三上日本料理

营业中

休息中

第一次黎食，食物一般，價錢略高兩個人食，叫咗燒蠔，幾款串燒，串燒係單串計，每款由20幾至40蚊一串，燒蠔同串燒唔熱，其中一款燒鱔，唔知以為我係叫咗燒鱔皮，薄到紙皮咁，可能係我咁岩唔好彩？壽司叫咗幾款，啲飯較實口，炒飯同沙律正常冇乜特別，另外有生啤飲。總結係今晚食飯一般般，但係環境坐得舒服，服務好，經過可以試，如果唔係唔需要特登黎食。

打電話叫咗外賣自取買咗刺身盛，有一大包冰凍住，好貼心刺身盛樣樣都有，可以試晒咁多款第一次食呢間自家製凍螺，有驚喜，好食同埋餐廳好貼心，俾埋牙簽方便食凍螺頭先見堂食坐滿人，好受歡迎，下次試埋其他食物一定encore凍螺

這間的蒜香牛柳粒拉麵真係好有日本食的味道，牛柳粒嫩滑多汁，蒜香濃郁，再配上彈牙嘅拉麵，味道非常正宗 🍜🍖。芒果炸軟殼蟹飯卷亦係一大亮點，軟殼蟹外脆內嫩，配上甜美嘅芒果，值得一試 🍣🦀餐廳可以選擇的美食都多, 下次要搵多幾個朋友來一起品嚐先得. 

自從店鋪搬遷後 一改往日鬧市般的氛圍，轉型做高檔料理。裝修，環境，同餐具都煥然一新。而師傅都仍然係果個靚仔師傅，一路以來盡心照顧我地d熟客，做出最用心，最美味既料理。最最最重要既係仲要咁抵食！！個刺身船如此氣派都只係$796，仲可以自選兩條時令飛機魚，厚切 薄造都無問題！師傅會盡心料理出你想要的樣子！大推大家嘗試呢間hidden gem!!!

三上的居酒屋, 一向都有光顧深水埗的一家。機緣巧合下發現元朗(朗屏)也有一家分店, 所以亦想嘗試一下水準如何。結果除了一貫性價比甚高的鍋物和卷物,這邊的串燒也是相當的有驚喜，串燒一般都以牛羊豬為主。這邊竟以雞為主打串燒, 顯然相當的有自信。(下次會試一下這個雞肉串燒的拚盤)而料理也是相當不錯的水準。多點了燒鱔與燒牛也是蠻好吃的。(因為大受歡迎遺忘了拍照)當2小時的日式放題吃多了, 匆匆忙忙點菜、又氣沖沖的鯨吞桌上的食物。也許這更符合香港人日常上班的生活節奏。偶爾換個格調, 來一下居酒屋小店, 享受一下與朋友小酌數杯, 風花雪月一下。吃一些精緻一點、細味一下擺盤的溫度和精心安排的美食。也是個別開生面的體驗。

行開嚟元朗， 諗住搵好嘢食， 知道元朗有很多日本菜， 搵到間評價不錯的日本菜， 呢間舖頭唔喺大街而喺小巷， 鋪面細細， 好有居酒屋風情。 咁啱是午餐時間， 佢當中好多lunch set提供， 就入去試下。店內位置好寬敞， 坐得好舒服， 套餐嘅價錢 好抵食， 包括主食、麵豉湯同沙律， 加埋都係60蚊左右，我哋就叫咗兩個套餐同3片三文魚。很快套餐便來到， 沙律的汁很豐富， 麵豉湯好足料，有蜆肉。主菜丼飯比其他日式丼飯餐廳的配料多， 刺身很新鮮， 飯又多， 食過返尋味。另外老公的雞扒丼飯， 蛋有很多，鋪滿了整個碗， 雞都燒得很惹味。總括而言， 這間餐廳的套餐性價比高， 食物質素不錯， 值得推介！

平日多數午餐時間過黎食,今晚老闆一早book左位,慰勞我哋班同事晚上7點半左右去到,未係好多人餐廳間隔好闊落,好岩同朋友食飯傾偈我地上左樓上閣樓包箱,日式裝修,成班同事傾計岩晒,唔使驚嘈到隔籬枱以日式餐廳價格黎講,Dinner set 大概$400 起,價錢算合理。老闆同廚房大廚傑哥好熟,就叫佢拍板安排今晚既野食,今晚就食拖羅宴有前菜,刺身 同主食唔講咁多,各位可以慢慢睇相整體環境、服務、食物都非常滿意。