影片
除左好难食，我冇野好讲。雪菜肉丝炒年糕啲雪菜臭臭地，然后碟嘢除咗𠮶浸臭味系冇味嘅。鸡丝粉皮个花生酱味会kick喉咙. 个花生酱味仲有浸怪味。个菜饭基本上同白饭冇乜分别，冇味，好多白饭，少少菜高力豆沙唔知高力个位去咗边，旧嘢劲重，我喺咩甜品都识嘅人都真系食唔到，个味好难食。首先d野食好难食，然后有个姐姐亦都会好努力upsell你。仲要唔平我同朋友(著短裤) 离开餐厅冇耐，坐凳𠮶个位生左粒野，唔知系咪比野咬
继续阅读
上海饭店午市套餐，提供唔同嘅一般家常菜配以菜饭选择。价钱适中合理。当日同朋友一齐嚟食，所以拣咗两个𩠌一齐share。第一个拣咗麻婆豆腐。麻婆豆腐酱汁普通，系豆瓣酱嘅味道，豆腐唔算滑，系一般嘅布包豆腐嘅口感。用麻婆豆腐嘅酱汁用嚟下饭，感觉尚可。第二个送拣咗炒鳝糊，炒鳝糊里面嘅鳝条比一般嘅粗大，而且硬身，但系味道酱汁偏淡。同想像中嘅鳝糊有一定嘅距离。鳝糊配上好多嘅芽菜，但系芽菜同酱汁嘅味道都系普普通通。跟餐可选择白饭同菜饭，当日就选咗菜饭，味道正常。饮品方面就可选择豆浆。
继续阅读
之前行过见到门口摆哂花篮，新开张就试吓啦，下昼五点，得两枱客，行入去冇人招呼，有啲枱都未执，见咁多吉枱又咁早，咪谂住坐个卡位，两个人食完就走人啦，呢个时候个收银就话卡位有人留咗，叫个女侍应带位，个女侍应望都冇望，求其指我哋坐张细枱，指完就走咗，张枱面仲系有一大滩水，系一大滩唔系几滴，都唔系做生意嘅，新开都咁嘅态度，环境又唔多衞生，应该食物都冇水准，咪即刻走人咯，价钱又唔系平，而家见到咁多劣评，好彩冇帮衬到！咁样都够胆喺大埔开食店，真系祝佢生意兴隆！😌香港啲食店真系要认真谂吓点解咁多港人北上消费🤔好多都仲未瞓醒
继续阅读
上海佬饭店. 用餐日期: 2024年2月 晚餐茶位$8/ 位$6/碟 花生/ 酸萝白《$86 油豆腐粉丝汤》粉丝汤都几多料，除左油豆腐，粉丝仲有少量荀，白菜同姜丝。调味刚刚好，唔会话味精咸，叫一份大约可以装到8碗左右。《$82 蒜泥白肉片》白肉片份量唔多，酱汁够辣但不香，除左蒜泥白肉之外，底仲垫左冰粉。冰粉唔挂汁，但好痴油，食落无味仲成口都系油，收$82黎讲应该冇下次。《$96 糖醋排骨》糖醋汁超杰身，厚身个程度同食沙律酱差唔多，酱汁偏甜，排骨都几大旧，但做法唔系炸完再用糖醋汁兜均，所以食落冇稣脆感，普通。《$48 小笼包(4只)》小笼包算皮薄，肉馅比例刚刚好，咬开仲可以饮到满满既汤汁，但可惜一夹就穿，今次叫左两笼，总数8只穿左3只，不过用黎过下口瘾都唔错。《$86 奶油津白》奶油味都算几香，不过津白如果可以再煮淋少少就更好。《$93 招牌炒饭》食落有D似多料版既蛋白炒饭，仲有虾仁，罗白粒，火腿粒，菜丝等等。虾仁几爽，但冇咩虾味，不过不失。人均消费：$100环境：7.5/10食物：6.5/10服务：7/10性价比：7/10整体：7/10 #香港 #美食 #香港美食 #foodie #食评 #上海佬饭店 #大埔美食 #大埔 #亲民 #价钱亲民 #奶油津白 #小笼包 #炒饭 #糖醋排骨 #蒜泥白肉 #油豆腐粉丝汤 #酸萝白
继续阅读
价钱略高，套餐价系唔包饭或者嘢饮。味道OK，但细碟明白会收茶介、花生、萝卜钱（虽然事前都无提过），临食完先拎张单俾我，见到收左茶介花生萝卜ok，但竟然仲要加一，茶钱仲要收多一个人钱，我发现左先改返单。之后我睇返Menu，成本咁厚得最后一页「饮品」细细只字写要加一，真系揾笨。👆🏻👆🏻而套餐果张独立餐牌系无写过需要加一服务费（忘记影抱歉）即系如果唔额外加嘢 二人套餐 286$+茶介$16+花生萝卜=$ 12再加一（套餐无饭无嘢饮）系要$345.4抵唔抵食大家谂下啦🥲咁样做生意，不会再食。希望唔好有人再中伏🥲🥲🥲🥲
继续阅读