上陽樓

营业中

休息中

上陽樓取名自皇帝御膳房 以提供酒店級的精緻菜式及服務為目標。菜式亦由曾於酒店任職的大廚煮理。裝潢擁有藝術感的中式皇室設計，奢華高雅致。其中以清明上河圖作創作概念描繪大圍文犏的「大圍之柱」好特別！所以今晚搵左爸爸媽媽一齊試下呢間粵菜！🔖鮑汁干燒伊麵188超香濃惹味嘅伊麵，麵質頗為彈牙，唔會煮得太腍或太乾身，而且醬汁味道鮮甜濃郁，伊麵索晒汁後，更加美味。簡單嘅伊燒但味道好好🔖啫啫唐生菜煲148非常吸引嘅生菜煲，燒得熱辣辣即上，非常正。而且醬汁非常香濃，而且落有唔少蝦米，鮮味十足。生菜又非常爽口，食個菜都寧舍享受🔖荷香雲耳蒸雞220健康又美味嘅蒸雞，非滑嫩滑又清香，而且因為有雞、紅棗、雲耳等材料，令到蒸完嘅雞汁十分香甜，極之鮮甜惹味。而且份量亦多，送飯可以話係一流🔖桃膠燉燕窩168超正甜品，冇得輸。桃膠同燕窩份量好多，一整盅甜品嘅外圍全部都係桃膠，中間就放咗燕窩，以紅棗糖水為底。非常滋潤養顏，食完之後氣色真係紅潤咗，絕對係女士恩物🔖陳皮紅豆沙38好味嘅紅豆沙，陳皮味足，而且起沙，紅豆亦煮得腍而微爛，講落簡單但工夫十足，味道亦好我認為除咗上面啲菜品 仲有好多精緻菜式都值得試下 下次仲想嚟 而且

下午在圍方望著園景嘆一盅兩件是否好寫意呢~放假在上陽樓飲茶，想要靚景最好訂檯，樓底夠高，落地玻璃，陽光照入來好寫意。彩虹鮮蝦餃色彩的蝦餃皮另有金箔點綴很精緻名貴。蝦餃大大粒飽滿，皮薄餡靚，塞滿彈牙爽口蝦肉。鮑汁炆雞腳鮑汁好黏口，雞腳炆得相當入味，入口軟腍，簡直齒頰留香。山竹牛肉球嫩滑牛肉配芫茜、爽口馬蹄粒，口感豐富。雪山叉燒餐包外皮香脆帶甜，配叉燒餡幾香口。金蒜銀絲蒸聖子皇聖子彈牙可口，粉絲吸收海鮮的精華再配金蒜更為惹味。

見到OpenRice啲食評好多笑哈哈，唔係好多喊。同埋佢價錢知道本身唔平，都有啲期望，係一啲有質素嘅中菜。諗住會幾好食！點咗兩次單，兩次都落錯。不停落少咗。咁啱又好鬼餓。嗌咗八樣嘢，出菜又慢。咁唔緊要，可能啲菜品好精緻，可以等吓。叫左腸粉、流沙包、棉花雞、菠菜餃、凰爪、燒賣、陽尖椒。。OK啲嘢嚟咗之後，其實好普通酒樓啲點心。冇咩好特別好好食，仲要咁嘅價錢，所以我覺得係佢食個裝修囉。😌原本仲想叫甜品。不了

今日過嚟大圍圍方商場行吓，順便飲埋下午茶，見有間上陽樓，環境闊落開揚，很有空間感，燈光十足，坐得舒適，便進入開餐囉。彩虹蝦餃，個賣相好吸引，蝦餃皮皮薄，入口煙靭Q彈，餡料飽滿新鮮，美味😋。蟹籽燒賣，蟹籽卜卜脆，內有蝦、豬肉同菇，爽口彈牙！紅菜頭野菌餃，有營菜式，菇菌餡料充足飽滿，好捧！帶子腸，帶子爽彈，腸粉皮好滑口☺️。龍蝦伊麵，龍蝦🦞烹調得熟度剛好，肉厚新鮮，鮮甜彈牙，配搭上湯伊麵，伊麵份量剛好☺️。

上陽樓❣️大圍圍方3樓329號舖 (上陽樓)圍方想搵間好坐既嘅中餐廳上陽樓係唔錯嘅選擇同屋企人點咗一份兩人餐咁就唔使諗點揀餸涼拌椒香鮑魚鮑魚以涼拌的方式呈現，帶點椒麻味保持了其鮮嫩的質地和原汁原味。野生冷菌燉花雞湯清淡而滋補，螺頭同雞肉的香氣融入湯底中，鮮甜性平生啫斑頭腩煲斑頭腩的肉質肥美，味道入味用啫啫型式上 香氣十足魚湯鮮竹勝瓜浸魚腐魚湯鮮甜 魚腐都好有咬口勝瓜好新鮮，成個簡直係完美配搭脆皮妙齡乳鴿乳鴿外皮酥脆，肉質鮮嫩紅豆沙紅豆沙細膩滑潤，豆香濃郁，甜度適中

重要事要先講！！住附近嘅街坊留意喇！！早市同茶市75折呀！係75折呀！！平日11:45am前埋單就得喇，其實唔算好早👍🏻茶市係2pm至4pm。其實我冇留意，同一個星期飲咗兩次都miss咗，宜家知道就下次會提早少少喇😅合拼兩次寫啦，午市點心水準穩定，彩虹鮮蝦餃、蟹籽乾蒸燒賣、紫米脆網鮮蝦腸粉顏色搶眼，鮮蝦彈牙。鮑魚竹笙灌湯餃有原粒鮑魚，十分足料。杞子桂花糕清甜。上湯雲吞大大粒，湯又清，清淡健康之選！混醬布拉腸粉好滑溜。沙律脆皮奶係賣飛佛，最正係炸嘢都冇乜油。鮑汁脆米雜糧炒飯香口乾身，簡單美味！貼張單據俾大家參考吓價格，因為11:45am後先埋單，所以冇折呀😅下次會早啲。上陽樓嘅環境係圍方商場幾間中菜館裡面最優秀嘅。其實圍方商場落成冇耐，基本上間間環境都唔錯，而上陽樓嘅名取自皇帝嘅御膳房，裝修方面的確比其它幾間再華麗一啲。

放假約好友聚舊嘆高質點心，大圍站《上陽樓》，環境優雅又靚，座椅舒服。我們點左彩虹蝦餃：彩虹三色餃皮塗上金萡凸顯高貴又靚，蝦肉爽口，好好味👍蟹籽燒賣：好大粒脹卜卜，蝦肉爽口鮮甜美味。鮮蝦菠菜餃：菜餃勁大隻，有蝦仁、菠菜、碎肉，味道不錯。蜜汁叉燒腸粉：頗多义燒味蜜甜，腸粉好滑軟糯。（午市特惠餐$88） 沙律脆皮奶+鮑汁瑤柱荷葉飯：脆皮奶：外皮卷住香濃的奶炸得脆，荷葉飯：材料豐富，飯粒有荷葉味清香。欖仁馬拉糕：糕質鬆軟，少少甜好好食。楊枝甘露：有芒果、柚子、淡奶，香甜清新。

今日老公放假，阿仔又要番學，所以去左大圍圍方既上陽樓飲早茶2人世界下🥰🥰佢既野食都幾好食！平日朝早11點45分前埋單，仲有75折優惠，勁抵！首先係彩虹蝦餃，佢外皮晶瑩剔透，顏色仲好靚，蝦肉鮮甜彈牙，好有層次感；鮑魚竹笙灌湯餃湯底鮮味濃郁，灌湯餃皮薄料靚，味道不錯🤤🤤。🦐黑金叉燒餐包外皮微脆，內裡叉燒餡香濃又多汁；啤梨鹹水角外型已經贏晒，而且佢炸得香脆岩岩好！香茅蝦春卷外皮酥脆，蝦肉鮮味十足，非常開胃；紫米脆網蝦腸係比較創新嘅組合，紫米口感軟糯，配埋酥脆餡料，配合得好好。🍤🍚 沙律脆皮奶食落外脆內滑，奶香濃郁，甜而不膩！上陽樓出品真係不錯！佢食材新鮮，味道好食又有創新，下次一於去咗試下個晚市！

最近食左間好滿意既中菜～【上陽樓】位於大圍圍方，裝修好華麗有氣派💫帶屋企人黎絕對唔會失禮🤣❤️好喜歡整體既氛圍，燈光柔和舒適，可以慢慢嘆茶🫖☕️我地兩個人叫左3款菜式，好夠飽👍🏻❥ 上陽樓炒飯 $188睇個名覺得係呢度既招牌炒飯，所以點左黎試試😚好大碟既炒飯🥘有叉燒、蝦仁、炒蛋、蔥粒，好足料👍🏻炒飯好夠穫氣，炒得香噴噴又夠乾爽，食落粒粒分明！❥ 梅菜扣肉煲 $188真係好惹味🤤扣肉煮得好入味，肉質肥瘦適中～每啖都好香滑，咸香味十足😋撈飯食超正，忍唔住叫多碗白飯一齊食🙈❥ 鳳梨咕嚕肉 $148用左新鮮鳳梨🍍咬落香甜多汁，好清新解膩💦咕嚕肉外脆內鬆軟，味道酸酸甜甜，好醒胃！送飯食好正🤤

放假跟家人到圍方商場「上陽樓」飲茶這裡用餐環境很好，枱與枱之間都有距離唔會好迫，坐得舒適，早茶/下午茶更有75折優惠✨青芥末螺花 這道涼菜作為頭盤，青芥末醬不會太嗆鼻，螺肉爽脆無沙，搭配青瓜清新爽口✨ 彩虹鮮蝦餃 外層彩色蝦餃皮薄色彩又繽紛，再加上金箔點綴，賣相已經相當吸引，內裡的蝦肉鮮甜爽彈✨蟹籽乾蒸燒賣 燒賣的外皮柔軟吸引，裡面的肉餡鮮嫩爽口，加埋蟹籽綴著，吃起來更增添口感✨鮑汁瑤柱八寶荷葉飯 充滿荷葉清香，每粒飯都滲有鮑汁嘅鮮味，整體味道唔錯，略嫌飯稍微濕咗少少✨沙律脆皮奶 外皮炸得酥脆，內餡鮮奶夠滑嫩，用沙律醬汁搭配可減低膩感，好味✨ 紅燒妙齡鴿外皮炸得酥脆、肉質嫩滑多汁，不用再沾華鹽已經好好味，非常推薦食物質素整體都很好，特別推薦紅燒妙齡鴿

4月13日全家人四大兩小 去上陽樓食午餐，服務不錯食物也不錯 環境都ok 叫了點心即叫即蒸 又叫了一個鴻圖窩麵 都幾好食 六個人收四個茶位小童就冇收到 整體服務都算唔錯環境都ok會再去幫襯。

今日來開大圍，行過圍方試吓搵食，見到呢間#上陽樓，入面地方唔算好大，但都有 9成滿，於是問門口接待Lily 小姐有冇位，第一句就話有位，正準備帶我哋入去，後面有位先生同佢講：「攞左飛等緊，唔係俾佢咩？」接待小姐先醒起係喎，就叫我哋等等，佢帶咗果位先生入去，出返來佢竟然已經係無左我哋係度等緊位件事，繼續佢有佢自己做其他嘢🤦🏻‍♂️ 咁唯有再問佢有冇位，係咪要攞飛，佢先知道自己忘記咗，跟手就俾返頭先帶左入去果位先生張飛我重用，都幾環保🤣等左幾分鐘就真係有位喇，入座坐低睇吓點心紙，嘩😳原來都幾貴，小點都要$48，而入面隨便一個普通點心都係大點 $58，其他外面酒樓是大點，佢呢度就會係「「優，美，良，特」厲害👍🏼隨便點了幾個點心同埋一碟炒河，既然收得咁既價錢，當然希望食物都有相同水準☺️果然食物品質幾好，味道好，份量就大同小異，用料新鮮，可以話係物有所值，貴得有道理！只係服務方面就一般般，未算係細心同周到！整體來講都有 80分！

大圍｜實試上陽樓Dinner Set 家常粵菜｜必試涼拌椒香鮑魚＆脆皮乳鴿同屋企人食飯最緊要坐得舒服！ 圍方三樓呢間粵菜館晚晚見證緊家庭聚會，卡位闊落之餘仲有包廂房，傾偈唔使就住聲量👨‍👩‍👧‍👦 ---🍴 二人Dinner Set: 1️⃣ 涼拌椒香鮑魚鮑魚切片約3mm厚度，咬落爽身無雪味，藤椒油只薄薄掛面，辣度都係微辣。墊底萵筍切粗條，吸汁之餘保留脆度，夠曬開胃！2️⃣ 原盅燉菌菇雞湯 揭蓋見湯面零油花，飲落有輕微黨參甘味。湯料有雞髀、猴頭菇、螺頭，雞肉未算嫩滑但唔「嚡口」，菌菇份量超多！3️⃣ 脆皮乳鴿 上枱熱辣辣。外皮金黃脆薄，撕開鴿腿見肉汁滲出，肉質比燒鵝嫩但唔會血淋淋，建議原味食半隻再蘸少許淮鹽。 4️⃣ 豉汁蒸爽鱔鱔段切得算闊，豉汁鋪面但唔會死鹹，魚皮膠質黏唇，肉質彈牙無泥味，送白飯剛剛好。 5️⃣ 魚湯腐竹筍瓜浸魚腐奶白色魚湯飲落無味精口渴感，腐竹煮到半融狀態，魚腐似加大版山竹牛肉，咬開有淡淡魚鮮味。6️⃣ 飯後甜品陳皮紅豆沙煲到起沙，陳皮香氣好足，甜度比一般糖水鋪低啲，暖笠笠夠窩心☕ ---🏠上陽樓📍車公廟路18號圍方3樓329號舖(🚶‍♂️大圍站天橋直行5分鐘）

位於大圍圍方內的「上陽樓」取名自皇帝御膳房，致力為食客提供酒店級精緻粵菜及服務，菜式由曾於酒店任職的大廚主理；店內裝潢融合現代藝術感及中式皇室設計，雅致奢華，更以清明上河圖作創作靈感及概念描繪大圍民犏的「大圍之柱」，是一不可錯過的打卡點-🔹香茅醬野菌炒牛仔肉 $148加入西芹、野菌及黃椒等，為一道平衡蔬食肉食的菜式；牛仔肉軟嫩腍滑，吃到鮮肉的味道，以獨特的香茅醬炒成，惹味不膩-🔹蜜脆銀鱈魚 $188將銀鱈魚切成方狀，裹上薄薄的粉漿炸成，再淋上醬汁及灑上芝麻，金黃的外表非常可人；粉漿酥脆香口，魚肉軟滑細緻，吃到濃香的銀鱈魚味道，油脂豐腴，加上輕甜的醬汁，配搭得宜-🔹湛江鴨仔菜煲 $128用上超過 5 款蔬菜，誠意十足；蔬菜皆鮮嫩爽甜，以鮮甜不膩的上湯煮成，健康又滋味

前幾日同老公講,好耐冇飲茶🫖佢二話不說就帶咗我去依間好創新嘅中菜館🍴環境好舒服,中西合璧嘅設計近窗邊位置仲好開揚添👍🏻📍@shangangrestaurant茶位$20/位前菜上陽黄椒醬$28/份🍱蟹籽燒賣(4件)👉🏻蟹籽好大粒 👉🏻裏面蝦肉好爽口🍱彩虹蝦餃(4件)👉🏻彩色餃皮帶有金泊點綴👉🏻蝦肉大大粒,而且好爽脆🍱紫米脆網蝦腸👉🏻用紫米嘅米漿做嘅腸粉同蝦嘅鮮香結合,口感酥脆👉🏻層次豐富🍱香煎小米糕👉🏻 外皮香脆,內里柔軟👉🏻小米糕的味道清淡,帶有淡淡的米香🍱七味脆豆腐👉🏻外脆內軟👉🏻一口一個👉🏻食唔停口🍱沙律脆皮奶👉🏻香脆嘅外皮👉🏻內餡係奶香濃郁細滑嘅奶醬🍱黑金叉燒餐包(3件)👉🏻黑色嘅一層脆外皮,內裏係金黃色鬆軟嘅餐包👉🏻內餡係流汁嘅叉燒肉上陽樓 (大圍)大圍車公廟路18號圍方3樓329號舖