影片
以上资料只供参考，请与餐厅确认详情
🥢🥣🥄平民饭堂，大碟抵食又好食▫️只招待会员☑️胡椒猪肚鸡汤饭 - $48好大碗，超足料，有大量酸菜、猪肚、同埋鸡件，叫左少饭但都好多饭，个汤好好饮，胡椒味浓，冇味精，饮完都吾会口渴，暖胃健康又饱肚之选。☑️马来炒贵刁 -$49炒河同样好大碟，如果唔系大食绝对够食两餐。用上咖喱粉，咖喱味香浓，但唔会好辣，炒得好有镬气及均匀，每条河粉都呈金黄色，配料亦很大方，有好多粒新鲜弹牙嘅虾仁、火腿丝、蛋、叉烧、葱。口感味道全部都好正。
继续阅读
好餐厅真系要特别写食评好好赞赏，希望俾多啲人知道👍👍作为街坊，一直都知道喺会所有呢间餐厅存在，但系位置实在太隐世，好多时都只会喺商场啲连锁店里充饥。直至母亲节，食开呢间餐厅嘅妈妈提议叫外卖，出餐快不特止仲要份量好多、有水准👍👍 隔一个星期即刻encore落去餐厅食现场，点知更加系惊为天人，好味到停唔到口😍😍餐厅位于丽港城一期会所，座位宽敞光线充足！星期六晚几乎全场爆满，侍应服务非常周到，一坐低已经递来两碗无味精靓汤让我地饮住点菜👍👍 菜式款式多亦都价钱合理，简直花多眼乱~ 最后嗌左山楂咕噜肉、万兴小炒皇，落单𠮶阵侍应仲温馨提示嗌左两碟𩠌，加36蚊有得食豉椒炒蛏子！发达啦！向来钟意食蛏子嘅我听到即刻二话不说落单，饮饮下汤，小菜陆续送到！豉椒炒蛏子非常够味有镬气！真系冇谂到加多36蚊可以食到海鲜！山楂咕噜肉咕噜肉新鲜炸起脆脆有温度，个汁酸酸甜甜非常醒胃，仲有荔枝做生果点缀唔会太酸！可以话系我食过最好味嘅咕噜肉！万兴小炒皇呢个系我爸爸最爱，上次食过外卖已经觉得好好味，今次食现场简直系惊喜万分！新鲜炒好非常有镬气，最喜欢干虾脆白饭鱼菜甫非常有口感，辣辣地好香口，送饭伴酒一流！！份量满满，唔驶加一，吃饱食醉埋单都系HKD 202!! 呢个价钱食到咁满足真系超值！黎紧要多啲黎帮趁呢间咁有温度嘅小店，希望大家都多多支持👍👍👏👏
继续阅读
万兴其他系我地城内都有一定的名气,经常见到店员大大盒送外卖的姿态。已经食过不下10次的我,决定要帮万兴做个纪录。万兴最出名的一定系佢地的每天例汤大大碗落足料,每一啖都回甘绝每味精。真的,一碗好汤足以留住客人的心。是日叫咗柚子一子骨,份量多一向都系万兴的作风。酸甜脆热送饭一流。每逢叫两个餐就可以+$38一换时令海鲜。当初我地仲傻傻地以为$38是一只蛏子,仲打算叫两只。原来系蛏子仔!! 仲要食极都仲有!!真系抵到笑。再来亦系必食 超厚西多士!想话$5蚊而家可以做到咩?竟然可以有9粒大大粒西多士咁好ge餐厅真系好惊佢顶唔住,希望系呢到见到的城友大家多都多多支持小店。
继续阅读
用心做的脆皮炸原只猪手.好脆吾肥吾咸香喷喷好好味.差D连骨都食埋.超正！茄子豆腐煲都吾太油好味份量足够.炒通菜新鲜.家常便饭都吃得好滋味一家三个人食餐饭已经好丰富!
继续阅读
早前试过自来大肉蟹黎考牌，无失望重有惊喜，所以一早问好老板做唔做外来海鲜加工，佢话无问题我就正式约朋友开餐，一行19个大人，真系唔野小，所以四点就拎晒D海鲜过黎比万兴准备，晚饭约咗七点，等齐人，起菜，一开波先饮无味精例汤，呢个汤天天不同，都系要必饮！第一味海鲜-椒盐尿虾，野味，因为佢原条制成后先开半，所以所有肉汁都保留喺里面！第二味-蒜蓉开边海中虾枌C底！虾靓有膏点蒸都唔会出事，值得赞嘅系佢D葱花用滚油拉熟晒！正！第三味系蒜蓉粉C蒸元贝，完全无问题。第四味-豉椒炒圣子皇脆米粉底，呢个真系惊喜，个米粉底真系好脆，如果要投诉，只可以话唔够汁！下次应该多汁，米粉底另上！第五味-清蒸南非鲍，蒸野无乜得投诉。第六味-清蒸东星班。第七味-油盐水花甲，个汤好味，真系可当汤饮，重有粉C喺里面！正！第八味-疆葱炒大肉蟹，疆葱都食埋！第九味-避风塘炒蟹，野味！两款蟹不相伯仲，好难取舍。第十味-豉椒炒花甲，系自己唔记得加脆米粉底，失策！黎到万兴除咗例汤，重有脆皮德国咸猪手，重有海南鸡，虾饼都系必食！晚饭有乜开心得过可以叫冻柠茶，真系好招积，晚饭唔收加一，真系平靓正抵！
继续阅读