上海味 (已結業)

好耐無食....本來去滇家菜食下午茶餐....結果已完, 便上黎呢度食(因為前者既下午茶同晚餐價錢實在差太遠!) 餐牌上每樣食物也加$1, 咁滷水蛋, $4 咪最唔抵...? 我叫咗個菜餃上海麵, $24, 菜餃三隻, 皮唔算薄, 味道唔錯, 上海麵都幾少! 灼菜...最唔好係得西生菜, $9, 老公叫既燻魚上海麵, $25, 有兩件, 我夾了少少魚尾...好腍呀...幾好食, 不過, 另一件相信會幾硬! 呢家可能係小本經營...請既可能係自家人, 侍應大大聲講既唔係幾好!

十一點幾去到無乜人，坐位很舒服!!!!!!!!俾客人飲GE茶都唔係CHEAP野﹐最起碼有茶味。我地叫左一個菜飯拼醉雞$28淨餛飩$22水餃拼上海排骨紛絲(即豬扒)($2X)菊花茶同豆漿($6)醉雞很好味，酒味岩岩好!!!!!!!不過份量不多豬扒也炸得不錯!!!值得一試水餃普通餛飩也很好味，好細粒容易入口菊花荼同豆漿真係無得頂!!!!!!!!!!!!!!!必要試兩人共$85

成日去呢間鋪頭食野,唔係專登唱好佢但真係搵唔到比佢更好食既醉雞~~~個人中意D酒味較清, 唔好太濃, 否則似飲米酒咁同埋最緊要入味! 呢道D醉雞真係岩晒我心水~~ 雖然份量少左D~~ 但係質素都比一D 出名既食店為好! 同埋呢道D伙記手腳好快~~ 服務不錯!!佢地D豆漿好好味, 成日KEEP住夠凍!!

依間野好耐ger la...我細細個已經係度食過....但價錢唔平lor...一碗水餃麵都起碼$20 或以上...但豆漿好正....豬扒上海麵好正,好脆好香...可以去食下~

今日lunch 時間同男朋友去左荃灣廣場搵野食，原本想去紅火蟻道食，豈料爆滿，所以轉到上海味食。我地ｏｒｄｅｒ左３樣野：１）菜飯拼醉雞２）排骨粉絲３）小云吞醉雞好入味～　我男朋友話ｄ菜飯好味～　但係細碗左少少。我就食排骨粉絲，ｄ排骨好脆！　幾香同好食。小云吞似係屋企平時包個ｄ，ｄ肉幾新鮮！我覺得今次ｄ野食幾有驚喜，雖然份量少左Ｄ，但勝在整得精緻！！（ＰＳ　剛剛看到有關呢間館的食評都係不太正面，但本人覺得幾好．．．　希望可以幫佢變番正面少少啦！）

燉奶佬的不快經歷後，轉戰荃灣廣場內這上海家庭式小店。我們點了菜肉雲吞麵和一客小籠包。菜肉雲吞都幾難食吓，雲吞又厚又粉，菜肉餡內食酸菜，食人懷疑食材不夠新鮮。上海麵超淋，這碗麵，無樣得。小籠包即叫即蒸，皮厚無湯，啲肉有怪味，男友叫我唔好食。奉勸大家最好不要來。

路過此店，見有湯粉絲供應(少有!)，勾起了我於上海的點點點回憶，即入!　湯粉絲本身很寡，不會淨食，在上海很多店都是將之與油豆腐合併，成為「油豆腐湯粉絲」。不過這店就沒有此項食品，只是將粉絲當成上海麵/米粉，配之以雞翼/豬扒/水餃...那，就點一份水餃湯粉絲吧，加多杯豆漿。　豆漿先上，頗甜，豆香味濃烈，我收貨。到主角水餃湯粉絲上場，水餃平實得很，不似元朗北京水餃店的出品充滿肉汁，很一般；滿心期待的湯粉絲比預期中硬，而且湯底很弱，需要添加大量辣醬調味，不達標。　撇開對湯粉絲的思念，這一頓無特別可取之處。

未離開香港時, 呢間野永遠都係開飯點!雖然鋪仔細細, 但煮到好主家既上海菜!同我grandma煮既真係差唔多款式!每次黎到菜肉雲吞係必叫!皮薄x靚!~ ^^""烤夫又係必叫, 因為煮得好食!!油蚊筍都唔錯, 不過細碟左dd!另外, 呢間野既菜飯都係食得過咖!同埋其他麵食都唔錯!不過小籠包真係..... 見人見智喇..**佢本菊花菜, 豆漿好好飲! 唔甜, 但清清地!鋪仔細細, 但都算企理乾淨!

去完跑步都成十一點幾....要食lunch...黎呢度...叫左個酸辣麵加菊花茶...老公叫左燻魚麵加豆漿...再整埋個煎餃子! 我既酸辣麵...幾濃...不過..有啲人會厭太結身...我ok la! 燻魚麵..碗麵清清地...燻魚一般! 餃子油左少少...不過熱辣辣! 菊花茶唔太甜, Good!

夜晚同老公黎食左三個下午茶餐....! 佢叫左燻魚麵, 啲魚其實幾硬...! 不過...佢話個湯幾清! 我叫左個五香牛腩麵....牛腩幾淋幾入味...! 不過...個湯鹹左少少...另外再叫左個煱貼...即整...不過...個皮硬左少少..! 另加兩杯菊花茶....同豆漿! 整體價錢合理...!

$27的菜飯「套餐」，得少少飯加4粒牛腩，一個人食一定唔夠飽，仲有$25用個呠仔糕咁大個的碟仔盛著醉雞，我地4個人食，整頓飯的感覺是「到喉唔到肺」，只有粗炒有少少份量.......不過一個人，又唔怕貴，算是一個不錯的選擇。

坐底後才發覺只有麵食同小食，沒有其他小炒或小菜。媽媽話既然坐底了，唯有求其食完後，再去下場。小食叫了油炆荀、烤夫、燻魚。其中烤夫比較好食，幾夠味，唔會鹹。燻魚就最難食，味道完全唔似燻魚，肉質腍腍的，有點霉的感覺。雪菜肉絲麵、酸辣湯麵，兩款的麵身都唔錯，唔會過腍，都幾有口感。不過D湯底勁差，雪菜肉絲麵的湯底完全冇味，而酸辣湯的味道怪怪的，不酸也不辣，飲了一啖已放棄，媽媽話似是廣東人煮上海菜的風格喎。上海粗炒-麵的色水較白，我估少加了老抽。炒得比較濕，唔夠乾身。煎餃子-味道OK，好食的原因只是剛剛煎起，熱辣辣。小籠包-包皮勁厚，雖然多汁，但沒有肉味。四個人埋單雖然係140蚊，但一D都唔好食，一定沒有下次。

個度我食左好多次既啦...應該幾年前一開就已經食,開頭係個fd介紹去既,後尾就去食啦!d 排骨麵同上海粗炒好鬼死正架...次次我都會食既...大家應該特燈去試下.雖然開係咁偏僻既地方.但食過一次之後就會成日都想食既啦~

本人好中意呢間店既酸辣湯~~好多料,唔辣,勁岩我~不過佢係比較杰,似羹多d~~如果唔中意咁杰既人,可能覺得一般~仲有,佢d麵係上海麵,唔係拉麵,本人係十分中意食上海麵~仲有其他推介:雲吞/排骨麵<--好特別,唔同出面/豬腸麵~~不過小籠包就唔係咁好食啦,冇咩汁,皮都唔薄!!價錢就唔貴,係一般麵店既價錢~不過佢o係荃灣廣場,仲要係角落,好唔起眼~如果唔係好朋友住O係附近,根本就冇機會會食!!希望有人會去試O下啦,雖然好唔就腳!!!哈哈!!