影片
营业时间
今日营业
11:00 - 23:00
星期一至日
11:00 - 23:00
以上资料只供参考，请与餐厅确认详情
食家推介
前两晚经开大窝口见呢间小店食上海嘢打算试一试，入内座位不多，一眼望见，谂住多一点支持香港小店心态下帮衬，我睇完餐牌有个年长服务员过来落单，点之佢回应已经唔好态度（爱理不理），顾住做自己嘢，完全冇觉得唔好意思交代一声再来落单，只有非常晦气回应....😖，好！我忍了....那我等佢忙完再点餐，点餐时已经又这又那不能尽量处理，点了砂锅云吞鸡，菜饭，豆浆，个云吞鸡极咸，同年长店员讲佢话冇问题，讲完走咗去唔想理咁多，我食咗几啖加个菜饭好快快走人，当我食紧嘢时见佢又响到闹其他人，成间舖得佢把声响到噪爆😡，话人地拎外卖冇礼貌，但人地又冇出声同佢理论哑忍，佢就更变本加厉不停话人闹人，当时我坐响到食嘢已经好谷气又无奈😤，仲要见佢系咁闹啲速递员，人地都好正常入内取餐，看在眼里𠮶种感觉非常差，以后我都唔会再帮衬呢间舖😠，今时今日咁嘅服务态度，大家都知点解咁多人北上啦！食物已经又贵又唔好食，仲要输埋个服务，唉！好无奈.........😩
继续阅读
平时都好钟意食上海嘢所以见到呢一间特登叫咗个鸡烩面初初望到碗嘢都觉得好香份量亦都足够嘅点知一食落口，又咸又油系咸到个喉咙拿住拿住咁但由于lunch time我已经冇时间再叫其他嘢结果我都好辛苦食左1/3，之后顶唔顺成个面掉咗落垃圾桶。。。。。。食呢一碗面我，我系食一啖饮一啖水，我足足饮咗大半枝水但结果成个晏昼喉咙劲唔舒服，饮水饮到饱晒，但因为好咸，个人都仲系好chur水个价钱仲要又唔系特别平食呢一间嘢简直系玩命唔会再帮衬好失望
继续阅读
【荃湾区】【上海坊】之前做完手术之后，百无聊赖，成日都去荃湾揾朋友食饭，所以就多咗机会食到荃湾嘅嘢。嚟到大窝口呢边，朋友话呢间上海嘢唔错。见佢生意都几好，行咗个圈都冇乜 idea 就决定食返佢。本身我哋第一吓经过𠮶阵佢系冇位嘅，返转头就咁啱有张枱入座。我哋一人食一碗面，都系拣咗「鸡」，包括 $54 嘅「骨汤上海面」，拣咗「花雕汁」，加 $6 转鸡髀。跟住食埋 $58 嘅「招牌担担面」，呢个就冇转髀，要「沙姜汁」。两者都几好味，鸡髀固然滑，但系就算冇转髀都可以嘅，啲鸡味都几香嘅。跟住食 $36 嘅「灌汤小笼包」四件，味道可以，个皮冇穿。而最后仲食埋 $36 嘅「香煎黄金糕」三件，呢碟同其他比较就相对平庸，完全冇特色可言。本身呢啲情况下都会叫嘢饮，但系因为佢哋冇豆浆，搞到大家完全冇动力叫嘢饮，畀 $190 埋个单算数。。。（地址：荃湾大窝口大厦街19号地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am荃湾区 #荃湾 #大窝口 #上海坊 #骨汤上海面 #招牌担担面 #灌汤小笼包 #香煎黄金糕 #1am1560 #1ambackup
继续阅读
路过大窝口，见到有间上海嘢好似几抵食，于是决定行入去试估唔到佢有客饭套餐，包饭同嘢饮，而且价钱唔贵，豆浆唔使加钱，仲要劲大支客饭拣咗麻辣牛肚丝，好入味，劲好食，亦都好大兜，送饭一流最估唔到担担面有得配花雕醉鸡做𩠌，花雕醉鸡有好香酒味，好入味，而啲鸡都好滑，担担面汤底亦都好浓郁，虽然面质有少少林，但系整体嚟讲都好好食小笼包三十零蚊有四粒，个皮嘅厚薄度啱啱好，而且唔会漏汁，一咬就爆汁，热辣辣好好食买埋单两位都系$150，真系好抵食！
继续阅读
我很喜香港哦 从小看港影港剧 被深深吸引和热爱 一大家子五人来香港费用不小 终于 还是带着小小紧张激动来了从小热爱的东方之珠香港，本来当日不算饿，但是看到路过荃湾看到上海坊有我从小喜欢吃的小龙包子卖 带着半信半疑的尝试 果然不出所望真的好好食，后来再去尖沙咀吃上海姥姥的小龙包才知道 上海坊的口味和性价比真高，这次八天的HK佛系深度游 体验很棒 香港人热情礼貌让人感动 出门在外有这么多人帮衬真的 外国人则更绅士风度些 是一个有很高素养的大都市 有机会还会来食你们的小龙包子 不见不散一言为定！我爱香港 我被你们的热情礼貌客气感动 超出预期的旅途 当然首先得自己有礼貌 人家才会喜欢你 很高兴来此提升了自我
继续阅读