三哥廚房擔擔麵菜飯專門店

营业中

休息中

馬鞍山素有美食沙漠之稱一係就食連鎖店，都咪話唔悶但係呢間小店三哥廚房，開左幾年一直都幾旺場，有時仲要等位👍🏽👍🏽👍🏽質素有一定保証近期home office ，多左留喺mos, 同屋企人去食下tea, 我叫左炸雞翼米線。唔洗叫都分上，好細心。雞翼係即炸，非常香脆！而且割開左層皮，好香！米線方面，軟硬適中，唔會煮到稔bad bad!!!like!!!!!!嘢飲可免費配豆漿or 六花茶，由於六花茶係茶包，所以揀左豆漿。但都真心appreciate 鋪頭嘅用心，想大家飲得健康啲！

雖然馬鞍山仍是美食沙漠，越來越多連鎖餐廳進駐，想搵一間又抵食，性價比高的小店已經好難，三哥菜飯係其中一間。入面裝修簡簡單單，但唔似一般上海餐廳或中菜館，好多年輕人都會入去食。星期日的午飯時間，距離馬鐵站較遠的三哥菜飯唔算多人，等5分鐘就入咗去，大多數人都叫外賣。午飯時間有套餐，當然會點三哥排骨菜飯，今次揀咗配鎮江汁，酸酸咸咸甘手，好開胃，排骨熱辣辣，食完人都會暖返。跟餐可以揀豆漿，六花茶，紅棗桂圓茶。50蚊加一的午餐，在馬鞍山黎講已經好抵喇

上海菜我一向不是特別喜歡，但不得不推薦這間的鎮江骨菜飯，鹵水雞翼菜飯和雞絲粉皮，這三款菜式每次光顧都是必點的！再配上他們的自家製涼茶，下次到馬鞍山不知道吃什麼時，不妨試試😜

餐廳係馬鞍山警處對開左幾年，裝修很歐式別緻，令人聯想唔倒佢係做上海菜既所以起初見倒名以為係fusion菜點知人地就係做上海野做得好出色推薦佢地既擔擔麵，湯底同出面試過任何一間都不一樣，首先係唔辣既，再加上好多花生醬同蝦米，味道鮮香濃，配其他任何小食都好好味

今次HP幫襯下街坊小店😌因為有次經過見到唔少人等位 場面幾墟冚😯應該有返咁上下水準🧐.豬手係HP common friend👫多種整法我地都覺得好正 南乳 花椒八角 鹵水等等😇😇今次居然發現有口水豬手😋大家都好有默契一定要試😏.首先溫度雪得夠凍❄️凍食喺呢家既溫度黎講簡直係爽呀🥶豬手大部份都拆曬肉 唔洗慢慢咬 懶人之選😅最重要既醬汁都認真唔錯 又辣又香☺️餐枱上辣汁可以自己另外加 唔夠辣既話就自便啦🤗仲落埋芝麻同蔥 入口更加惹味🤤花生夠脆 撈汁食味道贏曬😍價錢非常合理 正嘢👍🏻我地仲叫左個排骨菜飯(牛腩汁)腩汁香 花椒八角味重 撈飯確實係正確配搭👏🏻菜飯既菜粒比較少 HP覺得多啲口感會提升😉味道絕對唔鹹 唔覺有加鹽去吊味👍🏻主要靠腩汁令碗飯入味😌排骨炸得好脆 咬落去好有feel🤤味道就無乜特別 一般🤨不過Size認真大塊😮抵食指數值得俾高分👍🏻

Yesterday,I, and my friend had dinner at this restaurant and it is really good.I love their sevice and dishes.

我地一家平時都會去下三哥廚房， 平民價錢， 10星紙服務， 我都未見過一間小店， 有甘好的服務態度。 必試1. 上海粗炒， 你會發覺有肉排於當中（切了的）， 一d 都唔hei .2. 擔擔麵， 我覺得你可以配上不同的食物， 如肉排， 糖醋骨等。 如你對花生無敏感， 一家要飲其湯， 真係好好飲。 💕3. 菜飯， 大大碗菜飯， 一定夠你飽。如果你想試得經濟一點， 一至五去食， 因為免加一

招牌上海粗炒  好大碟，但唔夠鑊氣。  雞絲粉皮紅油抄手 賣相係唔錯既，雲吞外皮薄薄幾滑溜，內裡菜肉餡都幾多，都有肉汁。紅油汁係醬油加辣油再加蒜泥，味道偏咸辣，無乜甜味。 三哥排骨菜飯  係此店招牌菜，排骨熱辣上檯，份量唔少，菜飯用雞公碗裝住，都算大碗，飯面加上醬汁三選一，要左鎮江汁。豬扒較薄，粉唔算厚，炸得幾脆，肉質好鬆化軟腍，味甜有肉汁，係唔錯既。菜飯用上珍珠米，煙韌彈牙，加菜都幾多，好送飯。鎮江汁酸酸地好開胃。招牌擔擔麵  湯底由花生、麻醬、辣油、香料等製成，麵上鋪著肉燥同蔥花。湯底略嫌唔夠濃郁厚實，有微花生香味。麵質好腍好滑溜，掛湯都可以。整體唔算特出。 鮮磨豆漿 唔算太甜、有豆味，似係自家製。  

今天有点累又不太餓，更不知食什麼好，試吓打电話三哥㕑房，有位，出發。簡簡單單，三個人叫了三絲炒年糕、酸辣湯雲吞麵、三哥排骨擔擔麵。果然是三哥的招牌食物，排骨不乾，爽口，加上香口嘅麻醬，鋪滿滿在麵上，不油膩，啱哂一家大細嗌，份量都足夠👍三絲炒年糕就是以清淡為主，味道正常水準，嫌唔夠味可自加辣醬，辣醬算必試，香而不太辣。至於酸辣湯最重要是它是否平衡到味道，它味道剛剛好，酸中帶辣，沒有被任何一方蓋過，麵又夠彈牙，不錯，仲要勁大碗👍環境清靜，簡潔，侍應有禮，每人平均$60，間中去食也不錯，加上它接受訂位更方便，係馬鞍山區上海菜一枝獨秀。

係馬鞍山依個美食沙漠搵到唔錯嘅餐廳，點都要試試～鋪頭裝潢一啲都唔似上海菜餐廳。星期日晚上食飯都排隊等左大概半個鐘。我地點左例牌嘅排骨菜飯，炸排骨炸到剛剛好，食到停唔到👅🤤製作需要二十分鐘嘅砂鍋雲吞雞，係全日最好食嘅菜式，雞湯好濃郁，感覺超級足料，飲完好暖胃～雲吞皮稍嫌厚左啲，不過饀料味道不錯。口水雞賣相同醬汁好好，不過啲雞食落有冰鮮味😦雪菜肉絲炒年糕同鎮江骨質素一般，無乜特別。

偶爾去到馬鞍山消防局附近，看見一間以提供上海食物為主的小店，門口有人排隊，便與友人一試。由於食客衆多，不方便影相。以一間只可坐數十人的小店，可見店主花了不少心思。全店貎似一間西式雅緻的餐廳，以白色為主，牆壁裝有白色花紋的小架，餐具也特別精緻，牙簽筒也如附照般美麗。我們叫了2個套餐（三哥排骨菜飯$48- 和紅燒豬手擔擔麵$45-)及一個小食: 半份炸春捲（$20-），套餐包飲品一杯，我們選了熱豆漿。春卷新鮮炸起，熱辣辣兼皮做得又薄又脆，內裏包有椰菜及肉絲，很好味，椰菜更可減低油膩感，正。😋😋😋三哥排骨菜飯也很有水凖，豬棑厚度適中，不會太薄。食落仍鬆軟富肉汁（juicy)，好味。菜飯也ok。👍🏻👍🏻👍🏻豆漿熱辣辣，有豆味：雖然不是很香濃，也很有水凖。整體而言，「三哥廚房」是一有誠意服務街坊的小店，值得支持。

無飯開既一日，周圍左逛右逛，又唔多想去商場搵食，行行下，就發現呢間食上海野既店。六點多，無咩人，餐牌價錢都算合理，大部分都係$40-$60，想食清淡少少，就叫左個菜肉雲吞清湯麵。菜肉雲吞有5粒，size偏細，餡料菜既分量比肉多，仲有都算多既生菜附送，清湯唔係好夠味，麵質都算彈牙，整體黎講一般。

馬鞍山一間難得好食嘅餐廳仲要係好食兼大份2個人，一人一碗麵，已經ko咗招牌三哥排骨擔擔麵每次黎都必食排骨炸得酥香，皮脆肉嫩，略帶油香，正！擔擔麵，麻香十足，有小辣，唔會膩又想飲酸辣湯，又想食雲吞呢碗酸辣雲吞麵可以滿足曬份量十足，味道啱啱好睇完就明明點解一人一碗麵就已經夠曬飽

每次在馬鞍山吃飯，都會來這家。無他的，兩個字，好吃。點的都是那三樣：酸辣湯麵 - 用料十足，筍、豆腐、冬菇等等，麵底係生麵。如果有得揀米線就好。由於鍾意食醋，就算佢係酸辣都會額外再加點醋，更酸更好味。上海炒粗 - 好鍾意呢隻粗麵，有咬感得黎唔會太淋，剛剛好。而且唔會過咸，要狂飲水。菜同肉份量適中。另外必點上海排骨菜飯，排骨外皮酥炸香脆，甜甜的。肉質不會乾巴巴，保留了肉汁。菜飯可以淋上鎮江汁一起吃，酸酸甜甜的，很適合送飯。

今晚約左屋企人食飯, 一行六人, 家人決定去呢間舖食, 舖頭唔算大, 十分整潔, 服務員好有禮貎, 雖然細舖, 但如果人多可以提早致電留位, 但有時去到都可能要等, 今日點了花彫醉雞, 招牌上海粗炒, 酸辣湯麵, 炸春卷, 鎮江骨菜飯, 三哥排骨擔擔麵, 上海粗炒同擔擔麵就一般, 醉雞夠入味, 鎮江骨肉質夠軟, 平日排骨係好正, 今日就有少少遜色, 炸得唔夠香, 酸辣湯不過不失, 麵底煮的時間掌握得好好, 推介炸春卷, 雖然無肉, 只有菜, 但炸得香脆, 大家都讚不絕口, 結果再追加多一客, 人少都有半客叫, 整體價錢合理, 提提大家, 星期六, 日及公眾假期會有加一服務費