一入到呢间店舖，就觉得好宽敞，而且装修好特别，佢哋墙上面布满动漫同埋卡通，有好多仲系我哋都钟意嘅。座位比较细，不过都好干净。火焰醉鸡翼 ($54)上枱嘅时候先点火，好吸睛，好有仪式感，而且食落淡淡酒香，肉质鲜嫩，佢仲配咗柚子酱，令到鸡翼好开胃。煎饺子大阪烧 ($63)佢哋煎嘅饺子都会有脆皮，即系冰花，好脆好好食，呢个都几容易接受，因为系表面用咗大阪烧嘅调味料，配埋煎香嘅饺子，口感好丰富，味道亦都好有层次。煎黑白松露猪肉饺 ($56 十只)呢个系佢哋招牌之一，好有特色，咬落去就已经有好香嘅松露味，好惊喜，10分推荐饺子面 ($54)呢个系饺子同埋面嘅自由配搭，佢有几款唔同嘅面同汤底可以俾你拣，我哋最后拣咗鲣鱼昆布汤乌冬配招牌饺子贰号，上枱嘅时候真系热辣辣，我都争啲渌亲个嘴。系普通嘅饺子加面，冇乜特别。鸡软骨串 （$45）总共有五串，佢哋烧得好好食，系用咗盐调味，𩠌酒一流。整体上，呢间餐厅都几好食，员工服务态度好好，环境装修特别，俾人一种好温馨贴地嘅感觉，而且佢哋嘅饺子的确煎得好春色，为咗佢哋嘅冰花绝对可以再嚟。…查看更多
