上海人家 (已結業)

「小店」確切的意思是甚麼？座位少？面積少？規模少？生意額少？落戶不在旺區或商場等等？香港地去到那裡都租金高昂，真是做少一張枱都難以生存，所以經常會看到鼓勵大家支持小店的說話。在最旺最大的商場伏也中過不少，所以我揀餐廳，大店小店旺區不旺區不是指標，口碑、賣相、感覺似乎更重要。這家在北角落戶的上海人家是朋友介紹的，已經來過好幾次。第一次來到這間「小店」，估算食物選擇應該不多吧。結果這種沒根據的預期完全錯誤，這裡食物選擇還真不少，菜式和味道可媲美大部分有些名氣的老字號，而且店主對這小店的熱誠和對顧客的熱情完美反射在食物質素上。我不會只因為要鼓勵支持小店而推介大家到這裡來幫襯。蔥油餅、臭豆腐、燻蛋、菜肉雲吞或炸豬扒擔擔麵，全部都有老字號的味道，喜歡上海菜的朋友，行過附近，這裡值得一試。…查看更多

7月15日 星期六 因為要附近返學 附近餐廳無位 所以入左尼間餐廳由於連日高溫 店比較熱 午膳都無套餐有菜飯 湯麵 由$78up ($78只有3款左右）*不包飲品*另收加一叫左糖醋魚柳菜飯$88 ［需另收加一］菜飯比較少 飯不熱 菜沒有調味糖醋魚柳 味道還好 新鮮即煮 有5，6件 手指size最後都是食唔飽 埋單大概$100不會再到訪…查看更多

今日又再一次來到上海人家進餐，和二月中第一次來的時候一樣，進餐體驗依然是非常美好，特別要介紹的是：一籠四隻的上海小籠包 (皮薄多汁) 和菜肉雲吞麵 (份量充足)。另一方面：雷沙湯丸和雞絲粉皮作為追加小食更是相當不錯，有機會大家都要來試一試，至於豆漿則甜度適中，適合怕太甜的朋友喝。經過炮台山的朋友，有機會記得試試啦！…查看更多

午飯散叫咗一個素菜上海粗炒，因為唔係套餐冇飲品送唔緊要, 飲品有半價，但係個上海粗炒只係得豉油, 上海麵, 椰菜同白菜.…單據上寫咗上海粗炒*走肉*. 而我叫嘅就係素菜餐單上面嘅素菜上海粗炒. 價錢都係一樣$88. 加埋一杯已經半價咗嘅$13豆漿, 埋單$101. 之後向服務員了解，佢就話其實素菜上海粗炒就等如上海粗炒走肉….咁我就直接同佢講”咁樣真係搵笨”. 我明白如果喺正常餐單上需要減少某種食材, 差價唔會計返, 但係我叫嘅係素菜餐單上面嘅上海粗炒. 如果價錢同非素食嘅上海粗炒一樣, 我嘅基本期望係可能有多些蔬菜食材去取代肉類, 比較高嘅期望係可能有多些房肉質嘅食材去取代肉類. 當然兩樣都冇發生，再加上服務員態度唔係咁好……查看更多

尋日買飯個陣個白白地頭髮既女人服務勁差，不停地唔耐煩我地俾錢，番到去打開個飯先知少到得一碗飯都無，D雞全部都係骨，希望大家唔好再去幫襯佢地，唔好助長呢啲無良店鋪…查看更多

位於炮台山地鐵站附近經過見到佢個menu超級多選擇 好多野都好想食😍好嘅係我已經知道自己想食菜飯 不過揀咗一陣要咩餸 因為蔥油手絲雞 師子頭 糖醋魚塊都想食▶️ 糖醋魚塊菜飯 ($68)一開始驚佢會超酸 因為佢好似好紅咁🙈估唔到又幾好食 醬汁較黏杰 酸味適中同埋食落甜甜地 用嚟餸飯好好味👍🏻啲魚柳大大塊有肉地 之後因為炸過外皮所以咬落脆口❤️外皮層粉亦唔太厚 菜飯有一大碗 真係見到好多白菜仔🥬可惜味道上差咗啲 雖然白菜仔咬落夠清脆 但係味道比較清淡🍚冇咗菜飯應有既香味同埋可能啲飯質較乾身啦 但係都ok嘅 好在糖醋魚塊醬汁夠濃味🐟-試咗朋友少少師子頭 覺得味道上鹹咗啲 師子頭都比較細舊 但係肉質好腍😋雖然味道未到正宗上海菜 但尚算ok服務態度都好好👍🏻環境亦可以 四人枱夠闊價錢合理 冇加一 平均$70一個餐 每個餐份量超足 另外仲有自家煲嘅雜菜湯包不過不失嘅一間上海菜啦…查看更多

早前為食貓買左上海人家外賣，覺得都幾普通，堂食就不必，但外賣返屋企食都還可以既:)蔥油酥餅個酥餅真係ma ma，餅唔夠鬆脆，個餡既豬肉怪怪地，配埋個蔥唔係好夾擔擔麵擔擔麵不過不失，無話特別好食，不過味精都幾重，食完都有d口渴酸辣湯都OK，算辣，不過都唔係話好出色…查看更多

兩個人一早到，叫完野食等左半個鐘都未到。再問先發覺漏單，只顧住外賣，同埋一台十人既單。（比我遲入坐，同叫野食）野食水準一般，但好明顯唔夠人手，lunch hour聲時間既，就叫外賣算喇，唔好堂食！…查看更多

超級伏。浪費金錢。真係好難食。我仲要好肚餓食兩啖都放棄唔再食。應該一早上黎睇睇評語先叫啦。一共叫左兩碗麵。每個$68左右。送兩個餐湯。加一個餸。外賣盒共收6蚊。160蚊可以食到好好味啦。呢個價位食上海姥姥、翡翠拉麵都得喇！擔擔面太太太淋。湯底好似溝左水咁。無乜味。送果個餐湯勁少又係好似溝左水咁。上海店你送個水溝雜菜水。你送啲咁既湯不如唔好送啦。希望快啲執左佢。開間好食啲既餐廳啦。都唔明點解咁既質素都可以開咁耐！…查看更多

廢話唔講太多莫講話一間上海餐廳 連一間普通餐廳水準都無 仲夠膽收呢D價錢，真係想大叫！附近一帶咁多出色嘅餐廳，希望兩位TB老闆真誠向人地多多學習，改良下食物質素！其實如果食物好食，香港人貴D都肯俾，但係呢D食物質素真係唔單止唔值呢個價錢，仲衰過我自己煮！排骨菜飯 - 菜飯菜飯無菜(98%白飯 2%菜囉）飯夠曬爛唔香又無味似就咁用白飯撈半條剪碎的梅菜（真陰功）排骨菜飯 - 排骨排骨乾到不堪又硬又鹹 想自殘整爛個喉嚨嘅話，都可以試下架！餃子4隻 （44蚊）相都費事影，食到懷疑人生點樣可以收44蚊？皮厚過呀爺D腳皮，無味架！係屋企整碼頭餃子好過！餐湯送羅宋湯 食上海野飲羅宋湯有無聽錯？不如專心研究下點整好D野食啦唔洗你送野飲作為街坊，真係希望間鋪快D轉俾下一手有heart嘅餐廳，報告完畢🥲…查看更多

之前差唔多每個星期都會嚟附近公園picnic, 呢度真係好多嘢食，所以每次都好期待試新野，我哋會唔會間買少少，試多點唔同餐廳。依家經過左好幾次，今日想飲酸辣湯，所以就叫呢度嘅酸辣湯雲吞。下晝大概3:00落單，我估佢真係即叫即整，因為等咗差唔多15分鐘先有$68/碗，再加一碗蕃茄薯仔湯，外賣加兩蚊。但係我唔明點解我嗌酸辣湯雲吞佢會再跟多一碗湯俾我。酸辣湯味道正常，至於雲吞，其實味道係OK嘅，但係個皮真係超厚，有啲扣分。總括來講，不過不失…查看更多

糖醋魚塊成個單餸飯咁。。。。都算啦蒸素餃四隻仲過份貴唔係問題 味道上唔覺有咩得別先係最大問題一係就份量上/味道上令到啲食物真係值呢個價可惜兩樣都唔得但收咁貴 未試過一間野會覺得咁唔抵 真係無下次同位都有好多間相連嘅食店 價錢相若嘅 味道好好多如果咁嘅價位但質素唔變都可以繼續做落去 真係恭喜你地無心寫低劣評 只係真心覺得好唔抵明明有咁多選擇我都中伏 當買個經驗疫情下生意係難做但係質素做好啲 客人會自願回頭再幫襯無謂殺雞取蛋呀…查看更多

今日星期五諗住叫外賣，揀咗呢間上海人家。我哋點左四個餸，其中一個係炸豬扒。 點餐嗰陣時，見到炸豬扒（淨餸）價錢係同排骨麵/菜飯嘅價錢一樣係$75。因為屋企四個人，所以諗住叫呢個份量應該夠四個人食。點會諗到外賣嚟到之後見到得一塊細過手掌，切開咗四片，薄過iPhone，味道一般嘅豬扒竟然收$75！？ 唔係好明佢吔點解可以收呢個價錢？好過去搶！其他餸就正正常常份量偏少，可能外賣所以份量偏少。不過點都好我哋都唔會再幫襯呢間！ …查看更多

係隔離街嘅酒店staycation，因為6點後無得堂食所以唯有係附近搵嘢食。本身想食水煮肥牛嗰間，點知閂咗門。行咗一圈見到呢間，雖然價錢少貴但因為無其他嘢想食，無計。嗌咗個京蔥醬爆牛肉拌麵，$88，外賣再加$2，小店嚟講都幾貴。攞到上房，夠熱，但份量好少，牛肉幾un，麵太淋，但又結埋一餅，而且味道偏咸。食後感係:呢個質素點解夠膽收$90？！！！如果係呢個份量同食物質素，$50樓下都可以考慮。但收呢個價，住係附近都唔會再幫襯。…查看更多

D雞絲over cook 好似食緊橡膠，啲面又乾又冇味，更加唔明點解送個菜湯，會用個奶茶嘅紙杯裝，一個奶茶杯加外賣書＄1.0，個面本身又加＄2.0外賣，但係只係用咗一個膠嘅碗，其實個面本身＄62，淨係外賣一隻杯一個碗要加$3，我覺得俾人呃咗囉！如果佢話俾我聽碗麵係$65 ，冇湯送，我會覺得佢老實啲囉！啲嘢又唔好食、又唔老實、你自己考慮幫唔幫襯！個湯係唔熱嘅，又淡又冇味！個麪少過半蜿，一個男仕一定唔夠食，成個麵冇乜料，得幾條趙都趙唔開嘅雞絲，連汁都冇乜要到個菜湯落去撈開個面！…查看更多