三喜 (已結業)

今晚阿媽唔煮飯,所以出街搵食~行左去石蔭街市附近睇下有咩野食,住左甘耐呢頭都無發現呢間餐廳,價錢都好化算,地方都幾大,今日就入去食下試下啦~!!有驚喜~老闆好好人,見我地第一次黎食就介紹左幾道菜色比我地食,有些更是餐牌上沒有,特別ORDER的菜.我媽很喜歡吃炸野的~呢碟係老細介紹既第一味併盤,特別係個日先有得食,(^W^)好幸運,炸腸同魷魚都炸得好香口,好脆好好食!另外,我好想堆介,有隻雞好好食真係好好食(不過唔係好記得叫咩野名,好似叫霸王雞),表面放左好多蔥的,好滑好香,雞肉好嫩,師父整得岩岩好,伴埋佢既沙薑一起吃,超正!!!!!!!咖哩蟹配"算"蓉包~都好好食,咖哩味好濃郁,"算"蓉包好脆,2樣加埋食味道岩岩好!今晚食得好開心,服務是一般茶記服務,但老闆好好人,今晚堆介的食物都好好,我地屋企人應該會好多機會黎幫襯!!!

之前那間執左,同位置開左無耐既三喜,在其他餐廳要等位情況下,姑且一試入到去好驚訝,因為大半係學生,心諗係咪因為平先咁多學生哥,質素會如何呢?見環境都OK舒服,坐低叫野!坐低見午餐都有8個選擇,又幾多喎,我選左個蕃茄肥牛湯飯,送埋野飲同湯(無錯,EVEN湯飯都送湯,搞笑) 28蚊一SET好平喎!!!一上菜,有D驚喜,個蕃茄湯好香!牛肉都幾多,一食.........咦!!!!!幾得喎!!!最後成碗湯飯食哂,爭D連湯都飲埋!同事叫蒸飯,賣相又好好!真係原盅蒸,看落去我都好想食!衰在卡位有D窄,以後去食唔會選卡位坐,但可以返叮!

一個「柴可夫斯基」（管接送的爸爸）和一個「保姆」（照顧孩子的媽媽）安頓好他們的女兒在附近學游泳後，就為自已的晚餐盤算了，這一帶除了兩家連鎖快餐店——美心和麥當勞外，沒啥其它好吃的了，難得最近開了家新餐廳——三喜，試一餐無防！地方頗寬敞，近七點鐘卻沒幾桌客人，本打算坐卡位，可是椅子與飯桌挨得很近，特擠不舒服，便挑了個能移動的四人桌坐下，側著頭還看到電視，剛巧播新聞，說的是內地動車相撞的事故（適逢暑假，一定有很多家長帶著子女出來游玩或探親，碰到這樣的不幸，不知是天災還是人為？一早已有工程師警告高鐵建造倉促怕生意外，果然見證了！）。不好意思，離題了（有些感觸）！有一張餐牌寫的是泰式菜，重點推薦「正宗海南雞飯」，既然那麼自信，就不可不試，另外看到一重量級牛扒套餐，介紹有12安士，食肉獸的媽媽自然也不放過了！套餐的羅宋湯很快就端了過來，偏酸帶辣，適合夏日裡郁悶的胃口（喜），材料是想象得到的單薄，牛肉了無蹤影（悲），也罷，就當喝碗酸辣湯算了！未幾海南雞飯上場，長形碟左邊堆了一碗形米飯（可選白飯或油飯），右邊則是白切雞。吃海南雞哪有不跟油飯的道理？看上去這油飯呈淡黃色，原以為肯定不夠油，吃進口才發現