三點三冰室

营业中

休息中

不得不讚賞3點3可以令我登記用戶入嚟留負評💢💢午飯時間坐低用QR code點單叫咗一個和風牛肉飯待應3分鐘後上餐快到以為個飯唔係我～個飯賣相好鬆散牛肉同白飯好凌亂白飯似十號波後坍塌嘅山坡因為午市，我無諗太多食咗一啖，係冷飯凍牛肉好似個飯放係冬天室外10分鐘感覺🤮🤮🤮🤮🤮🤮吐都吐唔切唔食起身即走太嬲無影底個飯幾樣衰勸大家無咩事唔好幫襯因為呢間餐廳係毫無職業操守明顯將上個客唔要飯菜留俾下個客亦唔理個餐擺咗幾耐過程中有冇受污染呢種煮食態度同營運標準唔當你食嗰個係客人可想而之～廚房衛生同來貨質素都相當惡劣最緊要賺盡你班啟德居民

Airside開佐，過來行下新商場。出佐地鐵C口見到好多好靚嘅麵包店，但係都唔平。睇來呢個商場啲鋪頭定位都幾高檔下。行到B1層有三點三冰室，睇落間冰室光線環境好似幾舒服，睇佐menu有扒有粉麵，諗住入去食個簡單晚餐。結果我地幾個睇到大menu之後剎唔住掣，一人一個扒餐，仲點佐幾樣嘢一齊share。最推薦：西冷牛扒🥩 （我覺得係首選）🌟🌟🌟🌟🌟厚身牛扒，128蚊，質地口感都好過花*園餐廳嘅。有配粟米湯。如果想食飯：海南雞飯🐔🌟🌟🌟🌟雞肉係軟嫩，油飯🍚粒粒分明。83蚊，不過份量唔係好大份，胃口唔大嘅話可以夠飽。小食：西多士🍞🌟🌟🌟🌟西多士有好多款，我地點佐一口雪花西多。雪花原來係指糖霜鋪上西多嘅形容。48蚊，份量都幾大份。對得住價位。每個餐都唔包嘢飲，要額外半價➕飲品。（加奶茶6蚊，特飲10幾蚊左右）呢度扒餐、飯餐、熱狗、小食各樣都有，勝在選擇夠多。同朋友過來，照顧到唔同人口味。環境又夠舒服，食得開心

📍三點三冰室 (九龍城)九龍城啟德協調道2號AIRSIDE B1樓B127號舖AIRSIDE 終於都有茶餐廳食啦。🐥海南雞飯$83 雞好滑，好嫩，份量都幾多。 秘製醬汁好惹味，用來餸雞飯一流。 要讚一讚佢碗湯，好多海南雞飯例湯都有味精，今次飲落去完全冇味精味。再配多(+$14)一杯薄荷青檸梳打，真係正。 🐤瑞士雞翼$62雞翼大大隻，總共有六隻，秘製滷水汁好入味。 同朋友分享就岩曬了。 🍦雪糕西多士 $45 西多士就食得多，雪糕西多士就真係未試過。 今日一於試一試佢。 配一球大大雲呢拿雪糕，一凍一熱好特別嘅口感再加配（+$14）鹹檸七簡直係無得頂呀。 強烈推薦依個餐。 🔔總結：中等價錢，環境乾淨，新式茶餐廳，員工有禮。地點⭐️⭐️⭐️⭐️⭐️味道⭐️⭐️⭐️⭐️ 環境⭐️⭐️⭐️⭐️服務態度⭐️⭐️⭐️⭐️（5星為最高分）#啟德美食 #香港美食 #香港必食 #香港探店 #香港打卡 #香港旅遊 #香港必喝 #啟德探店 #香港菜餐廳 #香港好去處 #啟德推薦食品

今日來吃午餐，叫了瑞士雞翼撈麵常餐（$65）、散叫椒鹽炒魷魚麵（$78）和白汁吞拿魚雞皇焗飯（$75），另加熱飲$6。瑞士雞翼撈麵的汁顏色調得剛剛好，仲有4件雞翼。魷魚麵是家人享用，他認麵為比較多油，椒鹽魷魚超好吃。而吞拿魚焗飯比較「漏」，但很多吞拿魚。整體來說，味道合適，下次會試下晚餐。

好多而家嘅冰室裝修靚啲，收費亦都會貴啲，喺Airline呢個商場入面嘅三點三冰室竟然價格合理，唔會見到價錢就飄走😂 好似鐵板餐為例，都係$108-128 扒餐可選西冷扒、牛仔骨、羊架等等跟埋餐湯及薯條👍🏻另外頭抽乾炒牛河都非常出色，唔會底部全係油浸住，河粉可以炒到彈牙，絕對可以表現到廚師嘅工架🤓三眼仔叉燒飯，顧名思義仔三隻蛋+叉燒 😎芝心蝦多士，賣相唔錯夠鬆化雪花一口西多，入面係有咖央醬，想再邪惡啲可以問店員攞煉奶😋黑白多士，芝麻醬+煉奶，芝麻味非常香濃🉐🉐🉐雪糕紅豆冰，美祿暴龍🦖 都係我最喜歡的

我同屋企人食下午茶我叫個喇沙雞扒油麵同奶茶，奶茶就好快到，其他野都正常時間，但係我等左成20分鐘個麵都未黎，追下佢，點知佢竟然拎張單黎同我講話冇雞扒，張單入唔到，佢張單真係冇我個餐，但係我杯奶茶又可以黎到喎。佢問我轉豬扒得唔得，咁我話冇所謂 轉啦，又等左十幾分鐘都未有，又追下佢，佢又拎張單黎今次有入到啦，但係都係同我講冇雞扒轉豬扒得唔得💢我話一早問左我 我話得囉，真係差啲問候佢佢即刻去廚房追 今次幾分鐘就拎出黎。

第一次中伏中到米線中混入腸粉！搵服務員，佢話好正常啦～我都唔知原來咁叫做正常！埋單時候上面還沾左其他客人殘留嘅米粒！口味好一般，價格茶餐廳來講已經算貴，質素卻低！

Airside開左幾個月，都試過入面唔同大小餐廳，普遍嚟講質素都唔錯，但以西式日式居多，知道將會開港式冰室三點三，本身滿心期待，等左佢開好耐，今日終於有機會去試，估唔到咁失望坐低叫左個黑松露滑蛋蝦仁飯，常餐瑞士雞翼撈丁配火腿蔥花炒蛋丹麥多士，熱鴛鴦個白飯偏硬，d蝦仁乾到似琴晚食剩杯熱鴛鴦黎到又唔熱瑞士汁撈丁淨係得個甜字難食都算，俾錢時企係cashier仲要等個男侍應慢慢玩完手機先收錢埋單接近二百，食物同服務質素完全追唔上呢個價明白冰室初開業，有待改善

晚餐嗌咗兩個扒餐，牛仔骨同西冷各$128未計嘢飲，點知嚟到完全同餐牌張相完全唔同，個牛仔骨骨多個肉，西冷份薯條得10條左右，影相前已經食晒啦，叫侍應哥哥仔攞茄汁，佢比嗰啲微型一包包嘅包裝，滅兩包已經唔想再搣，真心感覺中伏，喺呢個大型商場咁多選擇之下應該冇下次啦

價錢茶餐廳來講中高，但係出品完全唔掂！XO醬糊下虎蝦炒公仔面，虎蝦細隻都算！點解虎蝦係另外炸完擺落碟炒麵度！我阿媽點左碟 田園蔬菜粒炒飯！睇圖片就知道難食，我阿媽話自己炒都好食過佢。

一句講哂，唔會再返嚟1. 主餐牌要乜無乜（算當你係新開張）2. 等全部嘢食都等咗半個鐘，但係個炒麵味都係凍㗎！3. $118嘅鐵板牛仔骨，得三塊超瘦弱嘅牛仔骨，仲要係用味粉揦到冇晒牛味，配菜得一粒西蘭花少得可憐4. $98 老虎蟹避風塘炒麵，炒麵仲衰過粥麵譜，鹹到黐線；隻虎蝦係未炸得透㗎，食落去仲有浸腥味；軟殼蟹已經係最正常嘅嘢5. 晚市冇得跟餐都唔緊要，所有餐飲係正價，完全對唔住佢自己個價錢兩個人食咗200幾蚊，只係食咗一堆鹽同一啖氣…