影片
招牌菜
之前约左个旧同事出黎行街食饭大家之前都系上海菜餐厅做既挂住小笼包既我地梗系揾个食上海菜既地方啦我同朋友见到呢间野咁多人心谂应该唔差既两个人入到去个侍应安排左个冷气位比我地坐个冷气又大wo= =不过好彩佢地都比我地转位我地先点左个鸡丝粉皮来黎一个鸡烩面仲有一笼小笼包两条小黄鱼先黎既系鸡丝粉皮我地以为上面既系麻酱(因为我地以前做个间系用麻酱)点知原来系花生酱食落都OK既但系硬系觉得佢干左D啰可能系用花生酱既关系?跟住系鸡烩面呢个似我自己系屋企煮既面啰普普通通无咩特别D鸡真系好少好细旧XD我觉得小笼包先系最唔掂既D皮太厚…而且唔够juicy最后系小黄鱼成餐最好都莫过于呢样因为朋友话太挂住小笼包最终都系叫多一笼但D皮依然好厚埋单每人85左右但系呢个质素我就觉得麻麻地无以后
继续阅读
可能我和男朋友太晚去吃饭差不多9时多才去, 不过收工还收工, 都应尽厨房, 侍应责任吧?一入去就点我地去老远, 叫我地一直入, 又冇人带我地, 搞到我地企左系度好似傻仔咁个侍应见到我地叫我地是但坐坐左15分钟, 都冇杯水, 冇menu, 唔通依度叫乜有乜?最后我地点左一份糖醋鱼块, 小笼包, 上海炒年糕和肴肉先说小笼包块皮真系厚到.......离晒谱, 睇电视有教, 好的小笼包应该有30折我有数过...得19折, 不过依d technique问题就算啦但系冇谂过块皮可以厚成咁...仲厚过肠粉呀大佬内里肉汗都算丰富...糖醋鱼块系一个餐, 有送埋饭不过呀侍应哥哥唔知系咪冇乜常识成只手"cup"住个饭咁拎黎, 急急的来, 个饭好似丢都丢唔切咁佢可能真系唔知用只手cup住个饭d热气会蒸住手板, 手板d细菌会直接落饭再者, 咁样拎个饭都好冇礼貌啦?讲埋个鱼, 我都未见过我男朋友食野会一放入口5秒会吐番出黎所谓糖醋, 但系就做到咕噜鱼块咁个d都唔知系唔系鱼肉, 放入口食系一"pat"胶咁, 好似食用生粉煮个d"衍"咁上海炒年糕我唔怪佢冇镬气, 不过都唔好同我玩湿炒年糕丫个碗装左2-3匙老抽呀又炒得唔均匀不过我庆幸佢入面d野都系熟晒....最后系个冻肴肉除左用冰同梅黎形容之外我都唔知可以用咩黎讲佢依间野...真系食一次就够, 俾钱买难受见到对面有对情侣谂住叫个侍应个呀姐竟然扮睇唔到, 听唔到, 我真系服左佢....依间餐厅好似系度养懒人咁, 个个侍应都系度吹水围埋2-3个系度倾, 系度笑俾间餐厅, 真系请我去都唔会再去呀
继续阅读
今日下午到旺角，但天气不好，故随意找一间不用等位的餐馆用午膳，抬头一看，就见到上海坊，就故且一试，进入餐馆，感觉是新净，比旧式茶餐厅好，打开餐牌，价钱比较贵少少，一个下午套餐约$50，包一杯饮品。见它是拉面馆，就叫了a)排骨担担拉面，b)五香牛肉拉面 和c)葱油饼。先上来的是五香牛肉拉面，牛肉片得很薄，只得数片，先喝一口汤，咦，非常有牛肉味，大跌眼镜，喝多几口汤后才食面，但拉面就不是心中所祈望的拉面，因为太腍，太软，没有弹牙感觉。跟著下来的是排骨担担拉面，排骨就非常Okay，担担面的味道都不错，可算及格有余，如果不是以这价钱来计的话。最后就是我心中再祈待的葱油饼，可能是宝物沉归底，最后上的劲的，新鲜热棘出炉，一口咬下，D葱油味可以说是涌出来，(很多时的葱油饼都是葱油不够多，令到酥饼过厚，很不好吃，加上一早做好，就更加可以不理。)虽然肚了己饱，但仍然食到。回来打算写食评，オ发觉其平均分数不高，说真的，如我事前看了其他食评，多数我不会试这间，但幸好事前我没看见，否则我就失去一个食到我心目中的葱油饼。
继续阅读
今次第一次写食评，动力就系呢间嘢差得可怜... 由呢间嘢劣评如潮可见，openrice 既食客门舌头都是灵巧的，眼睛都是雪亮的!!!是日星期日，8pm 去到呢间嘢唔驶等位，真系神奇~ 原来系恶梦既开始 首先系佢杯茶: 用D 大排档既大胶杯，仲要系蓝绿色𠮶只，用黎洗餐具吗??? 但其他碗碟系正常ga wor... 跟住叫咗3 样嘢:1) 鸡丝粉皮： 哗!!! 好大碟呀!!! 但唔好食啰~sorry~ 粉皮同酱真系劲多!!! 鸡丝青瓜少到个冷气大风D 都吹咗去， 食食下就好似摆咗一樽麻酱入口咁，粉皮口感都还可以 (其实我对食要求好低ga ja )。 见到隔离枱都有叫，净咗大半系度，突然觉得自己对待食物很厚道。2) 小笼包： 个样好正常，但当你以为可以松一口气既时候就中伏鸟!!!! 汤，无乜味，而且食真D个味真系好麻麻； 皮， 上半部仲厚过我既面皮，但下半部劲易穿，由个顶吸完啖汤，谂住夹佢上黎咬，点知皮夹起咗，肉逃跑了 (本人拿筷子手势绝对正确，所以才愤怒鸟)，而且那肉很粗糙。3) 红油炒手： 三道菜中，最令人叹为观止既莫过于此。 本人见识浅薄，从未见过红油炒手入面既饺可以系白色既，而且红油少得可怜，唯有奋力咁系唔整烂只饺既情况下捞晕D。食落去只饺系包装云吞味，汁完全唔觉有味；成道菜咪就系将急冻云吞用滚水陆熟，然后系上面加几滴疑似辣油但无味既红色汁液上去，就系咁多!!!!除了三道菜以外，待应还是另外一绝，不能不见识见识。话说隔离张枱埋单，两张枱之间都好近，待应攞咗张单俾隔离埋，系等紧客人拎钱同check 单既时候，个待应一只手咁禁落我张椅既椅背度 (可能腿有点攰，要借力帮轻下) ，我向后旭咗一下，心谂系咪咁攰呀你，不如入后场休息下啦。最精彩既系，如果系因为跣脚用黎扶一扶都人之常情，但个待应系禁住无旭过，我忍唔住令转身怒视佢，谂住佢会识趣缩返开只手，点知我真系太天真啦!!!!!! 佢见我令转头望住佢，佢仲继续禁住我张椅问我： 小姐，系咪有嘢帮到你? 𠮶下，我真的输了，还是彻彻底底的输了。 大家，正所谓没有经历过差就不知道甚么是好。还未有经历过既朋友，机会来了，就在此处，还不快快把握?!
继续阅读
八点多才四处找东西吃但系呢区揾上海店系有d 难度!!虽然早一星期前吃过一间好难食既上海店但仍不损小妹对上海野食既好感原来呢度dinner 分每个时段有唔同既promotion时值7-9pm 既系以$48 (原价$78) 点砂锅云吞鸡!!呢个promotion 简直好吸引的耶~环顾四周差唔多每台都有叫!!我当然唔会输蚀呢爱这道菜莫过于爱它浓厚花生酱这里做得挺不错的呀超厚身既花生酱配上带点厚度既粉皮烟轫也~接著出场就是小笼包既不juicy 且猪肉鞋口绝不讨好虽然做紧promotion 但绝不欺场云吞有六粒之多!!我地好好彩仲要系鸡脾~~~不过鸡汤并不浓郁, 食左好耐都食唔出那股略带奇怪既味道是何方神圣?!?!似是鸡既内脏淆出黎既味道, 但怎也说不出来…好想食甜点作结小食炸馒头成为我既囊中物只爱略点练奶调味, 食的只为了馒头本身既甜但可惜, 馒头炸得挺硬身, 内里并不软熟, 还不及之前系某上海店做得如此出神入化
继续阅读