影片
以上资料只供参考，请与餐厅确认详情
公司唐生一开心就会请饮下午茶的了，琴日收到传单，今日终于可以试新野了：三多。我地都系抱住试既心态去叫，点知。。。。 $21 既西多，好细心咁切左4份咁炸，即系16边都有被炸过，炸得劲金黄好香口，唔太油。 食西多要咩啫，都系要炸既感觉同埋甜甜地，方间既外卖西多，都系得几滴糖浆或一包仔糖浆，唔够喉，今次就够多(唔会过多). 内里花生酱就唔算多，唔会抢左出面既味。 西多士仲有多条香肠，出面边度揾吖！？！ 瑞士汁鸡腿加沙律薯条，劲大份，沙律用上新鲜苹果哈蜜瓜一啲都唔流，薯条唔淋。 同事叫的雪菜肉丝午餐肉面，爆多雪菜，佢话啖啖雪菜，汤底唔会淡，公仔面都唔淋，爽吖！ 有得食下午茶已经好幸福，因为这不是必然的， 有咁好咁丰富既下午茶厅就更幸福，生活要好好过，亦要要学懂细味😍
继续阅读
喺湾仔返工的打工仔，唔多唔少都有响附近的茶餐厅叫过外卖。最近发现一间又平又靓的小店，价钱真系平通街，佢哋午餐自取外卖$29咋，仲要跟埋野饮！最方便系可以响Facebook睇到每日的Menu，唔使下下打电话去问👍🏻讲返服务同嘢食质素，他们听电话的姐姐都很有礼貌👍🏻饭盒卖相同味道绝不马虎👍🏻以＄30都唔使而有咁样嘅嘢食质素，我觉得绝对值得推介👍🏻我一次过post晒我叫过啲嘢食：午餐避风塘三色椒猪扒，色香味都有，猪扒系薄左少少但又唔会太干柴，送饭一流！咕噜/酸甜排骨也不错，同样炸得不错而且啲汁不会太酸！什扒，有猪扒丶鸡扒丶火腿，中规中矩啦，因为酱汁都盖过咗啲肉味！九层塔鸡球，酱汁唔够多，劳烦食啱晒，仲有好多洋葱同鸡，不过略嫌咸咗少少！下午茶炸鸡髀或炸鸡翼，跟薯条同沙律。鸡髀同鸡翼都炸得很香，鸡皮真系好脆，不过鸡髀略嫌咸咗少少，薯条也是肥嘟嘟有肉的那种，不会炸得太干！两次食的沙律有一点点不一样，不过同样好味！干炒牛河，牛肉份量不多，味道都几好而且炒得有镬气，油了一点，不过干炒牛河都是这样子的了！公司三文治，拿回去食时已经谂左少少，入面啲蔬菜蕃茄都算新鲜，不过相比起炸鸡翼，这一款算是失色一点！
继续阅读
耐不久都要黎到湾仔做JOB, 近排叫依间外卖真系唔错, 虽然我无去过依间铺头, 但叫左几次外卖都觉得佢地服务好好, 有次外卖仔打黎好似唔识路咁, 我打番去餐厅佢都有帮我跟单 (因为佢无收线, 所以我听到). so far 都准时ge. 依个价钱黎讲食物叫唔错, $31包饭连餐饮, 我就比较钟意食佢啲斑腩, 虽然有时厚粉左啲, 但汁好味搭够, 适合捞饭食, 又唔会太浓味㖞. 基本上餐牌佢就2星期换一次, 但每日都会斑腩饭拣ge, 我食过麻婆豆腐斑腩同鱼香茄子斑腩, 食过番寻味呀 ! 有同事食过佢个炆排骨饭, 话卖相同味道麻麻地, 不过见在$31份上都唔系太在意.性价比我觉得依然系高GE, 做JOB食LUNCH系首选, (番工医肚啫, 好野留番放假食啦 ) 但如果你对每餐食物有好高要求的话, 就唔好考虑啦
继续阅读
2282 浏览
公司附近又有新店开张，韩式饭堡小店结业后不到数月，即换上「三多美食外卖到会」 。食店周二正式启业，见外卖自取可减两蚊，小肥周四就孖住会计小姐同靓仔经理一人叫咗个饭盒返上写字楼食 。十二点半左右店子门外已企满人龙等食物，枱上亦放有多份送货订单；因店内人手足，大家分工合作，十分钟已极速处理好外卖订单。 特浓芝士白汁烩鸡球饭（$31；外卖自取$29）：如相所示，白饭同𩠌分开两格承载，白饭仲起码有两大碗咁多 。特浓芝士白汁热辣香浓，鸡球虽不算嫩口，但绝对滑溜健康，伴上爽脆o既洋葱好啱细佬口味。会计小姐同靓仔经理同赞是日餐汤「青木瓜雪梨陈皮煲排骨」足料又清甜，而且唔油腻，饮落唔觉有味精添，饭后好暖胃，$29绝对抵食 。
继续阅读