上海人家 (已結業)

同一位老師食飯，地點同菜式都佢話事~ 於是三人o黎食上海菜，點左:　燻魚-味道同我o係上海食開o既唔同，卻更鮮更甜，我鍾意!四喜烤夫-無特別~宋嫂魚羹-係一道我好鍾意o既杭州菜，不過waiter落錯單成"宋嫂魚翅"...~_~"貴左一倍無所謂，反正翅都好多，但味道好腥...唔好食!蜜汁火腿-薄薄咸咸o既火腿片，配搭清甜o既桂花蓮子蜜汁，從來都係無上享受!可恨一份得四片，好唔夠喉呢~清炒蝦仁-又係一道美味o既杭州菜，依度都做得有水準唔錯~糖醋骨-最後上o既菜式，味道都好麻麻，食淨一半有多...炸銀絲卷-冇叫飯，用銀絲卷伴食其實更好~ 而且加上煉奶又可成美味甜品，唔錯~小籠包-我心愛o既上海點心，到最後都不見縱影，原來漏左單...算啦，都飽哂，唯有cancel~　講到依度，大家都明白依間餐廳乜野唔掂啦...如果換左d懞下懞下o既waiter，加上裝修靚返d，會好好多~

去荃灣大會堂看芭蕾舞表演之前, 與朋友在那裡吃飯. 看見$128 2人晚餐, 決定一試.套餐包括2 小菜, 1點心, 1冷盤, １甜品. 在眾多菜色中, 我們選了咸肉百頁小棠菜, 賽螃蟹, 菜肉雲吞(有6粒), 雞絲粉皮及碗豆黃(有6件). 菜肉雲吞最出色, 其他的用料也足. 如果賽螃蟹的口感再滑一點就更好. 不過, 可能廚師希望客人吃得健康, 用油較少.也可以接受呢!最後, 我們吃得飽飽的, 剩下少許碗豆黃和雞絲粉皮.飯店的裝修很舒適, 有馬蹄型的枱, 有卡位. 我們被安排坐卡位, 感覺不錯. 朋友太客氣, 堅持請我吃飯. 如此這般, 我們渡過愉快的晚上...

星期日探人路過荃灣，剛好食晚飯時候走進荃灣廣場，決定一試滬菜，兩人叫了酸辣湯，麻婆豆腐（川菜？），窩貼，銀絲卷，素雞，四季豆炒咸肉，雖然不盡是地道上海菜式，但味道甚佳，以酸辣湯為例，是可以飲到酸和辣的味道，不盡是糊糊的，個人推介是窩貼，而１８元３只，是略貴了一點，另外侍應人手不太夠，經常找不到人，有點懊惱！

剝了智慧齒，雖然不痛，卻離開美食良久...終於等到傷口復元，當然要暴食一番！o係BF推介下，o黎左依度，一去到，環境係幾好，人又唔多，幾清靜~ 我o地食左：　野菌魚片湯；料多，味道鮮~ 份量夠分5-6碗，抵讚抵食！京蔥蝦仁爆鱔片：蝦仁煮得好入味，又夠滑，好吃！不過我估係佢蝦仁鱔片係一齊煮，而鱔片比較吸味，所以味道過咸，扣左少少分~咸肉百頁小棠菜：清淡唔一定等於普通，但依道菜真係太平凡，唔推介~四川擔擔麵：濃香花生醬加上唔辣，口味上絕對唔正宗；但麵質幼滑，湯料香濃，竟又美味異常！唯一食完感唔夠喉o既菜式~鮮磨豆漿（有豆渣作證）：作為wrap-up，清清甜甜幾好丫~　幾開心飽足o既一餐飯~ ^^