影片
营业时间
今日营业
09:00 - 22:00
星期一至日
09:00 - 22:00
以上资料只供参考，请与餐厅确认详情
近期都好钟意周围去试唔同嘅两𩠌饭餐厅感觉食佢哋嘅性价比高过佢茶餐厅食多好多价钱由20几蚊至30几蚊不等，通常加多$10就可以有多一个𩠌每一次嘅份量都真系令我有惊喜之前因为试过有一次系超多𩠌所以今次呢一个𩠌嘅份量，俾我预期之中少讲返个食物质素因为啲鸡啱啱真系好，所以都系好香口肉饼就相对比较淡一啲好彩有旧咸鱼调下味白饭就比较腍一啲可能系配合返呢一区多长者购买？碗汤系几好饮，唔会太浓味又或者太淡整体30几蚊嘅两𩠌饭，我都系好满意嘅
继续阅读
试过几次（包括今晚）派饭前近九点去买三𩠌饭，不单止冇减价（附近有啲三𩠌饭舖头八点后系免费畀多个𩠌你），免费汤或者糖水已没有，还有叫𩠌嘅时候选择一些成本重的例如鳝，龙趸，西兰花虾球等等，虽然照样加钱畀佢但份量也是很少（系逐一旧逐一旧够数住咁畀你），虽然眼见净返大量要加钱嘅𩠌同埋即将要派免费𩠌，例如以上龙趸及鳝，都系数住件数咁畀你，连西兰花虾球（不用加钱）都只系畀一粒虾球，其余全部西兰花，但𠮶盘西兰花虾球仲有最少二三十只虾，我之后已经冇人排队买，反而门口有人放咗好多纸皮杂物喺度排队（只系杂物排队人唔喺度，开始派嘅时候先返嚟）宁愿啲贵价𩠌留返畀攞免费饭𩠌嘅人，都唔宁愿畀用钱买嘅客人，有两次九点几行过，攞免费发嘅人廿几岁都有，佢哋只要攞个食物盒过嚟就可以攞，仲要全部都系要加钱嘅贵价𩠌，我想问下如果冇人畀钱帮衬，你又点可以继续做生意可以派饭，附近嘅北河同行，明哥系派饭先锋，佢一边做生意一边派饭，餐厅啲人要多啲饭就畀多啲饭，要多两条菜就畀多两条菜，价钱都收得好平，32蚊就有一碟饭同埋杯嘢饮，三𩠌饭都系33蚊连埋例汤，明白佢好心送嘢畀人，但来者不拒及有人唔止攞一盒，后生仔女都攞，咁做法好似畀人利用咗，同时间得罪咗真系畀钱帮衬嘅人，三𩠌饭加12蚊系要53蚊，喺深水埗讲算系最贵，对我哋啲夜收工嘅人宁愿帮衬附近八点后多一个𩠌嘅舖头，三个𩠌都只系32蚊，都唔会再帮衬佢
继续阅读
外卖只系要求多少少汁，你俾唔到大可以出声，其实唔洗系客面前俾说话人地听㖞，你可以提出有唔同汁可以提供俾你，如果连最基本既礼貌都唔识，你咪出声啰。态度极之恶劣，麻烦正视下，派几多次饭都冇用
继续阅读
24-2-2024(Sat) 元宵,同老公特登出嚟支持每晚收舖前都会免费派𩠌嘅呢间两𩠌饭店,我哋嚟到就先揾位,然后买嘢食,我见有炒面,就问收银可以叫炒面加另外两个𩠌吗?佢答可以,$41.00.期间我听到话有魔鬼鱼,最后我拣咗炒面,娃娃菜同蒸鱼块豆腐,老公就拣咗菜心牛肉,魔鬼鱼同焗鱼肠少饭,重要个例汤,加埋要$55.00.齐晒食得,炒面俾到成咗山咁高,鱼块豆腐有3件,我先食我𠮶啲,三样嘢都冻嘅,佢哋唔系一直蒸住?既然有堂食,系咪应该要热住?讲返味道,全部都清唔太咸,鱼块豆腐例外,因为佢落咗辣辣地嘅XO酱.味道: 3分老公𠮶啲呢?我见佢𠮶啲有蒸汽出,即系仍热,应该系魔鬼鱼热吧,我哋分啲嚟食,菜人够腍,牛肉滑;焗鱼肠冻嘅,味道亦唔鯹;魔掌鱼呢?系炸过嘅,我食到姜味,鱼肉唔太嚡.之后我睇到菜名系姜葱魔鬼鱼.味道: 3.67分碗汤就暖暖地嘅,亦咸淡适中,系萝卜汤,萝卜都冇渣,亦有苦味.味道: 5分环境:入到去坐,冷气开得大咗,啲位都冻冻地.2.5分服务:一般正常,不过老公买嘅时候,店员有问佢饮唔饮嘢,老公答想要热嘢,店员就提议佢饮汤,但冇问我.价钱:我差唔多食完时,至见到贴喺墙上嘅价钱牌,见到两𩠌饭$33.00,三𩠌饭系$40.00,即系我嘅炒面系加$1.00.而老公嘅佢就听到焗鱼肠要$12.00,咁$55.00-$12.00-$40.00=$3.00,咁汤即系$3.00.2.8分又睇到糖水,饮品$5.00,特饮$8.00,豆浆$3.00.
继续阅读
路过揾饭食，初头谂住去附近印尼餐厅，不过见到几贵，所以再行落少少见到两𩠌饭，好多款，鱼类有龙趸、白鳝、石斑普通d例如鲩鱼都有咁叫咗两𩠌$33+$12转龙趸其实又唔系咁贵D饭口感烟韧，鱼就「嚡」咗d，不过无所谓啦，$45有得食仲有好多𩠌，烧明虾，仲有街坊见有蒸鱼出成条买走有少量坐位可以堂食
继续阅读
您可能会有兴趣的...