔和生菜啊＾３＾除了黃金丸沒吃，其他材料都依舊很好食，其實這裡的蘿蔔也很鮮甜無渣，有機會大家不妨一試。＊我是去屯門新墟店＊

同屋企人去青松觀拜完神，自己要返公司拎一拎０野，拎完見肚餓，於是去食返個車仔麵先～周不時都會０黎幫襯，不過今日叫完餐望下張特餐張餐牌見到加左價（靜悄悄地～）就係本來特餐包凍熱飲現在凍飲要加一蚊啊！話就話呢個特餐９餸麵都係２４蚊係超值！不過食左咁多年凍飲都唔加錢，現在加一蚊有ｄ唔開心啊（汗）＊我是去屯門新墟店＊