三小漁

营业中

休息中

呢日提早做冬， 我哋提早一日網上訂枱，見食物質素评语好，服務评语差，因為想食好野，就試一试，見網上顯示六點還有位，所以即刻訂位，亦已確認，我哋一行五人入去時， 餐廳職员說沒有收到訂位通知， 還說所有客人都提前幾日預訂， 我同職員講網上顯示六點還有位，仲自動確認咗， 店員即刻說有一張台可給我們，但要7：45還枱，入座後，店員不如網上說服務太差， 服務基本要求都合格達到，有改善。 点了酸菜魚，唔錯幾好味， 小炒王太油太鹹， 燻蛋、黑豆腐好味， 冰鎮生炒骨都幾好味， 啲餸菜擺設賣相值得一讚，可以再來!

垃圾 一條酸菜魚 ＄498 🤣 食而無味。仲有個粉絲煲…又乾又硬。 叫加水 都冇人理 明明兩個丫姐有睇到都當睇吾到。 大佬 你地明明吾係忙。成間店 得幾台客。 仲有燥底夥計落單⋯⋯ 自己又耳龍 仲想發火。仲以為只有我們受害。 🤣 食到一半 仲見到其他客拍台走人。

1.入門口冇人招呼2.舉手想要Menu 侍應一埋黎就話埋單？想再落單 被誤以為要埋單3.茶壺加水無人加 因為坐得太入4.埋單只以俾現金同八達通 $1000後先可以碌卡因為帶唔夠現金 所以俾八達通侍應：前面收銀俾錢 我企係收銀前等付八達通收銀阿姐禁 禁 禁 禁極都冇反應由於店內人手不足 feel到收銀阿姐開始亂急躁一直禁住公司收錢電話部機話無反應 壞左然後我望住屏幕 其實係要對方輸入銀碼所以我都忍唔住禁佢部電話屏幕顯示要輸入銀碼輸入左銀碼後 由於屏幕有顯示QR Code 所以我scan Code 收銀阿姐好大反應咁喝住我：「唔係scan呢個code」我當堂嚇左一嚇 心諗洗唔洗咁既態度之後佢黎個44方方既八達通機出黎話scan呢個code跟足佢指示我scan果個code 我手機要我禁passcode俾錢 完成交易後 我顯示俾收銀阿姐睇完成交易收銀阿姐又好大反應燥底話話：「我都話要有嘟一聲先得，依家我收唔到錢。」我就拎起我電話俾佢睇 我八達通嗰度已經扣咗數收銀阿姐又好大反應好大聲話：「我真係無收到你錢 我都話要有嘟一聲。」然後忍唔住我就無名火起同佢講 首先你既態度好有問題 二黎你收唔到錢洗唔

今日去左觀塘行街搵食，行左去工廠區東廣場對面。點左出名既酸菜魚米線$62，仲有水煮肥牛$68。跟餐凍奶茶加$3。坐位就唔係我鐘意個種，不過今日星期六，十二點半都算無咩人，可以舒舒服服搵食。酸菜魚睇落份量都幾大份，少少辣，職員話係生魚片，魚片好食都滑，不過有少少骨，要小心食。水煮肥牛都幾好食，但個飯對我黎講細左啲細左啲，女仕黎講應該就岩岩好。配上香菜金菇，蒜子都好好味，不過如果是 水煮牛肉我會更喜歡。整體黎講都食得過，可以再幫親，下次叫佢裝多啲飯先得，哈哈。

意料之外既味道 點左桂花烏龍 茶係有誠意 桂花香一陣陣飄出黎 原來係獨立茶包包裝 比平時茶樓 佢既茶更香更好入口 兩個人食點左三個餸 加個白飯 好滿足 成餐總數$357 味道好價錢合理👍🏾👍🏾👍🏾先上左個蠔餅 份量好大份 食落脆卜卜 炸得非常好 而且蠔既size 比平時食既大料有蠔汁 好juice 同新鮮👍🏾👍🏾👍🏾 個餅啖啖都好似食緊薯片咁 又夠香口 跟住有冰鎮咕嚕肉 同椰菜花炒豬爽肉（小辣）咕嚕肉係冇骨的 啖啖肉 適合懶人族 佢個擺盤好架勢 中間放左個大既糖山 望落好似一座水墨山既風境 當然佢亦可以食 睇出廚師都有心思 豬爽肉帶辣口 食落惹味 成餐都覺得吾錯 有機會會想帶屋企人試試👍🏾👍🏾❤️

黑色衫高級dd 服務人員態度超差，我打電話訂三人枱，等廿十分鐘，佢只入二人枱，我問有末？叫我坐二人枱？點坐有冇腦架，重大大聲話係我地拒絕，你去坐黎睇下吖？不知所謂！以後不去

早前見網上介紹觀塘有間中餐不錯，今日見同另一半係呢頭收工，就一早 BOOK左位食中餐，叫左:-(1) 冰鎮菠蘿咕嚕肉 ($148)這是必點的鮮菠蘿咕嚕肉，賣相精緻，鮮豔搶，眼見枱枱都有一碟，咕嚕肉啖啖肉，煮得岩岩好，冰底雪住糖面好脆皮，新鮮菠蘿食落清清甜甜，好大碟，食極都有。(2) 魚湯鮮辣龍躉 (小) ($238)所謂的魚湯其實就酸菜魚，用上一整條龍躉，已起上一件件大大塊既肉，大滿足，魚湯鮮甜，比起四川菜的少好多油，湯清清的，有少少辣同酸，好開胃，另外仲有唔少其他配菜方如薯粉、芫荽、菇類、炸蒜等等，好足料。(3) 黑磚豆腐 ($18/件)其實就係金磚豆腐既黑色版，外脆內滑，有少少辣，幾野味，作為小食實是不錯。(4) 砵仔蒸絲苗白飯 ($12元)食中菜要有飯下肚，飯粒粒分明，有飯香。兩個人食唔曬D野，其實魚湯鮮辣龍躉有薯粉，下次可以叫少個白飯。人均: $200 - $300抵食: 💰💰💰💰味道: 😋😋😋😋😋服務: 💁🏻‍♀️💁🏻‍♀️💁🏻‍♀️💁🏻‍♀️💁🏻‍♀️環境: 😉😉😉😉😉

觀塘·三小漁依個係我既飯堂 超隱世🙈🙈一直唔想同人分享 好驚做到爆曬場就再食唔到😭😭😭但依間真係好好食😋 不得不介紹 午市仲好抵一個小菜+飯+野飲 都係$50-60全部野都係新鮮 熱辣辣 滾甘😍⭕️黑蒜蒸海斑片係100分要推介魚勁滑 午市會係娃娃菜做底 夜市就粉絲做底 兩樣都鍾意 撈飯食係一流有半份係有骨 半份係起曬骨岩曬唔同人想食既部位❤️❤️❤️❤️⭕️金沙鮮魷皇依間既炸野真係好好食全部拎出黎都係脆口 辣咀😍勁重咸蛋咸蛋控一定要食👍🏻👍🏻⭕️脆皮雞啲皮脆到好似食薯片甘脆勁簿身 諗起酒樓果啲真係冇得比環境👍🏻👍🏻👍🏻👍🏻👍🏻食物質素👍🏻👍🏻👍🏻👍🏻👍🏻價錢👍🏻👍🏻👍🏻 午市食會抵食啲#三小漁 #觀塘美食 #foodiehk #foodie

觀塘返工就唔好再嫌多人啦，乖乖地排隊啦。隊依間值得嘅，咁大一碟椒鹽豬扒配白飯，55蚊可享有，椒鹽豬香口就梗嘅，但係依間做嘅豬扒好 鬆軟，無渣，其他lunch餐都正，同事食咗佢嘅擔擔麵，d醬料好香，下次試下再評價

呢日約左朋友係觀塘交收,行過見到間中菜館，位置闊落，決定一試。黑磚豆腐 - 賣相別緻,豆腐外脆內滑,口感一流，絕對值得一試，18蚊一件，每人吃多幾件都沒問題啫啫芥蘭煲 -芥蘭爽脆，勁鹹香，味道偏重，配飯一流 芥末大蝦球-配菜菠蘿鮮甜，蝦肉炸得爽脆，搭配芥末， 口感豐富聖子皇-有多款口味，蒜香味最好吃，配搭聖子，提升聖子的鮮味桃膠焦糖燉蛋-賣相一流,燉蛋嫩滑，甜味適中,桃膠養顏，非常適合女士食用總體來講，是屬於價錢平民的私房菜，絕對有得ENCORE

好耐無食過中菜，今日過開觀塘就同朋友約飯，就近試下呢間餐館門口有好大個加菲貓，好得意店長話店內的餐具都有高溫消毒過先，令顧客可以安心用餐前菜蜜椒涼拌藕片，有少少麻辣的味道，但又不會有辣的感覺，開胃惹味黑磚豆腐，呢個真係超級中意，好好味外皮卜卜脆，裡面的豆腐很嫩滑，真係一次食幾件都唔過分大聖子皇，選了黑蒜，剁椒兩款口味，聖子大大隻，非常鮮甜，值得推薦芥末大蝦球，非常清新的搭配，蝦肉彈牙鮮味啫啫芥蘭，離遠已經聞到好香蝦醬味，有蝦米，肉碎，送飯一流最後一定要食返個甜品才算完滿桃膠菊花豆腐味道清甜，非常精緻的一個甜品桃膠焦糖燉蛋，燉蛋口感像布丁，甜度剛剛好，很滿足非常滿足的一餐，下次可以帶上家人來品嘗其他不同的菜式

觀塘區好多嘢食，試咗一間新式中菜喺鱷魚恤大廈行過去5分鐘到，都算方便，易搵。不過餐廳門口比較隱蔽，要上一層電梯先見到，旁邊譚仔三哥紅色大大招牌太搶眼，所以見到三哥就知道三小魚 門口喺隔離。叫多咗幾個碗，侍應好細心，將啲碗用滾水淥一下先想比你，所以啲碗係好熱要等一等先可以用手拎，如果唔係真係會熱親！冰鎮咕嚕肉-夠噱頭，有好大個糖醬係中間，下低塊，所以令到咕嚕肉個皮夠脆。-全部咕嚕肉都冇骨，抵讚-有菠蘿🍍，三色青椒🫑伴碟胡椒魚肚-個湯奶白色，幾重胡椒味，幾暖胃風沙雞-雞🐔整得幾滑，不過沒有什麼伴碟，沒有蒜頭🧄、炸蒜或其他，同普通炸子雞一樣椒鹽排骨-整得好香，炸蒜好野味，不過好鹹，食完真係飲咗好多水酥炸蠔餅-好多好大隻，炸得好鬆脆，不過又係咸咗啲 總結：環境坐得舒適，服務態度認真，讚👍🏻嘢食質素還好，只是味道偏鹹，重口味人士應該很喜歡。

中秋節揾位食飯真難，人多就更難，無意中朋友介紹去了食這間，結果個個都話不錯。我哋足足叫了十二個餸，脆皮風沙雞丶冰鎮新鮮菠蘿咕嚕肉丶黑磚豆腐丶黑蒜蒸海斑件丶魚湯鮮辣大龍躉丶鮮菠蘿芥末蝦球丶蓮藕蜜椒骨丶秘制牛汁麻婆豆腐、南瓜牛腩煲丶蠔仔肉碎浸時菜丶野菜粉絲煲，胡椒豬肚芥菜煲，食物都不錯，特別喜歡冰鎮咕嚕肉丶黑磚豆腐丶芥末蝦球和蓮藕蜜椒骨，我覺得必試。價錢方面，非常合理，免加一👍🏼，不過地方不大，坐得有點迫。總括來說，是值得再去的。

之前已想去三小漁，後來因事取消咗。難得今次家庭有聚餐，我再次用 openrice book 位。地點容易搵，場地比想像中細。我地一行7人，被安排坐2張方枱(2人枱)，其實有d 逼，坐得5舒服。佢將1張方枱打菱形，變成坐4人。另1張既一邊靠近菱角尖，坐3人。真係好似上幾何圖形課堂，善用每條邊線，但呢種安排真係不太理想。開茶每壺$12，茶包幾香，但 refill 咗3次水後就淡味了。。。食物方面，我地揀咗9款：1. 烟燻糖心蛋 (半隻) $18：係糖心，蛋上鋪了XO醬，完全無烟燻味。。。。2. 陳醋黑琥珀木耳 $48：木耳好得意，但陳醋味幾近零，5掂3. 黑磚豆腐 (每件) $18：黑黑地，跟上菜碟混為一體，哈~外脆內滑，幾㷫口，好味架~4. 脆皮風沙雞 (半隻) $128：雞皮脆、但雞肉無乜味，只好狂碌旁邊炸蒜和頭抽5. 蓮藕蜜椒骨 $108：蓮藕烤焗似薯片，加上少少蜜糖，幾好味~d 骨細細粒，都入味，又5實，讚~6. 話梅骨 $98：一支支骨，有7條。係甜既，但食5到話梅味，加上有少少實，可以5試。。。。7. 冰鎮新鮮菠蘿咕嚕肉 $148：不愧為signature food，不論賣相和

朋友食過一次介紹我嚟食，位置方便，唔難搵！2個女仔叫咗1個小菜同3樣主食☺️1⃣️鴛鴦雞凍拼豆腐個雞凍好好食，個味道好好味，好似口水雞嘅味道豆腐味道都好正，外脆內軟，一定要配炸蒜2⃣️魚湯大龍躉🐟2個女仔我地叫咗個細條嘅，黎到呢度點可以唔食魚，味道好鮮，唔會有腥味，而且好滑，味道好香同埋好多配料3⃣️啫啫雞菜平時都好中意啫啫雞嘅味道，呢個菜好入味4⃣️蓮藕蜜椒骨呢個我真係好中意，甜甜嘅味道，而且係食唔膩，蓮藕都有蜜糖味而且好脆，平時都唔太中意蓮藕，但係呢個真係脆卜卜好好食