上古坊 (已結業)

以下是我對上水古上坊這家餐廳的食品進行的評論：日式牛肉飯：這款牛肉飯味道非常不錯，肉質軟嫩，配菜豐富。而且份量都好足夠，搭配上熱騰騰的白飯非常好吃，超抵食之選。👍🏻超級大油髀：雞髀成塊面咁大，這道油髀的份量非常足夠，肉質鮮嫩，豉油味 。但是，可能對一些人來說油膩感較強，要搭配其他菜品黎中和口感。韓式炸雞：呢道炸雞的味道算唔錯，酥脆的外皮和嫩滑的肉質非常搭配。但是，口味可能對一些人來說偏乾。魷魚鬚：這道魷魚鬚的烹調非常專業，味道也很不錯。但是，份量較小，價格相對較高。司華力腸：這道腸的味道非常好，肉質也很鮮嫩，配上一些辣醬非常好吃。總體而言，上水古上坊這家餐廳的食品味道都很不錯，份量也足夠，平民價。建議嘗試店鋪既牛肉飯和油髀，非常值得一試。…查看更多

上水嘅呢間小食店，除咗有最出名嘅炸大雞髀🍗，仲有飯面食，種類相當多～炸雞髀🍗香辣炸蔥肉燥撈一丁，呢個炸雞髀真係必食，唔可以錯過，個大細大過隻手掌，外皮好香脆，咬落雞髀肉係仲有肉汁，嫩滑厚肉，超正！肉燥撈公仔面都唔錯，肉燥好夠味，惹味少少辣～芝士豬軟骨餃子，咬落有嚼勁，芝士醬滿滿沾滿餃子，香口～椒鹽炸燒賣，香酥內軟～泰式燒豬頸肉煎蛋飯，飽肚之選，可以用蛋汁撈飯食～豬頸肉薄切，燒得粉嫩，份量都幾多～有自家制香滑凍奶茶，茶味香濃～…查看更多

係上水打完波搵地方食宵夜，係巡撫街見到有食店門口餐牌好多款式亦有預訂外賣🍗招牌炸雞$31外脆內軟，依款都係即叫即炸， 可以揀大中微辣 走辣，用嚟做宵夜極之邪惡🤣🍗招牌燒汁雞脾$31燒汁入味，因為係即叫即整所以雞脾要等15分鐘☺️肉質特別豐富🍟蜜糖芥辣炸雞薯條6件配上紫菜條，賣相靚，啖啖肉，有韓式風味鐵板原隻魷魚$48日式烤魷魚，原隻大大件，好味🍛海帶綠豆沙$21多材料有果皮海帶啖啖綠豆蓉，真材實料🥟炸餃子6隻配沙律醬，日式風味🌟營業時間到凌晨3點，夜宵又多個選擇👍🏻🌟港日韓風味款式非常多…查看更多

最近疫情又開始個案回升，所以都買外賣，保障一下自己嘅健康先☺️我見到呢間小店價錢合理，種類都幾多，而且所有主食都已經包咗飲品，都幾抵！所以決定光顧一下😝所有包裝都乾淨企理，十分討好蒲燒鰻魚雞扒丼飯～鰻魚係原條上，鰻魚汁淋上面，軟糯既口感配上白飯，別有一番風味，雞扒亦都非常厚肉，非常滿足！最欣賞係已經送埋菜，感覺即刻健康哂豬軟骨炸餃子黑蒜油湯烏冬～豬軟骨份量非常大，亦都夠晒入味，加$15就有，的確抵食！餃子外皮亦都非常香脆，餡料亦都非常豐富😍金菇牛肉卷～由於淋上香濃醬汁，非常夠味，薄薄嘅牛肉片包裹著金菇，兩種食材都有獨特嘅口感，好味道😋綠豆沙～非常足料而且雪到凍一凍，啱晒夏天食，唔會死甜！…查看更多

第一次嬲到要寫食評🙄見夜夜地附近冇乜野食 諗住試吓間新餐廳 見到餐牌正正常常餐牌都唔會太差嗌咗一個麻辣口水雞飯一個滑蛋吉列豬扒飯麻辣口水雞飯上到嚟睇到都以為正正常常點知一食落口完全冇味剩係得辣油撈飯真係用難食黎形容之後個滑蛋吉列豬扒飯到我真係完全呆咗！完全見唔到有滑蛋 成pat啡色嘢吉列豬扒俾啲啡色鹹水浸到溶哂成兜野見到都唔想食 好嘔心同左店員講但係唔俾換餐仲要堅持有蛋有吉列豬扒話呢個餐正常就係咁多汁話正常係用汁浸林晒啲吉列豬扒咁請問邊度吉列？邊度滑蛋？同埋佢呢啲唔係汁咁簡單囉 直頭係湯真係冇試過咁難食 咁嘔心…查看更多

前幾日同個fd路過，因為有少少口渴，見到佢哋有賣酸奶就入去望一望。其實我地唔肚餓，但見到d食物都幾吸引，就嗌咗個下午茶餐同嘢飲，好抵食。杯酸奶都幾好飲，下午茶餐28蚊但份量好夠，同埋落單果位好nice呀，服務態度好好。希望大家街坊多d幫襯喇。…查看更多

平日買古祖蛋糕都買得多次次買完都要聞住d蛋糕香味忍到返屋企先有得食 好辛苦架好難頂😫今次唔同喇家下上水既街坊們有口福喇😋依家買完蛋糕仲可以堂食🍽飲下野🥤吹下水 🗣呢度有枱有凳🪑俾大家堂食😋🧀流心芝士古祖蛋糕 $𝟼𝟶唔係流心芝士咁簡單 原來係鹹蛋芝士呀🐣🧀鹹鹹香香 再配埋鬆軟既蛋糕 好嘢味 成件事變得好有層次 👍🏻忍唔住食完一舊又一舊😋🍰核桃古祖蛋糕 $𝟻𝟼成個蛋糕面 放到滿滿的核桃好香核桃味 又夠蛋香味🐣蛋糕好鬆軟👌🏻🥭酸奶楊枝甘露 $𝟹𝟶有驚喜‼️估唔到酸奶同楊枝甘露可以係咁夾🙌🏻飲得出楊枝甘露既份量都唔少 爆料 有誠意👍🏻酸奶同楊枝甘露比例剛剛好推介❗️必飲‼️除左古祖蛋糕🍰呢度仲有好多其他小食🍗亦有丼飯🍚食呢度主要飲酸奶為主🥛所以話呢間係非一般既古祖蛋糕店唔係淨係賣蛋糕咁簡單佢仲一次過滿足哂你幾個願望🥡🥢📍上古坊 (上水)上水符興街23號地舖…⃗…⃗…⃗…⃗…⃗…⃗…⃗…⃗…⃗…⃗…⃗…⃗…⃗…⃗…⃗…⃗…⃗…⃗…⃗…⃗…⃗…⃗…⃗…查看更多

之前喺酸奶君試過類似嘅酸奶飲品，真係一試難忘，最衰係有啲貴。今次行過見到呢間做緊優惠：買中送細，就算唔做優惠價錢都係會平過酸奶君，所以諗住試吓，如果好味下次就再買。原本想嗌半糖，但店員推薦三分糖，同埋話多數人都係嗌無糖。跟咗店員推薦揀三分糖，覺得個甜度都可以。另外呢間主打無糖精，無奶精，所以感覺上比較健康。右邊係中size嘅上古酸奶，入面有紫米。酸奶君咁出名都真係有原因，對比之下真係差咗啲，紫米同酸奶兩者好唔夾，但啲紫米都算有咬口左邊細杯嘅係燕麥酸奶相對黎講好好多，好易入口，個配搭都比較match…查看更多

今次買左核桃味同流心芝士味😬個流心芝士比到d驚喜我地，因為除左芝士之外，我地一致食到咸蛋黃嘅味道😲😲核桃古早蛋糕面頭就舖左滿滿的核桃，好睇又好食😜至於蛋糕體都做得幾好，濕潤得嚟又夠鬆👍🏻同時發現呢間小店有賣好多款酸奶飲品，呢類型產品喺香港比較少見，所以就買左2杯試下。分別試左元氣紅棗紫米酸奶同埋燕麥紫米酸奶，兩杯飲品都可以話係爆料，d配料多到不得了啊，紫米/燕麥夠晒咬口，而且又係有營養嘅食材👍🏻另外都叫左2杯酸奶楊枝甘露，隔住個杯都睇到好多料😜楊枝甘露同酸奶出奇地夾😁不妨一試😜…查看更多

喺上水匯行完街，行去搭車見到間古早蛋糕店，心諗啱晒買兩個蛋糕上去朋友屋企當伴手禮，依家仲要做緊八折優惠，抵買呀！我哋去果個時候，啱啱出咗原味，核桃，同流心芝士。為食嘅🐾🐾梗係試唔同口味啦！核桃古早蛋糕 $70 —> $56古早蛋糕濕潤鬆軟😋，濃濃嘅蛋香，合桃原粒，粒粒香脆可口。配埋軟軟嘅蛋糕，味道口感啱啱好。我朋友啲細路自己攞住食，食到停唔到口。流心芝士 $75 —> $60一見到有流心芝士，諗都唔使諗，必點之選！😍熱辣辣買返嚟嘅時候，已經見到中間嘅芝士溶化脹出嚟嘅狀態。去到朋友屋企，雖然蛋糕已經凍咗，但係裏面嘅流心芝士，仍然係呈流心嘅狀態。佢仲有淡淡的鹹蛋香，增添成件事嘅味覺。配埋鬆軟嘅古早蛋糕，唔會覺得好膩。紫米酸奶 (S) $28另外，老闆推介我哋飲佢哋招牌嘅上古酸奶，佢指酸奶對我哋嘅腸胃好有幫助，仲可以增強免疫力，係健康嘅選擇。我見天氣咁熱，就幫襯下，同老公試吓佢嘅紫米酸奶。佢有濃濃嘅酸奶香味，加埋啲紫米，能夠增強飽肚感覺。佢味道唔太甜，係一個健康嘅飲品選擇。另外，佢有少量堂食既位置，可以點佢哋好抵食嘅下午茶，$30就有交易，有炸雞髀，碗仔翅，油渣麵等等。今次趕住去朋友屋企，未有時間試。又多一個親民價嘅下午茶選擇喇！老闆仲介紹佢哋有一個預訂外賣服務，可以WhatsApp或者WeChat佢預訂食物，嚟到就可以拎得啦，啱晒我哋呢啲唔鍾意等嘅人😂！…查看更多

今日專登去左上水既大水管打卡😆係回程嘅時候食咗碗豆腐花，但係仲未夠飽，所以出返上水站附近之後繼續搵嘢食，見到呢間蛋糕酸奶店，身為酸奶愛好者既我，忍唔住即刻入去買番杯試吓。店舖分兩部份，前面係賣古早蛋糕嘅，後面係賣飲品嘅，佢嘅餐牌上面選擇都幾多，而家仲做緊八折優惠。入到去之後，見到啲古早蛋糕好香好吸引，所以都打算買返兩件試下，本身睇中左芝士味嘅古早蛋糕，可惜店員話太受歡迎，已經賣晒，下一輪要等一個鐘，所以今次我就買咗茉茶同埋肉鬆味，芝士味唯有留返下次再試。🎈茉茶古早蛋糕蛋糕非常鬆軟，唔會太甜，有好香嘅抹茶味，食多兩件都唔會膩。🎈肉鬆古早蛋糕呢個真係有驚喜！蛋糕上面有滿滿嘅肉鬆，而且中間仲有多一層肉鬆，食落去咸香好味。🎈元氣燕麥紫米酸奶佢嘅酸奶用料非常豐富，一飲落去已經食到好多嘅燕麥同埋紫米，燕麥同紫米非常有咬口，令酸奶嘅口感更加豐富。🎈草莓肉肉酸奶味道酸酸甜甜好開胃，仲要真係飲到啖啖果肉，飲得出真係好足料。…查看更多

平時都好少來上水，今次嚟，絕對要把握機會來買「上古坊」好出名的古早蛋糕。來到符興街，好快就找到「上古坊」的店址，最令人印象深刻嘅係，店內環境非常光猛、整潔，衛生情況令人留下良好印象。古早蛋糕有多款口味任君選擇，建議即日食用，儲存期限為三日。原味古早蛋糕 $60拎到返屋企，急不及待切咗一件試下，口感非常綿密，質地鬆軟又濕潤，蛋味香濃，果然有料到！流心芝士古早蛋糕 $75個人更偏愛流心芝士口味，鹹鹹的芝士好香濃，還滲透着點點鹹蛋黃味，超好吃！選好蛋糕口味後，可以要求店內阿姨幫忙切開，一開四或一開八都可以，之後入盒。店內另一邊售賣酸奶，也是店內招牌，標榜無香精、無糖精，新鮮健康。我同朋友一人一杯，拎住一邊行一邊飲😋🍈新鮮水果酸奶：蜜瓜！蜜瓜！(中杯) $30🍼 上古酸奶 (中杯) $28…查看更多

行嚟行去都係港島九龍行到冇嘢好行所以今次走咗去新界搵食—————————————————好難得地入咗去上水離遠就聞到一陣好香嘅蛋糕味前面就有一間古早蛋糕店又忍唔住入咗去睇吓有啲咩食入面除咗有古早蛋糕仲有酸奶中島我未飲過酸奶好奇心驅使下就買咗杯蜜瓜酸奶初頭都好驚但原來係乳酪咁嘅味成件事即刻健康咗🤣🤣🤣飲落仲食到啲粒粒果肉等緊飲品嘅同時見到有蛋糕新鮮出爐仲要係流心芝士同紫菜肉鬆🤤成間舖即刻充斥住香味搞到我又忍唔住買咗🙈芝士鹹鹹香香仲有啲鹹蛋黃嘅味道加埋鬆軟嘅蛋糕成件事好夾身為芝士控食唔停口紫菜肉鬆除咗面頭鋪滿肉鬆之外原來蛋糕入面都有肉鬆㗎店家已經好細心咁切成8份一買已經可以食 做下午茶一流👍🏻依家仲做緊8折添 所以勁多人買—————————————————☞ 流心芝士 $75☞ 紫菜肉鬆 $75☞ 蜜瓜酸奶 $30☞ 珍珠奶茶 $20…查看更多

隨著越來越多的古早味蛋糕開業，現在連上水也開了一家！儘管在疫症中也能外賣的古早蛋糕，也許是其長期流行仍未消退的原因吧！在符興街狹少的街道上，這家上古坊開業了，店員非常友善，而且人流也不絕，看來滿受歡迎的呢正在做８折優惠也許是人流超旺的原因吧最特別的是除了很多味道的古早蛋糕，酸奶，也就是乳酪也有在賣！實在很少見！衛生環境也不錯，令人買得放心除了酸奶還有熱飲，熱飲據稱是沒有奶的！奶敏感者適用燕麥紫米酸奶 小＄２８即使點了正常冰，酸奶還是超濃郁的，燕麥跟紫米的嚼勁滿滿，大大降低ＧＩ，而且ＭＩＮＥＲＡＬＳ也比較多！別少看這一杯，酸酸甜甜也實在很飽呢！玫瑰紫薯臟臟茶＄２０熱飲來說也是超濃醇，飲得出紫薯的香跟茶的微澀，喝下去濃得好像一杯芝麻糊甜品一樣！入口也並不太甜，下方沉積著大量紫米，又是膳食纖維，正！芝士味古早蛋糕＄７５超鬆軟的口感，芝士味夾雜著咸的芝士跟甜的蛋糕，這個層次感很重，外層比一般古早蛋糕更焦脆，令人意外的質素肉鬆味古早蛋糕＄７５肉鬆味比較沒芝士那麼濃，所以更能吃出古早蛋糕本身的蛋香，原來也滿重的，這款多吃也不會膩！…查看更多

跟友人遠足，最後抵達點是上水一帶，故此，順道在附近趴趴走，來到石湖墟，遇到這一家古早蛋糕店，彌漫着陣陣香氣，好像頗多街坊光顧，湊湊熱鬧，就買了些拿回家作「手信」。吸引我的是蛋糕的款式多，一共有9款古早蛋糕：原味、黑糖、茉茶、核桃、朱古力、杏仁、肉鬆、流心芝士、紫菜肉鬆，每天在不同時段新鮮出爐。更標示不使用香精、糖精、奶精，無添加，夠健康，是質優保證。 除了有古早蛋糕，原來還有酸奶賣，分熱飲及凍飲類，印象中是不常見，所以，都買點來即場新鮮開飲。天氣有點涼意，所以，選了甚富營養的熱飲類「紅豆燕麥黑芝麻」口味（$20），看到姐姐即場製作，用料十足，微微甜，有很豐富的味道及口感，而且，喝罷有種十分飽肚的感覺。另一吸引點是古早蛋糕有八折優惠，抗疫有禮！而飲品方面，凍飲全場劃一細杯裝價錢，就中杯裝份量。由於遇着蛋糕新鮮出爐，蛋糕還是熱氣騰騰的，可謂新鮮包裝，店員更溫馨提示我不要把包裝盒全蓋實，讓其散散水氣。一口氣試兩款，而盒旁印了保存方式及嚐味期限，可保存到三天的。「原味」(正價$60，折後$48)最能吃出其蛋香味，此外，蛋糕非常軟熟，甚有彈力，並且，帶有點點濕潤感，不會有種太乾澀感。還有就是可要求店員將蛋糕切件，那就吃時更容易一家人互相分嚐。另一款口味選了「核桃」(正價$70，折後$56)，單是表面已看到有不少核桃，可以說下得一點也不手軟，而蛋糕內亦藏了不少核桃，蛋糕本身依然很軟綿，入口濕潤，而核桃保持到香脆感，此外，核桃亦沒有出現苦澀的問題，十分好吃。「上古坊」的古早蛋糕確是有水準，因為，吃剩的放到第二天再吃，鬆軟度如一，口感仍然保持濕潤，有機會下次再試試店家的其他口味。…查看更多