影片
不吃不可呢间车仔面真系由细食到大，由以前露天位去到而家搬咗舖，卫生有改变，位置都坐得舒服啲。鸡翼牛腩河，配沙嗲汁同牛腩汁。河粉同牛腩嘅份量都唔算少，牛腩都有约六七小旧，亦都带有少量牛筋，鸡翼食落都入味。另外，牛腩汁同咖喱汁都偏浓，适合重口味嘅人士。餐厅依家有全日特餐、早餐、午餐、配热饮提供。新墟一带食车仔面真系食佢。
继续阅读
好食系好食的，萝卜好食，鱼蛋麻麻唔系陈皮鱼蛋，猪红唔洗叫，个咖哩汁系好食的！不过老板我叫外卖净𩠌返屋企加𩠌，最想就系食猪肠，俾哂钱你无俾猪肠我呀，老板，点搅呀！谂谂下红肠都无俾添㖞，点搅呀老板😩😩😩咁样点做生意呀，俾左50蚊5个𩠌得猪红，萝卜，鱼蛋各几粒！俾漏哂，愈谂愈嬲㖞⋯⋯钱事少呀，揸到返去无得食果下事大嘛
继续阅读
收工去屯门练箭前约老友食晚餐，老友话唔系好肚饿话求其食d，行下新墟附近都有好多小店，见到呢间不吃不可食车仔面就一于试下。小店铺面都唔算好细，大约有7张枱，其中有d大枱，位与位之前间都唔会好迫，算ok好坐。望下餐厅有个特餐最抵食，有9款指定𩠌再送饮品，如果唔岩食自选𩠌就无饮品送，饮品会另计，咁就略为贵点。特餐我拣左个特餐，9款𩠌包括咖哩鱼蛋，豆卜，猪红，猪皮，萝卜，时菜，鸡翼尖，鱼皮饺，鱼片头，面选择左油面，汤底就选择左咖哩汁。咖哩鱼蛋有2粒，质地普通唔算好弹牙，但未去到松晒，咖哩都入到味，普通。豆卜2件，切开左中间所以好吸汁，好正。猪红3件，无腥味，唔会一夹就散，几好。猪皮3块，腍得黎有d咬口，唔错。萝卜2件，煮得都够腍仲几甜，无渣，good。时菜系生菜，都有好几条，正正常常。鸡翼尖2只，少少卤水味煮得都少少腍，ok。鱼皮饺同鱼片头就各1，鱼片头就细件d，味道正常。油面底份量都足，煮得唔会好腍几爽口，咖哩汁初头睇好似好少，但捞埋之后都好够味，都ok够辣。老友就拣自选3𩠌，再叫埋野饮就贵过我个特餐，所以都系特餐抵食。整体黎讲质素都唔错，环境都几干净几企理，价钱黎讲除左叫特餐抵d，自选𩠌加饮品就会贵d，下次行过附近想食车仔面都会再食。
继续阅读
【屯门区】【不吃不可】有朋友揾我食饭，照顾我嘅感受嘅话就当然问吓我食乜或者唔食乜。佢问我食唔食车仔面，我反问佢：「你有几何喺 foodie page 度见到我写车仔面？」咁傲慢嘅回覆，EQ 稍低都顶唔住，好彩呢位朋友一向够做，就去啦。由第一城站搭港铁屯马线列车走到入屯门都要一个钟多少少，好彩伴随我嘅系港铁近畿川崎列车（按：即 SP1900）。假假哋都系世界上设计车速第二高嘅通勤列车，坐起上嚟心情都好啲，而且又有去日本旅行 feel 㖞。嗱，我头先个括号加个「按」字用得好过港铁新动力啦下话，大家提升返个质素先。咁就入去呢间朋友讲到唔错嘅车仔面店度食，我就真系对车仔面冇乜好感，「车仔」寻晚仲要累我输咗廿蚊，不过朋友话咖喱汁正，好啦。唔想谂𩠌，佢有个「特餐」系「九𩠌杂锦面」，有鱼蛋、生菜、猪红、鱼片头、鱼皮饺、鸡翼尖、猪皮、豆卜同埋萝卜，是但啦，就呢个啦，配「油面」，最紧要系个「秘制咖喱汁」，食落又真系几好食，辣辣哋几过瘾㖞。我嫌啲𩠌麻麻哋，加 $11要埋「猪肠」，又真系卤得几正，呢度嘅卤水汁同咖喱汁都唔错。跟餐加 $3 要杯「冻柠茶」走甜，夹埋 $62，好食就得啦。呢个餐每样嘢都唔多，不过胜在乜都有得试，油面都几好食，成件事系唔差。而朋友𠮶碗就系一个「河粉」配豆卜、猪肠同埋韮菜，咁当然佢都系配「秘制咖喱汁」，不过佢𠮶个系散叫，$41 嘅价钱，佢就话好食喇。咁我食埋同一个咖喱汁，都有食豆卜，系唔错。总括而言系几好嘅，可以一战。。。（地址：屯门德政围23号松苑地下）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #globaleats #1ambackup #1am0638 #followforfollowback #love #eat #1am屯门区 #屯门 #德政围 #不吃不可 #车仔面 #黄店 #特餐 #九𩠌杂锦面 #咖喱汁 #猪肠 #卤水 #油面 #河粉
继续阅读
本来放工去食，店舖营业时间收8:30，但8:00话要关门，早知我系荃湾食，老板尊重客人＆尊重自己。真系从未试过咁，其他店舖真系做到营业时间，先唔比人购买进食，或者可以写定8:00要last order!!!
继续阅读
您可能会有兴趣的...