上海坊拉麵小籠包 (已結業)

尋晚落咗旺角買魚, 之前梗係要醫飽個肚先啦, 聽我朋友講呢間好食, 咁咪試吓喎, 一入到去d位都幾迫, 我地兩個被安排坐喺一張四人枱度, 而嗰張枱早已經有一對情侶, 但係佢地冇將四人枱變成二人枱, 結果好似同兩個唔識嘅人一齊食飯.唔理啦, 叫嘢食:擔擔麵- 極度難食, 好似湯還湯, 花生還花生, 麵還麵, d湯太希, 花生又冇花生味, 麵又淋又唔彈牙, 不知所謂炸醬麵- 麵嘅質地同擔擔麵一樣, d炸醬就ok小籠飽- 皮太厚, 又會痴住對筷子, 但係裡入粒肉就唔錯蔥油餅- 就咁望個樣已經覺得好灟, 免強食咗半件已經想死, 唯有辛苦男朋友仔幫我清埋個半件, 蔥油餅我始終都係鐘情紅磡嘅上海飽餃店上海舖嚟講佢都算係數一數二難食, 環境迫服務又唔係太好食具又唔乾淨, 個碗同對筷子仲痴住咗上一手食淨嘅嘢食, 唔好意思都冇句就換番d嘢俾你而且我未試過食擔擔麵食咗半啖已經想放棄, 但為咗唔想浪費嘢食唯有倒晒落肚就算數, 仲有, 我真係蠢, 點解尋晚仲會俾貼士>.<今餐食咗百幾蚊簡直超級唔抵食, 咪駛只意我會再幫襯如果味道可以揀到負數嘅話仲好

i've never had such bad 'shanghainese' food--in hk or china. the food's terribly bad, while the price is not really cheap, and seating's also very crowded. the service is not good either, as the waiters keep taking away your dishes once you pick up the last piece, like they want you to leave immediately after eating. terrible, terrible, terrible.

今次同屋企人黎食~lunch時間1點度去到，唔洗等位真開心＠＠推介大家食下個招牌沙窩雲吞雞（＄６８），入面有６隻雲吞，一舊雞胸肉+雞全翼，仲有ｄ菜菜。之前係某ｄ有名的上海菜館食過，貴又貴過依度，細又細份ｄ，不過都唔及依度好食。個湯底好好味，唔會覺得係味精整成；雞全翼好滑架～正！雞胸就鞋少少啦，但都唔會難食；雲吞都好好味，ｄ肉的餡唔會死死實實咁，好鬆軟的～最緊要係夠大窩，都分到至少６碗的湯湯。之後又點左個set lunch，菜肉雲吞拉麵+凍豆漿（＄３０），麵係即拉的＠＠ｄ師父係廚房個大玻璃窗前一面表演一面整的～幾好味架。不過杯凍豆漿就好似好大陣雪味＝ｖ＝最後仲要左個煎鍋貼，雖然追左成３次先有得食，不過都值得呢～個底就脆而不硬，餡料有肉汁，而且仲好似小籠包咁有湯溉出黎架＠＠值得一試環境ｏｋ啦，加茶加得幾密，不過ｄ侍應就心急左少少…係等ｄ鍋貼黎的時候，前後有４個人想收我地ｄ碗碟＝　＝之後又話幫我地追單都講左３次３個人食左１２０蚊，差唔多啦

有一日行過之後就入左去食野啦..都係前幾個月叫左d野食都好好味,,,d野好夠熱..而且好快..服務都好好..唔似之前d人咁講..聽人講好似牛頭x果邊有間...不過果間就真係唔好味啦..唔知你地係去左邊間lei??我地都食左好多野..好正..真係想再去呀..

第一次去此店已是05年年初的事, 因食過佢既小籠包,拉麵及蘿白絲酥餅...小籠包好juice, 但無咩鮮味，但佢既蘿白絲酥餅熱辣辣, 好好味 所以就在個多月後同我亞媽再去幫襯...但此次就大失所望...並非d食物既問題, 而係人既問題。仲記得當日係weekend, 我同亞媽在旺角睇完中醫就去食下午茶醫肚...吾知食咩好, 而且吾食得熱氣野, 所以想食中式食物。行行下就見到此店...本來tea time時間無咩人..照正常d 待應應該好"他條"...因此service應該好d...點之剛好相反..一入到去只見幾隻個頭染到五顏六色既"靚仔", 吾單只無say welcome, 而且根本吾想理我地。最終都只係個部長比menu比我地, 過左好幾分鐘, 我舉手示意比d "靚仔"知我要落order, 點知要我叫左幾次先有人釆下我?! 最後都要經亞部長哥哥先可以順利落單。這次既食物水準依舊, 無咩comments. 不過食野期間在我地頭部上空, 經常有d 烏蠅飛黎飛去...攪到越食越無隱！後來食飽飽就叫埋單, 點知同order前一樣, d死"靚仔"一於少理...我有我叫埋單, 佢有佢在行行企企打牙"

叫左幾樣野...都冇樣點=="好彩價錢唔算好貴...但有d後悔去左呢間食~我覺得佢d小籠包好似番蒸..d 皮好>_<"七彩雞絲冷麵只可三個字形容""超難食""-_ -"仲有幾樣野食..唔想再講!簡直難食到嘔/__\"服務又唔好...永遠唔會幫襯!!

哈哈,說來話長，我本身都鐘意食上海野，我朋友a+同事a就都推介我去旺角家樂附近一間食上海菜的店，她們不認識但同樣說此店又平又正，不過朋友a就忘記了店名，而同事a就說店名只有中文沒有英文....奇怪在本人一直在旺角女人街附近發現都得一間叫D&J的上海菜店，她們又說不是...=.=見今日出來旺角，就同朋友a一齊去對個究竟XD結果，我們3個人都係講緊同一間上海菜店(汗)之不過我記得呢間d食評麻麻，不過朋友a就說好好食，咁一場黎到就要入去試下啦!~!我叫左個上海湯年糕配豆漿$30，我唔知乜黎架但係想試新野朋友a叫酸辣湯拉麵配豆漿$30，佢上次食過就愛上^^再叫多個小籠包同擂沙湯丸，每樣都20蚊左右總之我覺得幾好食呀,D湯好好飲啦，個小籠包好大隻又多汁，仲有個湯丸的皮好軟但係又好'煙UN'，唔錯呀﹗食到飽一飽都係102，真係好開心

賽螃蟹, 難食~只係一碟蒸老左既蛋白, 以前向好多上海店食過, 都無一間係咁難食!!起碼人地d蛋白都會好滑, 但係佢竟然"鞋"口, 完全唔知佢點會拎出黎賣~擔擔麵, 都叫做可接受, 起碼無其他食物咁過份蟹粉小籠包, 放得入口, 無話有咩特別或者好好食雞絲粉皮, 叫做最好食果個(不過都幾難難食), 但係有段小插曲...本來見佢有特價, 點知嗌果陣個侍應話"你地四個人, 呢個(指住個特價牌)係黎嫁喎, 個雞絲粉皮叫廚房改做好嘛", 咁我地呢個時候先知原來先有特價, 咁既又真係唔夠食, 咁咪話好囉~但食物一黎到, 見到就覺得唔對路, 個碟得個杯碟咁上下大, 上面既雞絲+粉皮就好扁好扁咁平鋪左一層向個碟度!!即時問個侍應呢個係定啦~但佢竟然答我"er...應該係黎既~"唔係卦, 你係唔係向度做嫁~咁都唔知!!但當時我只係諗到, 呢個係既話我真係想像唔到既係點法!!!!跟手問左三個唔同既侍應, 其中一個答我係, 其他都話係, 之後仲問佢咁呢個係既, 既又係咩樣?佢又答我唔到喎, 只係話大過個杯碟小小, 唔好玩啦, 你地所指既既碟咪就係同個杯碟差唔多之嘛!!到最後, 把鬼火咁結脹, 佢又真係同我計

等到佢放工已經八點，經過呢度就隨意地決定試下呢間。兩人位都要等四張枱先到我地張，等左一陣就有位，都唔算慢。我地兩個叫左四樣野：小籠包：不過不失，有肉汁，但都係多肥肉。青菜煨麵：以前係中學時代係學校附近食過好好味的煨麵，咁就叫來試下，但係來到個湯好水，唔夠杰同埋唔夠濃(因為以前食過的煨麵個湯係杰杰的)，好彩食落個湯好清，又有雞湯鮮味，但係得個碗大，麵就好少。香醋小排骨：醋味唔多，反而甜味足，個汁好正，排骨又唔肥，好味！辣椒肉碎炒四季豆(類似呢個名)：都炒得ok但唔及竹蘆山房炒得好味。食完呢四樣但唔算太飽，可能因為份量較少，所以經過信和新開的手造雪糕，食左兩球先滿足。

今日可以早少少收工，所以約六點半就到！好少人客！我和朋友仔兩人，點了４樣食物！最好的是四川擔擔麵，香濃湯底，料足，有些蝦米，花生；蘿蔔酥和小籠包都ｏｋ的。最差的是怪味雞，特價推介＄１８。侍應哥哥送到時，我和朋友仔眼都“凸“，我以為自己點了「怪味雞粒」，差不多整碟（食送）都是花生和青瓜粒，「怪味雞粒」，十隻手指數得哂，真係”妹仔大過主人婆”。我印象中，上海店的怪味雞是一件件的雞，即使間間店的款式不同，即使特價推介，都不是咁樣嘛！最後，不想食那些花生，食剩了很多，多得用來玩”番攤”。

提早放工入去坐一坐,叫個下午茶.有小籠包+豆漿.小籠包應該係即叫即蒸.但好奇怪o既係個小籠包蒸出尼個頂仍然好硬,而個底就正常,結果一夾就o係個硬同正常o既連接位度爆左,晒料!o係好小心o既情況下夾四隻都夾爆兩隻,咁點攪!冇爆o個兩隻就汁還汁,肉還肉,舊肉較硬,好似蒸乾左咁.所以強烈懷疑喱D小籠包係"番蒸"過.唔掂!

未坐低己經有小食放響枱面(上手食淨既上海粗面一大條)~環境迫唔怪佢,因為響旺角區,但係去廁所條路D雜物多到肥D都過唔到~D服務員個個樣都十叫九唔應~~我一直都好鍾意食上海野,但係呢間上海野真係不知所謂,簡直不值一談~~同傳統既上海飯店根本不能比較~(當快餐求其一餐除外)~~~~~~~~~~

月頭去過,記得叫咗烤麩~砂鍋雜錦~樟茶鴨~槽溜魚塊~小籠包.烤麩完全掂,有咬口,夠入味,再凍D更好.砂鍋雜錦好多料,但湯頭唔多夠味,最驚喜係有件蛋餃,簡單見真章,好好味,可惜得兩粒.樟茶鴨不過不失,蝴蝶包夠熱辣辣,加D醬夾埋件鴨不錯.魚塊個槽溜汁唔得,太甜,無酒香,失敗之作.小籠包又係氣上心個隻,始終都係春天最無敵.

前幾日我去食咗食,order咗炸曼頭,七彩雞絲冷麵,七寶担担麵(好似係咁叫)點知個麵好快到,d炓少咗d,不過都ok~but個炸曼頭比想像中多油a~嘩....最難食係個七彩雞絲冷麵a~好細碟,又貴,d麵好似未熟,有麵粉味,好難食,用花生醬撈ga~好怪,基本上都冇點食過落肚,嘥$$$~d服務....bad jor d~唔係咁理人lor~

今日同左個朋友仔黎左mk呢間小籠包包度食野...勁攪笑啦...佢原本係岩岩失戀...我安慰緊佢=.="佢仲話食唔落野..問我做咩入黎食野..點知佢一入到去..見到人地d小籠包勁香..就叫左一籠黎試..食完一籠之後..又叫左2籠=.=幾好食..d皮入面又多汁..不過我一咬落去=.=我件衫中哂野啦=.=成身都係..>.<之後仲食左個炸漫頭...=0="不過個待應無比d奶奶我..可能忘記左..不過唔緊要...^^ 都幾好禮貌..如果d小籠包再可以平小小就好喇..感覺都好似有小小貴咁~"~