七喜粥麵小廚

营业中

休息中

細個喺石硤尾附近讀小學，放學通常都跟屋企人去七喜食碗雲吞麵一個星期起碼食幾日啊長大後搬走咗，機緣巧合底下今日經過太子，一於入去食個下午茶重溫一下以前嘅味道。裝修同埋嗰啲雲石枱都冇變，真係同20年前一模一樣。首先叫咗一碗水餃粗麵同埋黑柏葉湯麵🍜上菜速度我諗10分鐘已經上齊左兩碗，湯底仍然係晶瑩剔透，面嘅質感仍然軟硬適中。另外叫咗小食炸雲吞同埋蜆介鯪魚球炸雲吞出面個皮好脆，入面果然係鮮蝦仲要好大隻，值得推介。不過兩個小食食完就有啲口乾。

醬爆鴕鳥肉$96胡椒豬肚湯好味指數：😋😋😋😋抵食指數：💲💲💲💲💲環境舒適：😌😌環境衛生：🧹🧹服務質素：💁🏼‍♀️💁🏼‍♀️推介原因：小時候經常跟爸爸媽媽去七喜粥麵小廚。因為他們很喜歡七喜的粥品及豬手。前幾天，跟爸爸經過太子分店，又再試試。雖然食物價錢感覺貴，但量真的很多。2個人根本吃不完。那碟醬爆鴕鳥肉大得如酒席的量。至於胡椒豬肚湯，就有一大個湯碗裝，應該可以分6碗左右吧。鴕鳥肉即叫即炒，鑊氣十足。胡椒豬肚湯好足料。總括是抵的，但最好有4-6人才比較適合點小菜。1-2人還是簡單點，吃點粥麵就好了。

12/4/2022 行花墟買完花搵食，見到這間聞名已久嘅食店，梗係要試吓啦！見到menu，樣樣都想食，不過食得唔多，只好試吓佢嘅白灼鮮腰肝，鮮蝦雲吞麵 及郊外油菜。白灼鮮腰肝，確實新鮮，爽滑，配以薑蔥豉油，好美味呀😋仲有油菜墊底，正呀！鮮蝦雲吞麵，雲吞皮薄內有大大隻新鮮蝦，麵爽口有彈性😋郊外油菜，芥蘭鮮嫩😋不失為「老字號」👍🏻亦好欣賞老闆同大廚，伙計嘅融洽，好多食客都係街坊熟客，證明真材實料。

幾位朋友係太子行個圈 諗唔到食咩 有一位又話冇乜胃口就簡左哩個粥店 輕鬆食一餐 但意外有小小驚喜叫左一鍋沙鍋粥 一個蜆介鯪魚球有人話唔鐘意食鯪魚 我就話黎哩度緊係試哩D啦結果冇令人失望沙鍋粥份量都正常 都綿滑既 天氣冬冬地食 真係好暖胃 食完成個人都暖笠笠 好舒服重點鯪魚球 外脆內軟 無油lumlum既感覺個個都食到lamlam脷之前都食過佢新蒲崗分店 但個次就係食小菜 質素都係唔錯之後都會繼續支持 小菜 食粥既好選擇

今日行過太子，見到七喜，聽聞佢呢度嘅爽脆鯇魚皮非常之好味，有位唔使等，立即衝入去試下先。地方就好舊，坐既舒適度就麻麻地。叫左薑蔥爽脆鯇魚皮同薑葱牛肉撈麵：果然名不虛傳，鯇魚皮非常爽脆同滑，加埋薑葱同少少辣豉油，配合得非常適中，其實撈麵食都得。呢個薑葱牛肉撈麵就令人失望，牛肉好靭，認真麻麻地，呢麵就黐埋一齊，一舊舊咁，賣相同味道都一般。下次可以淨係外賣個薑蔥爽脆鯇魚皮就可以了。

話說最近有朋友不約而同向我推介七喜，所以今日放工就去咗食，大概7:30左右去到，都唔使排隊，可以直接入，不過全場爆滿。及弟粥 -其實我由細到大都好少食粥，今次係第一次食，入面嘅豬肉丸同埋豬膶都好好食，豬潤好爽。 一碗嘅份量足夠兩位食。金銀蛋浸白菜仔 -份量都好多，兩個人係食唔晒。 碎肉同埋金銀蛋都多。薑蔥爆魚標 -呢個係朋友推介，好有火喉，兩個人食都係食唔晒，食到尾有啲濟。但係味道係好味。薑蔥桶蠔煲 -都好入味，但係$198我就覺得唔係好抵。依間都幾好食，下次會Encore

又係清淡的一天， 乖乖地 揀一碗艇仔粥 一碟菜心最近天天太子 活動， 好快旺角警署週邊嘅 餐廳 都會畀我試過曬. 繼續努力今日想清淡 簡左e間七喜 粥麵小廚揀一碗艇仔粥 一碟菜心艇仔有魚肉、瘦肉、、花生、蔥花、海蜇、魷魚 基本野啦 材料都足夠嘅， 再 灑啲蝦子 上去個面度又幾好味。 算係平平無奇嘅產品呀。不過個菜心要表揚 大家知唔知點解呢冇醬料呢就係我要求嘅， 所以唔關 白烚事係因為佢排放整齊， 有時好多細小餐廳都遺忘咗呢一點， 值得表揚仲有呢 見到 隔離枱嗰個乾炒牛河 超級大份目測試1.5個人嘅份量 適合超級大食績

去完石澳,約左人食肉球舀滿,但有個女人話好想食爽魚皮,立即openrice 搵下邊度有啦,依家哩d 爽魚皮好少地方有嘛,搵到花墟附近有,就立即去買,門口有人等位,幾好生意喎,menu仲有火鍋生料,買到啦,行返肉球,打開一睇 ...都幾靚仔喎,份量都ok,薑蔥辣椒絲芝麻樣樣齊,一夾一塊放入口,魚皮爽脆彈牙,咬落"索索聲",豉油入面有落麻油,麻香味重,點魚皮好好味,女人食得好開心,見其他人d 相 佢地既粥品都幾好咁.下次試下.

上次試過哩間既爽魚皮,今次係街撞到朋友,咁啱大家都成朝冇食過野,餓到九彩,就近近地入去食,位係窄d既.我地拎紙埋位登記,大家睇menu食咩,牆上有set lunch沙薑雞好吸引,又想食粥,但又太餓,突然見到有雞腸麵,就決定左,男人同友人a 要左沙薑雞飯,友人b 食乾炒牛河,沙薑雞黎到好吸引喎,份量又夠,d 雞好似好靚咁,又有曬白菜仔,偷食一舊又幾滑,又偷多舊.我碗麵都黎啦,都幾吸引,但好似細碗左d,麵夠爽,仲跟左兜辣椒豉油點雞腸,唔食蔥既人係會撥開曬d 蔥既XDDD,雞腸都好食,咁當然新蘭香正D啦,可能真係太餓,係唔夠飽既XDD乾炒牛河大大碟,好足料咁喎,D 肉好似幾精神,友人B 就話正正常常囉,唔係特別好食.見到佢又有打邊爐,搵機會又試下?

人日照習俗要食「及第粥」，所以嚟咗喱間老店食粥。叫了2碗及第粥+1碟蜆介鯪魚球6粒+1支樽裝可樂，埋單$139。及第粥 $40：豬雜完全冇味，粥就太杰。炸鯪魚球6粒 $46：熱辣辣，好正!

七喜除左晚市出名食小菜外，粥、粉、麵都整得吾差如果食小菜晚飯推薦新蒲崗分店，會坐得鬆動d，食粉麵就太子分店夠風味留意太子小店同雲吞麵舖堂食差吾多，坐位吾會坐得太舒服，繁忙時段會坐得較迫但食完就走無咩所謂餐廳飲品茶底有茶記風味先推薦蜆芥鯪魚球，小店幫襯必食即叫即炸熱辣辣配蜆芥醬另推薦炸醬麵、雲吞麵，麵底吾洗講無梘水味，炸醬吾錯而雲吞麵比普通麵舖較好食，湯底吾會太店，有粉麵湯底風味子炸鯪魚球外，餐廳仲有好多款小食，想全一陣或下午茶吾錯

呢段日子 大家多數喺屋企食飯 住家餸之外 都會去餐廳買外賣加餸-🌶🐖椒鹽豬扒香口食物 好受歡迎 椒鹽炒炸得香噴噴 咬落口脆卜卜 加埋蒜片碎 小鹹小辣 餸飯一流 豬扒味道唔錯 但係有啲乾身同嚡口 有肉嘅味道 但冇肉嘅質感 美中不足-🥩中式牛柳自己喺屋企整牛扒 多數加岩鹽香煎 食外賣餸嘅話 我楝呢個中式煮法 食開吓 切件牛柳無骨 有咬勁 唔韌又無筋 味道酸酸鹹鹹 幾開胃-📍七喜粥麵小廚

嚟到太子唔係好肚餓但係又想食啲嘢終於揀咗這間粥舖。叫咗一碗及第粥和一碗肉丸粥。 最窩心嘅就係炸鯪魚球好鬼香但係六粒兩個人食唔到咁多因為唔係好肚餓，好開心的有三粒 半碟賣。 嗰碗肉丸粥啲肉很新鮮很有鮮味， 及第粥個粥底簡直冇得彈 令你食完回味無窮。 炸嘅鯪魚球攞埋嚟甘香撲鼻，咬落去彈牙感覺。 老公食到舐舐脷。 老公還叫了一碗雲吞麵湯底有兒時食過嘅香味回憶到當年童年的回憶返曬嚟了。 雲吞的蝦都相當新鮮呀大家去不妨一試。

今天上完堂後,同學話陪佢食d 野先我地係太子近花虛果邊上堂我地就近近去咗隔離街,果度成條街都係食店行完一轉，朋友問有冇邊間食過架我話食過幾間，睇吓你想食邊類型先佢話想清d ,唔洗諗有"七喜"幫到你加上出面唔多有鮮魚皮得二條友就唔會叫太多野更係叫d 最好味野食啦更係食👉🏻鮮魚皮🐟真係好爽脆👍🏻仲有嘅👉🏻更係煲仔粥(會加d 蝦子粉特別香)👍🏻另外嘅👉🏻蜆介凌魚球鹹香味道👍🏻真係冇得輸。掂掂掂👍🏻一間茶餐廳唔好諗住環境好，d 位係有d 迫冇辦法佢經常滿坐，迫d 都要架喇好食就ok 嘅

雲吞麵- 湯底鹹香，帶嗆喉鹼水味- 青蔥乾涸不鮮- 幼麵Q彈未至脆口- 雲吞皮薄滑，蝦鮮味彈牙，豬肉甘香*記得有一位同事說過，吃雲吞麵，是一件優雅的事。我已忘記他所說的原因。於我而言，雲吞麵看似簡單，但要做到湯、麵、雲吞、蔥花均在最佳狀態，絕非易事。開店者，更需確保每天、每碗的品質一致，方能保住招牌