三多麵食

营业中

休息中

好耐無食Weekday lunch time永遠大排長龍，係中環快脆食碗麵之選👍但人多真係要背貼背咁坐，但食完就走就算啦！食個雙拼水餃 菜肉雲吞粗麵 $54叫完一分鐘後就有 ，勁有效率！水餃/雲吞先係主角，粗麵只不過係配角粒粒都脹卜卜，好足料水餃同菜肉雲吞比較下，個人口味中意水餃多啲，食到一絲絲木耳，蝦大大粒。菜肉雲吞就家常味，大粒都要食3-4啖 叫埋杯凍檸茶 $18 埋單都盛惠$72 抵唔抵食就見仁見智，但久唔久食一次都唔太過分！

「三多麵食」好多人都話唔錯，我就藉此機會特意過嚟試一試。地方唔算好大，人流量7成左右，見好多人都買佢嘅生雲吞拎走。今次我就點咗碗$60（雲吞牛腩湯粗）-雲吞同我平時食開嘅雲吞真係有出入，係好大，好大粒雲吞！大到隻羹都差啲都裝唔落。仲要好足料，佢𥚃面足足有8隻鳳尾蝦😱不過大粒就未必一定係好食嘅，因為咁大粒雲吞拎去煮，火候好睇廚師嘅技術，煮得快裡面唔熟，煮耐啲，外層嘅蝦又會老。咁我就試下味道方面先，果然真係煮得過老左，鳳尾已經係急凍蝦，再煮咁耐，唔單止冇蝦味，食落還帶輆柴嘅口感，仲要8隻柴曬，加上多蝦少肉嘅關係，食落口感單一，唔似食緊雲吞。味道未去到難食嘅，但就一定唔係推介出品。佢個辣都試過，辣度屬香辣，配麵食得過癮，牛腩反而好食過雲吞喎，味道同腍度都剛好。

今日去開中環經過三多麵食細個嘅回憶出返晒嚟👨‍👩‍👧於是就入去叫咗碗雲吞麵懷緬一下雲吞依舊好似拳頭咁大粒每粒入面都有好多蝦啖啖肉美中不足嘅係個麵嘅鹼水味都幾重不過40幾蚊係中環食到呢個質素嘅雲吞麵已經非常滿足🥰

fist size shirmp dumpling...bigger than your balls....44hk$, veey big to feed woman....in cbd hk central area. u cannot find any noodle cheaper than this. 4 big shirmp dumpling is rare to find. freshly made, u can taste the elastic of shirmp body.means its really fresh, blended with fat pork meat. perfect match.we ordered fish ball, also fresh fight on table. the chewy meat cant lie to me.lovely 🐟🐟🐟🐟🐟🐟🐟🐟definitely will come back. chill.

三多都算係中環嘅一間歷史悠久嘅老麵館，成日都見好多人去排隊外賣或者堂食。嗰日就去咗食佢哋嘅雲吞豬膶麵，雲吞真係拳頭咁大粒，入面每一粒都有最少三隻蝦，基本上食完一碗雲吞麵都幾飽。至於佢哋嘅豬潤係屬於爽口嘅豬膶，而且好厚好大塊，配上佢哋嘅豉油，完全食到老香港嘅味道。至於佢嘅麵底都係好爽口，唔會有鹼水味，配上佢嘅大地魚湯底，作為一個午餐嚟講都好滿足。平時見佢lunch time都多人，如果想試嘅朋友，記得喺平日下午茶時間嚟啦😗

拳頭咁大粒菜肉雲吞你見過未？好大粒好好味又唔貴。地道，服務友善，食完一定夠飽。全香港最好食嘅菜肉雲吞！完全係有優點冇缺點嘅完美香港地道菜肉雲吞！有讚冇彈！食過返尋味！三多我愛你❤️ This Place is Awsome! Best Wantons in the Whole of Hong Kong. Huge portions gorgeous flavors friendly services - simply THE BEST in Hong Kong ❤️

來到中環三多麵食，必定要試試佢哋嘅招牌菜肉雲吞。我試咗佢哋嘅菜肉雲吞水餃米粉，雲吞皮薄餡肉入口即化，裡面嘅菜肉味道香濃，勁大粒，真係好好味。我個朋友就試咗鮮蝦雲吞水餃米粉，鮮蝦雲吞我覺得普通，水餃反而更加出色，餃子皮薄餡多，有d雲耳，蝦係裡面 口感脆脆地，味道同樣好好。米粉清淡爽口，怕太飽嘅人可能叫淨水餃好d。餐廳環境係舊式茶餐廳咁，要搭台，比較急，但係服務員好好態度，唔似某中環牛腩麵數字檔咁臭串。餐廳價格實惠，中環黎講50蚊食飯都好抵架啦。

自從公司搬去石板街附近，真是多了很多餐廳可以選擇，今次光顧了一間有歷史的麵店。📍位置：近香港站C出口，在公司附近步行五分鐘。🏠環境：室內呈長方形，面積較細，裝潢如同八十、九十年代的麵店，左右兩邊皆是圓桌，客人多時需拼枱，不過看起來是乾淨整齊。🤵🏻服務：人手點單，不收加一。下午茶：雲吞麵+熱檸茶 $50擺法不正宗，三顆雲吞在麵旁，而不是底，不過每粒雲吞都很大隻，不能一口吞下，而餡則亦不標準，一隻吃到七分蝦三分豬肉，但另一隻又吃到三分蝦七分豬肉，所以每隻餡的比例挺飄忽，而麵夠爽和彈牙，湯底清而鮮味，沒有鹼水味，整體質素中上，畢竟在中環區有如此的價錢和大雲吞，己經不多了。

每次放lunch嘅時候都會經過，見到呢間餐廳大排長龍😍難得今日早左放飯，又見到人流唔多 就試下！今次就叫左個雲吞麵👍🏻上菜速度都相當快，大約5-6分鐘到就已經上左菜。雲吞麵啲雲吞都幾足料，又大粒，而且入面仲有好原隻蝦，入口相當之彈牙😍😍湯底方面覺得味道都幾濃郁，配搭埋嗰爽口嘅麪底，令人會回味一番🥹整體今餐覺得喺中環食到個相對親民嘅價錢嘅雲吞麵$44 ，而且味道仲幾吸引到人，性價比真係高！難怪成日都見到大排長龍🤣🤣

最愛水餃，雖然水餃麵得三隻水餃，但暫時喺全香港未搵到一間水餃係大得過呢度嘅水餃，每次食幾啖先食得完隻水餃，非常足料同好食。成日都好想食雙拼（加冬菇），但變咗雙拼嘅話少一粒水餃我又唔想🤣，所以通常都只係叫一個餸。炸魚皮（唔記得影相）好鬆脆，唔會好似有啲店嘅炸魚皮硬到會界損牙肉。炸鯪魚球都係好食，一般來講我唔食鯪魚球因為好腥，但呢度嘅鯪魚球加咗陳皮劈咗浸腥味。都係大大粒啖啖肉如果想買半打生餃就最好自己帶個盒，因為佢只係用膠袋裝俾你，如果買一打就有盒比嘅。通常食粉麵嘅地方唔會太衛生，但我覺得呢度乾淨企理。小店係迫啲嘅，有時要同人搭枱啦。

很難揾到咁好食又抵食嘅麵家，老闆又好好笑容，餃子和雲吞大粒到您驚訝！我咁大個囗都要分2口才能 KO一粒雲吞，而且真係有幾隻假起入面。初時落order意為會唔夠食，點知送上檯面才知道大鑊🤭，凍奶茶好有茶味，真心值得推介，下次要揾多啲朋友一齊再去幫襯。

-港式風味餐廳買少見少行過見到梗係要幫襯下舖頭主打麵食咁多年都keep到水準就知道老闆嘅堅持/鮮柏葉牛肉撈麵麵質彈牙，分量又夠多牛柏葉選用黑柏葉，冇漂白更加天然平時出去打邊爐都知黑柏葉係需要預訂亦都唔係間間都有貨呢度食到更加覺得珍貴👍🏻值得大家繼續支持嘅老字號小店

朋友推介呢間，專程去試過豬潤麵。平日lunch time, 自己1人，就試吓。無需等位。豬潤嚟到見賣相，心諗應該好鞋，食落口每一舊都有筋，好鞋放棄，無謂浪費自己膽固醇Quota，麵就普通。暫時應該唔會再試其他。

好中意呢種紅黃配搭既懷舊麵食招牌見親麵會好想入去食返配雲吞麵係中環咁貴舖租既一區，仲可以屹立不倒一定有過人之處5:30坐低，仲係下午茶時間成碟麵份量好夠，唔似平時麵食店咁食幾啖就無軟硬剛好，加一大埋蔥同蠔油，口感非常好雲吞好滿意，好大粒，啲蝦都新鮮 而且唔多肥肉鵝腸彈牙，係略嫌無咩味，可能係咁，佢另上左碗豉油平時食碗都唔會覺得飽，今次一碗已經飽肚，下午茶抵食！！

📍中環老字號粉麵店‼️• 乒乓波咁大粒嘅雲吞😻 -- 三多麵食🍜🥟•Follow @pigfoodiexhk for more food!🐷💛#pigfoodiexhk_中環#pigfoodiexhk_港式========================Bookmark咗呢間粉麵店好耐，一直都好想試下佢哋嘅菜肉雲吞～但成日luchtime經過都見到好多上班族排隊🤣前排早收工就去食咗個early dinner😆------------------------------⭐️菜肉雲吞+水餃米粉 $52菜肉水餃成個乒乓波咁，好大粒！😻皮夠薄，餡料滿滿，菜肉比例平均，咬落好juicy，鹹香十足👍🏼😋水餃同樣好大粒，入面有豬肉、蝦仁、雲耳、竹荀，不過小編個人就唔係太中意竹荀陣味🫣相比之下中意菜肉雲吞多啲😆$52以粉麵嚟講都唔平，不過勝在真係足料，食完都好飽下🙈------------------------------賣相：3.5/5味道：4.3/5性價比：3/5推介度：3.8/5------------------------------店舖資料名稱：三多麵食地址：中環砵典乍街30號地下前往方法：