三興飯店 (已結業)

lunch time係附近是但搵左間食午餐，叫左一個梅菜扣肉飯，一個口水雞飯。梅菜扣肉味道幾好，係咸左小小，扣肉有肥有瘦，唔會淨係得肥膏食唔到。口水雞就有驚喜，個汁係另上嘅，好香但唔算辣，雞肉唔乾唔鞋，好少係普通茶記會食到唔錯嘅雞，雞肉嫩滑，皮唔算肥。

古法藥鱷魚肉燉湯- 偏鹹，是鹽與豉油的鹹，但未致於不能入口，喝下去仍感到燉湯的滋潤感- 內有金華火腿粒及大量豬瘦肉粒、准山、薑、龍眼肉，味道主要來自金華火腿及豬瘦肉- 有一小塊連皮的鱷魚肉，腍滑但沒什麼味道炸豬脾配黑椒汁- 肉味濃郁，三分肥，七分瘦，肉質嫰滑- 皮脆但偏乾硬- 黑椒汁以黑椒的辛辣為主導，配以指天椒的鮮爽辣勁，以及青椒和洋蔥的香甜，層次豐富，出色。蘸炸豬脾來吃，極惹味，亦為乾硬的脆皮帶來滋潤*老闆和氣、細心、有禮、招呼周到、事事親力親為。只是擰轉頭望向他，他也立即前來詢問所需；只是點了一瓶黑啤，他也為客洗杯倒酒；介紹菜式、傳菜、落單、落貨、執枱、埋數全部親力親為，更說「有嘢做就唔太攰」。剛巧聽到他請廚師煮一道菜式給樓面試食，增進員工對菜牌的認知*店員禮貌周周，每聽到「唔該」，也會立即說「唔駛客氣」

返工返左銅鑼灣都一段時間，有日經同事介紹話呢到正，當然去試一試啦，呢到唔係一般茶餐廳feel門口見到都有貼左好多明星同老闆影嘅相早餐我點左個蕃茄雞扒雞蛋肥牛，肥牛本身我麻麻地，問下可唔可以轉其他又可以，咁就轉左兩份炒蛋 再加多份奶油豬。呢到嘅茄底食到十分香濃嘅蕃茄味，應該係鮮茄再加茄膏而成雞扒嫩滑嘅肉加上香口嘅外皮又冇雪味，而炒蛋都夠晒滑完全冇熟過頭，再來係奶油豬佢做到鬆脆唔係又硬又實，仲要大大份再加上煉奶牛油嘅香味真係好正啊

This Dai Pai Dong used to be located at Bowrington Road Market.  They have apparently moved for 1.5 years.  Their new venue is amongst other similar style restos and is not hard to find at all. Ambiance: Simple decor with large photos of food and their menu as their wall paper.  Simple and direct, perfect for a dai pai dong setting.  The place is clean, well lite and because it isn't at the market complex anymore, the place isn't noisy and that made our experience very enjoyable than when we wer

今日係灣仔收工，難得我可愛嘅小侄兒接收工，精神為之一振，齊齊去食好嘢先└(^O^)┘但係灣仔唔係好熟，細佬又想食中菜，朋友介绍去三興試下，話好正咁話，隨即去試下朋友話必食召鹽鲜魷，避風磄豬脾仔，沙拉骨，果然夠惹味鲜魷炸得金黃唔會燶，脆卜卜。沙拉骨加自浸酸萝白，夠醒胃避風磄豬脾仔夠惹味自己叫左個芝士魷鱼蝦丸，流心芝士，蝦膠+切粒魷鱼夠口感又彈牙外出食沙薑鷄，好耐無試過有沙薑醬啦！呢度有足够沙薑醬提供最窝心係碟鱼湯浸菜，店員會話因為我地有小朋友，所以幇我地煮淋啲店員態度好好，啲嘢又好好味，我唔係好明點解嗰日無乜人，咁好嘅嘢當然要介绍俾其他人知道啦！而且我地四個大人一個小朋友，食六個餸四個飯一支汽水先$500有找，勁抵

這間食店以前在鵝項街市的, 也是我和老友聚會開飯的地方, 知道停業消息我地都好失望, 好在有這網頁, 查到這店寫住搬左去謝菲道, 反正聖誕節沒有節目, 這樣便和老友一齊去探下路, 步步行近食店, 就看到老闆在門口, 我們很開心終於找到....由於在宵夜時間才來到, 我們只有三個人所以點的食物不太多, 未點菜已先送上酸羅白一小碟, 酸酸地幾醒胃, 然後點了"椒鹽鮮尤" 炸得乾身不油膩, "羊腩煲"很好味, 羊肉很嫩, 還有羅白, 冬菇, 支竹夠入味, 叫了多蔥的確加多到, 芹菜香味和羊肉很夾, 不用點腐乳也夠味, "炸大腸" 有待改善, 食落比較靭, "豆豉炒豬肚"幾野味。這裡環境整齊, 有電視睇, 洗手間雖然男女各只有一格, 但十分乾淨, 服務員態度友善,而且主動幫客人換碟子, 服務不錯, 下次一定會再來。