上湖 (已結業)

第一次食真係好好味，貴左啲但好食既。話說我有個friend 就強烈建議我要食佢個炸魚皮真係得！係好食既！點知第二次去出事啦，果日少左人，又冇爆場都覺係唔係伏架啦，點知坐低嗌埋個魚皮真係咬到我差啲牙都崩埋（我未淥架！）到我淥下佢再食真係淥左好快4-5秒姐，仲衰真係咬唔到！吐都吐唔切，好想吞，但吞唔到。最尾食左2舊細冇食仲聞到好重有油益味添！！！到食響令又係得陣油益味，一啲都唔好食！果日廁所仲要冇水沖廁，好污糟呀 黎緊應該唔會再幫襯返P.S. 我星期三食既 （但第一次同樣星期三食架）

我地一班人去坐低冇幾耐就同我地講冇哂D牛頸脊,講緊夜晚8點幾,一間牛肉放題任食時餐廳竟然可以冇牛,咁放題黎做咩?同埋佢D Staff d 態度真係差勁,我地本身有另一個booking都即刻cancel 佢,免得受氣之餘又冇啖好食仲要收300蚊一位.

食物同出面打邊爈佰零蚊還差二個人同六個人都係用一個褒擠得丸就擠唔到餃子或其他食物醬料又不見得出色好味特別真的唔知点解食佢服務態度超級差多一隻腕都不可能準時即叫伱走今時今日唔需要去呢道食👎👎👎👎👎👎👎

今日同舊同事嚟打邊爐諗住飯聚一下☺️ 每台都會送返一份刺身同海鮮拼盤。我哋揀咗要鴛鴦湯底：麻辣，藥膳。湯底其實都算唔錯，牛頸脊同美國肥牛都值得一讚既，係幾好味。魚滑都相當唔錯。.但店員就因為我地嗌得太多牛而開始態度惡劣🤷🏻‍♀️ 我地第一輪點牛頸脊係寫佐四份，我地見到黎佐一大碟，以為下次要返一樣都係寫返四份就無錯。但店員過到黎就質問我地係咪真係要四大碟，再話我哋食唔晒要額外收費🤷🏻‍♀️ 然後周不時用藐視嘅目光過嚟睇我哋食唔食得晒🤷🏻‍♀️ .仲剩返30分鐘時間嘅時候，店員竟然行埋黎同我地講：你哋唔好傾計啦，快啲食埋啲嘢！真係第一次幫襯一間野叫人哋唔好傾計🤷🏻‍♀️ 即係我兩個鐘任食就唔可以講嘢淨係食😂 我哋已經深感無奈，後尾夠鐘嘅時候，一言不發就收走我哋嘅餐具，仲收走埋個煲，最後仲講咗句：你地要傾計要出去傾㗎啦🤷🏻‍♀️ 逗留多1秒都唔俾嘅態度，有其他食客早過我地嚟都未比佢趕走，係咪我哋冇表達我地不滿就可以咁樣欺人太甚🤷🏻‍♀️.收咁貴嘅價錢去食任食嘅打邊爐但係要咁樣俾人趕走仲要唔俾人傾計嘅，就算幾好食都無用🤷🏻‍♀️

黎呢度打邊爐嘅原因係上網見到呢間火鍋係任食本地手切牛頸脊美國肥牛 牛脷等等一開始會奉送刺身同埋海鮮拼盤呢兩樣幾好食湯底普普通通 冇特別深刻嘅感覺牛脷有驚喜 大大塊又軟身有入口即溶嘅感覺😆但係牛頸脊則令人十分失望望落去油花分布得幾靚切到好大塊 但係食落去簡直係咬吾開加上厚身又靭 食嘅時候好吃力完全冇諗過佢會咁差🤢🤢🤢埋單平均每人$360咁嘅價錢我絕對唔會選擇佢係我最近食過最伏嘅打邊爐😢😢😢😢.

服務態度一般，環境嘈吵，坐位好迫。。食物吳記得有咩特別好食，只係記得成日俾人提我得120分鐘食，成3百幾一個人，吹到頭都暈倒都吳知食過咩落肚，吳覺得特別平，海鮮都叫新鮮既，其他都係一般火鍋配料，滾水錄腳咁食完就走。我自己吳鍾意食野趕頭趕命(除非無得簡) 本身book個時無留意係限時放題，所以都吳怪得人，但有限時都吳洗無時無刻呼喝式提住你，本身當日我地有人生日，原本係1015先夠鍾，佢9點40分已大大聲同你講要限時之內食埋個旦糕，相當掃興，整個晚餐除左每分鍾要睇住個鍾之外食左咩我都吳知，首次試食相當不愉快經驗，吳會再幫襯。

咁我就見到雜誌介紹呢間火鍋啦於是我就去試一試咁真係好鬼難食價錢其實又吾平埋單都要300尾佢所謂的火鍋放題真係好少野選擇真係得幾種而且d牛肉好硬d料真心普通冇咩特別囉個湯底係藥膳但一d都吾好食個煲又細真係好吾得只係得飲品叫做ok不過其實都係普通罐裝野飲咁佢仲有送魚生但真心打邊爐食魚生好奇怪打邊爐食左一round已經吾想再食而且環境方面係茶餐廳格局張枱又細又逼又嘈真係好吾得想傾計都覺得好辛苦真係要Blacklist真心中伏了真係吾好信雜誌d膳稿啊

本來打算吃放題，但最後因友人有點不適，不宜吃大量生的食物，就打消了這念頭，於是上網找找附近還有什麼吃，見到同街有家台式火鍋放題，立刻燃起大家的火鍋癮。店內寬敞，火鍋最重要是坐得舒適及枱面位置闊落，滿枱都能放置很多食物。湯底選擇有三種：麻辣鴨血鍋、養生人參鍋或酸菜白肉鍋，心大心細的我們鴛鴦鍋，那就可以嚐盡兩個味道。火鍋有多款配料選擇，按自己喜好及份量剔紙。入座會每枱送刺身及海鮮拼盤，有海蝦、鮑魚、扇貝、帶子及青口；而醬料及罐裝飲品都可無限添加。麻辣鍋有些藥膳材料，如八角、當歸、辣椒等，本身不算太麻辣，嗜辣的食客可要求加大辣度；人參養生鍋有人參、黨參、杞子，湯帶點苦澀回甘，較為清淡健康。本身鍋裡已經有鴨血和蜂巢豆腐，吃完可再追加。必點的配料：手切牛頸脊：油脂分佈平均，可以看出條條細紋。牛肉薄切，灼一灼已經變熟，牛味濃郁。滑雞片及花雕醉雞件：肉質結實，另外花雕醉雞件酒香味濃。台式火鍋料除了有滷物如豬大腸、金錢肚等之外，還有台灣夜市常吃到的台式蜜糖腸、黑椒腸！墨魚滑及鮮蝦滑：encore了很多次，彈牙爽口的墨魚、鮮蝦打碎成為肉質亦很結實，比普通魚丸更特別、好味。黑松露墨魚丸：咬一口彈牙的墨魚丸

經朋友推介，今日同幾個朋友一齊黎到呢間位於尖沙咀寶勒巷既餐廳!好在我地事先book了枱，如果唔係都冇得食呀!大概7點左右到餐廳，起初見唔係太多人，以為冇咩人食，點知坐左一陣已經全店坐滿!飲品同醬料可以自行取，而湯底佢有3款，包括養生鍋、麻辣鍋同酸菜白肉鍋。我地揀選左鴛鴦鍋，麻辣同酸菜白肉!冇諗過佢個湯底味道唔錯!麻辣湯夠麻夠辣，而且湯底亦有凍豆腐同埋鴨血，非常惹味!而酸菜白肉湯底味道都夠酸，湯入面有津白酸菜同白肉!先上左每人一份既海鮮刺身同海鮮拼盤，兩款拼盤都好新鮮!火鍋配料雖然不算有太多款式揀選，但份量同質量都非常好!尤其係佢地個牛頸脊，非常新鮮鬆軟，而且再返叫都是靚料，唔會俾左其他次等肉!羊肉不會太酥，亦不會係烚既時候一塊變兩塊!午餐肉非常厚切!雖然限時90分鐘，味道同質量都值得俾呢個價錢黎食，而且侍應熱情招待，會主動加湯!有機會一定再同其他朋友黎試!

有朋友美國來港旅遊住在尖沙咀酒店，約我放工過去聚一聚，她說有朋友介紹她來港後，就去尖沙咀上湖食火鍋，一個價錢任飲任食，食物質素好又多款式，湯底是養生鍋，又有刺身拼盤和海鮮拼盤送，叫我陪她試試，當然好啊！放工馬上到！任飲有多款選擇，我和朋友都喜歡店家自製的竹蔗茅根水，不會太甜，清熱解毒。刺身拼盤：三文魚、赤蝦鮮味，北寄貝、螺肉、八爪魚新鮮有口感！養生鍋底，我們選了鴛鴦鍋，人蔘養生鍋和酸菜白肉鍋，真材實料，人蔘鍋的人蔘味濃郁，忍不住先飲了2碗湯先，味道鮮甜。酸菜白肉鍋材料也不少，湯味道酸酸的，好醒胃。海鮮拼盤：有鮑魚、青口、帆立貝、海蝦和帶子。材料新鮮，味道鮮甜又彈牙。日本黑豚肉：薄切的黑豚肉，肉質鮮嫩，輕輕灼一灼就食得，味道鮮美。午餐肉、鮮枝竹、台式蜜糖腸鮮甜、蟹籽鮮蝦滑彈牙，加了蟹籽更添口感。潮汕鮮鵝腸比較肥、台式鹵大腸夠林、黃沙豬潤、鮮蝦雲吞、魚皮餃、新鮮滑雞件都新鮮好味。出前一丁、鴨血滑、炸響鈴即叫即炸，吸收湯汁一起食甚美味、台灣貢丸彈牙。

中秋節過咗，又係打邊爐嘅最好季節，其實我同M佬根本無分咩季節都係咁鍾意打邊爐。今日去到尖沙咀寶勒巷嘅上湖打邊爐，食物質素相當唔錯！特別係佢個人蔘養生鍋，雪白嘅濃湯，味道十分香濃，打邊爐前先飲啖香甜滋潤嘅湯底都相當唔錯。湯底仲預先加上鴨血同凍豆腐的，索晒湯嘅精華㗎！刺身拼盤好新鮮，有三文魚、北寄貝、蝦、八爪魚同海螺，作為前菜相當唔錯。響鈴、炸魚皮即叫即炸，新鮮熱辣！黃金三秒就啱啱好，又脆又索晒汁。極上本土牛頸脊牛味超香濃，肉質軟腍，紋理平均，輕輕一煮就就啱喇。美國特級牛脷厚切嘅牛脷，好有口感，牛味新鮮突出。日本黑豚肉肥瘦適中，肉質比平時嘅豚肉鮮嫩，豬肉香同咬口，十分唔錯。水魷魚、新鮮滑雞件水魷魚正常貨色，但新鮮雞件肉質厚實彈牙，必點推介。貝鮑墨魚滑、黑松露墨魚丸貝鮑墨魚滑同墨魚丸各有特色，粒粒都超…超…超彈牙呀！

今日即興約咗死黨打邊爐， 佢話工作充滿怨氣， 打工仔最啱就係一路打邊爐一路食一路呻一路飲。。我都係聽朋友講呢間好抵食， 食完仲可以喺寶勒巷附近飲嘢。餐廳裝修光猛潔淨， 牆壁有好多店舖主打美食圖片， 煱底都以台式為主。各種飲品 包括各式汽水，涼茶應有盡有。 仲有自家製甘蔗汁。醬汁區都整齊乾淨。就係想試此店招牌"台式養生鍋"同"四川麻辣鍋"。 養生鍋內有許多材料包括各種唔同藥材，鮮人蔘，黨參片，川芎同白胡椒粒等， 有少少似 肉骨茶嘅味道但係以白底為主，湯頭濃郁又带葯材。 四川麻辣鍋麻味辣味平衡， 絕對係常人接受到嘅辣。 隨湯熱附送蜂巢豆腐同鴨血。 兩者都非常地道台式美食， 鴨血又滑又嫩。 蜂巢豆腐砌成長方柱體， 非常索湯。先來一盤刺身(按人頭計)， 質素普通， 當冷盤前菜都唔錯。還有一盤海鮮拼盤(按人頭計)。 帶子鮮甜彈牙， 蟶子肉質 ok冇沙， 估唔到最掂係隻bb鮑魚。 放咗湯我哋唔記得咗， 撈返上嚟都係好軟熟彈牙， 有驚喜!其他火鍋配料都係剔紙仔，任點。此店一大賣點係任吃牛頸脊。 我哋唔係食肉獸所以每款只係試少少。手切牛頸脊非常嫩滑， 濃厚嘅肉味， 帶少少嘅脂肪， 有咬口 ，食落肉質

一向都係食肉獸的臭小子今日帶了小女人去打邊爐！常說打邊爐先係真理。食到食物的鮮味，湯底的用心。放題邊爐基本上呢幾年已經唔會再去，但男人話呢間唔錯，可以試下，於是小女人也就嫁雞隨雞，跟住去食一下。湯底是人蔘養生鍋。大量的料啊。很喜歡雪白的濃湯，甜而不膩。附有鴨血和手指豆腐的。豆腐手指會吸盡湯的天地精華，咬每一口都是香甜滋潤的味道。附送了魚生拼盤，但因是次主要來吃熟的，只淺嚐了一兩片。海鮮拼盤中的帶子最得我歡心，男人就喜歡鮑魚，小巧得來鮮甜。羊肉卷挺香的，男人怕穌平日不吃，今晚竟然也吃了半碟！醉雞件是我很喜愛的，件件都有濃郁的酒香，而且油香十足，我俩十分滿意。鵝腸真肥呢！雖然我不太吃內臟，但也聽男人的話試了兩條，肥膩是肥膩，但也是挺過癮的。滷水拼盤和滷水牛筋算是驚喜。入味好吃的滷水真討人喜愛。只要輕輕滾一滾就可以吃了。唯牛筋可以再炆棯一點。重點推介的是牛黃喉和酒糟肉。黄喉是氣管，不多地方有供應了。主要吃口感的，十分爽脆，吃再多也可以。酒糟肉是比滷水和醉雞更吸引了！香醇的酒糟完全的滲透五花腩片，天啊，太邪惡的引誘了！所以說，任食最緊要知道餐廳的強項，自然會有高質的食品喔。

放工去左尖沙咀既上湖同朋友慶祝生日，第一次去食，不知道味道如何？環境方面，外牆好多佈板可以一一了解餐廳的推介食品。人蔘養生鍋：見平時出去食好少依款甘特別既湯底，所以特意order。初初以為湯底因有人蔘，覺得一定好苦好甘，但結果令我驚喜！湯底味道鮮味既豬骨味，再加入多款中藥，令湯底變得吾油膩之餘，仲好香口添，見到有不同中藥，黨蔘成支上添，真的真材實料啊！刺身拼盤：食火鍋前，有因人數而定既刺身食，感覺不錯。當中三文魚鮮味無比，甜蝦鮮甜。另外，還有不硬既螺肉、八爪魚片、北寄貝添！海鮮拼盤：拼盤有四款種類既海鮮，記住把握黃金時間。鮑魚吾硬，鮮甜實肉，帆立貝也不錯！海老爽口彈牙，花甲沒帶沙粒。極上手切本地牛頸脊：上湖必點既top one，因為牛頸脊系牛活動最多既部份，所以焯後肉質口感比較實，牛味濃郁！即叫即炸魚皮：這個熟食是必讚，除了即叫即炸熱辣辣之外，還有脆卜卜，當中有足夠既咸味，一流！潮汕鮮鵝腸：可惜鵝腸帶點肥膏，食用時可以清走它。蟹籽鮮蝦滑：蝦滑好彈牙，有豐富既膠質，味道帶鮮味。水魷魚：超大條既魷魚鬚，超級中意食。焯後既魷魚鬚吾會縮到好細條，口感爽口！日本烏冬：原個烏冬上，增加飽肚感覺。最

年紀大左之後就好少食放題/任食呢類咁有挑戰性既餐廳，通常都係朋友介紹先會去試，今次呢間正正係同事介紹所以黎試一試！＄298/位既任食火鍋最吸引既地方係送刺身拼盤及海鮮拼盤，另外仲有一碟本地手切牛頸脊。《刺身拼盤》有甜蝦、三文魚、螺片同北寄貝，幾新鮮《海鮮拼盤》有鮑魚、青口、扇貝、帶子、同蝦，最吸引既當然係鮑魚，入口爽口彈牙，帶子都夠甜美。《麻辣鍋＋人蔘養生鍋》湯底方面，都係走時下最吸引既台式路線，所以我地就點左麻辣鍋同人蔘鍋。麻辣鍋其實並唔係太辣，只係帶微辣味道比大家過過口癮；人蔘鍋入面除左有人蔘之外，仲有鴨血！即刻心心眼！《本地手切牛頸脊》打邊爐點可以無牛！一碟靚牛真係好重要～呢間任食既火鍋店雖然無牛頸脊任食，但送既呢碟手切牛已經足夠2人分享！牛頸脊有牛味而唔軔，比起一般任食火鍋既肥牛質素好好多。另外其他香口食物都令人滿意，魚皮，響鈴，油炸鬼夠香脆，輕輕放到鍋中滾一滾依然保持到口感。丸類方面，咸旦豬肉丸、芝士墨丸、黑松露墨丸都幾有特色，唔係一般火鍋店可以食到～