影片
招牌菜
和其他老店一样，总有许多老街坊支持，突然收到消息8/8光荣结业，无不悕憈。于是在最后一个营业日前来怀旧一下。口味各有不同，我最喜爱的还是它的葱油煎饼🥞和韮菜饼。和唯一面家的葱油饼相似，上海面家的葱油饼是一块薄薄的、充满香葱的脆煎饼。能在最后一天吃到新鲜煎出的葱油饼，真觉得非常欣慰！家人最喜爱的是它的酸辣汤，买了两碗回家做晚餐，一家人都吃得开开心心。临别时还跟老板和资深姨姨打招呼和拍照留念，祝 愿他们亦身体健康！
继续阅读
呢度基本上系我饭堂，佢嘅小笼包、牛肉饼、粢饭、饺子面、担担面、豆浆都试过，选择多价钱相宜味道亦好好。泡菜蛋炒饭 ($46)上碟见到炒饭粒粒分明，加埋红红地嘅泡菜酱，感觉好开胃，好多时口淡淡冇乜胃口就会叫黎食。泡菜够劲，炒饭粒粒分明，加埋蛋液同肉碎，十分1惹味。而且一碟好大份，足够两个人食。香菇素菜水饺 🥟 ($34)屋企有人食素，而佢呢度嘅素饺每日新鲜制造，十分好吃。入面嘅香菇同埋各种蔬菜都好新鲜爽脆，咬落索索声，调味亦香口。好多时见店面姐姐都喺度包紧饺子。但系因为供应有限，有时下午就卖晒。好多时我都会打定电话问仲有冇货然后来取。堂食嘅话会配面吃；外卖拎走返屋企，就会原盒放喺雪柜，随时想食就拎出黎煎或煮。推介俾附近食素嘅街坊😋
继续阅读
好耐无去元朗，今晚约咗人交收，顺便食晚餐。本身我都钟意食上海嘢，有一次无意中经过呢间旧式上海面店，有好几款面和包点都想试，之前食过担担面，云吞面，今次食酸辣面，里面啲料同出面有啲唔同，有猪肚，好爽口，汤底酸酸辣辣好好味，唔系好辣，啱我，不过喜欢辣嘅可能会觉得唔够辣。仲有其他嘢想试，期待下次再嚟。
继续阅读
同老公经过呢间上海面家，俾佢门口嘅生煎包吸引住，就入咗嚟试吓。我哋叫咗两个下午茶餐加一个洋葱牛肉饼。先嚟到嘅系吉列猪扒面，块猪扒干干哋，应该系炸咗一段时间；而面嘅汤底就较清⋯我觉得一般。雪菜肉丝面，味道都系偏淡。最后系洋葱牛肉饼，嚟嘅时候只系微暖，冇肉汁唔juicy，似系翻叮⋯而且个洋葱味抢晒啲牛肉味，一般。总括嚟讲，我觉得佢哋嘅出品唔够热同新鲜，而且味道亦偏淡⋯唔系好啱我哋呢啲食惯浓味嘅朋友。
继续阅读
今朝男友收工之后返元朗同我一齐食早餐，佢话想食粢饭所以我地就揾左呢间怀旧上海店试下🤦两个人叫左个粢饭，炸银丝卷同埋一个洋葱牛肉馅饼～洋葱牛肉馅饼几浓味同埋几重胡椒味，牛肉唔韧，但无乜汁，店员系烘热过先俾我地，不过都唔太脆，非常一般炸银丝卷唔算好油，里面面包偏松软，水准正常，但唔中意佢既炼奶无分开上☹️粢饭系一早包起keep住蒸紧，剪开已经见到唔太吸引。。。啲饭好厚无乜料，油炸鬼又淋晒，几难食🤦🤦期间见到店员包饺子都无带手套，包包下又去左做其他野，感觉好唔卫生呢间餐厅唔会有下次。。。
继续阅读