做完运动饿到可以食咗成只牛🤤，朋友突然话想食中菜，就带我杀上观塘成业街电讯大厦嘅「三小渔」。虽然佢唔系地舖，但果然好嘢自然有人识货，平日夜晚都几多人！ **✨惊喜半价招牌菜** 原来每日都有半价𩠌😍，今日系招牌冰镇咕噜肉！上枱卖相劲有仙气，咕噜肉外皮脆到似糖衣，入面肉质嫩滑，仲有肉汁，最正系用咗新鲜菠萝，酸甜平衡唔会腻，份量多到两个人食极都仲有😋。 **🧂黑麻麻嘅诱惑** 竹炭黑砖豆腐😚：一啖咬落去，外皮脆到「咔嚓」声，入面豆腐滑过BB屁股！洒咗椒盐吊味，简单但超上瘾，送啤酒应该可以KO多三旧👌🏻。 **🍲炖汤控必试** 姬松茸瑶柱乌鸡汤，一饮双眼发光！😍👍🏻汤头好鲜好香，瑶柱鲜味同松茸香气爆晒出嚟，饮完成个人暖笠笠，绝对系落足料嘅老火汤，连汤渣都好食。 **🌶️辣手「摧」牛腩** 川味脆牛腩嘅辣度啱啱好（唔食辣都接受到），牛腩唔知点处理淋晒，但又保留到筋膜咬口，个酱脆皮又薄又脆又惹味，真系食到停唔到口！ **🍮甜品玩Fusion** • 桃胶法式焦糖炖蛋：面头脆糖片撞埋桃胶竟然好夹，炖蛋滑溜得嚟唔会死甜，食完成个滋润晒～ • 桃胶菊花豆腐：师傅刀工简直系艺术！豆腐切到菊花丝咁幼，浸住清甜菊花糖水，睇得又食得。 **💸性价比爆灯** 人均$250左右，但𩠌菜份量够晒大，难怪以前听讲一定要提早订位！而家易订咗少少，但都系𠮶句——想食就快啲约脚啦！…Read More
竹炭豆腐系全晚嘅大明星，绝对系必点！块豆腐外层炸得金黄酥脆，带住一阵好淡好特别嘅竹炭香气，咬落去完全唔油腻，仲要无半点㶶味，火候控制得啱啱好。入面嘅豆腐嫩滑得像云朵，一啖放入口即刻化开，食得我好满足！老实讲，如果唔系要留quota试其他菜，我一个人可以连嗑四五件，实在太正！
冰镇咕噜肉系餐厅嘅打卡招牌菜，卖相同味道都畀足十分！菠萝切成一粒粒大粒嘅形状唔系细细粒，甜度啱啱好，酸酸甜甜好开胃。
咕噜肉一嚿嚿炸得超脆，外面裹住薄薄嘅粉浆，咬落去有种冰火交加嘅感觉，因为佢哋会将咕噜肉冰镇过，食落凉凉地但又唔会冻到牙痺。肉质嫩滑，肥瘦比例啱好，完全唔觉肥腻。影相打卡一流，食落更加过瘾，推介畀钟意酸甜口味嘅朋友！鱿鱼须表现中规中矩，无特别惊喜但都唔差。佢炸得几香脆，鱿鱼本身新鲜，无𠮶种韧到咬唔开嘅感觉。调味偏简单，略为咸香，作为小食嚟讲合格有余。不过同竹炭豆腐同咕噜肉比，呢个鱿鱼须就无咁出彩，食完无乜深刻印象。餐厅员工都好Nice嘅位置都坐得舒服，佢哋仲有房间可以预订，但系有低消大家要先问一问。呢间晚市长期都好爆棚！大家记得提前订位啊，尤其是大时大节会分两轮
