三寶勝上海美食

今晚难得食旧式上海小馆嘅𩠌菜，真系开心，因为依家呢类餐馆买少见少。先嚟松鼠黄鱼，大大条鱼大大碟先至系143蚊，真系平到你唔信，而且个味道唔错，个汁唔会太酸，条鱼都够厚身。其实跌松鼠黄鱼要嚟送饭真系绝配，但系一场嚟到呢啲旧式上海舖，点可以唔试上海粗炒同埋炒年糕呢？比起松鼠黄鱼，呢度嘅上海粗炒又相对细碟咗，味道还可以，不过就炒得湿咗少少。至于个雪菜肉丝炒年糕几好食，啲雪菜好香，啲年糕如果再烟韧多少少会好食啲。呢度嘅豆浆都几好饮。…Read More

呢一间传统旧式上海菜馆令人回味无穷，其实佢食物嘅味道只属于一般，不过可能就系钟意佢𠮶种旧式嘅风味，而家喺香港都好少见到呢啲旧式上海菜馆。就好似呢碟上海粗炒，虽然望落去就油份多咗少少，不过就系咁样先有旧时嘅风味。豆沙锅饼系我非常钟意嘅上海甜品点心之一，呢间做得几好，又薄又脆，豆沙都多。呢度嘅豆浆豆味好香，好饮。…Read More

旧式上海小馆嘅点心又好食又抵食。菜肉云吞一碗，份量一啲都冇揸流滩，除咗蔡屋云吞嘅size够大之外，粒数都唔少，感觉有10粒以上，云吞皮滑而且入面嘅馅料都几新鲜。酸辣汤要咗个细size嘅，材料非常多，豆腐丝冬菇丝猪肚丝木耳丝榨菜丝肉丝非常丰富，而且虽然话系细size，但系都两个人每人都有三碗仔。有酸辣汤梗系要配返个蒸银丝卷啦，银丝卷即叫即蒸，所以虽然等得耐少少但系系值得期待嘅。最后饮埋杯自家制豆浆就完美。…Read More

小笼包即叫即蒸，大约15分钟就有得食，热辣辣系正嘅，呢度嘅小笼包嘅Size比平常的大少少，不过都算系皮薄馅靓，点姜丝浙醋味道一流。上海粗炒基本上系食上海野必食嘅一项，呢间嘅上海粗炒味道都OK，不过就嫌怇有D湿，如果干身少少会好味D香D。上海菜肉云吞Size比平常的细返少少，本来谂住要有酸辣汤做汤底嘅酸辣云吞，不过因为个Friend话唔系好食辣，所以就放弃咗，叫返普通嘅上海菜肉云吞，味道都OK，不过好似有少少味精。呢间上海野个豆浆几香豆味都算系几好饮。…Read More

小笼包一客有5粒，Size比例大，皮很薄但同时亦易穿，入面的馅料几新鲜。砂锅云吞鸡都几大份，味道一般，云吞系上海菜肉云吞，都有5至6粒，半只鸡无切碎嘅，所以食嘅时候会比较难撕开，始终都只系得筷子同汤匙。松子黄鱼好抵食，小店就系平平平，个汁就酸咗少少，鱼嘅肉质都唔错，同埋真系好大条鱼。蒸素饺个馅料又估唔到几好食，系块饺皮厚咗少少，食落有健康嘅感觉。担担面嘅花生酱好香，入面有肉碎花生碎，D面条味道OK。炸银丝卷又点可以唔点炼奶呢，呢个都几好食。呢度嘅豆浆味道都几好，有豆味。檑沙汤圆即叫即做，真系几好食，我觉得比高力豆沙同豆沙窝饼好味。…Read More