三多 (已結業)

終於試咗三多嘅炸髀，真係幾脆下，唔怪得咁多人話好，不枉我專程從上水黎試！鹵水雞髀就麻麻，唔係好出色！椰汁紫米露就好甜，好似加咗煉奶，椰汁味好淡！炸雜錦拼盤嘅咖哩角好食！…查看更多

❣️放工好想食去買來食❣️買左呢三樣外賣都等得耐，今次買左炸雞🍗脾，怕熱氣要少辣，平時食開中辣再加意粉，好食😋。另外想試個雜錦併盤，味道一般。幫襯左咁多次今日先有留意到原來醫護出職員證有優惠，總之我出職員證啦～～❤️🧡💛😬🤫…查看更多

進入踩單車的季節，有空就想出去踩一踩🚲今天由上水出發往沙田。當踩到太和附近時，嗅到濃烈的油炸香味，肚子馬上打鼓，馬上找一找香氣來源，原來是三多第一分店。第一分店深有良心💛和三多總店分家了一陣子，不過朋友介紹早在分家前已經較喜歡這家的雞肶，覺得調味和烹調手法更有風味。 .看一看菜單，除了招牌的雞肶，現在還有不少飯麵提供，可以在正餐時也來支持🍱 .🍗滷水雞肶 $30用竹籤串著令雞肶伸展得更好，滷水入味得很，嗅著香味已經有淡淡的香味，咬開有肉汁，味道甜中帶鹹😋 .🍗炸雞肶 $30炸衣調較得很好，令每一口也有脆脆的感覺，油味不會過盛，肉質緊實，保留了雞味很少雪味。 🥤白牛 $28來到快餐店，本地特別飲品也要來一杯，黑牛比較耳熟能詳，白牛較少見就點了。原來是雲尼拿雪糕加上雪碧汽水杯也的確很白，檸檬味和香草的混合很有趣，甜度比較高。…查看更多

🐓雞排炒公仔麵 ($48)🐓雞皮煎得好香脆, 肉都煎得好嫩滑, 岩岩好! 👏公仔麵炒得夠乾身又唔太油, 鹹度都岩曬我口味, 推介!!😝🍗三多炸雞髀 ($30)🍗🌶叫左BB辣炸髀, 外層炸到酥脆香口, 一咬落去D肉汁飛曬出黎, 🥵真係要小心辣親嘴. 🐥雞髀本身D調味已經入曬肉, 再加埋微微既辣, 食到唔停口啊!😌🪀激酸青檸梳打 ($28)🪀🔮大檸賓梳打 ($28)🔮😋總體 (味道, 性價比, 環境, 服務態度) : 8/10——————————————————————————————🐓Fried chicken with instant noodle ($48)🐓The skin of the chicken were really crispy and the meat were tender and juicy. 👏The fried noodle were of perfect seasoning and not too oily, so that was a highly recommended dish!😝🍗Deep fried drumsticks ($30)🍗🌶The crust of the drumsticks was crunchy and the juice of the meat flied out when you bite on it, 🥵so be careful when you are having it. I have ordered the mildest level of spiciness and 🐥I cant stop having it as it tasted really good!😌🪀Lime Soda ($28)🪀🔮Ribena Soda ($28)🔮😋Overall (Taste, CP value, Environment, Service): 8/10…查看更多

一日一黃店-大埔名物 三多炸肶 上次去完總店 今次再試埋翠樂街既分店 今日呢間有明顯表態可以見到唔少文宣 星期日19:30黎到 都幾多人等緊外賣 可能真係太好生意 但店員話要20:00先可以落單sad.⭐️三多炸肶$30 （外賣有九折 $27）🥰質素同總店都相近 同樣名不虛傳👍🏻有用竹籤吉住雞肶 炸粉鬆脆 唔厚👍🏻咬開有肉汁 🥲唯一係今日隻雞肶 唔算超大隻😋今次叫咗小辣 辣粉同樣係必落既😋加左整體香口 野味好多.#三多 (太和)地址：太和翠樂街11號美豐花園地下1號舖.⭐️評分：味道：4.5/5環境：-/5服務：-/5抵食：4/5…查看更多

唔好諗卡路里，三多話食炸髀唔食皮，係對雞的唔尊重。炸髀同油髀都係必叫之選，又大隻又滑！香口惹味，引唔住仲叫左xo醬腸粉，同炸雞軟骨！全部都好好食，炸粉薄夠香口，新鮮即炸卜卜而最緊要識食梗係揀第一分店黎食，良心之選…查看更多

同樣的兩名友人，先後來到我家都點這個三多外賣的下午茶👀上次我沒怎試，這次碰巧是賽馬日晚餐，也參與一次。先吃了豬頸肉炒公仔麵，以炒麵來說，豬頸肉這些肉類配料份量相當多，應該超過10條不太細小的豬頸肉，夠香，不算油膩，夠爽，炒公仔麵份量亦都不少:)，不會太過油膩，味道亦都剛好不太鹹。後來看到炸脾，就知道它的吸引之處，因為炸脾的份量夠大，但沾上的炸粉不算太多，薄薄香脆的炸粉，其實我懷疑麥當勞的麥炸雞會不會也是參考它所做，外皮偏薄，:)內裏充滿肉汁，而我叫的BB辣，亦不太辛辣，但它的外皮可能比較香脆，內裏將雞脾肉再打鬆而大大塊，因此質感稍勝麥炸雞。☺️沙律，是一對呈兩大球的沙律，內裏的餡料其實很普通，但是在外邊很少看見這樣的配搭，就是有薯仔、蛋白粒、以及雜果。這樣的沙律配合起來，夠清新，味道帶點甜，輕微酸，相當不錯。肉粒炒腸粉，還以為炒腸粉一定是XO醬之旅，想不到這個應該只有豉油，輕微鹹，有其他肉碎伴隨腸粉，也算是比較特別的。就連鹹魚雞粒炒飯，內裏的配料都甚多，炒飯本身份量都不少，而內裏找到的雞粒亦都算是極多。…查看更多

自從呢間餐廳係屋企附近開咗，已經成為咗我宵夜嘅不二之選！炸雞髀由一開始$2x，至到而家加價到$30，我已經食過無數咁多次，雖然$30一隻雞髀好似有少少貴，但支持好食嘅黃店又有乜所謂🤪 食左幾十次都係食炸雞髀，因為炸雞髀每次食親都好好食，水準又穩定，搞到我每次都忍唔住要嗌佢😂炸髀大大隻，size同一隻手掌差唔多，雞皮固然有味，連入面嘅雞肉都好入味，而且雞肉超嫩滑🤩 我每次食親都係即叫即炸，熱辣辣之餘雞皮仲超級脆卜卜，真係超好食🥰 次次我食到最後都會好唔捨得咁快食哂😂 …查看更多

炸髀 炸髀 炸髀招牌的炸髀三多最出名既就係炸髀去三多必食就係炸髀自從搬左屋之後 冇乜機會食今日心血來潮 特登揸車黎買炸髀同豆邊外賣炸髀有辣有唔辣今次買曬兩隻大大隻 外面炸到好脆 返到屋企都唔會淋pet petd肉仲好滑 唔會乾曾曾咁入面唔會淡茂茂 好入味食完唔會勁口乾果種豆邊 返到屋企仲係冰冰涼 冇乜特別要講依然保持水準一樣係咁好食唔會死甜平時食糖水 最怕就係死甜一邊食炸髀 一邊食豆邊一熱一凍咁真係好爽皮突然覺得冇咁熱氣呀 心理作用…查看更多

星期六下午茶食三多，黎得三多，緊係要食招牌炸雞肶啦。炸雞肶有BB/小/中/大辣，我地就叫左小同中辣各一隻，雞肶上面有辣椒片，我覺得小辣剛剛好，中辣辣好多(我平時食開譚仔3小辣)。雞肶肉質嫩滑，醃得好入味，外脆內軟。中辣既辣椒片明顯多過小辣好多，但唔好以為佢嘅辣係由辣椒片黎，我就咁食中辣嘅雞肉(無連皮同辣椒片食)，都覺得辣。我地仲點左法蘭三層西多士，入面一層係花生醬，一層係火腿。西多士炸得啱啱好，唔會好油。不過得一塊火腿就太薄，煉奶同花生醬都蓋過左佢，好似有無火腿都唔大分別。…查看更多

經常踩單車都會特燈踩入三多食宵夜踩到太和條紅橋再踩小小馬路就到都算係就腳 以踩車黎講疫情關係多左人買外賣走但都多人堂食 有次夜晚8點幾去到未開堂食踩多個圈番黎 9點幾開始多人Order左油脾 個人認為油脾好食過炸脾仲有佢個肉碎炒腸粉都好正野飲都幾貴 $28杯凍檸茶加爆珠但一場黎到加天氣熱 就無所謂女服務員長期西口西面同漏單問題嚴重試過差唔多食完都未出到杯野飲最後要求退錢先記得男服務員反而好nice 有禮貌 手腳快…查看更多

\🌟🌟只限大埔翠樂街分店‼️🌟🌟只限大埔翠樂街分店‼️🌟🌟只限大埔翠樂街分店‼️重要嘅說話要講3️⃣次🤨🤨 另一間位於大埔北盛街～以前都一直食開嗰邊嗰間，好可惜北盛街嘅三多被網民見到幫民建聯賣選舉廣告，都貼得廣告，好難幫襯。❗️另外已FC翠樂街分店與北盛街分店已於2019年9月拆夥❗️【相反翠樂街三多嘅社交平台page會成日share文宣。】至於最近粉嶺新開嗰間三多亦並「非」與翠樂街三多屬同一管理人🙅🏻‍♀️💛————杯爆檸後面貼喺牆上張相超靚💛💛招牌炸髀🍗 $30推薦指數：★ ★ ★ ★ ☆食三多唔食炸髀點對得住自己😆，每次食親三多都必定會order🕺🏻。🍗炸髀即叫即炸，炸粉落到岩岩好，外皮炸到酥脆，咬落去「卡查」聲好療癒☺️，肉質超嫩，超juicy🤤，絕對唔係得塊皮肉都冇乜幾舊個種🤭·肥牛炒公仔麵🍝推薦指數：★ ★ ★ ☆ ☆每次去三多都係呢個配搭😋，公仔麵炒得啱啱好，唔會太乾或太濕，肥牛就有少少靭，撈埋椰菜一齊炒，帶出椰菜嘅鮮甜味，食落幾爽口😛。··📍 三多 (太和)太和翠樂街11號美豐花園地下1號舖…查看更多

差不多兩年前同朋友踩單車，當時佢地都話要去食，個陣食完都真係幾好食，但當時並冇寫到食評。今次趁假期冇乜野做，決定踩單車再走入去食三多。假期多人唔洗再講，仲要而家有限制令，自然需要少少時間去等位，但唔緊要，大家可以望下文宣或者同朋友吹下水等下，鋪頭出面有櫈坐的。三多炸雞脾 - $30咁我就叫左小辣，但唔係好食得辣既最好叫bb辣，出黎個陣新鮮滾熱辣，因為炸雞脾，脆當然就好正常，內裡多汁肉嫩，食落真係幾過癮。白牛 - $28白牛即係忌廉加雲呢拿雪糕，忌廉大家有飲開都知係刺喉架嘛，如果你將雪糕攪一攪會中和左個刺喉感覺，而且飲落去仲帶甜味，兩者溝埋味道係幾夾架，推薦大家食去試。對我黎講依d只係岩岩飽肚，但下午茶唔洗食到咁飽。雖然價錢有d貴，但作為一間黃店而且味道都幾好，大家可以去支持下。…查看更多

#黃店系列 聞名已久的大埔三多炸雞脾🍗賣炸雞脾賣到街知巷聞，未食過既朋友都應該會聽過。⁣店內貼滿文宣，FB有表明立場、支持罷工。⁣佢地既炸雞脾即叫即炸，皮脆內嫩😋仲有不同辣度俾你選擇。⁣除了炸雞脾之外，仲有滷水雞脾、其他小食、公仔麵類、意粉、飯類、甜品、糖水等等供應。⁣———————————————————⁣⛳️三多 (太和)⁣太和翠樂街11號美豐花園地下1號舖⁣⏰星期一至四 15:00-00:30⁣⏰星期五 15:00-01:30⁣⏰星期六 14:00-01:30⁣⏰星期日及公眾假期 13:00-00:30⁣…查看更多

🍗招牌黃金炸髀$30（小辣）即叫即炸嘅靚雞髀，大概等十分鐘就會有。睇見都熱辣辣，新鮮炸脾嘅外皮脆脆得黎，裏面又有肉汁🤤-你可以好優雅咁用刀叉🍴食，亦可以拎起竹纖，豪邁地一口撕開（⚠️新鮮炸起，小心燙口!)-🤓三多有好幾間分店，唔一定入大埔先食，但應該係入大埔必吃🤪。佢地嘅雞髀會係中央工場醃製，所以每間分店嘅味道應該係一致。-今次係太和美豐花園食，環境黃到不得了，有得食靚靚炸髀之餘，又可以食得心安理得。-雞髀有辣有唔辣，任君選擇。辣粉主要係表皮上面，如果覺得辣都可以少食皮，就冇咁辣啦。-你又食過冇？…查看更多