影片
以上资料只供参考，请与餐厅确认详情
-
网上订座服务暂停
性价比极高嘅上海菜二人餐！星期一至日都有。🔸2人全日套餐$280自选冷盘1款，点心1款，小菜1款，主菜1款及甜品2件🔹花雕醉鸡鸡肉瘦但唔嚡，吸收晒清爽开胃嘅话梅花雕汁。🔹上海小笼包（4只）包薄到透光，汤汁多到夸张。🔹葱爆牛肉大大片嘅牛肉口感鲜嫩。京葱经过爆炒，香味逼晒出嚟。🔹花胶云吞鸡鸡汤浓郁鲜味，云腿味道好突出！例牌份量大概系¼只鸡，鸡髀好大只，两个人都够食。云吞粒粒大只饱满。🔹流心红糖糍粑糍粑烟烟韧韧，红糖馅唔会过甜。
继续阅读
小妹同猪去完庙街逛街后，就去咗呢间「上海点匠沪点小厨」食饭😋虽然唔洗等位，但入到去已经坐满不少客人🙂呢间餐厅以灰白色作主调，装潢采用简单设计，干净企理～主要菜式包括上海点心、冷盘、面食、小炒及水煮系列，选择不少，价钱又唔贵，难怪咁多捧场客😆荞麦茶🫖茶介$3/1位，每张枱均有壶荞麦茶，啖啖荞麦味道👅感觉好解腻及健康之选👍🏻上海小笼包🍞呢款小笼包以蒸笼呈现，一共四个，每个皮薄多汁，重点系虽然每个都皮薄，但夹时系不易穿水😎镇江肴肉🐖呢款镇江肴肉共四嚿，每嚿透光度十足，皮色晶莹，卤冻透明，加上肥瘦平衡，搭配姜丝和镇江香醋提味，酸香解腻，口感更佳🤭酸菜炉鱼片🐟（不辣）非常大碗😧酸菜够酸爽，汤头味道好平衡，酸度同咸味恰到好处，酸菜鱼份量适中😌鱼肉非常鲜嫩鲜甜，食落冇腥味且冇骨～粗粉咬口烟韧，配埋配料芽菜，豆卜，粗粉等，每样食物吸收🧽哂汤既精华，超级惹味😝葱爆牛肉🐂呢款小菜，葱香十足，牛肉份量不少，味浓香口，加上用咗爽脆既京葱及香菇🍄🟫 成功吊出牛肉既香味，瞬间释放出葱香与牛肉香既双重诱惑🤤牛肉爽口滑嫩，且多汁，忍不住一口接一口，送傻一流，惹味不已😚整体来讲餐厅坐位阔落，坐得舒适，而且上菜速度好快，以上系套餐$280，包冷盘，小食，小菜及主菜，小仲额外加多$10白饭，令整餐饭更满足😌
继续阅读
适逢清假嘅关系，又系时候出动揾好嘢食啦😁 呢间上海菜位于上海街，好近佐敦地铁站，嘢食嘅性价比真系超高！上海小笼包 $42 - 4只价钱超平，仲要个质素系好高👍 皮薄馅靓！仲要够晒热❤️红油抄手 $48 - 6粒超大粒，个馅好足料，同埋我唔算好食到辣，但系我都食到，呢个真系好好味😍糖醋鱼块 $78 上碟超大份，鱼炸得好香口，食得出淡淡足料，酸酸甜甜超惹味瑶柱蛋白炒饭 $88 上碟劲香，一啲都唔会过咸，仲要铺满劲多瑶柱，配埋酸酸甜甜嘅糖醋鱼食，好开胃佢哋嘅价钱真系好抵，仲要唔加一！难怪咁多人帮衬😍😍😍
继续阅读
晚上同老友食上海小菜，位于佐敦上海街的上海点匠沪点小厨，见佢哋嘅2人全日供应套餐，多选择性，抵食又唔错，就一于叫佢黎食啰。枱面仲有荞麦茶任饮。麻辣鸡丝粉皮，麻辣和鸡丝粉皮的拌匀，香口开胃也不太辣，作为开胃菜十分之正。生煎汤包，招牌生煎包一定要品尝下，包底煎得金黄香脆，咬落好爆汁，肉馅多汁鲜甜。金银蛋浸时蔬，金银蛋绍菜，味道调味得宜，还有杂菌同蒜头，菜煮得够淋份量又多。花胶云吞鸡，云吞有4大粒，原只鸡髀皮滑肉嫩，汤内有花胶同绍菜，饮落够味带黏口感，红糖糍粑，炸得香口酥脆, 烟韧软糯, 非常香口。
继续阅读
叫咗上海粗炒鸡丝粉皮醉鸡同埋小笼包。上海粗炒劲难食，唔知点解有浸碱水味，屋企煮都好食过佢。其他食物普通，想好食就唔使黎。但客观就价钱唔系特别贵同大碟嘅。想喺香港揾到好食嘅，就要睇吓评价先好入去食非常普通非常普通非常普通
继续阅读