影片
提供开心果糯米糍同开心果烧饼嘅大热店仍然需要排队先可以买到，今日大约早上 11 点左右行经经常去开嘅平民又好食嘅面包店「三井饱饼专门店」竟然有齐两款产品，仲要比大热店平一截，毫不犹豫就买嚟试试呢间小店喺黄大仙区最少三十年，作风低调唔做宣传，专卖港式面包，面包定价好亲民而且好松软，一磅方包 / 排包卖紧 $11，有馅包 $7 起，迷你包 $9/3个，款式够多，仲有卖埋蛋糕同中式饼，可谓隐世良心优质街坊小店-🔹开心果糯米糍 $8糯米糍唔算好大粒，切开个皮相对厚左少少，不过馅料都足；糯米皮好滑又软熟，粘粘糯糯好好入口；开心果馅食到沙沙硬脆口感，有浓郁开心果香，仲相对大热店低糖得多，食到开心果原味道，加埋芝麻添加口感同味道层次，个人几钟意美味指数：8.5/10-🔹开心果烧饼 $8烧饼冇大热店咁大个，面头洒咗少少香口芝麻，煎至微金黄；外皮轻糯有少少黏牙，开心果馅同样唔少，不过冇大热店咁湿润，系偏干嘅口感；同样系粒粒开心果沙沙口感，够浓郁而且甜度比大热店更低，仲冇咁油美味指数：8/10-以 $8 呢个价钱真系冇得输，重点系完全唔驶排队，悭返好多时间，如果经开都推荐大家试吓；不过留意返，蒲岗村道分店系冇提供嘅，至于长沙湾店我就冇资讯喇
继续阅读
朝早行紧返工，经过间面包舖，见到面包新鲜出炉，就走入去买返个早餐，面包款式多，一望埋个价钱，平过坊间好多嘅面包舖，呢个芝士肠仔包，只需$6.5，味道又好，有够大个，平价抵食
继续阅读
04/09/2022 小公主生日🎉🎉系屋企附近的屋邨面包舖订咗呢个生日蛋糕收到𠮶刻都觉得好有惊喜因为第一次系呢间舖度订蛋糕呢类蛋糕最少要订1.5磅$240+2只公仔 每只$20 + 生日牌Total $290蛋糕可自选口味：黑森林/杂果/栗子比起好多IG店平一半有多味道亦都好食😋所以要周围发掘下唔同小店既蛋糕先得🤭🤭店舖：三井包饼专门店 地址：黄大仙凤凰新村双凤街24号舖#三井包饼专门店 #角落生物蛋糕 #公主蛋糕 #角色生物公主蛋糕#支持小店 #屋邨面包店 #惊喜蛋糕
继续阅读
通常生日前一日已经同朋友食左蛋糕，但正日面系会想食多个蛋糕的话，去三井买都一定冇错！因为又平又算好食，性价比极高！呢个朱古力蛋糕系我每次必买，口痕或者for平平地食个蛋糕之选真系超正！啲士多啤梨唔会好酸，因人而异嘅，我食就唔觉酸，但男朋友食就觉得少少酸，不过都一定食得入口！
继续阅读
三井面包店，系我觉得最抵食，而又好食的面包店。而家好多面包店都贵左好多，但我又唔系觉得特别好食。反而街坊小店嘅呢间面包店系真心平，同好食。成日有新鲜出炉面包，纸包蛋糕食，好美味我刚尝呢间面包店，一个菠萝包都只系$2.5，新鲜热辣又好食，系近年先加到三蚊鸡。仲有丹麦条，个人认为好食过凯x。岩岩阿仔生日，想买特色蛋糕比阿仔，但可惜出面大集团都要三百楼上的价钱，但又不太特色。造型车就要上五百以上，真系贵到我呢个阿妈唔舍得。眼见阿仔平日经过此店，都好想要蛋糕上加车车装饰的蛋糕，虽然无咩特别，但阿仔钟意，就成全佢。三井的蛋糕抵食，又好食，蛋糕松软又唔太甜。而今次氹阿仔的蛋糕只系$180，加埋玩得的孖宝赛车，都只系$50，有得食有得玩。
继续阅读