上海小南國 (MegaBox) (已結業)

Mega box 內餐廳挺多選擇，家人最後選中餐上海野，四人點了一個四人套餐。前菜是三色冷小盤，涼拌木耳、糖醋小排骨及蔥油海蜇頭。 陳醋酸甜開胃，作頭盤很吸引！湯是鮮魚羹，味道太淡，湯料仍較少，大多是豆腐，鮮魚不多，整晚最不濟的卻是它主菜3個包括清炒河蝦仁、酸甜松子魚、椒鹽小元蹄。 蝦仁清脆爽口，配上陳醋令它增添鮮味，正！ 松子魚考驗刀功，炸後魚肉花紋更明顯，可惜炸漿太厚身，令口感覺很太硬，失去魚肉既嫰滑。元蹄也肉質細嫩，有肉汁，不過火。小籠包，皮簿肉汁滿滿的，讚！最後甜品是酒釀丸子，很滿足，為星期日畫上句號。

Been to different outlets of Shanghai Min before but it was my first time to the MegaBox one. Read loads of horrible reviews on the food and service but my experience with them wasn’t so bad!We ordered the 4 ppl set A dinner to make things simple. The place was clearly understaffed but the servers were friendly enough. The appetizers were great! The jellyfish was marinated nicely. The shrimps were good too. The soup was a bit light for my liking and only found scraps of fish in it.The deep fried

The food ended up having pieces of broken porcelain in it. The waitress and the manager’s reaction was that it’s the utensil I’ve used but I have proven them it’s from the kitchen. They didn’t apologize sincerely, but just asked if we need a new order. (Obviously not!!!) Don’t ever go! It’s not worth risking your life!!

服務奇差，女侍應執碟執枱嘅時候，拋來拋去， 令到整個環境十分嘈吵，執執下又唔整乾淨對手又去上菜畀我哋，雙手係有污漬的，咁嘅價錢咁嘅服務態度，不試也不算損失，講完！

松子魚非常難食。很難咬得開。小籠包非常唔掂。包皮硬，凍的。食完你一定後悔，服務還可以。環境唔錯。衛生亦可以。可惜食物，非常差。食完覺得有啲後悔。誒死咗幾次。我唔明點解會有點讚。

平時去MegaBox有啲驚因為太多人啦！不過今日去搏一搏睇吓長假期之後有冇人，真係人比平時少左好多。行到攰小編就同家人去上海小南國食晚餐，今日餐廳都好小人大約坐左五成客左右。試咗幾款未食過嘅菜•外婆紅燒肉-呢個有驚喜個紅燒肉味道同埋啲菇好好味，不過有兩舊真係淨肥豬肉最後都冇食到。•生煎包-全晚最差菜式，Presentation幾好，不過凍嘅• 螞蟻上樹-小小辣，味道未去到話好吸引•蟹粉豆腐-我期望其實好高，不過只係一般般整體來講不過不失，不過價錢真係有啲偏高，如果要等位嘅話都唔會考慮佢。

一家人放假走去 Megabox 食晚飯，選擇左去小南國食上海菜...7點去到唔多人，見到碗碟唔乾淨，有隻碟仲有飯係度，有隻碗仲有汁係度...叫人過黎換左佢同收返2碟收費的前菜，但叫左幾個待應都係望一望你就走左去，成班圍埋一堆唔知做緊乜....到叫餸果陣語都唔係好，問佢 D 餸小小資料好似唔想答你咁，仲係度"唉"左一聲....算數，餸黎啦...小籠包 - 皮夠薄又夠肉汁，好好味生煎包 - 個底煎得好脆，又好多汁，都好好味海哲頭 - 好爽好有咬口，但個辣油好似無咩味咁黃魚鍋麵 - 個湯底好夠濃味，麵質硬度我幾鐘意，份量一鍋夠哂4個人食食完上面幾樣野，突然想加多樣餸 - 獅子頭等多15分鐘片皮鴨到了，一隻鴨都片得幾多件，鴨皮好脆...跟左2籠皮，一人都可以食到3-4件，皮夠薄唔會好飽...我覺得隻片皮鴨都值呢個價，唔錯...食完片皮鴨後等多15分鐘都未見獅子頭黎....搵左個待應問，但又係叫極都無人黎，又係望你一眼就走左去....好啦，終於搵左個待應問係唔係漏單，佢衰衰咁係 rockie talkie 講 "咩咩枱有人追獅子頭喎...."再過多幾分鐘唔見個待應覆有定無，有冇都覆下人丫....

一到食飯時間, 周圍都要等位搭枱, 好鬼激心, 好似食番飯都要左迫右迫, 周身吾舒服, 要揾個舒適嘅地方慢慢食餐飯, 我唸Mega Box嘅食店係其中一個好選擇！！男朋友同我都鍾意食上海菜, 我哋便揀左小南國食飯, 聽講嗰度個特色松子魚同金網鮮肉蝦仁窩貼都出名好食！！特色松子魚~外型似幾朵菊花拼合而成, 相當有特色, 炸得香脆可口, 但仍有鮮魚香味, 仲大大條魚, 相信好考廚師功力同刀功！！推介金網鮮肉蝦仁窩贴~外型真係成個金網咁, 一口咬落D肉汁洶湧而出, 多多鮮肉同蝦仁, 一個正字來形容！！雪菜肉絲炒年糕~淡而無味, 年糕吾夠煙靭, 失望！！

今日同阿媽嚟Mega box睇傢私，順便食埋晚飯先返去，媽媽鐘意食中菜多啲，上海菜就啱哂佢啦。行到7點到去食，未係好多人唔洗等，一去就有位。窗邊位有好多2-4人枱，人多可以坐中間既圓枱，地方都算濶落。先嚟個冷菜。金瓜絲海蜇皮$68-海蜇就食得多但加埋金瓜絲就較少見。份量適中，金瓜絲同海蜇都好爽口，調味亦啱啱好，啱哂我。招牌小籠包$48-食上海菜緊係唔少得小籠包。小南國既小籠包做到皮薄餡靚，湯汁多，連平時對小籠包麻麻既阿媽都食左2個。黑松露炒河蝦仁$188-另外仲有清炒同龍井。一上菜已經聞到好香黑松露味，師傅一啲都唔孤寒，松露比得好重手，而且蝦仁炒得啱啱好，好彈牙。蝦仁三絲春卷$48-香口野都係我同阿媽既至愛，春卷啱啱炸起熱辣辣，每條仲有大大隻蝦仁，加埋津白係入面，非常鮮味。南國蔥油開洋拌麵$48位-呢個拌麵不得了，係我暫時食過既上海餐廳中最好食味道最正宗。拌麵色水靚，蔥夠多，加上爆香過仲有少少甜味，真係必食推介。而且一位份量都不少，2個人share啱啱好。椰汁黑糯米小丸子(凍)-最後食返個甜品，雖然好簡單，但就有齊唒想食既丸子同黑糯米，成餐飯有個完美既ending

一家三口點了三個小菜，分別是花雕醉雞，松子魚和炒飯。環境優雅，上菜很快。花雕醉雞酒味濃郁，但雞肉略嫌太凍，不易撕開。松子魚很鬆化，刀工不俗，但魚味對我而言很腥，醬汁也太甜，基本上是用醬料的濃味，去掩飾食材的不足。但我家人覺得松子魚OK。咸肉炒飯不過不失，切粒小棠菜配切粒咸肉，炒飯炒得粒粒分明，份量略嫌少，味道可接受。另外叫了小籠包，皮薄湯料足，但味道一般，沒有意猶未盡的感覺。整體而言無甚驚喜，不過坐得很舒服，坐位安排很闊落。

自從上年在台灣吃過美味小籠包後， 在香港很久未有嘗過， 今日經過megabox小南國忽然想食小籠包， 便入來嚐一嚐。因為星期六，所以要等了一會兒才有位。我們點了小籠包、糖醋排骨、椒鹽小黃魚、鍋貼 、生煎包、上海粗炒和上湯炒豆苗。 整體食物質素ok，小籠包和窩貼較出色。小籠包皮薄餡靚多汁糖醋排骨， 份量比較少，味道一般， 肉唔夠新鮮椒鹽小黃魚 外皮香脆，魚肉唔乾， 但唔夠鹹生煎包， 包底煎得香脆，包面夠軟， 一口咬落去肉汁四射上海粗炒， 冇呢鑊氣，又唔夠鹹鍋貼， 外皮薄夠香脆內裏肉夠鮮汁夠多上湯炒豆苗， 豆苗本身唔夠嫩酒釀丸子， 味道一般

今晚同媽咪、女女行mega box!原本諗住去佐敦食齋！但見到有間小南國、因為媽咪鍾意食上海嘢！所以決定去試下這間！我哋叫左個煙燻樟茶鴨、翡翠百葉卷、冷菜拼盤、小籠包、上海粗炒、酸辣湯、首先講講煙燻樟茶鴨、我哋叫左半隻、竟然只得12件、食落去好似煙鴨胸咁既味、翡翠百葉卷、陣味好怪好難食、冷菜拼盤、普普通通、但又覺得特別好食、小籠包普普通通、上海粗炒、麵似食油麵、又冇乜料、另最可接受就係酸辣湯、因為同其他上海舖冇乜分別！這餐我哋食左七百幾蚊我覺得完全唔值、真係好失望！到埋單時！最攪笑我問個伙計點解半隻鴨得咁少！佢竟然笑住答我！廚房又唔會偷食、可能細隻！但我真係未見過鴨細隻到好似乳鴿咁囉！今次係我第一次食到咁難食既上海嘢！唉

原來好耐都冇食過上海菜啦~上星期日趁打完風, 去左MEGABOX 阿女友行街, 見到好耐冇食過既小南國;晚餐就決定黎呢度食啦!!!食上海菜當時要食小籠包啦~~佢地既招牌小籠包一籠 5隻;皮夠薄, 一咬熱辣辣既湯汁就一湧而出, 唔錯!!!之後就係期待以久既北京烤鴨~~佢地既烤鴨色水唔錯, 鴨皮連埋少量既鴨肉, 令食落更有口感!!如果淨係得鴨皮既話就會更好。食北京烤鴨梗係有大蔥絲、黃瓜絲、甜麵醬、薄餅皮;不得不讚佢地呢度既薄餅皮真係好薄身, 食多幾件都唔會覺得膩!!!最後就係我最愛吃既松子魚~~酸酸甜甜既醬汁非常開胃, 用黎送飯真的不錯!!炸左既魚皮外面香口, 但個人略嫌條魚太瘦, 冇咩肉食。總括黎講, 呢度價錢唔算平, 食物質素正常;冇乜特別驚喜~~

上海粗炒 - 麵硬，還未熟透純粹上了色，無味。砂窩雲呑雞 - 雞湯稀淡如水，應該係一比十既水溝出黎，雲呑皮好厚，喜歡挑戰"煙un"者極力推薦品嚐。生煎飽 - 豬肉太硬，雪味太重。雞絲粉皮 - 份量極大，但麻醬質素極差，好似未用水開過一樣。服務 - "細心" ，細中有粗。主動為我們進食中的上海粗炒換細碟以騰取空間，但後來上海粗炒卻不知去向。原來係侍應放在工作枱上後，就遺忘了。另發現侍應為鄰桌之砂窩雲吞雞分好後，竟然自己行開了！係蒸氣快要消失殆盡之際，食客忍不住投訴後，才有幸品嚐此1:10特厚皮雲呑雞。重點係: 要等位！另外，渣打信用卡88折後，$447. 而家係香港你夠膽開，就有人幫襯。究竟係我要求高，定係香港已經病左?!

星期六去左mega box行街！行到攰攰地又帶住小朋友，想搵間坐得比較舒服既餐廳食飯！見到小南國，諗左一諗，名就聽得多啦，但仲未食過，咁就去試下啦！點左6-7個餸，其中黑松露河蝦仁同紅燒肉最令人回味，紅燒肉味道適中又夠腍！減緊肥既我都忍唔住要食几舊，黑松露蝦配蝦仁好夾，松露味道好出，好香！另外，小食拼盤既賣好吸引，裝食物既器皿好中式好靚～～～～～