三不館車仔麵 (廣福道)

营业中

休息中

係大埔行下街,經過呢間車仔麵第一眼就俾佢既裝修吸引左超級靚,仲要係懷舊裝修, 好少可有D咁靚既車仔麵餐廳~本身覺得影下相都值得喇~~我就入左去叫左三餸一麵，$42~~招牌麻辣湯底一啖麵一啖餸再飲啖湯真係好正...諗返起都流口水我就叫左秘製香醬鳳爪  豬紅 雞翼尖 河粉秘製香醬鳳爪 就有兩隻煮得好軟淋淋又入味,下次一定會再食!!真係有驚喜 豬紅豬紅唔會腥 而已都幾入味 秘製香醬雞翼尖佢同鳳爪一樣 夠入味 而且配埋招牌麻辣湯底 真係好正

同朋友去到大埔搵食 見呢間車仔麵好似幾多人推介 所以就試一試～ 等位嘅時候見到大約要等三至四張枱 本身以為應該都唔洗等好耐 但都最後等咗差唔多半個鐘😣😣😣 後尾坐低嘅時候發現餐廳上菜嘅時間比較慢 想黎食朋友可以留意返呢度餐牌比較簡單 無論你叫邊一款餸都係跟佢個價錢 2餸$34 3餸$42 4餸$50價錢都幾抵食 叫咗小小辣 辣度唔係好強 個人最推介嘅係豬大腸💯💯處理得幾乾淨 有好香嘅滷水味👍🏻👍🏻好多人都推介嘅咖喱魷魚 感覺咖喱味就唔係特別突出魷魚食落都爽口 呢個蝦條卷就比較差 食落好似一堆粉咁唔推介🙅🏻‍♀️🙅🏻‍♀️🙅🏻‍♀️總結來講呢間車仔麵都值得一試價錢唔貴 啲料都食得出有心機製作😋😋

自從比KOL報道過之後，都比較少去食，因為真係太多人，如果你唔預早打電話去攞外賣的話，或者喺外賣應用程式下單的話，你有排等！今日同老婆放假，天氣暑熱，諗唔到想食咩又唔想去食三哥米線，咁就決定早少少食飯，去嗌車仔麵，我哋嗌咗四餸一麵，有炸魚皮，魚片頭，雞翼，豬大腸，雞翼尖等！不過比較出色嘅係咖喱魷魚和雞翼尖和豬大腸，佢都係可以另外嗌小食大概加多$22左右，有一碗，一碗$22大概有40零隻左右，唔豬大腸佢都係比較滷水得入味，豬腸乾淨，脂肪唔多，咖喱魷魚經常都會買斷，因為真係好彈牙

每次經過呢間車仔麵店，都見好多人喺店外等位，今晚唔知食乜好，就決定一試！第一次試，梗係要試吓啲「大廚推介·必食之選」啦！就揀咗滷水鮮豬大腸、鮮沙薑豬手，麵底就揀咗鮮製油麵，再配上小小辣嘅古法辣汁。先試湯底，個古法辣汁完全唔惹味，真係冇乜特別！而鮮製油麵都有別於平時食開嘅油麵，麵質偏腍身，唔係我鍾意嘅質感。豬手有少少燶燶哋，賣相唔太討好⋯唔緊要，味道至重要！咬一啖，口感偏硬，味道淡，完全唔入味，同我想像嘅沙薑豬手有好一段距離。個滷水豬大腸比較好少少，雖然滷得入味，但個滷水汁完全唔夠香⋯總括嚟講，真係試一次就夠！

最近呢間餐廳俾前cctvb 炒熱晒講到個咖喱魷魚話全香港最好食咁啱去開大埔梗係試吓佢啦位置好少都係要排隊叫咗兩碗麵 一碗麻辣少少辣一碗清湯加腩汁.送就試咗孫齋,鳳爪,咖喱魷魚大腸蘿蔔鳳爪好大隻個人認為好抵食亦都好夠麻辣味咖喱魷魚俾人吹大咗,水魷係有咖喱味但係味道好入味不過魷魚好爽.孫齋正常發揮冇咩特別蘿蔔夠林同好甜最正係個大腸冇臭味,大條，滷水味好入味，仲要有啲高一口落去成口都係大腸嘅香味如果俾我再去食我一定會叫大腸×3😂豆漿正常發揮冇特別

早幾日YouTube有個藝人介紹車仔麵，其中一間就係呢間，咁岩去開大埔就過黎試下～店舖座位應該唔多於20個，我哋平日12:10黎到，好彩等左五分鐘就有位👍⭐️秘製香醬鳳爪，咖喱魷魚，冬菇配鮮製油麵，古法辣汁(小小辣) 💰4️⃣2️⃣鳳爪夠淋，味道唔錯～咖哩魷魚夠味，爽口👍冬菇偏厚身，幾香，口感帶少許淋，也不錯👍唔套肯定鮮製油麵同平時普通油麵有咩分別，但我反而覺得呢個鮮製淋左啲唔夠平時好食😅車仔麵黎講個汁好重要，但呢個似係普通咖喱，有啲失望…..😶⭐️滷水鴨腎，蘿蔔配粗麵，金牌麻辣汁 (小小小辣) 💰3️⃣4️⃣鴨腎夠味唔會太鹹，唔係爽口果種口感，正正常常～蘿蔔尚算清甜同無乜渣粗麵比平時食到既幼身同無咁爽口，但同時都唔會有鹹水味～麻辣汁算香，但個人認為配車仔麵有啲唔岩feel🫣整體黎講餸嘅質素OK，但係唔算特別，汁就…..比較普通，又要排隊，服務又一般，我同朋友都覺得試過就算😂

食品差，服務差，其他都唔使講。原本一開頭食得開開心心品質出品冇問題，呢個月開始垃圾到一個點。個湯頭同水無分別，加個自家辣椒醬同我講話係古法辣汁？好啦叫個麵，黎到硬到牌子都分唔開。好聲好氣同你講，轉頭個廚房佬攞返出黎同我講要淋啲喺張單度寫明，你張單有得揀軟硬度我就揀左啦。同佢溫馨提示返平時食開唔係咁成個麵餅痴住左夾都夾唔開點食，即刻發老脾話得啦有咩寫落張單度。強烈建議三不館可以增加菜單乾燒湯浸油麵等我有得揀。另外建議大家如果第餐單上食材烹飪方法有所懷疑可一併寫落餐單。例如魚片頭切割角度，牛腩要幾腍。

等咗50分鐘，期間每隔15分鐘就話冇面，再隔幾分鐘牛腩，再隔30分鐘就話冇咖喱魷魚，點解唔可以一次過講要分咁多次😡😡😡😡，最慘係喺門口等食塵都食飽啦，最後點解要食因為想知係唔係真係咁好味，所以迫於無奈等落去，但係最後都食唔到想食嘅嘢

麵類先係主食既我，今次就黎到試下哩一間人氣車仔麵店🍲，究竟有咩過人之處令到門口成日聚集排隊買外賣既人群。三餸一麵(醬燒豬頸肉･金牌麻辣豬手･秘制香醬鳳爪･米粉･金牌麻辣汁) $42睇落就好似好清，撈均左中間既麻辣醬🌶之後就唔嘢少，麻味辣味都好出，食到條脷痺痺地🥵，好重口味。豬頸肉🐷有三片，肉感比較重，外皮就乾左少少，但就好入味。麻辣豬手有兩件，隻麻辣入哂皮，慢慢吮下吮下，好惹味。鳳爪🐤都有兩隻，同樣入味，但咸左少少。值得推介係每張枱上都有提供既辣菜圃🫙，甜甜辣辣，好易令人食上癮。總括而言，整體味道都唔錯又夠飽，唔會驚好似有啲車仔麵咁食完唔飽🙊。

好耐無入過大埔 每次搭車經過呢間車仔麵店都覺得裝修好特別 今次終於可以入店參觀同品嚐喇😆店內裝修全部都係懷舊風 平時懷舊比人既感覺係好污糟 好多塵 但呢到既懷舊基乎係一塵不染 睇得出店主用心經營 清潔衛生方面做得好足👍🏻👍🏻👍🏻每人叫左一碗車仔麵 再加兩碟小食豬紅,懷舊牛腩,蝦條卷配油麵加古法辣汁小辣每款送既份量都合理不過牛腩再肥D就會更正醬燒豬頸肉,清甜蘿蔔,咖哩魷魚,瑞士雞翼配油麵加牛腩汁原來加左腩汁 成碗麵既味道會提升左 同埋色水都唔同D炸虎皮尖椒滷水豬大腸檯面既辣菜脯好出色👍🏻鍾意食辣既朋友一定要加食唔到太辣既朋友 個湯底可以唔叫辣 再加呢個辣菜脯 碗車仔麵會昇華左😋😋

住開大埔嘅我，其實經過廣福道好多次，已經係好留意呢間餐廳但係一直未有機會入去食。今日抽倒時間好好彩又唔係點洗排隊嘅情況下，就入咗餐廳食飯。呢間車仔麵係參照80年代嘅裝修，地方雖然唔係好大但係都容納到好多枱。拎住張點餐只覺得有啲驚訝原來都幾多餸揀喎，咁我就點左打咗粒星星嘅豬頸肉同埋我食車仔麵必點嘅通菜，最緊要試埋佢哋秘製辣汁。上菜上得好快，試一試佢個辣汁，嘩真係好嘢味呀！個豬頸肉又好入味，米粉又唔會煮得太林湯底唔會喊飲完都唔頸渴👍🏻👍🏻會再嚟食

呢間小店次次去都塞滿曬人係門口😵‍💫 好旺場，不過我個日去就好多係外賣客🥡 所以好快入得💛醬燒豬頸肉+日式粟米豚肉餃子+讚岐烏冬+招牌鮮茄湯底+小小小辣 ($46)呢度餐牌最輕嘅辣度係小小小辣，可以比食辣新手頂下癮🌶 🍅茄湯好足料，會見到啲番茄蓉係度，建議最盡配小辣，之前試過嗌中辣，但佢好容易冚咗啲茄湯味😿豬頸肉必食✅ 佢薄切，咬上去淋淋地，冇肥膏，一碗有4片😋而餃子🥟一碗有兩件，佢係匙羹嘅size，味道就中規中矩💛鮮沙薑豬手+流心蛋+蝦條卷+鮮製油麵+牛腩汁 ($42)🐡：腩汁好香，油麵煙煙韌韌🍜 豬手嘅沙礓味即使浸咗落湯都仲好入味，蛋好流心而個蝦條卷好似墨魚丸卷咁樣，冇乜蝦嘅感覺🤔 唔知係比湯底遮咗少少蝦嘅味定點💭可以出面拎紙圈咗食乜先，有位就即刻交💭筷子同口罩套係每枱靠牆嘅位，自己拎

突然間好想食車仔麵，於是拉埋同事叫外賣食🤭因為實在太肚餓啦，所以叫左四餸車仔麵同小食，食飽飽就要繼續工作🥹✾ 四餸車仔麵車仔麵用錫紙碗裝，分湯！今次叫左金牌麻辣汁（小辣）、滷水豬大腸、蘿蔔、時菜（油麥菜）、醬燒豬頸肉同河粉湯底幾鮮味，小辣唔係好辣，下次可以試大辣🤣🤣豬大腸處理得好乾淨，冇異味，滷水味都突出；蘿蔔冇渣，清甜，唔會甜到好假咁；醬燒豬頸肉邊邊位有 Lon 邊，好香脆👍🏻👍🏻河粉係最底，加湯之後攪勻河粉碎曬🥹✾ 脆辣小皮蛋小皮蛋好爽彈，個醬汁香辣惹味👍🏻比麻辣汁小辣仲辣

今次用whatsapp落左單之後過黎拎外賣番去食，去到門口勁多人，最後等左5個字先到手，期間仲有個foodpanda車手等太耐燥底罵間鋪😂😂出餐速度有進步空間😂間鋪頭裝修好復古，用懷舊香港做主題員工態度友善，見到佢地都好努力拎啲外賣出黎，可能真係太多單落order要跟次序，先叫麵底，再叫餸，最後叫湯底今日試佢鮮製油麵，配蘿蔔，豬大腸，雞翼，金牌麻辣湯小辣佢個外賣兜入面係用錫紙？唔知係咪為左保暖，幾得意啲餸好入味，湯底亦夠濃，鮮製油麵真係唔同啲，咬落彈牙不過食得辣既朋友可以叫辣啲，下次我會試下佢中辣

曾幾何時香港喺未興食米線之前，車仔麵可以話係香港人嘅不二之選，任選配料，任選面底。都係佢其中一個好大嘅賣點。老實講啦自從興咗食米線之後，我自己都好耐冇再食車仔麵啦。而呢間三不管亦都開咗一段時間。適逢今日朋友話想食車仔麵。咁就帶佢嚟三不館試吓啦。餐廳行走懷舊風格，好有舊香港嘅味道。我點咗豬手鳳爪牛腩河粉，朋友點咗豬手豬紅大腸油面。先講豬手呀，忟得非常入味，而且冇乜骨。食落充滿淡淡的骨膠原味，牛腩亦都肥瘦均勻，咬到肥膏之外亦都唔會覺得漏。反而鳳爪就比較一般。河粉更加索晒啲湯汁嘅精華。令我食到最後嘅時候感嘆左一句原來已經食晒啦。朋友嘅豬手豬紅大腸油面。同樣地豬手亦都相當出色。豬紅亦都唔會話一夾就散。大腸我就真係唔敢試啦。整體來講三不館係值得再回頭嘅餐廳。有時喺度諗。與其食米線不如食返車仔麵叫做保留返香港舊有嘅特色。