三不館車仔麵 (登發街)

一個尷尬的時分，邀請做些活動，有些人又未必參與，有些人又好像狀甚老尷😒，倒不如回到荃灣看看有什麼新知😼。立即看看雄記春卷，好像在三月左右就會關閉，豈料它休息一天。而長久都非常之簡約而偏向骯髒的車仔麵名店—榮安，亦都進行內部裝修🤦🏾‍♀️，兩大著名麵店都未能光顧，於是再看看有什麼其他新知。看到大埔亦都有的這一間三不館，看看餐牌，發現有三餸車仔麵， $40不算昂貴，於是內進一試。當真，以現今的所謂新式車仔麵店，隨便一個麵，可能都要$15 ，然之後每個餸$7 $8或是$10 ，有些店舖，更加可點牛腩、豬扒等等所謂較名貴菜式，索價$15一個餸，簡直離譜，在這些店子，動輒吃碗麵，可能都要$50。門口列明六七款招牌菜式，例如是午餐肉、豬手、豬大腸、豬頸肉，餐紙上面寫明，三餸一麵或是四餸一麵，所有餸都是或一價錢，收費公道。這樣我就點了一個雞翼尖、豬大腸以及豬頸肉的油麵，配合少少辣的麻辣汁。湯底本身都夠濃味，不會一味死鹹，麻辣味道亦都夠香，不像麻辣燙或是中式麻辣的那一款味道，夠香辣。如果嫌小小辣有點不夠的話，其實桌面上面那一瓶金牌麻辣也是味道一樣的，還可以由乘客自行添加。秘製燒豬頸肉，有三四片，豬頸肉不會太過肥膩，但亦都有肥有瘦，薄切的三四片，燒過再放入湯，味道相當好。雞翼尖使用滷水汁醃過，夠香夠濃，但又不會太鹹，相當入味，而且醃得林，基本上當入口便輕易除骨。豬大腸最為出色，因為醃得非常林，中間又乾淨，沒有什麼用髒物或是太過肥膩的感覺，細細件，但有保留少許嚼勁，入味得來又不會太鹹。麵條的份量合理，不算太少，應該比起一般的車仔麵店也差不多，油麵還具有彈性，上湯能力不錯。簡單吃個三餸麵，只用$40 ，而且他不會因為你叫一些當家菜式，或是什麼特別的菜式而額外收費，如果你叫四餸或以下，他的收費或一，非常公道。只是如果你要超過四種，那麼之後每個餸就會貴一點，那樣比較合理正路。💯…查看更多

三不館店子是裝修很有懷舊風味特色的車仔面店，我和家人各自點了四餸一面。餸有麻辣和沙薑豬手，豬皮，咖喱尤魚，豬紅，瑞士雞翼，牛腩和滷水大腸。食材和湯底濃郁而惹味。…查看更多

搞笑懷舊風，寫住百年老字號，尚欠九十九年。。祖傳三代，現第一代，食物以路徳圍幾間的車仔麵檔較為出色，只係略嫌款色大路唔夠多，沙薑豬手夠入味，好食過麻辣豬手，豬皮唔係爽口，係淋身嗰只，(本人鐘意食淋身）檯面有辣菜普，自己落幾多都得，侍應態度好，會再幫襯！…查看更多

星期六下午兩點，不用排隊直入兩位，自己圈紙仔揀餸，叫咗豬大腸， 豬頸肉同埋鳳爪。5分鐘唔到食物就上枱，數量唔太多，但係個湯底同埋送嘅質素屬於高。豬頸肉幾爽口，豬大腸好入味，同埋個鳳爪食水好深，味道好濃，啱晒我胃口。一碗車仔麵加$8有一支嘢飲，唔錯唔錯。重點係間鋪頭裝修好有心思，周圍嘅廣告牌都係自己獨家設計，細心D睇可以搵到當中笑位，同我搭枱對面兩個喺度研究左好耐，邊講邊笑，突顯左老闆設計係有人欣賞嘅，特別係嗰塊大招牌。…查看更多

好耐冇食過d咁有水準嘅車仔面。裝修係有7080年代的特色，店內仲要播放住嗰陣年代嘅流行曲，尤如置身係當年嘅感覺。佢出名係油面、豬手。的確油面係幾有彈性，豬手好入味。普通辣味湯底都唔太辣，所以我後尾都會加翻d額外辣味醬料，令個面更惹味！菜甫是免費仼食，不過就幾辣。怕辣就唔好加咁多啊！價錢方面，非常抵食。3個餸好似都係$38 ，加多一個餸都只係$9 。小食種類都有好多，有口水雞、豬手👍🏼👍🏼👍🏼👍🏼👍🏼…查看更多

未入到內，門口装修、設計總令人引起興趣🙃結果，昨天的我按捺不住想要去試試！.內裡的設計挺有心思，位置不算多。填好了菜單可以遞給服務員💁前菜 - 芫茜皮蛋十分裡面有九分😋個汁超惹味，兩者混和得非常好👍🏻鹹度剛剛好，叫一碟都未必夠食🤣三餸車仔麵 (招牌麻辣豬手、滷水雞翅尖、午餐肉).已車仔麵來說，價錢唔算平，但多選擇😛另外，份量都足料。.招牌麻辣豬手好一般，唔入味亦唔麻辣☹️堅係有少少失望！大大舊骨無咩肉☹️早知留返試其他款式.滷水雞翅尖淋身得嚟又入味，一個字「正」店內推介榜排第四位.午餐肉則屬正常如果煎過會更好🙈.值得推介的是個牛腩汁真係唔錯我飲左起碼大半碗湯🤣…查看更多

香港的九龍城寨曾經是三不管地帶，即香港政府不敢管、英國政府不想管、中國政府不能管。當中孕育出香港的特有文化，亂中有序，盗亦有道。那時那地大概最壞，但亦或者最好...今日竟有一間三不館車仔麵店，老細大概就是對舊香港的情懷，留戀不已，所以店面店內都投射出一種混亂的型格，頗有特色。車仔麵係一種属於香港的草根美食，賣的是萝卜，猪大腸，猪手，猪紅等下欄貨，充分顯示出香港人的靈活、儉樸、智慧而又不放棄生活質素的民族性。老細秉持製作車仔麵的神粹，不以高檔食材花膠、鮑魚等作招徠，反而以味道說服食客，即使廉價的食物，只要用心去做，也可以勝過鮑參翅肚。店家貼心，顧及女食客眼闊肚窄的特性，可以走面底，齋點餸，值得一讚。好！一於試四個餸先。因為顧客都幾多，所以要耐心等候，不過等待是值得的。時菜就普通，但浸咗麻辣湯後，增加了味道，又冇炒菜的油膩，好味！酸齋够酸又够甜，味道濃郁，不會像其它店般浸了湯，就失去本身的味道。猪腸有好幾件，没有孤寒，滷得入味又够稔，即使有少許肥膏亦唔會成口油。最好味係炸魚皮，完整幾大塊，用小碗另上，非常脆口，即使浸落湯再取出，仍然香脆。枱上有辣菜莆予食客自行添加，用料豐富，除菜莆還有蝦皮，但味道稍咸，只宜佐菜或麵同吃。食完所有食物，都不覺得太口渴或惹痰，證明味精不多，但仍然造出美味的體驗，大厨功不可沒，值得掌聲鼓勵。p.s無獨有偶，筆者最喜歡的YouTube channel也名叫城寨,當中一個節目也叫三不館。香港人自律自愛，不像知名影星成龍所說般"中國人是要管的"，我們無需極權監管，無懼暴政打壓，請還我們一個自由自主的天空。那是光明的季節，那是黑暗的季節；那是希望之春，那是絕望之冬；我們應有盡有，我們一無所有；我們直奔天堂，我們直奔地獄……狄更斯《雙城記》…查看更多

在荃灣用餐，說難不難，因為食肆太多。說易不易，因為伏者處處，也不一定物有所值。路德圍一帶更是競爭激烈，每隔一段時間來，已見交替。光顧此店已兩次，質素穩定，值得推薦。第一次點了鳳爪，豬頸肉，豬手，豬大腸，油麵。鳳爪出色，調味惹味，有記憶。豬頸肉原塊處理再切片，好處是嫩滑有汁，調味也到。豬手點了沙薑，標榜新鮮，確實也好味，呈現的口感是爽脆，有別一般淋滑口感。豬大腸同樣新鮮，煙韌入味，沒有過火，有心機。油麵標榜鮮製，我倒也好奇，有那一間不是工場交貨新鮮製造？確實也是正常貨色。湯底有味有心機，不是雞粉水加少少腩汁就算之類。桌上有麻辣醬，頗鮮明的花椒味，又不嗆喉，漂亮。菜甫鹹甜辣爽脆，用來拌麵也不錯。今晚再來，點了鳳爪，豬大腸，牛腩。今晚的鳳爪已沒上一次般驚艷，就好似鮑汁鳳爪一樣，其實是好味的，但感覺沒有上一次般沖擊味蕾。豬大腸也稍遜於上次，今次多了種豬燥味，當然比不少店要好，其實我也能入口，只是於清洗上，就差了一點。再來牛腩出色，是急凍貨色無錯，偏瘦，但處理得好，入味又無過火，不容易呀！整體而言，水準之上的車仔麵，在這𥚃五分鐘路程，至少還有兩間車仔麵，其實未去過這間之前，我已不會再去，何況現在有三不館車仔麵？睇見牆上頗多報道，原來曾獲獎無數大師傅，一時也頗有感觸，單以食物而言，頗值得牙擦。…查看更多

#小秘書 放假總係鍾意 #捐窿捐罅去搵嘢食🥢 呢日嚟到 #荃灣 ，竟然比我見到 #三不館 喺 #登發街 開咗分店，一向係 #車仔麵迷 嘅我，梗係要試試😋#三不館 整個裝修都以 #五六十年袋 取材，裡裡外外都 #色彩繽紛🤩 呢日我點咗個 #三餸麵餐，有 #瑞士雞翼、#咖喱魷魚、#滷水豬大腸 配 #湯粗麵 + #腩汁🍜 味道同 #大埔總店 差唔多，因為我真係覺得樣樣都真係幾好食😋 #雞翼 脹卜卜咁，配襯埋 #瑞士汁 嘅甜味道，唔錯唔錯👍🏻 #咖喱魷魚 爽口，#咖喱汁 唔會太杰、剛剛好👍🏻 而我要讚嘅係佢哋嘅 #滷水豬大腸，咬落去好有質感、加上 #滷水汁 特別嘅香味，我比佢99分😆 仲有呀如果你食得辣嘅話，一定要食埋佢哋免費嘅 #自家製菜脯 辣辣地好惹味🤤鋪頭細細充滿人情味，臨走嘅時候，我都忍唔住向收銀員讚咗一句「好味呀」😆…查看更多

同事係車仔麵super fans，經佢推薦下知道有呢間野，咁岩lunch諗唔到食乜就去試試佢先間野個裝修好有特色，D佈置上寫既字有部分係同車仔麵有關，仲會播返d 80、90年代嘅懷舊金曲。佢既配餸都幾多選擇，價錢都比較抵食，我就叫左豬頸肉+蘿蔔+生菜+幼面+金牌麻辣汁因為個碗好靚，想俾like個面既份量都幾大，面條有咬口，有好多生菜，夠哂新鮮爽口，蘿蔔大大舊，食落清甜多汁，又煮到淋哂，好好味，必食推介。豬頸肉係邪惡之選，卡路里超高，但黎呢度食，破戒都係值得的，油脂分佈均勻，有煎香過，但我覺得可以再入味d而個麻辣汁-》好似係清湯再落左少少辣椒油咁，以為係成個唔同樣既汁，不過都唔錯+8蚊有得飲豆漿，都ok的…查看更多

荃灣新開左間車仔麵，店名同店面裝修都係行老香港風格，唔知係咪因為深諳幾平凡嘅嘢只要加上「懷舊」、「集體回憶」⋯⋯就忽然之間變得好似好有特色、非試不可咁，所以就算車仔麵明明未舊，都突然「被懷舊」。唔知仲以為車仔麵同火水爐一樣，後生一輩從來冇見過咁👵🏻裝修係好有心思(店內仲播住LAW記名曲「獅子山下」)，反而嫌佢太精緻，感覺好似去左香港歷史博物館😓食物方面對比裝修就真係相形見絀，叫左陳皮魚蛋、咖哩魷魚、韭菜米粉配古法辣汁。魚旦唔彈牙、魷魚唔太入味、湯冇乜味、辣汁唔辣亦食唔出古法之處⋯整體而言未至於難食，但唔可以話好味，可能其他餸佢地整得好出色只係我冇點，總之最後我食剩左半碗，仲過左對面馬路嗌左個麥樂雞餐填肚添😨…查看更多

前排經過時見到開左間新車仔麵鋪, 個名好盞鬼, 叫"三不館", 令我諗起九龍城寨成日話搵機會試下, 今晚機會就黎喇一踏入佢門口, 就好似入左時光隧道咁就連佈置既廣告街招, 都係耳熟能詳既廣告, 再加添創意,無論裝修,佈置,  擺設, 用具, 音樂都充滿50年代香港本土懷舊感覺呢張就係落單紙配料口味好廣, 除左一般傳統車仔麵都有得叫既餸之外仲有新式d既餸, 例如:酸齋,  蝦條卷, 豬手, 鳳爪, 豬頸肉湯底選擇都唔少, 唔加錢既都有4款任你揀而鍾意食辣既朋友, 呢度都有2種辣味, 5個唔同辣度比你選擇添台面上有一樽野, 我原以為係辣椒油一開~~嘩!! 係辣菜脯呀!!!真係估你唔到不過不失, 唔會太甜, 至少比起有d鋪頭自己煲既好飲我個2餸麵黎喇!!醬燒豬頸肉--->薄切但大片, 少少爽口, 好食滷水鮮豬腸--->大大舊, 洗得乾淨, 每一啖都食到香濃滷水味, 但如果可以再炆淋少少就perfect油麵--->唔知係咪真係鮮製關係, 爽口架wor有別於我平時食油麵可能會預上好淋好pat既問題湯底--->可能我係好食得辣既人,  所以少少少辣真係無咩感覺我食唔出辣, 我反而食到佢既香, 下次要辣d先~~可能會好正千奇唔好睇少碗麵, 份量大到呢....好在我夠肚餓, 唔係都食唔哂男朋友既3餸麵 陳皮魚蛋 --->預左無咩特別, 但我鍾意食, 所以係叫比我既懷舊牛腩--->我只係食左一啖仔, 炆得好淋, 夠鬆軟炸魚皮---> 不得了, 一碗咁上! 魚皮又夠鬆化, 勁抵食既一個餸湯底--->反而呢個既少少少辣麻度岩岩好, 好開胃, 有時太麻會搞到食龍肉都不知其味呢間三不館除左裝修佈置有花心思, 食物有用心製作, 就連老闆&員工都慇懃有禮就響我地坐低無耐, 老闆見我地都孭住背囊, 響現場都爆爆地客時, 都去拎多一張櫈埋黎比我地放低背囊, 等我地食得舒服d而員工無論接單, 上菜, 清理時都好有禮貌, 有別於一般小店員工"打份工"既態度總結:  呢間係管環境氣氛, 管食物質素, 管服務態度既三不館, 我絕對推介…查看更多

又係荃灣搵食，偶然行過見到呢間新開既車仔麵，裝修行懷舊路線，又係時候試新野😊唔好睇幅牆好似雜亂無章咁，特登用左好多懷舊香港特色既野，例如鐵閘呀，手寫小巴牌呀等等，配合番車仔麵呢個香港舊有特色食品👍🏻每人一張紙，自己圈自己嗰碗。醬燒豬頸肉+滷水雞腎+鮮製油麵+牛腩汁+小小小辣雖然要左牛腩汁，但係無論碗麵個樣，同食落去個味都好似無乜料到。招牌麻辣豬手+瑞士雞翼+粗麵+金牌麻辣汁+小辣一碗general野，兩餸黎講，份量偏細。反而枱面上面嗰樽仔既辣菜圃就正野，辣味同鹹味處理得剛剛好，好平衡。加左落湯度，好似提升左去另一個層次咁👍🏻…查看更多

車仔麵開到成行成市，但好吃的車仔麵，真的買少見少⋯⋯荃灣路徳圍，從前只得一間老字號榮X，近年其他新店車仔麵加入路徳圍，開完一間又一間，最近得知大埔有名的”三不館” 進注入路徳圍，朋友告知後，決定要去拜會一下。地點容易找，荃灣港鐵站南豐中心的旋轉天橋一落就見到，就在捐血站附近。門口大招牌很吸引，兩餸麵$30,三餸$38, 而且所有餸也劃一收費，實在難得。店內裝修很有七、八十年代特色，押舖、藥房、街招、廣告，字眼有趣得嚟很生鬼⋯⋯當日筆者11:45am到來，所以未算多食客，但坐低後，食客相繼陸陸續續到來。點餐紙顏色精美，易看，簡單清楚易明。四餸麵都$46, 另加每款餸都只是$8 ，餐飲加$8 ，可選擇豆漿或支裝飲品，價錢大衆化，相當合理。有趣的是: 平日時段，凡著校服及用功讀書的學生，惠顧三餸麵以上送飲品。用功讀書與否，真係要帶埋張成績表給老闆看了。正當點餐時，看見鐵閘上掛著幾塊紙皮，寫了當天沽清的⋯⋯一心打算來試的麻辣豬手，未夠中午就已沽清，真是無缘。點餐後，細看牆上面的鬼馬廣告，相當有趣。細看之下，見到尋人啟事，竟然是大㕑，年青人真有創意。在等待的過程中，除了看著牆上面的有趣資料，食店更播放七八十年代的經典金曲，由鄧麗君、陳百強、除小鳳至到汪明荃⋯⋯漫步人生路、摘星、至到熱咖啡⋯⋯聽吓，睇吓，又真是幾回味，在你身邊路雖遠未疲倦⋯⋯真係種種回憶番晒嚟！每張枱均有辣菜脯，喜歡切得幼細，還附上一些細碟仔在旁，方便作調味或骨碟之用，這點相當細心，值得一讚。四餸麵$46~筆者第一次到來，點了四餸米粉，分別是:秘製香醬鳳爪、咖哩魷魚、清甜蘿蔔、滷水鮮豬腸。秘製香醬鳳爪夠腍身，入味;咖哩魷魚，不過不失，如果有魷魚鬚更好;蘿蔔清甜，不會過分糖甜，喜歡那葱花及有少少茴香味道，正！至於那豬大腸，筆者至愛，清洗乾淨，未算太多肥膏，但又保留到那小小肥，夠入味，很惹人討好。配上米粉加小小辣的古法辣汁，味道恰到好處，下次再會試其他項目。結賬時看見收銀處還附上當日排行榜，原來筆者所點的，已是榜上有名，失敬失敬！…查看更多

經過路德圍，走過這店鋪門口，站在門口的店員很殷勤地派發該店的點菜紙，並叫我們試試啦。結果菜單後打算離開，但想想，見他那麼有禮貌要，又有熱誠，就試試吧！進去後也覺得挺舒服，十分懷舊的裝修，餐廳亦播放著懷舊歌曲，我隔離的食客也跟著唱歌很配合懷舊的裝修。雖然店舖貼著說仍然是試業階段，但感覺他們的運作也暢順。我們點了兩碗三餸麵，一碗是醬燒豬頸肉+瑞士雞翼+陳皮魚蛋+腩汁配油麵；另一碗是醬燒豬頸肉+秘制香醬鳳爪+薑汁豬筋丸+清湯配河粉。份量也正常，加$8可以配飲品，有豆漿，懷舊玻璃樽汽水等等⋯服務不錯，員工有熱誠有禮貌，會再光顧的！…查看更多