影片
港铁尖沙咀/尖东站 B1 出口, 步行约1分钟
继续阅读
附加资料
餐馆由前星级及名人私房菜的主厨主理，拥多年私房菜经验。材料即日新鲜自购，客人可自订菜单，价钱另议。欢迎客人提前预订。
营业时间
星期一至日
18:00 - 23:00
以上资料只供参考，请与餐厅确认详情
一星期前预订咗呢间私房菜, 真系第一次试食, 估唔到都咁难忘, 因为订位时先知系最后一天营业, 上到楼格局系住宅嚟, 一个单位分咗三间大房, 好住家FEEL , $340/人 包汽水免加一, 大白菜杏汁猪肺汤 - 成碗汤都好清甜, 好足料 黄金虾 - 蛋黄又香又好味, 虾肉好爽好新鲜花雕醉蟹蒸蛋白 - 卖相一睇就已经好吸引, 一阵阵酒香飘出, 蟹肉好鲜甜爽口椒盐鲍鱼 - 第一次咁食, 非常爽口, 比蒸更加好食蒸斑 - 睇嚟过火咗, 肉质唔够嫩口炒鲜鱿 - 成碟好浓虾酱味, 成碟都好咸, 可能重手咗原只糯米鸡 - 麻麻地好味士多啤梨一字骨 - 味道系甜甜地, 但肉质好死好实又好鞋, 有啲瘦到咬唔开啲肉金银蛋菜芯 - 唔算太突出, 普普通通杞子雪耳炖圆肉, 木瓜炖雪耳 - 两款糖水都好清好润总结 : 最好食既系海鲜类, 尤其蟹,鲍鱼, 虾都系其次, 不过好可惜冇下一次, 因为租约关系今晚已经系最后一夜, 好高兴可以做到呢到既最后一围客人
继续阅读
部门食饭拣左呢个就脚嘅上品私房菜， 睇睇菜单先: 1.准山杞子缧头炖竹丝鸡(每位加$20元)2.清蒸海班3.黄金虾4.避风塘炒蟹5.椒盐鲍鱼6.上品糯米鸡7.鲜冬菇虾干浸津白8.杞子圆肉炖雪耳或冰花红莲炖木瓜私房菜系尖沙咀商业大厦(但住家格局?约4间房另有大厅)， 我们被安排坐房内，内有电视， 冷气开放。准山杞子缧头炖竹丝鸡: 天气刚凉upgrade呢个滋补汤水，但鸡脚上桌前最好剪脚趾啦不过个汤就系火候十足嘅，真材实料清蒸海斑: 真心系大酒楼质素!条斑新鲜不在话下，时间拿捏得准，鱼肉真的只是刚刚离骨! 肉质鲜嫩，不消数分钟可以清碟黄金虾: 呢个黄金虾每只虾都炸得香脆，沾满炒得咸香的蛋黄蓉。。。真系邪恶送饭食嘅神菜!服务员(国语)给我嚟碗白饭!避风塘炒蟹: 唉，本身好味架，不过争少少辣味钢钳成梳肉架! 啖啖肉正椒盐鲍鱼: 鲍鱼用椒盐炮制真系第1次食， 避风塘炸蒜粒又系邪恶轴心! 服务员! 添饭唔该!Signature : '糯米鸡'，可能我系炸子鸡铁粉，糯米鸡肚藏糯米，烟熏过再包荷叶蒸。鸡肉质少少淋，口感一般，糯米饭系香嘅鲜冬菇虾干浸津白: 去油嫩，希望罪恶感会消减私房菜嚟讲真系中上之选，上菜哥哥虽然系兼职，但表现殷勤专业，洗手间干净企理，交通方便，一定有下次!
继续阅读
一家人最重要系齐齐整整，平平安安，所以有时都要聚餐见面，由于大佬之前吃过，所以提议来吃。呢间位于尖沙咀区内住宅的私房菜，占地约500呎，大厦已经有50年以上，保养得不错，走廊整洁。我们八个人被安排在80呎房间内。醉虾-有位厨师临场处理，他先用酒浸虾，再点火，好香酒味，而虾吸收了酒精更鲜甜。蒸班-肉刚好离骨，又有鱼味👍花雕蛋白蒸蟹-蟹好新鲜多肉，可惜我唔钟意食。冬瓜煲螺片-清淡有鲜味。士多啤梨骨-排骨比较廋，只是加了士多啤梨汁，一般啦冬菇津白－用蚝油淋在鲜冬菇和津白上，冇特别。避风塘鲍鱼-鲍鱼唔硬，只系蒜味大浓。人均消费$350，以私房收费正常，味道中上。
继续阅读
莲子银杏瘦肉炖冬瓜入面有冬瓜,莲子,银杏,瘦肉,响螺,薏米.饮落冇咩味精,都几似住家汤水.黄金虾,外面包住一层咸蛋黄,因为虾壳已经炸到脆脆哋,几乎可以成只就咁食,咁当然要咬多几下先吞啦.椒盐鲍鱼,已经将入面啲内脏清走,再起肉蘸浆油炸,食落唔韧,上面啲炸蒜蓉同辣椒令佢仲惹味.花雕蛋白蒸蟹,只蟹嘅肉唔多,蛋白都几滑溜,不过花雕味就好似浓得滞,抢咗蟹嘅鲜味.清蒸海斑,呢个就比较普通.糯米鸡,我哋原本以为系平时食嘅普通糯米鸡,点知系原只鸡包住荷叶蒸,入面就酿咗糯米.出到嚟先切开再加花生同葱花.咁样食原只鸡嘅糯米鸡都系第一次,可惜个饭索咗好多鸡汁,食落都几湿,鸡肉本身唔算嫩,明明系心机菜,但好睇唔好食. 士多啤梨骨,个士多啤梨汁酸酸甜甜几消滞,唔错. XO酱甜豆炒带子,甜豆脆口,同带子一齐食几夹,不过有人就觉得个XO酱辣咗少少.最后仲有杞子圆肉炖雪耳,甜度对我嚟讲岩岩好,几清新.综合嚟讲OK,系糯米鸡味道比较失色.
继续阅读
一路都钟意周围试唔同嘅私房菜, 因为成日食大牌子啲连锁快餐店太闷. 可惜好多私房菜唔系要搭台,就要限时食. 终于...揾到依间食物质素好高嘅私房菜, 而且又唔洗搭台,又唔洗赶住交台比下一round, 依度正式成为我嘅私窦. 依度主打系食海鲜, 加上无味精, 啲野食煮完之后仲keep到食物鲜味, 加上个菜单好多选择, 真系食几多次都唔厌。同大家推荐几款我嘅必食推介: 辣子鸡(极赞赞), 士多啤梨骨(极赞赞), 大白菜杏汁猪肺汤(极赞), 美极虾(极赞), 翠玉瓜杂菌炒带子(极赞), 油盐水浸蚬 (极赞), 木瓜红枣糖水 (极赞) [ 啲味道我写左喺相度, 记得click入去睇唷!]
继续阅读