三和田日本料理 (已結業)

九龙城离返工地点稍远，只有长假期前后冇甘多嘢做先食过黎。本来想试对面新开既韩国店，可新开张，太多人等位，所以转左黎呢度。呢间嘢第一次黎，系公和荳品隔离，外面同入面装修都有啲残旧，听同事讲佢系附近放题始祖之一。佢第一样吸引我既系个价钱，廿几三十头一个餐，仲包汽水，真系好耐见过甘抵既价钱！款式都算多，有拉面、定食、刺身、寿司、饭类。我今日想试下亲子丼，因为好挂住半熟蛋既口感。等左大约十分钟，大大碗既亲子丼黎到！个份量真系冇得挑剔，铺满饭面，厚厚一层；个蛋应该系同鸡扒快兜就放系饭面，所以感觉有啲乱。侍应既姐姐拎过黎，摆系我枱面个阵，忍吾住讲左声，哗！好靓＿佢指个半熟蛋。我都觉个蛋既凝固状态几好，但我幻想系平时就甘打只蛋落黎，自己捞个种境像会比较好睇啲。我先试下佢既鸡蛋，已经接近熟，冇咩话好吾好食。反而个鸡，好咸！！！落大多汁喇，渗埋落饭度，想食啖白饭中和下都冇，但肚饿都系照食。食到一半，我已经好饱，又好咸，系甘饮茶。到我地埋单个阵，个姐姐叫返我地转头话有汽水送！又吾早啲讲，都食哂，埋埋单！！无奈！…查看更多

近来老婆工作辛苦, 而知道她想吃刺身, 故带她去我以前去过的深水埗三和田吃午间放题. 怎料, 去到见到原来已经结业, 多失望! 幸好老婆没怪我. 更陪我于晚上再去九龙城分店"报仇".无可置疑, 店子的格局不太日式, 但这点无碍我们的"报仇"大计. 先来各种刺身, 有: 三文, 甜虾, 北寄贝, 吞拿....等. 种类不少, 亦很新鲜, 尤以三文及甜虾取胜.饮品是自取的, 我相信没有那几间有这么多选择, 有啤酒 (2种) 及多款汽水, 哈! 竟然有老婆的至爱 - 青苹果味汽水, 另, 更有无限供应的冷热清酒, 简直是爱喝者喜讯!他们的前菜, 蟹籽沙律, 中华沙律, 海哲, 很清新和爽口, 一定耍试!烧物做得不错, 特别是鸡肾, 鸡软骨, 多春鱼, 冬菇, 牛肉为皆. 加上惹味的烧汁, Oishi! 烧青鱼及秋刀鱼的味道与卖相均皆. Tempura 也做得香口, 亦不太油, 虾炸完后肉质鲜甜及爽脆, 好吃! 由于我俩食量有限, 只叫了极少量寿司, 更完全没要煮物, 饭或乌冬, 但已是十分满足. 而且, 他们的招呼也很热诚和勤快, 亦有礼貌, 值得再来!…查看更多

放咗工好大压力, 想食日本嘢去减吓压.....点知压力重大, 因为食得太饱午餐30几: 饭当或汤面 加 三文鱼寿司或刺身个烧鸡饭当同个汤面唔系话特别好好食, 一般般的OK。但系底食既, 同埋个份量系多的。还叫咗啲其他寿司同南瓜天妇罗寿司Good! 三文鱼刺身好新鲜。 甜虾寿司好底食, 因为有三只虾做一旧寿司。个蟹子军舰好大旧, 一般既一旧一口都可以 但佢呢个一口咬真系食唔到。 而且啲蟹子同饭既比例系真系一半一半 唔会话饭多过料。 佢旧寿召饭真系比一般既大旧, 睇得出的, 但饭既质感其实欠佳, 有点过急煮熟饭 粒饭中间有点粉粉地既质感。南瓜天妇罗味道OK, 只系炸得唔太够。 咬入口成旧南瓜都好熟, 有点先煲后炸的口感。…查看更多

睇门面，这餐厅绝不像一间食日本料理的餐厅，因为实在和一间茶餐厅冇分别。是日食放题，一行8人。这是平日的晚上，入座率约只有三成，非常冷清。点菜的纸得2张，选择唔多，但寿司、刺身、串烧、锅物都有齐。刺身﹕有北寄贝、八爪鱼、白拖罗、三文鱼、甜虾等，上得好快，叫左一阵就有得食。由于本人唔食鱼类刺身，所以唔知咩味，但见佢d三文鱼就切得好厚身，睇落去的色泽都唔错既，男朋友说好味~佢话最正系白拖罗，口感好rich~我就净系食左北寄贝、八爪鱼同甜虾~都算新鲜，但甜虾唔知点解冇乜甘甜的虾味...整体刺身而言我会俾到6-7分。蟹粥﹕完全系奇怪味。一d蟹味都冇，完全唔明点解叫蟹粥，蟹柳都唔见得有一条...=.="除左味精味，完全食唔到用咩黎整，好吊诡，仲要味精得黎系难食既。我只能够俾佢1分。寿司﹕用四个字形容，送俾佢「不知所谓」。d醋饭整得好差，味道古怪，而且d米都硬硬地。叫左个带子寿司，片带子薄到透光，而且劲劲劲细片，我谂都有半只手指公咁大片既~食落去完全唔知咩味，系零味道既~!!鳗鱼寿司d鳗鱼系干既，完全冇汁~!!!都系果句，不知所谓。俾2分佢。鳗鱼炒饭﹕用左极少鳗鱼粒同杂菜粒炒，成碟饭都系豉油色既~~虽然唔系好食到有鳗鱼味，但个味道其实都ok既，喊喊地带轻微鳗鱼味。都俾到6分。银鳕锅﹕鳕鱼系冇味既，成个锅除左几旧鱼，全部都系杂菜，而且冇乜味，d汤系水既味道加左盐咁啰。4分~!!牛仔骨﹕好韧.,....味道还可以，都几入味，正常，但真系好韧.....4分其他已经自动忘记左食过d咩啦....实在一d都唔难忘......全部都系4-5分......唔多记得.....饮品都系任饮，除左正常既可乐、七喜之外，仲有好多奇怪野，例如罐装凉粉爽.....见到但我冇饮.....服务都ok啦~都有收下碟，叫佢落单都会应你既~正常啦~每人$148~唔使加一。唔好要咁高，都可以食到好饱既，就系好饱啰，味道千其唔好有要求。…查看更多

:点解会有一间日本食肆会有咁低水准连最基本三文鱼刺身都无味,甜虾同所有刺身都唔新鲜,咁劣质的食物都可以攞出来供应.....其他食物试完一啖巳经唔想再食....最惨系我唔想浪费食物,但是我真的没有勇气吞下去,,老板.请你不要这样做生意........:l:因为好难得先可以同我最心爱的阿仪去食饭........…查看更多