影片
以上资料只供参考，请与餐厅确认详情
所有嘢都普通唔系特别好味，又细细碟，最重要既小笼包皮厚冇肉汁唔鲜甜(睇相就知)，粟米羹好有生粉水feel🙁(粟米罐头汤都好过佢）最好系鳝糊，个汁都够浓郁，但系啲鳝唔够弹牙，津白都超普通，醉鸡无鸡味无酒味。。。间餐厅啲老板（？）定侍应（？）讲嘢好大声，问个侍应有冇落到上海年糕，佢随口话有，点知等咗好耐都冇，原来系冇落单既😵💫虽然现场都几full，又有订枱，但系唔明点解咁多人食，唔使排队都可以试吓既，但绝对唔值得排队去食！
继续阅读
官塘一品香，无人不识，老香港式上海口味，价钱合理，老板同员工彬彬有礼，满载回忆的美味。以上赞美，系我对老手致敬。先讲𩠌菜，𩠌嘅份量少左，面嘅汤淡而无味，同几个月前差好远：如果年初系7分，9月就系3分。。。最近去到，由新人一男一女夫妇当道，响舖面讲嘢大声过客，眼见两枱人叫𩠌，问嘢，都俾个男人吋，果个客只不过因为唔熟，或者忘记，而讲唔出 “擂沙汤圆” 四个字啫。。。另一个客叫左煎锅贴，唔要豆办酱而想要醋，只不过因为一樽醋俾餐牌遮住而唔知，就俾果个女人吋。如果纯粹想念旧，缅怀，大家可以继续去官塘一品香，如果想食得满意，食嘅时候同食完都开心，大家应该去湾仔369（够地道，越夜越旺场），九龙湾小南国（食物精美，服务同环境令人舒适满意）。
继续阅读
小笼包一下有八粒，咬开都有汤，不过就唔会爆汁，唔使惊弹到周围都系同埋太热会渌亲。上海锅贴一客四件，个底唔会煎到㶶晒，饺皮又唔算好厚，食落都唔错。酸辣汤叫咗一锅，酸味同辣味都几均匀，入面有肉丝、木耳丝、猪红丝、豆腐丝同埋笋丝，真系好开心食到以前细个成日食𠮶啲上海舖嘅味道，依家真系买少见少。今次冇食上海粗炒，反而叫咗个上海炒年糕，呢个觉得相对比较一般，如果咁样炒法应该上海粗炒好食啲，如果食炒年糕应该叫三丝炒年糕或者荠菜炒年糕𠮶啲汁酱比较淡味嘅会好食啲。呢度嘅豆浆系一支支嘅，味道都唔错。
继续阅读
商场内二楼的角落， 没有装修但性在价钱实惠， 午饭时间人比较多， 主要是上班一族。午餐时段的客饭有怀旧感，蒸小笼饱汤汁略嫌唔够多汤，但味道可以而且皮够薄 酸辣汤酸辣程度亦刚好。整体唔错，不错的老上海小馆。下次经过开会想再来试试其他出品
继续阅读
呢间上海菜由细食到大，价钱非常的平民，光速的上菜，当你好肚饿嘅时候，劲快就上咗成枱野食系咪超开心先，而且味道完全合格，话说最近带返爸爸黎到 (佢劲多年冇黎过，好意外仲喺度)，平时外出食饭大多数时间都有弹冇赞嘅佢冇阿支阿左，仲讲明要再嚟，可能老人家都系钟意啲老味道吧。
继续阅读