影片
以上资料只供参考，请与餐厅确认详情
招牌菜
当晚我哋四人去食糖水，一入门口已经爆哂人无位，门口有好多人企左出面，我哋以为啲人系堂食，就跟住排队，等左一阵我入去问系咪要攞筹，佢话唔使，下一张系我哋，出面全部都系等外卖，系完全无管理，唔分开堂食同外卖都企埋系门口，又无派筹，都唔知边个排先排后。入去后，全场10几张枱，得3个员工，一个整糖水，2个负责全场10几张枱，做埋收银。一坐入去等左好耐先收枱，我哋仲自已搬櫈，完全无人理，有一个人顾住收钱，又帮手落外卖单，条收钱/买外卖队长期有人等，净得1个楼面做哂全场，又落单，又执枱，又攞堂食，又包外卖，收银个个，收左几个又走去帮下另一个手。等左十几分钟先有人落单，有啲迟我哋入嚟堂食都已经落左单先。之后佢哋就处理左外卖客先，成十几分钟先送糖水（正常糖水舖几分钟都有）比我哋。当送第一碗已经上错野，我叫芋头西米露（23蚊），佢比错左椰汁西米露（22蚊），我即时同佢讲换，我仲大大声话下次要芋头西米露要讲清楚要芋头，我即刻同佢讲我指埋个餐牌话芋头西米露，佢写单都写23蚊，仲大大声话我错，态度整之恶劣，换左之后，仲大大力放只碗。之后个人个员工又收下钱，又执下枱，出面大把人排队堂食，佢话无比筹人，边个当时问见有空位就比人入，有啲先问个啲就比人打尖，有几队客人都出声话佢哋，佢哋统一回覆话我以为你地系一齐，真系无言。堂食啲客又有几枱漏单。之后，我哋就外卖攞比其他屋企人，我叫番椰汁西米露（22蚊），佢大大声问系咪今次唔系芋头，我即刻同佢讲，你自己之前都写左23蚊，摆明系佢错，重要问多次，有冇搞错。最后，连外卖都要等15分钟，仲要一开始走去门口问啲客，明明佢知我哋坐入面等佢手上既外卖，我即刻叫停佢，问系咪我哋既外卖，佢不情愿之下先比番我哋。总结，呢间真系我帮衬咁多间服务最差，员工又无礼貌，比钱要受气，一定无下次🤬🤬🤬
继续阅读
系深水埗区住左超过廿年，呢间系我只要想食糖水就会谂到嘅铺头，三个字「平靓正」，再多四个字「包罗万有」。基本上系你想食咩糖水呢度都有，同旺区/打卡餐厅唔同，呢度价钱超级相宜，唔使惊贵夹唔抵，盲点都唔会伏～食客都系街坊街里，平时都见唔少人打包走。我嘅最爱系杂果类糖水，今次叫左杂果凉粉西水露，样样料都俾得超足，生果清爽，凉粉有啲赵口，而且甜度刚好，大推呢度样样都好足料，晚餐食唔饱，系呢度都食饱你，超级满足！次次推介朋友都冇翻车😎
继续阅读
系附近食完加藤屋牛肉饭，再揾糖水食🤭 朋友之前食过话好食，就试下！入到去环境好旧式但好干净，好多人入嚟都好似食咗好多次咁，已经知道晒架步😂 我见到餐牌有椰汁香芋西米露，21蚊，都唔系话好大期望，不过因为我都好钟意食香芋西米露，所以就试吓，朋友就食哈密瓜西米露。一上枱已经见到好大碗，食第一啖就知道好足料！唔系讲笑，平时食𠮶啲都好稀，呢一个就系将香芋打碎晒，再捞埋椰汁同西米露，仲要有几粒香芋好好咬口，真系食过最好食嘅香芋西米露！下次一定会再嚟🤤🤤🤤
继续阅读
您可能会有兴趣的...