影片
招牌菜
平时间唔中都有帮衬，今日星期日中午想买个车仔面食，叫𩠌叫错左就比个阿姐闹，想要加个汁又比佢话，唔明白做顾客咁少事都要受气，一向好少上黎打食评都忍唔住要打返个比劣评，讲真呢头冇其他车仔面档冇选择，如果唔系都唔会帮衬，环境又唔系好，而家更加唔来再帮衬！
继续阅读
先讲环境，舖里面有少少位坐，唔太舒服，但食得车仔面，都系快食㗎啦，所以问题不大。卫生方面都ok嘅，你可以睇住佢执𩠌。味道方面，讲真普普通通，猪红就散嘅，牛腩够味，但好（鞋），最大问题系，价钱唔平，样样都5蚊起标，但份量极少，如果价钱同质素嘅比例，算系贵。
继续阅读
真系不吃也可呀XD 唔系唔好味，系唔太抵食，原本想食蟹柳的，但竟然$5得一条好贵，得食指咁大，事头婆夹起一条蟹柳时，都有再三confirm我系咪真系要，讲到明$5得一条仔，都算你老实啦!!XD 因为我都几咁中意车仔面嘅，食过好多间车仔面，就系未食过$5一条蟹柳咁贵，唔食蟹柳，唯有拣肠仔，都系$5一条㗎，不过叫大条过一条蟹柳感觉抵啲啲正常啲啰，反而鸡翼$7有2只，其实两碗味道都OK的，个生菜鱼肉汤就唔太够味。
继续阅读
今日去左屯门揾朋友食饭，赶时间又唔想食太贵，朋友带咗我去食呢间车仔面🍜两𩠌加面底都只不过系＄22咋！我记得下午茶有啲套餐仲抵呀🤤🤤🤤我就叫咗鸡翼、脆皮肠，再加秘制咖喱汁～先讲油面，油面而家好难系街揾到好食，成日都会有太大阵碱水味，不过呢个冇㖞！煮得啱啱好，唔会太淋又唔会太硬，都唔错～鸡翼就不过不失啦，如果可以整得再入味啲就好啦脆皮肠就冇咩特别啦至于秘制咖喱汁我就觉得佢唔够浓味，又唔够辣其实整体来讲就唔算好好味，但系胜在够平！
继续阅读
晏昼落去同女朋友一齐，其实都当系晚餐，虽然佢嘈住要食吉野家打边炉，但因为太热气最后都系比我迫左食车仔面，其实住附近差唔多一年，每一两个月都会落嚟食一次，今次觉得佢又比之前进步左牛腩汁汤底10分吸引，啲萝卜甜到你唔信，猪大肠同以前一样都系咁好食，卤水蛋就不过不失，豆腐卜同埋猪红格住啲汤一齐食，真系估唔到车仔面都有咁嘅享受我一贯嘅作风就系唔食油面，因为感觉冇咁肥，米粉就可以同啲汤一齐食，最紧要系低卡路里，健康啲嘛！仲要一人送一杯菊花蜜，正！
继续阅读