影片
营业时间
今日营业
11:30 - 00:30
星期一至日
11:30 - 00:30
以上资料只供参考，请与餐厅确认详情
夜晚10:30呢条食街，只剩返呢间七喜有开，香港而家连茶餐厅都冇埋，佢肯开到00:30都系好事嚟嘅叫咗几碗面，同埋粥品，价钱不过不失啦，不过几失望，味道不再，👋👋👋
继续阅读
一向间唔中都会去帮衬下，钟爱佢哋嘅古早味做法同稳定质素。今日去到，食物水准竟然急降！每样𩠌都超咸！！炸大片云吞 - 云吞馅料少咗，少到唔觉佢存在。附上嘅半流质的甜酸汁完全唔达标准，相比以往嘅汁比较杰身，兼且酸甜味调较得刚好炸鲮鱼球炸得够干身，唔油腻，色泽金黄。可惜中心位置仲未炸透。仲要未点蚬芥都好咸腐乳通菜 - 叫做比较对版嘅一样，但系都系超咸！鱼香茄子饭 - 茄子皮好韧，好难咬开，肉都同献汁都好咸！沙姜鸡半只 - 半只鸡竟然变咗砂煲上，一上台发现砂煲同煲内嘅沙姜汁好热，但夹够鸡落口，竟然鸡肉只系室温，完全唔热。呢煲鸡绝对系最咸嘅MVP. 咸到无人想食。只好由我勉强完成。食完之后就明白点解变咗砂煲上，原因系根本无半只鸡。鸡翼尖同鸡翼得一半，鸡锤无咗，切咗件嘅鸡髀应该只揾到3旧。其他部位都系唔齐数。Conclusion: 虽则不舍，但质素急量之下，唯有忍痛唔再专登坐车出去食
继续阅读
28/5/2025 星期三，喺附近打完波，第一时间嚟医肚。我哋叫咗午餐：-凉瓜排骨饭，配冻柠茶。－上枱，热辣辣，未食已经闻到够镬气。凉瓜唔苦，烹调味道适中，这个凉瓜排骨饭，梗系清晒啦！胜瓜云耳洋葱炒鲜鱿，配老火汤（黄瓜唐排）。胜瓜云耳洋葱炒鲜鱿，用少少咸虾酱调味，食落又有少少甜味，洋葱清爽，鲜鱿唔韧，易咬口，材料新鲜，又系送饭的好配搭。老火汤清甜，好有住家汤的味道，听到老板讲，好多街坊都会专登过嚟外卖佢哋嘅老火汤。小店不断提升食物质素，人客有口福，值得推介！
继续阅读
今晚约咗好友食饭原本谂住去小店食西餐点知无walk-in 爆晒好友嚟个180度嘅提议去食粉面好耐冇食过粉面点咗劲多食得劲饱姜葱黑柏叶捞面 $54因柏叶本身都无乜味所以靠姜葱辣椒豉油嘅功力黑柏叶新鲜爽弹面嘅硬度Q弹适中又冇乜碱水味好喜欢面底仲有白菜仔好食蚬蚧炸鲮鱼球 $56鲮鱼球打得匀旬有果皮味好弹牙炸得金香唔㶶蚬蚧汁亦都唔会太咸好欣赏佢个脆炸鲜味生炒骨 $80热辣辣酸酸甜甜好开胃排骨外脆内软新鲜菠萝片同三色椒都好鲜甜好好食#七喜粥面小厨 #七喜 #香港 #太子 #美甜 #粉面 #黑牛柏叶 #捞面 #生炒骨 #蚬芥炸鲮鱼球 #hk #hkfoodies #yummy #CHUZZZTASTYJOURNEY #princeedward #food #traditional
继续阅读
喺旺角花墟附近行行下街落大雨，想揾间舖头坐低避一避，明明条街就系有好多食肆，不过唔知点解只脚自自然就行咗入七喜。对我嚟讲七喜真系由细食到大，细个屋企附近又有佢，大个返工附近又有佢。而太子呢间舖其实都几细，坐得有啲逼唔多舒服，不过食物种类就真系非常多，总有一款吸引到我。今日叫咗一碗猪润生肠粥同埋豉椒牛肉炒河，唔知系咪因为已经系下午茶时间，啲粥嘅配料感觉冇平时食咁鲜味，粥底都偏淡。不过豉椒牛肉炒河就发挥水准，够份量有镬气，调味都好好，总体嚟讲都系食得满足，当怀下旧都好呀。
继续阅读