影片
以上资料只供参考，请与餐厅确认详情
3点3下午茶，超想食上海菜，就跟好友去觅食。估唔到呢一间餐厅下午茶款式多，性价比又高，真的很不错。✨芝麻绿茶煎饼✨煎饼呈淡淡的绿色，大量的芝麻围边，香气十足。一口下去，里面馅料满满，带点点微甜，真的很不错。✨梅菜干烧饼✨真的是第一次食，食落脆卜卜，中间加了不少梅菜干，咸香味十足，又脆又好食。✨鲜肉小笼包✨尺寸刚好，同好友一人两个，入边有不少汤汁，热辣辣好好食。✨上海排骨葱油拌面✨葱油拌面葱香十足，但不会过于油腻。上海排骨炸得金黄酥脆，炸粉薄，肉厚身，的确啖啖肉。✨上海粗炒✨见到不少客人也点，决定跟风，果然冇错😍色泽诱人，份量很多。食落有镬气之余，还十分足料，蔬菜清甜，肉丝有咬感，面条弹牙，筷子冇停过食到最后😂✨桂圆红枣茶✨✨黑糖老姜蜜✨✨陈年菊普✨饮品令人有意外惊喜，整个杯面都是红枣及菊花，完全见不到底😍饮完非常养生，超正。环境舒服，性价比高，值得再去。想睇更多介绍，马上Follow我啦😁。
继续阅读
上海上海今次要介绍一间喺粉岭嘅一间上海菜餐厅叫「上海上海」，呢间餐厅入面空间都算大，轮椅人士都方便入到去食野，下午茶时段都几乎满座，食物同店员服务质素都好好，店员仲同我讲呢间餐厅啱啱开咗三个月，我仲记得前身系茶餐厅添！其实名都商场唔算系方便轮椅人士，要进入名都商场有两个方法，第一方法系港铁站一出有升降台（超重型电动轮椅不建议使用）可以入去名都商场，第二方法系兜个大路去名都商场嘅停车场搭升降机，我系用第二方法入名都商场，我部轮椅系属于超重型电动轮椅，连人带轮椅至少240KG，过去十年试过最少五次用升降台搞到「半天吊」，要大约六位消防员用粗麻绳连人大轮椅一齐抬我离开升降台，所以我好惊见到升降台，唔敢再用！1.广元麻婆豆腐 配江南菜饭+黑糖老姜蜜$48（9.5/10）呢个麻婆豆腐套餐份量好足够，麻婆豆腐都几辣下，豆腐非常滑，再配埋菜饭真系好饱！下午茶套餐系包埋饮品，我拣咗黑糖老姜蜜，原来黑糖老姜蜜同桂圆红枣茶差唔多样，饮唔到姜蜜味，只系水嘅颜色深少少咁姐！2.金汤酸菜肥牛 配江南菜饭+桂圆红枣茶$48（8.5/10）呢碗金汤酸菜肥牛个肥牛唔算太多，肥牛大约有5片，芽菜就好鬼多，入面仲有薯粉，再配埋菜饭真系好饱！下午茶套餐系包埋饮品，我拣咗桂圆红枣茶，呢个价钱有得饮花茶真系好抵！3.鲜肉小笼包（4件）+冻豆浆$32（8.5/10）呢个鲜肉小笼包如果单点都系$32，下午茶就送埋饮品，小笼包外皮烟韧，得过入面小笼包嘅汤汁如果多返少少会更好，鲜肉小笼包一共有4件！饮品拣咗冻豆浆，豆浆唔够滑，有少少豆浆渣，豆浆味就好香浓！4.萝卜丝酥饼$32（9.5/10）呢个萝卜丝酥饼咬落热辣辣，外皮炸得好香脆，入面有劲多萝卜丝，一共有4旧萝卜丝酥饼！5.奶黄流心南瓜丸（5件）$32（9/10）呢个奶黄流心南瓜丸咬落个心好热，完全感受到真系即叫即炸，一咬奶黄流心流哂出嚟，奶黄味唔算好浓，至于话系南瓜丸唔觉得有南瓜味，一共有5粒奶黄流心南瓜丸！6.芝麻绿茶煎饼（4件）$28（9.5/10）呢个芝麻绿茶煎饼真系好好味，个煎饼铺满咗白芝麻粒，令到每一件煎饼好香，又大旧又厚身，一共有4件芝麻绿茶煎饼，如果绿茶味浓多少少会更好！2人总共价钱$220个人口味总评分：9.08/10 地址：粉岭粉岭车站路18号粉岭名都商场2楼53&57号舖Please follow me🙆♂️ @wheelchaireatinhongkong 如果钟意我嘅分享，麻烦请follow我，仲有记得Like同Share！🙏🏻🙇🏻♂️#上海上海 #上海菜 #香港美食 #粉岭美食 #粉岭好去处 #hkig #hkboy #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
继续阅读
今日去粉岭做嘢，谂住去返茶A食lunch加佢哋嘅秘制辣椒油💕点知发现原来已经转咗舖头🥺呢度附近嘅舖头我哋都试齐，所以有新嘢就试新嘢🤩佢个老坛酸菜鱼饭真系必食👍🏻食物老坛酸菜鱼菜饭呢个性价比超级高！因为我哋喺出边食酸菜鱼饭都唔平～佢呢个质素同个价钱真系超绝⚠️我哋见到佢个辣椒🌶️写微辣…因为我都比较怕辣，所以我预先分开咗啲辣椒…佢个酸菜真系好好食！佢个辣都好开胃👍🏻钟意食酸辣汤嘅人一定要试🫱佢鱼片都有好多，爽口鲜甜嘅鱼💕个底仲有薯粉🤩冻热豆浆食上海嘢梗系饮豆浆😄男朋友嗌冻豆浆，冻豆浆真系好解辣！但系我觉得热豆浆嘅豆香好饮啲👍🏻鸡丝粉皮我食上海嘢一定会嗌鸡丝粉皮🤭谜思黎～～可能因为我钟意鸡丝粉皮加麻酱嘅感觉！佢另外仲有青瓜丝铺底，食辣嘢要食返青瓜先解到腻👍🏻蒜泥白肉呢个又系劲好食！我哋系连蒜泥都食晒😂佢啲腩肉好脆葱油猪扒拌面个猪扒烤得好香好好食！好香嘅葱油～～佢个面系幼身上海面，份量都好足！
继续阅读
喺粉岭站上盖一个商场入面，位置方便，𠮶日嚟呢边有啲野做，见到价钱几便宜就谂住试下小笼包：落完单唔够1分钟就上左枱，应该系预先蒸好晒放喺度，好细只而且冇乜肉汁，感觉似超市雪藏货🥐南京清汤牛肉面：有两三片牛肉，味道正常，唯一系碗面暖嘅唔热🍝嫩鸡煨面：有惊喜，面底好淋，有唔少鸡粒，热到差啲焫亲♨️虽然野食质素一般，但胜在价钱唔贵，平均$40-50，午市学生有85折，性价比高，不过如果对上海菜有啲要求就可能有其他选择
继续阅读
「上海上海」下午茶好抵食，份量又足够，最紧要不另收加一服务费。家乡蒸饺蒸饺的皮薄而有弹性，内馅鲜美多汁，搭配醋和辣椒油，味道更提升。酱香牛腱心牛腱心肉质鲜嫩，酱香味浓厚，搭配蒜末，味道更浓郁水晶芝麻饼水晶芝麻饼外皮透明，内馅香甜，浓浓芝麻香。芝麻绿茶煎饼芝麻的香气和绿茶的清香完美结合，外脆内嫩。上海粗炒每次食上海野，必定会点上海粗炒，粗面口感筋道，猪肉鲜嫩，蔬菜清脆，味道浓郁又不会过咸。南京清汤牛肉面牛肉面汤头清澈，充满牛肉的鲜香。面条弹牙，搭配软嫩的牛肉，清新而不油腻。
继续阅读