上海一品香菜館

营业中

休息中

上海一品香菜館 坐商場平民小店 食物時得時失準 冇期望就冇失望 …… 不過今次就差啲晚餐外賣客飯 ~回鍋肉送湯 $40 係咁上下冬瓜豬骨湯 ~ 今次例湯出奇嘅料多……冬瓜幾件 骨頭2嚿阻位問題係酸咗回鍋肉~ 濃油赤醬 夠火喉 肉大肥少瘦 但椰菜生生地仲有啲苦味白飯一盒 飯色白 夠軟滑 外賣飯盒"發泡膠" 畀大滾油燙到溶咗雖然放咗張紙 幫倒少少 但都係溶咗上海菜滾油滾醬 應該有改善空間……"發泡膠" 洗番交環保 雖然煩咗啲……每人出一分力 唔駛再刺傷地球咁多如果有下次 就堂食 或 自帶外賣盒

觀塘廣場是一個很神奇的地方，結合黃金電腦+葵廣小食特色，又有旅行社又有平衫賣，再加馬會譚仔大快會，何其獨一無二。在高層遠離扶手梯的位置，像室內大排檔一般在公家範圍開了幾張摺枱，路人在不斷擦身而過，食客繼續悠然自得，又一都市奇景。小籠包賣相可能不太吸引，像叮叮點心，以為很厚皮但食落剛好相反，皮薄多汁，調味清淡得宜。生煎包是港式酒樓那種生煎包，蒸包那種包皮，飽肚之選。分量很多，雲腿充滿幽雅的鹹香。濃油赤醬，當中的肉絲嫩滑爽口。

剛同老婆回流番香港，朋友介紹試食lee 間隱世上海菜。位置係觀塘廣場4樓corner，唔知其實都幾難搵到😅。2個人叫左3餸一湯加小籠包😂。第一樣酸辣湯，味道濃郁，酸辣味適中。再黎上湯小籠包，味道ok，但係上湯不太多，冇爆汁。口水雞，好吃，好滑、有雞味。乾扁四季豆，正，夠晒穫氣！梅菜扣肉，味道一流，不過D 扣肉好肥，個人不太喜歡。原本想加豆沙鍋餅，但係太飽😜。最後埋單$250，lee 個價錢，實在物超所值。

今日星期日當然去九龍灣睇返個平平地的早場，再去觀塘outlet行下睇下野都接近午飯時候，想來想去都未決定到食咩個刻記得地鐵站附近間馬會樓上有間食小龍包的上海鋪，因有次等朋友一同去釣蝦，所以行了入商場逛逛，看見鋪內坐滿人。今日醒起就當然要試下啦。因還未到午市時間，所以還有位坐。鋪內四面都寫滿餐牌食物，鋪的格局好有老一代懷舊餐廳feel。就咁～看了餐牌點了一個酸辣粗麵，燻魚擔擔麵，南翔小籠包同菜肉雲吞。就咁～我食的粗酸辣麵足料，夠酸辣，燻魚都ok，南翔小籠包即叫即蒸小籠包多汁料足又夠熱，點了醋食一流，而且菜肉雲吞湯上真係好暖笠笠，整體食物滿足度極高，服務都滿意會再來光顧的

這家店的給我留下的最大特色就是服務態度不知所謂，年輕的男店員態度惡劣得讓人不可置信地沒禮貌。單是普通詢問菜色卻得到惡騰騰的回應。下菜單時也超敷衍。用餐期間更傳來店家員工的呼喝聲，用餐體驗因整個店的氣氛變得令人很無奈。食物方面，雖保有老式上海菜的風味，但感覺味道的層次只是一般好吃。加上衞生情況的因素，我寧願去大排檔還好XD 唯一可取的是食物的份量夠多⋯⋯吧。如果你欣賞店裏的惡劣氣氛加上一般水平的食物，這家店會適合你的：）

觀塘廣場一向俾人感覺係好平民既地方，多數係路過拮下魚蛋燒賣，又或者入馬會買馬，買下電子嘢等等，好少會食正餐，因為環境真係麻麻甜酸雞球地。呢間小店位於角落，但人龍就排到出門口，我哋一行幾人都無諗過平日夜晚都咁爆咁旺場，只好係門口坐。四個女仔，嗌咗雞絲粉皮， 甜酸雞球，西湖牛肉羹，魚香茄子，加個雞絲炒飯。雞絲粉皮，充滿麻醬既雞絲配上青瓜絲，底下鋪滿粉皮，清涼爽口，作為頭盤非常開胃，麻醬份量適中，而且青瓜絲食得出係即切而唔係整定，爽脆又無出水，食到索索聲。甜酸雞球，可能汁比較多，所以雞球表面既脆粉唔夠脆，不過就好索汁，用嚟撈飯好醒胃。西湖牛肉羹，用切碎嘅芫茜配上牛肉碎同豆腐粒，非常滑溜，莞茜細到咬唔到，但又有香味，豆腐好滑溜，似係布包豆腐，牛肉係米粒size，唔會太大，成件事入口好住家feel，清淡但好味。魚香茄子，亦係多汁既菜式，有少少辣椒同蒜，但咸魚比較少，肉碎比較多，配埋茄子又係好送飯。雞絲炒飯，成餐飯最欣賞既係佢，飯同蛋絲好夾，食到鑊香味，雞絲有少少咸香，飯夠乾身，粒粒分明。成餐飯四個人，三百零蚊，非常抵食。

老字號的一品香屹立於觀塘區多年，雖然地點並不起眼，卻因為食物質素不錯因而有固定的捧場客，我們一家便是其中一份子，這天我們來到這裏食午餐，今次只是叫了麻婆豆腐客飯，再加上鍋貼及小籠包，整體味道保持水準，尤其麻婆豆腐的辣味恰到好處，不會太搶喉亦不會淡如水，配飯吃是不錯的組合，小籠包皮薄餡鮮嫩，8隻份量，大小適中，鍋貼煎得香口，皮邊香脆，點些薑絲浙醋令味道提升， 總括來說食物質素及價格性價比不錯，得閒再encore。

雖然我常去觀塘區找好吃的西餐，但其實在這裡還有很多其他的美食。像是有天就跟著媽媽去了觀塘廣場吃上海菜喔！！平時很少會逛這種舊式商場，印象中最深刻的大概就是在這有馬會 (笑)媽媽說這家還有其他的分店，而且已經是滿有歷史的店來喔先點 - 紅油炒手 ($40/8隻)這家的沒有之前吃過的那麼辣！厚皮的餛飩包著的餡有滿滿的肉汁。除了單點之外，餐牌中還有一些自選小菜套餐～由二菜一湯到五菜一湯也可以。就是在指定的菜式中選擇便可，剛好我們選的其中一款湯和小菜也中了～所以店員說我們可考慮二菜一湯($150)其中一款小菜是 - 口水雞！我覺得這比紅油炒手的味道更辣更麻一點，吃落很開胃。雞肉的肉質也很爽嫩火丁津白 - 頗為惹味，但又不會很鹹。而且每棵的津白也很軟稔稔，亦吸附了滿滿的湯上海酸辣湯 - 不會很辣，這個反而是偏酸味多一點。平時我都是會配餃子來吃的～但這次則點了 - 蒸銀絲卷 ($15)口感很鬆軟～內裡是一絲絲的喔！還可以配煉奶來吃。銀芽鱔糊 ($98) - 濃濃的醬汁味道，但稍微覺得偏甜了少許。鱔則很肥美～加上銀芽讓口感更為豐富！來到上海菜館當然還要吃 - 南翔小籠包 ($40/8隻)要襯熱吃～不

xx炒冷麵：名字有點忘記，跟街市的炒麵差唔多，好吃銀絲卷：沒有不好吃的銀絲卷吧，吃上海餐廳必點建議人齊排隊，會比較快有位，餐桌排到外面，餐廳不大，即使book了位，等位亦需時。

今日lunch去左觀廣覓食，試左呢間之前某網媒話好食既上海菜館佢冇咩裝修，舊式茶餐廳既風格。位唔算多，但坐落都唔會話好逼/ 幾舒適睇完menu，同男朋友揀左二菜一湯套餐，$150 包兩送、一湯、兩碗白飯，價錢都算OK!首先上左回鍋豬肉，份量雖然唔算多，但兩個人食岩岩好，我中意佢菜多，肉就冇咩味，冇特別。個汁甜甜地幾好食呢個菠蘿咕嚕肉好岩我口味肉好林身，好好食，啲配菜都好新鮮，清晒呢個牛肉羹每人都飲到3碗左右，唔錯！好香，好好飲簡簡單單既一個湯，好濃味，唔落胡椒粉都夠！呢個令人有啲失望好乾，有幾隻直頭冇湯汁，皮偏厚，唔太好食。總結黎講我覺得小籠包可以唔叫，佢個「X菜X湯套餐」可以一試，選擇多，味道唔錯！

香港食上海菜 想食得經濟又實惠？ 不妨一試的一品香， 位於觀塘廣場。三小姐先行有一個建議：平日晚上才來吃的選擇，不是的話就請浪費時間大排長龍！ 其實三小姐自己覺得排隊實在是太浪費時間， 等得來也沒胃口吃飯！ 今次聚餐人數3人。 本身叫了一個 一羹兩餸的套餐。 最後樣樣菜都想試一下， 就點多了 三項。•上海菜必試小籠包，味道中上，熱騰騰的， 略嫌小籠包裡的肉汁不夠多 。•紅燒爐魚， 賣相不算討好，但吃下味道不錯， 汁料夠味， 魚肉算不上鮮味。•椒鹽排骨就不值一試, 沒特別好吃，可以不試。•菜膽獅子頭比想像中好吃， 不會肉散散， 獅重重的菇香味， 少少彈牙，口感很好又不會太油膩！ •甜食點了兩款，一個是銀絲卷（賣相很好， 面團軟軟的但是外皮炸得不脆，大失所望） 紅豆煎餅好食， 旦餅很有旦味，紅色餡不會太甜，煎得很脆 Ps ： 三姐姐差點漏了豆腐羹， 豆腐羹好吃， 味道比故清配試濃味的上海食物很搭 ，可以試一試！下次想試埋個酸辣湯

放工要趕去觀塘附近上堂，本來諗住去觀塘廣場食車仔麵算數，夠快手，因為得半個鐘食飯但行行下，就記得呢間食上海野幾正，成日都好多人排隊，但都決定博一博去等位，最多食快d姐等左10分鐘就有位，都算快，我地坐低左嗌野食之後，發現條隊仲長過岩岩黎果時，都算好彩。兩個人叫野食都唔多，特別要食個改良版擔擔麵，佢比起普通嘅加左肉碎，真係好食，湯味道夠濃郁，有d似食沾麵咁，個湯汁可以掛係麵條上面，肉碎都好惹味，值得一叫再叫揚州炒飯炒得幾有鑊氣，蝦仁都算彈牙，但無咩味，雪藏係咁上下，飯粒好完整，亦唔算多油！小籠包$40一籠有8隻，要慢慢咬開，入邊嘅湯汁好熱，要攤涼少少先好食，味道一般。呢個奶油津白都值得推介，雖然可能加左奶油會肥d，但成個味道幾濃郁，津白都有甜味，係唔知點解用火腿粒今次因爲趕時間，食得太快，下次應該慢慢食，慢慢品嚐，再試埋其他菜式！

今晚我和太太兩個撐枱腳去了觀塘的一品香吃上海菜，這間菜館的特色是實惠又抵食，尤其那些晚市套餐，款式選擇多。環境狹窄而且我們也要搭枱， 飲的茶也只是從茶膽沖的茶而巳，不過我們鍾情那些餸菜的味道，我們點了兩餸一湯套餐，包括了粟米羹、口水雞、雞絲粉皮，加上鍋貼及小籠包，二人夠食有餘，貪心想點多些但胃納有限，所以點到即止。雞絲粉皮的醬汁香濃惹味，口水雞辣得剛剛好，啱我接受的程度，這晚整體餸菜保持水準是預期之內，繼續支持。

朋友介紹的上海食店，今日終於一試！晚上六點幾到達，唔算好多人，還有很多位！上海粗炒，份量適中，唔油，咸度適中，炒得有穫氣！口水雞，$60，雞好滑，d皮都好爽，唔肥，辣椒油辣度適中，好香！小籠包，$40，有8粒，雖然唔算好出色，但勝在內面有熱騰騰的湯汁，口感豐富！茶位$2，不用加一，價錢合理，會再黎試其他菜式！

夜晚同朋友係apm 行完街就搵地方落腳晚飯我就建議去觀塘廣場逛一逛朋友就醒起之前佢去過一間上海菜館好正不過佢都唔係好記得路，淨係記得係一個隱蔽地方終於都俾佢搵到，相對來講都幾隱蔽首先叫一個主食朋友話好想食炒麵我哋見到餐牌上有個三鮮炒冷麵心諗一定係冷盤😂上到黎當然就知道自己係傻仔啦不過傻仔嘅我仲未知道點解要炒冷麵但我覺得都好好食雞肉都好嫰滑，有蝦仁再叫一籠小籠包我自己覺得麻麻地因為佢唔夠湯水食入口比較乾身，有待改善呢碟奶油津白做得好出色好鮮味，又唔會太甜好想encore我同朋友個肚仲心思思好想再試其他上海野所以叫多咗個擔擔麵呢個係改良版嘅擔擔麵佢哋話係加多左炒肉碎事實上真係好正最好用銀絲卷作結束炸出嚟嘅時候仲熱辣辣都好好食！我地得兩個人但係餐牌上面七成嘅嘢都好想試仲有醉雞啊回鍋肉啊嗰啲未試你下次要叫多啲人嚟不過佢哋真係好多人排隊食得有啲急好快就要收你嘅嘢同埋佢哋真係超級忙大家要有定心理準備