三人行燒烤店

营业中

休息中

「三人行燒烤店」之前在旺角分店已經食過，認真好食又抵食，原來喺太子都開咗分店，梗係即刻要去朝聖，所有串燒即點即燒，新鮮熱辣夠晒火候，而且串燒份量大，仲要係$12起就可以食到，真係性價比超高👍▪️鹽燒馬友 $ 126魚友大愛，馬友魚魚油豐富，魚皮燒至酥脆，肉質超軟滑充滿油香，師傅只用海鹽調味，極級鮮味▪️頂級安格斯牛小排 $ 128牛小排非常高質，邊位焦香，肉質五成熟最佳狀態，肉質軟嫩充滿牛香，沾上芥辣更香口▪️燒雞全翼 $ 36｜爆汁雞皮卷 $ 28▪️雞隔膜串 $ 32｜雞軟骨串 $ 32雞類美食，必推燒雞全翼，超級大隻，皮脆肉嫩夠晒入味，爆汁雞皮卷雞皮香脆雞肉Juicy好驚喜，雞隔膜和雞軟骨非常香口▪️鹽燒牛舌串 $ 26▪️煙肉蘆筍卷 $ 20 ｜雞肉腸 $ 14我嘅心頭好，鹽燒牛舌夠晒軟腍，雞肉香腸配上蜜糖，兒時味道，煙肉蘆筍卷去到邊度都會食，喜歡蘆筍的清甜爽脆▪️燒饅頭 $ 18 ｜燒玉子 $ 20▪️燒日本甜心番薯 $ 18｜芝士豆腐 $ 18▪️芝士年糕 $ 24｜炸豆腐 $ 16▪️燒豆卜 $ 14｜牛油燒原條粟米 $ 24超鍾意呢度非肉類嘅美食，尤其係幾款豆腐串燒，燒得好好食，另外粟米充

呢日同朋友一齊嚟咗呢間喺太子嘅燒烤店食個 early dinner 🤣$126「鹽燒馬友」：魚皮應該係搽咗鹽先燒，燒到硬硬哋鎖住裏邊嘅魚汁，所以魚肉多汁鮮甜，兼肉質細嫩😋$26「翠玉瓜」、$16「秋葵」、$14「韭菜」：呢幾樣蔬菜全部放埋一碟🤩；翠玉瓜同秋葵都係爽脆兼幾 juicy😋$14「韭菜花」、$14「蒜芯」、$20「豬頸肉串」、$26「黑毛豬肋串」、$16「五花腩」：呢2樣蔬菜同3樣豬放埋一碟🤣；蒜芯同韭菜花新鮮又爽脆充滿纖維😋；豬肉就全部都夠甘香油份充足兼口感各有不同，其中油脂最勁嘅係豬頸肉而比較爽口嘅就係黑毛豬肋串😋$18「雞中翼」、$22「台灣腸」、$32「雞胸軟骨」：呢幾樣全部放埋一碟🤣；燒雞翼我鍾意食，燒得夠香口🤣；雞胸軟骨就不嬲都鍾意食🤣；台灣腸甜甜哋夠香口🤣$48「香草羊架」：有超濃郁羊味🤣$48「燒白鱔」：外皮燒到脆脆哋，白鱔肉鮮甜🤣$14「津路烏龍茶」：凍冰冰🤣$16「燒菠蘿」：燒到熱熱哋兼鮮甜多汁🤣

今次同屋企人「三人行」去試吓呢間人氣串燒店！太子分店新開無耐，環境乾淨又夠光猛✨ 串燒即叫即燒，上枱仲熱辣辣，調味夠晒惹味，價錢仲好合理添～ —————————————————🦐 黑松露蝦多士 $68多士炸到金黃脆口，蝦膠彈牙，黑松露醬多到漏，中間仲有粒兔仔造型嘅蕃茄仔🐇，邪惡但必食！😍 🍆 蒜蓉燒原條茄子 $38茄子燒到軟淋淋，鋪滿蒜蓉同孜然粉，超香口！ 🌿 韭菜 $14 / 韭菜花 $14燒得剛剛好，唔會太乾，加咗辣粉更惹味！ 🍞 燒饅頭 $18表面燒到微焦，咬落甜甜哋，配煉奶好好食！ 🧀 芝士豆腐 $18外皮香脆，一咬開芝士流心，正😍🦑 魷魚鬚 $22爽口彈牙，加咗少少辣粉，送酒一流！ 🥓 金菇肥牛卷 $22肥牛包住金菇，燒到香噴噴，一啖一件超正！ 🍠 燒日本甜心蕃薯 $18天然甜味，軟糯香甜，好似食緊甜品咁！ 🍫 朱古力香蕉 $18香蕉燒到半溶，朱古力醬甜甜哋，完美～ 🧀 燒日本芝士年糕 $12外皮脆，內裏芝士流心，鹹甜交織好過癮！ 🥩 安格斯牛肋串 $26牛味濃郁，肉質嫩滑，油脂香豐富！ 👅 鹽燒牛舌串 $26厚切牛舌，簡單鹽燒已經好香！ 🥩 牛柳串

太子🚇嘅「三人行燒烤店」 呢間串燒小店雖然🎊新開無耐，但已經吸引咗唔少🥰食客，原因就係佢哋嘅食材新鮮、👏調味恰到好處，價格又實惠！日式鱈魚🐟乾燒得多多夠鬆脆，入口帶有🤏淡淡嘅鮮甜味，配啤酒🍻一流。呢度主打嘅串燒🔥款式眾多，雞胸軟骨串🐓肉質嫩滑，軟骨爽脆，🤤口感豐富。金菇肥牛卷😍燒得夠香口，金菇嘅汁同肥牛🥩嘅油脂完美結合，👍好滋味！安格斯牛肋串🐂肉質鮮嫩，燒得外焦內嫩，😆咬落去仲有肉汁爆出🤩，正！牛柳串🍖肉質軟腍，燒得剛剛好🔥，唔會過火。雞軟骨🐔燒得香脆，咬落去「卡滋卡滋」😋咁，好過癮！黑毛豬肋串🐖肉質鮮美，帶有少少🤏脂肪，燒得香口。豬頸肉串🐷爽口彈牙，燒得香脆，🔥帶有少少焦香，好惹味！羊肉串🐐燒得香而不羶，🍖肉質鮮嫩，帶有少少孜然香味🌶️，好正！燒日本🇯🇵芝士年糕外皮燒得微脆，入面嘅🧀芝士流心，口感軟糯😌，芝士味濃郁，👏好滿足。鹽燒油甘魚鮫🐟燒得香脆，魚肉鮮嫩多汁🥰，油脂豐富好香滑👍。鹽燒馬友🐟表皮燒得好鬆脆，🧂鹽燒嘅調味帶出魚嘅鮮味，😍肉質鮮嫩，好食到停唔到口🤤！

每個星期嘅例行事件去花墟買花後，當然要搵地方開餐。行下行下就發現有間串燒店，友人話不如試下。店舖細細，牆上貼上食物照片，落單係點餐紙上。肉類串燒一次過上碟: 爆汁鷄皮串 (2串) ($28)，鹽燒白鱔 ($48)，魷魚鬚 ($22)，鹽燒牛舌串 ($26)及雞中翼 ($18/2隻)見好多人推介呢個爆汁鷄皮串，入口似食緊鷄肉丸，係爆汁嘅。友人鍾情鹽燒白鱔，呢度相當厚身，入口彈牙但要注意細骨。其餘嘅都燒得岩岩好，唔會變乾，灑上調味粉更惹味。呢兩款有D似樣嘅係燒饅頭 ($18)及燒日本芝士年糕 ($12件)炸饅頭點甜奶就食得多，燒饅頭就第一次食，加上糖粒及彩色糖碎，為佢增加甜味，係幾得意嘅。而芝士年糕外脆內有軟滑芝士，滿足口感。蔬菜類有豆卜 ($14)及蒜芯 ($14)豆卜燒到外脆內唔乾，點酸辣汁食加添味道; 蒜芯燒香後帶點甜味，好食。呢客蒜蓉燒原條茄子 ($38)，已經成為我食串燒嘅必點食物。原條開邊，茄子肉上舖滿蒜蓉，輕易夾出。滿滿蒜蓉味係口腔內爆發，要趁熱食啦喂。友人對茄子敏感，點選牛油焗金菇 ($32)，以錫紙包住加牛油焗。上枱熱辣辣，每條金菇都沾滿牛油香味，更加滑口。暖身之選有呢客

三人行燒烤店—主店係旺角，依家係太子開左新分店，餐廳店舖面積唔算大，但麻雀雖小，五臟俱全，以深木色簡約風為主，主打地道港式串燒風味，而新分店亦多客人專程到訪，開始熱鬧起來🥢 所有串燒、燒物等食物都係即叫即燒，新鮮滾熱辣上碟，特別推介燒魷魚鬚、燒雞翼、炸雞髀、蒜蓉燒蠔，就連炒飯類；什菌炒飯都相當夠鑊氣，難怪吸引到唔少食客專登過嚟～ 不過餐廳座位有限，繁忙時間有機會滿座，可以早少少去拎位，試下地道風味串燒～

朋友話西洋菜北街有間串燒店，店子不大，但晚上氣氛幾好，串燒$12起，有肉類、海鮮、蔬菜等，今晚同班friend 嚟試吓，可以叫多幾款開心share。鹽燒馬友 馬友原條上燒至外皮焦香，鎖住肉汁充滿油香，冇諗過煎完肉質都好嫩滑。燒海蝦 (3隻) 海蝦大大隻，肉質結實彈牙夠新鮮。蒜蓉燒扇貝 | 蒜蓉燒蠔 扇貝同燒蠔脹卜卜，仲加添咗大量蒜蓉，勁惹味！香草羊架 羊架size 唔細，略加香料調味但保留羊肉香氣。金菇肥牛卷 | 煙肉露筍卷 金菇肥牛卷面層搽滿燒烤醬汁，甜甜地好味。個人更喜歡煙肉蘆筍卷，燒得香脆嘅煙肉，包住爽甜嘅蘆筍，有口感又可減低油膩感。安格斯牛肋串 $26 | 牛柳串 $18安格斯牛肋牛肉味濃，肉汁豐富有嚼勁，牛柳串啖啖肉。黑毛豬肋串 $26 | 五花腩 $16黑毛豬嫩滑，五花腩肥瘦相間，油香滿溢。雞中翼2隻 $18雞翼外層燒得甘香，係港式Comfort food。泰國露筍 $32 - 鮮甜爽口虎皮尖椒 $14- 尖椒微辣醒胃燒烤菠蘿 $16 - 烤過嘅菠蘿鮮甜多汁，配串燒好refreshing。

到花墟配置些種植用的道具，順道在附近開餐；選了三人行串燒店，看餐牌發覺性價比不錯，即推門內進。小店格局，是那種麻雀雖小，五臟俱全。基本的都有齊！是夜的串燒全席，豐富得很！有韭菜、秋葵、雞脾菇、大京蔥、台灣腸、豬頸肉串、鹽燒白鱔、煙肉露筍卷、金菇肥牛卷及蒜蓉燒原條茄子 🍆，所費無幾，大滿足😌！蒜蓉燒原條茄子 🍆，茄子吸滿了蒜蓉的香味，加點蔥花，軟軟腍腍的，小編大愛！金菇肥牛卷，家傳戶曉的，不會令人失望！煙肉露荀卷，鹹香的煙肉，卷著爽嫩的露荀，十分滋味！頂級安格斯牛小排，燒至五成熟，內層呈粉紅色的，嫩嫩滑滑的，加上芥茉點綴，正！秋葵燒得乾身，爽口不潺滑 👍雞中翼 2隻，燒得剛剛好，外層香脆，咬開有肉汁，醃得夠味，好食😋鹽燒白鱔，肉質彈牙，吃得出是新鮮鰻魚 👍👍飲品都是大路的，可樂 $12，津路烏龍茶$14

今日去左間又抵食又好食既三人行燒烤係太子既新分店,分店細細地所以好早就坐滿人，好彩我地有book位司華力腸 $24燒墨魚丸 $14雞中翼 $18豬頸肉串 $20五花腩串 $16鹽燒牛舌串 $26安格斯牛肋串 $26我地叫左小辣岩岩好，先黎第一round肉，五花腩最正，超級爽口，牛舌好甘香，牛肋都夠林身，司華力腸個皮脆卜卜雞翼好大隻，火侯岩岩好，燒到個皮脆，入面都好juicy燒雞髀 $32爆汁雞皮卷 $28鹽燒油甘魚鮫 $86金菇肥牛卷 $22雞軟骨 $16五花腩 $16娃娃菜 $16雞髀好巨型好大隻，岩岩夠熟keep到個皮又好脆油甘魚餃好新鮮，好多汁，好難燒到咁靚，仲要個皮脆雞皮卷幾特別爆哂汁，金菇肥牛卷都好出色

粒粒車厘茄🍅，一咬爆汁，酸酸甜甜好開胃，簡直係串燒界嘅「小清新」！秋葵就好有咬口，黏笠笠嘅質感好特別，鐘意嘅人愛到死心塌地。蝦多士真係正到無朋友！🦐麵包炸到金黃酥脆，蝦肉彈牙鮮味十足，一口咬落去，喀吱聲同蝦肉嘅鮮甜一齊衝上腦門，成個味蕾都被征服！至於牛丸，打邊爐食得多，串燒版牛丸都唔輸蝕🥩！咬落去爆汁彈牙，肉香四溢。芝士豆腐就係邪惡與美味嘅結合🧀！外層煎到金香，入面嘅芝士同豆腐軟滑綿密，熱辣辣食真係會「芝」到升天！安格斯牛肋串、鹽燒牛舌串、牛柳串，牛味濃郁到好似有隻牛喺嘴入面跳探戈💃！牛肋串軟嫩多汁，牛舌串煙韌有嚼勁，牛柳串嫩滑無比。黑毛豬肋串同羊肉串都唔弱！豬肉肥瘦均勻，油脂香十足🐷；羊肉串肉質鮮嫩，孜然香氣撲鼻，完全無羶味。麻辣鴨血勁過坐過山車🌶️！麻辣味直衝腦門，鴨血滑嘟嘟，咬落去好彈牙，辣到喊都停唔到口！最後講雞胸軟骨同雞皮！雞胸軟骨卜卜脆，食落超過癮；雞皮煎到金黃焦脆，油脂被逼出嚟，香到隔離街都聞到，表示好滿足🤤！

今日去左太子試左一間好出名嘅燒烤店,睇下係咪真係咁好食同咁地道！安格斯牛肋串嘩！呢個真係必點🔥！肉質超淋，咬落去啲肉汁爆出嚟，仲有少少炭燒香味～醃得啱啱好，唔會太鹹，食到牛肉本身嘅鮮味！牛舌串切得薄薄哋，燒到外脆內軟，仲有少少爽口嘅感覺👅！加咗少少黑椒同鹽，簡單但超惹味～ 安格斯牛小排五成熟啱啱好👌🏻！切開仲係粉紅色，肉質嫩到好似食緊牛油咁～仲有啲炭燒焦香，點少少海鹽已經無敵🤤！五花腩肥瘦均勻，燒到啲皮脆卜卜💥！一啖咬落去，肥膏嘅香同瘦肉嘅口感完美配合～雞中翼外皮燒到金黃色，脆到好似食緊薯片咁🍗！入面啲肉仲好滑，仲要醃到好入味～ 金菇肥牛卷呢個驚喜啊！肥牛卷住金菇，燒到啲金菇索晒啲牛油香🌯～一啖咬落去，啲汁爆出嚟，金菇又爽口！呢間燒烤店真係名不虛傳👍🏻！樣樣都高質，尤其係啲牛肉，真係食到停唔到口～價錢合理，環境又唔會太逼！三人行燒烤店西洋菜北街328號亞洲大樓地下C號舖

睇menu發覺開到凌晨三點，宵夜多了一個選擇我入去時睇落好似有空位，原來俾人book曬，果然10分鐘後已坐滿曬人因為不喝🍺所以叫咗很多燒烤，有葷有素有海鮮有牛肉羊肉豬肉串等，全部揀小辣，大部分都好好味特別係🦪燒蠔鮮嫩多汁，好多蒜蓉，個人覺得豬頸肉串五花腩燒白鱔燒海蝦炸豆腐比較好食🩷這間燒烤店唔錯，沒有發現漏單或者上菜慢的情況，雖然鋪頭店面唔係大，身形高大嘅人可能會覺得座位唔舒服，但係服務好好，食得開心

来🇭🇰太子找夜宵，去「三人行」吃烧串真的又到了夏天，香港🇭🇰多雨的时节夜晚下班之后最期待的就是和朋友一起找宵夜吃烧串！旺角的店铺，总是有好多人排队，还好离得很近的太子有一家分店，已经是第二次来了！吃不够根本味道依旧非常劲爆，超级好吃😋我个人超级爱他们的翠玉瓜、炸豆腐、鸡翅尖、还有七分熟的牛小排！！这次点的中辣🔥会有点小小辣，但我们都能接受！在香港能找到这种属于自己的小馆子真的很惬意一进去，老板就认出来我了，还是熟悉的面孔，老板也会不时夸赞厨子，总之今晚还下着雨，一切都好怡然^_^

三人行燒烤店📍地址：太子西洋菜北街328號亞洲大樓地下C號舖 今晚同朋友去咗太子嘅「三人行燒烤店」食串燒，呢間舖頭雖然唔算大，但環境乾淨光猛，牆上貼滿食物相，睇到都流口水！我哋點咗幾款招牌菜，整體質素唔錯，性價比幾高，值得一試。 ### 🔥 **串燒類** 1. **菠蘿** 燒菠蘿真係必點！表面微焦，咬落去爆汁，酸甜開胃，解膩一流。 2. **娃娃菜** 燒得啱啱好，菜葉爽脆，加咗蒜蓉同孜然粉，香口得嚟唔會太乾。 3. **韭菜** 燒得夠嫩，加咗辣粉更加惹味，送啤酒一流。 4. **雞腎串** 爽脆彈牙，燒得香口，調味適中，唔會過鹹。 ### 🦪 **海鮮類** 5. **蒜蓉燒蠔** 蠔肉肥美，蒜蓉鋪滿，燒到啱啱熟，入口鮮甜多汁，蒜香濃郁，正！ 6. **辣酒煮螺** 螺肉爽口，辣酒湯底香濃帶微辣，仲有少少酒香，越食越上癮。 ### 🍽 **小食類** 7. **涼拌麻辣魚皮** 魚皮脆口，麻辣汁夠哂惹味，仲有少少麻香，好開胃。 8. **燒日式雞泡魚乾** 燒到外脆內軟，蘸沙律醬食，甜甜哋又帶魚香，送酒一流

太子的抵食串燒店～牛羊雞豚肉海鮮蔬菜小食一應俱全😎招牌燒烤秘製醬汁✨惹味聚會必訪！安格斯牛肋串肉味濃郁🐮鹽燒牛舌軟嫩多汁～爽脆惹味嘅雞腎都係食串燒必嗌🤩海鮮方面推介新鮮彈牙燒海蝦🦐仲有喺串燒店比較少見嘅鹽燒馬友🐟成條魚啖啖肉正呀！魷魚鬚惹味送酒一流🍻是日炸物必食黑松露蝦多士🍞炸得超香脆內有鮮味又彈牙蝦滑🤩燒日本芝士年糕超軟糯，咬開有流心芝士🧀🧀個人超推介炸豆腐！另外飽肚之選麻辣鴨血！份量超級多，加多$10仲有大量粉絲😆蔬菜都超多選擇🥬蒜蓉燒完條茄子冇得輸🍆好香蒜味超惹味🧄🧄🧄仲有邪惡牛油金菇、清甜菠蘿🍍等等～