上海姥姥 (錦薈坊)

营业中

休息中

夏日炎炎，上海姥姥推出全新夏季餐牌☀️抓住夏日蔬菜鮮味！必食鮮甜蕃茄湯底🍅限定菜式 \封門牛柳鮮茄濃湯拉麵/其中CP值超高嘅「夏日清新寶盒」就可以一個人🤤自私食齊唒餐牌中所有菜式，一個寶盒有齊涼菜、主食、點心、小食、甜品同飲品當中荔枝脆脆蝦球真係好似粒荔枝，入口超香脆～當然少不了🥢招牌姥姥小籠包，皮薄餡靚又多汁，小籠包控Fat 👧🏽 認証！店舖內仲有窗口可以睇到師傅搓小籠包/拉麵，真係全手工製造。我地仲叫左楊州炒飯🔥夠晒鑊氣口水雞都入味，熱天氣食啲凍嘢就最啱！

前2 次去 明明服務好好多尋晚去 完全後悔去到位又冇茶俾人飲 我地2 人 佢俾4 人位我旁邊人人都可以 就係咁同我地講今晚多人 旁邊2 位唔好放野 俾個籃我 都算了上菜又上得差見旁邊女人食完哂已經係到催佢啲剩返未上野食到我落單個friend啲野食到哂再食哂 我個水煮魚仲未到呢個最辣嘅野要等半個鐘再上菜 其他野上哂都未到點食 跟住仲要冇飯黎 要個白飯要同3 次同3個人講 等到蚊瞓仲有 個輕盈雞絲粉皮用最細碟裝 都要50 蚊樣樣野都要人係咁講幾次仲好意思收服務費 咁樣要收人370 蚊 下次不會再去

是日紅日，晚市時段唔使等位就可以入座。睇完餐牌後，手機落單。一行4人，由於肚餓，好快叫左想食嘅餸菜：🥢銀絲卷（炸）即係炸饅頭，銀絲卷個名改得好好聽；一口咬落去係一層薄薄外脆表面，內在麵團軟熟有質感，沾上練奶就令口感更豐富。🥢上海炒年糕出奇地入味而且煙韌與腍身恰當好處，配菜有鑊氣！🥢姥姥小籠包保持水準，皮薄肉嫩。🥢紅油抄手主角雲吞失色了，餡料比較實，而且食落有啲鹼水味，有啲可惜。🥢老上海素肉炒飯雖然係素食，但有鑊氣之餘，又有口感，整得好好味。🥢香煎素鵝以為佢係冷盤，遲遲都未上菜，原來係熱食，端來時熱焫焫，皮脆脆的，唔錯。🥢乾煸素肉四季豆好送飯，四季豆熟之餘保持爽口。添茶水好快，有效率。

食蟹的季節又到，經過上海姥姥見到新推出左蟹粉寶盒套餐，入店即點了一份品嘗，寶盒賣相和價錢都吸引 (HK$129)👍🏻，寶盒包括：1）蟹粉海鮮泡飯，足料海鮮，但略嫌蟹粉湯鮮味欠少少2）一粒蟹粉小籠包，蟹粉鮮甜美味3）蟹粉素鵝，有少少失望，因為味道和一般素鵝分別不大4）雞絲粉皮和黑白糍粑，保持水準，好味😋除此之外，套餐仲附送飲品一杯，有凍或熱的薑檸蜜可選擇👍🏻以這個價錢可以食到一整份蟹粉套餐，性價比高，值得推介👍🏻👍🏻👍🏻

上海姥姥的午餐菜單提供了豐富的選擇。粟米羹濃郁香甜，令人心曠神怡。蔥油雞鮮嫩多汁，帶著淡淡的蔥香，令人回味。辣椒炒排骨則散發著香辣的誘人香氣，口感酥脆，風味獨特。餐廳的用餐環境舒適，服務親切周到。對於喜歡上海風味菜餚的人來說，上海姥姥的午餐選擇絕對值得一試。

平日晚巿唔算多人，不用等位，自助手機下單，有提供嬰兒餐具。茶位$8一位姥姥肉棗配士多啤梨醬 $68炸腐皮包裹住肉泥，再配上士多啤梨醬，腐皮脆，但肉泥超淋，冇咬口，味道普通姥姥生煎包 $41生煎包趁熱食有爆汁效果，但味道一般，唔夠香上海炒年糕 $84配菜有肉絲、冬菇和白菜，醬油味濃，份量都唔少香辣貢菜 $37涼伴小食，蒜味香，貢菜爽口，但偏辣脆炸豆沙包 $42一碟3個，質感似炸饅頭，外面沾上大量芝麻，豆沙偏甜，但合拼一起食味道剛好，包夠脆

上海姥姥菜品口感層次豐富,無論開胃小菜還是主菜,無一例外都掌握了上海菜的精髓 - 突出食材本身鮮味,配以恰到好處的調味。讓人回味無窮。更令我驚喜的是,這裡的性價比實在太高了!菜品份量十足,價格卻十分親民,讓人有物有所值的感覺。尤其是醋汁排骨,價錢雖然要90多元,但份量真的10分充足,送飯一流, 送面都幾好食, 下次會嗌咁多朋友過嚟。總的來說,上海姥姥在屯門來說的上海菜非常好。下次有機會,我一定再來品嚐更多他們家的精彩佳餚!

突然選擇困難症發作，下午茶時間係附近行左成個圈都唔知食咩好,最後因為想食清淡啲都係揀左食上海姥姥。叫左個五香牛肉拉麵加小籠包。第一次食呢個麵又幾好食，個湯清淡得嚟有好香既肉味，啲麵麵煮得岩岩好，係我鍾意既硬度，少少冧唔太硬。啲牛肉都唔錯，有啲筋係到所以唔會太柴，味道方面都正常，無好大陣牛味。唔知係咪太肚餓關係，最後好快就食晒成碗麵。而個小籠包趁熱食都幾好食，咬開少少皮真係飲到湯，個內餡就係普通食開既小籠包子咁，因為我唔食醋就無點到啲醋。總結最後食完都幾滿足😌。

上海姥姥嘅小籠包真係令人好回味，見到有鎮店酸菜魚就因為’鎮店‘依兩個字，所以應該唔會差得去邊，但⋯真係差到無話可說⋯上枱夠熱嘅，先飲啖湯，完全無酸菜味，咸味亦好淡薄，一路食一路只覺得只有麻味，唔講我一定唔會覺得自己食緊酸菜魚⋯更莫說係‘鎮店’至於魚肉全部都係一pat pat黐住晒，失望到極點，為免浪費我係食晒，但⋯好後悔唔知自己食咗啲乜嘢⋯

家住天水圍，自從天水圍分店執咗之後都無食過上海姥姥，但其實佢啲嘢都幾好食，只係而家佢開店嘅商場太多嘢食（又烤肉、又火鍋、又多國菜，出名過佢吸引過佢嘅太多，上海菜真係要排下隊先⋯）今日的起心肝喺屯門錦薈坊食佢，之前已經喺Openrice睇吓有咩新菜式，去到再望吓有無更新，最後都係點咗想食嘅幾款先嚟個-干貝鮮魚魚肚豆腐羹（位）又魚又豆腐預咗清淡，但魚鮮味唔夠，有啲失望再嚟就係-黃金魚塊咸蛋黃味夠、溫度都好夠熱、亦夠乾身，如果擺碟靚啲會更吸引第三樣上枱嘅係-招牌小籠包（4件）皮彈多汁，但底紙太濕，令我覺得係咪已經有一兩隻皮已穿窿最後就係-姥姥生煎包（3件）皮脆內軟，餡料多汁，熱辣辣整體幾好，不過開門唔太多人，店員可以安排客人坐入啲，因為比我更遲嚟嘅客人都係被安排坐門口，感覺唔似入咗舖內用餐之餘，亦令人欣賞唔到舖內裝修格局，服務都殷勤，唔會客人一食完就即時收碟（因為咁樣好趕客），茶差唔多飲剩三成都會好主動斟茶，留意到客人用餐需要，很好！只係已食飽臨埋單已發現自己出晒汗，所以冷氣可以調高少少就更好

上海姥姥，真係一直都KEEP到佢既水準呀。我地叫左好幾個餸，首先，有小籠包，呢個係上海菜既名物，上海姥姥既小籠包皮唔厚但又唔會一夾就穿左，入面既餡同汁都可以緊緊鎖住。仲有叫左鍋貼，個皮都好有咬口好好食，入面既餡同汁亦都緊緊鎖住。仲有一個餸就係咕嚕魚塊，佢個咕嚕汁好夠味道，魚塊既份量都非常之多。主食方面就有個上海粗炒，炒得入味镬氣十足呀。最後緊係叫返個甜品雷沙湯丸作為晚餐既完美句號啦。美中不足就等位實在太耐啦，不過食好野又要付出時間既。

今日好想食麵，就中午去左依間半新開的餐廳。12點到達不用等位，直接進入餐廳就坐，坐位闊落。一共叫了3個食物1.小籠包皮薄多汁，等到小籠包可以放入口既溫度，用匙羹放些醋同薑同小籠包一口放入口，肉汁既鮮甜再加上醋既酸，味道剛剛好，好食唔會覺得好油。2.擔擔麵湯底有濃郁既麻酱味，醋味及辣味，味道調得剛剛好又唔會太稀。而個麵亦都剛剛好有咬口。環境：食物：服務：

平日晚上去食，好彩等左幾張飛就入到去。可能都係開左唔太長時間嘅關係，裝修擺設全部都好新淨，座位亦唔算迫。叫左担担麵，生煎包同黃金魚塊。全部好快上菜，担担麵花生味唔夠，叫嘅時候侍應講左上菜時一定會剪麵，但上菜時好似無剪。生蒸包上菜時熱辣辣的，咬開有微燙口嘅湯汁，但包皮比較厚。黃金魚塊份量多，喜歡咸旦黃味嘅會喜歡，但個人感覺一般。成餐飯食完唔會覺得唔值，但要等位又唔會覺得想等，就普通一間餐廳，無特別想再去嘅感覺。

🌟上海菜🌟港鐵屯門站 5分鐘路程好耐冇食過上海菜🤤平日都有唔少人等位🌼招牌小籠包-皮薄餡靚 唔易爛 -湯汁濃郁 唔會太鹹🌼乾煸四季豆-鹹度適中 好岩送飯食🌼香煎素鵝-微脆表皮 餡料充足-熱辣辣 點埋個醬汁 又幾好味😋🌼鎮江黑醋骨-排骨有炸過 再撈埋鎮江醋 砂糖好惹味！🌼家鄉粗炒-椰菜 肉絲粗炒 有咬口一食得出係粗炒 唔係烏冬🤪🌼豆沙鍋餅-豆沙餡料好夠 但略嫌鍋餅皮 有點太厚 影響口感🌼老上海炒飯-豬肉鬆 &榨菜 係呢個炒飯ge精粹！-呢兩樣無論加係邊度都好好食！🤩

上海姥姥曾經都係屯門開過分店但之後結業🏚估吾到兜兜轉轉又係屯門開返🤣冇食幾年 發現食物水準好似高左🫣叫左幾個前菜 每道賣相都幾吸引☺️雞絲粉皮（標準份量）粉皮厚薄岩岩好雞絲 青瓜絲同埋花生醬嘅比例合宜😜鎮江肴肉（輕盈份量）做到幾靚嘅層次😍古法香蔥芝麻餅香脆可口 食落吾會好油膩😉炸銀絲卷溫度夠熱 味道正常😛紅油抄手每啖都好有肉汁 配埋辣汁好正🥰鎮江黑醋骨味道都吾差 但稍為硬左啲啲🤫四川擔擔麵湯底夠濃郁 份量岩岩好麵係一條過 可以叫職員幫你剪開🍝黃金蝦仁炒飯炒飯稍為遜色🥺炒飯吾夠乾身 而且蝦仁完全冇味😂擂沙湯圓諗住最後用佢黎做結尾但佢係咁多樣菜式入面最差嘅🥹黃豆粉分佈得吾夠平均有粒湯圓好明顯未撒到粉 但都照上枱🤔黑芝麻個味有啲奇怪 同埋吾夠香🤥最後賣單吾洗六百蚊人均消費都係$150左右 算係幾高性價比❤️