上海知味小館 (已結業)

魚香茄子菜飯 - 魚香茄子有料 好入味 茄子煮到夠軟 但有啲皮係硬硬地排骨好食 啖啖肉烤到適中唔會太乾唔好嚇親，依個係擔擔面黎 雖然個樣都真係有點兒那個.. 不過個味都還可以既..豆漿唔重豆味 但係用啤酒杯咁大杯裝都幾爽

6點左右堂食排骨粗炒好食，唔油膩擔擔麵好食，份量足，住家feel 酸辣湯雲吞，好味，雲吞好大隻服務好我又堂食又外賣又自備盒又要多隻熱飲杯連蓋咁，都好友善麻煩哂會多多支持滿足快閃晚餐

見佢新開張冇耐，又心思思想食上海嘢，就去買個外賣試一試。星期日十二點左右去到，入到佢見到都坐滿。可以講話冇咩花錢裝修嘅一間小店，唔緊要啦，最緊要啲嘢好食啫，加上我外賣就更加唔理佢入面係點啦。店員好有禮貌，雖然忙都即刻同我落單先👍我叫左擔擔麵、豬扒菜飯、肉燥面同小籠包。可能係小店關係，等左二十分鐘左右先有得攞。價錢差不多二佰蚊。味道一般，可以講話有少少失望，而家外賣好少唔分湯上，返到屋企啲面都軟哂啦。另外叫左兩杯珍珠奶茶，老婆同個仔飲左一淡就唔飲，我忍唔住都試一試，估唔到係港式奶茶加珍珠，唔怪之得飲一淡就頂唔順。

因為開響屋企樓下，行出行入見到窗口放左份蘋果，電視播viutv，咁點都要幫襯一次試下先。今日星期六，唔舒服訓到兩點幾至起身，攪得黎都下午茶時間。下午茶餐牌無upload，價錢3x-40包台式飲品，份量夠飽，唔會好似平時的下午茶食完好似無食過野咁，好抵食，重點係黃同埋堅係好食喎。上海菜飯依家已好少見有得食，呢度竟然有，一定要試下啦。下午茶炸豬扒菜飯$40，有一片炸豬扒同一大碗菜飯，個豬扒係生炸，即叫即炸好好味，個菜飯都好濕潤唔會乾，如果個飯再減少啲啲鹽會更好，其實食落唔覺過咸架，只係食食下會覺口渴，飲下野就ok，食完返去都無覺得口渴既。今日唔舒服就唔記得影相，唯一係冷氣既風有點太強勁，老闆係後生仔，話係上手淨落，原本果個無反應，買左萬能remote但都係無反應，暫時上手有的瀉風板頂住先但唔夠set 晒落全部冷氣度。