影片
营业时间
今日营业
11:00 - 22:00
星期一至日
11:00 - 22:00
*最后落单时间：23:30
以上资料只供参考，请与餐厅确认详情
《三田制面所》明太子捞面 🍜(期间限定)📍尖沙咀河内道18号K11购物艺术馆地下G21-G22号舖今日系假日，有事出开尖沙咀。办好要事后都系11点松d，谂住食埋晏先返屋企，咁当然想食拉面啦。不过11点松d，绝大部份嘅拉面店都未开，又唔想”又”食一兰，经过 K11 探一探银座 篝 开左未，系末嘅，咁响 K11 地面𠮶层见到《三田制面所》已经开左铺。以往我都有试过佢嘅《豚骨鱼介沾面》，印象中系中规中矩，大众化口味，正常地好食，所以印象唔深刻。今日见到佢有一款几有趣嘅捞面，《明太子捞面 🍜》，而且系期间限定，咁有缘，一于试吓啦。呢款捞面材料都几丰富，而且香味非常够，每一款料嘅味都清楚地闻到。配料除左主角明太子外，仲有猪叉烧，紫菜碎，青葱，干葱。最令人眼前一亮系配左一块仔嘅牛油🧈。因为上碟个摆盘都几靓仔，真系有少少唔想捞散佢。捞完之后，个效果就系咁。面条方面，呢款面有一种稳打稳扎嘅感觉，都颇粗，算中太面，直身。口感系属于烟韧扎实类别，所以相当有咬口，咬断佢要出多少少力，不过当然系唔会咬到攰𠮶种啦。虽然系捞面，不过个酱汁嘅量并唔少，唔会干争争。酱汁嘅基底，我认为都系鲣鱼汁为主。额外一提，佢有跟碗海带汤，食下食下饮两啖，有解腻作用。整体个效果系几好，明太子嘅质量系正常，所有配料走埋一齐个香味同味道都系非常讨好，而且有埋牛油嘅加持，香味更上一层楼。味道主轴主要系由铿鱼，明太子，葱同紫菜构成，唔会话边边太浓太淡。咸度系我最想赞嘅，控制得刚刚好，由头食到尾，我冇想过要饮水。面嘅份量都几足，正常食量嘅男性都应该会够饱。除左个捞面本身，我额外叫左个葱花饭。葱嘅份量相当足，质量亦好，虽然系生葱但唔系d好辛辣嘅老葱，算清甜。因为有明太子，我就将 1/3 咁上下放左落个饭道，同埋少少叉烧。个饭本身都有加汁水，唔会好干。加埋明太子，同叉烧，每一啖都几滋味㖞。讲真，我食量唔大，今次叫左一面一饭系多左 d，不过因为几好食，所以完食难度不大。整体 - 值得推荐 👍👍👍👍唔知由几时开始，好多人对食日式拉面都会有著一种锄强扶弱嘅心态。规模越系大，好似多人会踩； 规模细嘅店，或俗称隐世小店，就反而多人撑。虽然，我层经响登龙街店中过伏，试过佢嘅麻辣拉面，十分难食我比佢九分，不过，今次我嘅用餐体验系好，呢款捞面算好食，亦有种稳打稳扎嘅感觉，冇乜位可以挑剔，我就食得几开心。Menu上面亦有其他我想试嘅口味，下次啦。
继续阅读
唔知系咪转咗手，贵咗好多。之前一个价钱唔同size 而家分咗价钱，跟住唔小心叫咗个细面（都70几蚊+1，成八十几）第一次食80几蚊个拉面荀都冇条跟住冇叉烧，半粒蛋都冇埋原来得返个面应该唔会再嚟食跟住男朋友叫个加大都系啲面多一倍价钱都贵一倍😂如果味道嘅话都同之前差唔多但系价钱真系差好远人山人海好多人排宜家唔使排队就入得去香港做食肆又加价又减份量真系做衰晒！Ps 由铜锣湾食到嚟尖沙咀都食咗好多年去到2025年之后应该唔使再食
继续阅读
喺K-11唔知食咩好，见到沾面好似几吸引，就入去试下🤩辛辣浓厚豚骨鱼介沾面 （$88）⭐️⭐️⭐️⭐️⭐️沾面几好食，啲汤好浓鱼味，唔系太杰，但就唔系好辣，钟意辣嘅朋友可以再加枱面嘅辣椒碎🌶️面嘅质地好烟韧，好有咬口！🍜炸鸡中翼（照烧味）（$39）⭐️⭐️⭐️有四只鸡翼🍗，鸡翼都炸得几香脆，但个人觉得冇乜照烧味😢
继续阅读
转咗系尖沙咀番工又想静静地一个人me time 就试下三田既午市一人餐 120 (另加一服务费)盐味鲷鱼汤拉面普通 如果你想清清地食一碗热汤拉面 可以一试 个面质完全唔系我想食嘅面 呢个有啲似即食面嘅口感 完全唔似日本拉面😶煎饺子 (小) 3只正常嘅饺子 韭菜馅冻乌龙茶无糖乌龙茶 冇冰所以唔使走冰总结：如果有得拣我会拣另一款酱油拉面 但应该唔会再叫set 就咁叫一碗普通拉面就算
继续阅读
呢一晚 同男朋友都好饿 我哋都系好钟意食拉面嘅人👅因为系尖沙咀嘅关系 已经试过另外几间 几年前我就铜锣湾分店食过冇记错😛好彩星期一晚吾洗排队一入去就有位 空间都大 舒服嘅我哋各嗌咗套餐 因为有个小食同嘢饮都几扺食咁 于是我嗌咗三田拉面 觉得汤底都偏浓同咸咗少少 而面嘅硬度有得拣就好😚因为个人喜欢硬身少少 另一碗沾面 男朋友觉得汤底都系偏浓同咸 同埋个汤吾够热～ 另外再加叉烧 偏瘦 ～亦加咗2只半熟蛋 几好食嘅👍🏻小食就炸鸡完全食吾到有味 比较淡🥲 反而炸鸡中翼黑胡椒味会入味少少 够热 熟度刚好🤭 另外炸鱿鱼鬓 淋咗d 食吾到炸嘅效果 希望下次会好d☺️最后冻乌龙茶几好饮 清清甜甜
继续阅读
您可能会有兴趣的...