影片
以上资料只供参考，请与餐厅确认详情
十点几落八号波返工，放工老婆出去玩，自己黎开餐。平时都好旺场，今晚可能打风加落雨，唔太迫，几好。楼面始终比较少人，落单都等咗一阵。今日一条友，决定叫男人嘅浪漫，豆腐火腩饭嘅小菜版，大马站煲。味道中规中矩，火腩有D太实，无乜皮，但调味正常，冻奶茶茶味弱左少少。78连例汤加冻饮，份量加味道合格有余。始终附近茶记无乜好拣。
继续阅读
由于上班期间，不能长时间离开公司，每次午餐时，都会打电话问有咩是日午餐，次次都叫我自己落黎睇，我心谂我落到黎，就唔洗打电话问啦。有一次真系比我落到去睇，我叫完要半个钟，比老细炸哂型
继续阅读
前排去咗乐富个边嘅球场做运动，做完天黑刚刚好到晚饭时间，所以揾咗间茶餐厅食饭，呢间唔系乐富商场，而系系对面嘅屋企地下位置，间餐厅都几大间，仲接近坐满人，可能价钱比较抵食，所以比较多人！我叫咗碟虾酱海鲜炒饭，$56，跟热饮，我就叫咗热华田，正常无特别，另外仲送碗例汤，都几好饮。个虾酱炒饭好大碟，差唔多成2-3碗饭，多到我都食唔哂。佢个炒饭几有镬气，炒到一粒粒干身，虾酱味几香，好彩食落去唔会好咸。而海鲜都算系咁，有鱿鱼、虾仁、蚬等等。
继续阅读
沙爹牛肉炒河-好够锅气，非常香，牛肉又唔韧，不过无咩沙爹味，份量好足～唯一小小扣分位系6:3x分落单，但7点走嘅时候都未上第二个餐🥹不过好彩餐厅主动话俾返个discount，退$10，仲好有礼貌讲唔好意思
继续阅读
芙蓉蛋饭 $52话说有日去左乐富整野食饭时间谂住求其揾间餐厅食晏行到去呢间餐厅门口见到入边有好多人一般依种情况一定系啲饭大碟夹抵食咁就入去试下😂😂😂呀姐光速埋到嚟问我食咩我叫左个芙蓉蛋饭过咗几分钟就送到上嚟见到个刻当堂吓一吓，超级大碟块芙蓉蛋仲大过我块面而且仲几多料有虾有火腿丝有芽菜有肉丝只虾仲要有鲜味块蛋又够厚 煎得香口又唔会好薄好干用甜豉油送蛋真系无得顶👍🏻😋不过最后我食唔晒个饭个饭跟汤跟热饮都系$52呢个价钱真系好抵
继续阅读