影片
港铁观塘站 B2 出口, 步行约3分钟
继续阅读
电话号码
21239307
营业时间
今日营业
详细营业时间
星期一至日
详细营业时间
*星期一至日: 12:00-20:00
以上资料只供参考，请与餐厅确认详情
朋友带完我去食之后，觉得好值得介绍呢间超浓滋补猪骨汤！而且回访几次，通常每次都会买埋汤包！特别天气冻的时候，需要饮返碗暖身滋补汤水！汤头系超白！超！浓！郁！如果钟意辣辣地可以食胡椒猪肚汤！食得出真材实料👍🏻除咗胡椒猪肚汤仲有喇沙汤～堂食环境干净企理，老板亦超友善，会出嚟揾食客倾偈，问吓大家觉得啲食物点～除咗堂食仲可以买急冻汤料包返去煮！有打边炉汤底、猪骨或者猪脚等等！喺屋企随时随地都可以整返热嚟饮☺️⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 8/10服务： 8/10环境： 8/10打卡： 5/10CP值： 10/10推介值：9 /10⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
继续阅读
经过几次都想入去试吓先，今日终于有机会，餐厅内及QR code点餐没有食物图片，汤底只有猪骨、普通辣及大辣胡椒汤，见到已经失望，最后选择海老胡椒拉面，海老唔新鲜，拉面唔好食，汤底极普通，完全冇日本拉面味道。更加不知道是日本那一派系的拉面。起初谂住食完个𪍑再加个小食，最终都系放弃，暂时观塘工厂区未揾到一间好食嘅拉面，食完有啲后悔，浪费我一餐饭嘅quota，不会再去。完！
继续阅读
一月一日，星期日大约中午一点到店。店位喺走廊尽头，唔系咁明显，而且一望似系卖冻肉嘅地方。第一次来到，里面暂时没有顾客。睇食评话豚骨胡椒汤底好正，就试下。点左个猪软骨拼猪肚拉面，双拼同单𩠌都系$58。佢卖相系好简单普通，但入口个汤好暖好顺口。店主话啲汤无落味精，系用左十斤猪黎煲。猪肚同个汤好配，猪软骨嘅骨位轻咬就断。其实唔食面，就咁饮佢个汤都好抵，唔明点解会无乜顾客。一间可以饮靓汤，又健康而一啲都唔贵嘅面店，赞！
继续阅读
必试胡椒汤底👍🏻😋汤底好浓 𩠌亦好足料 老板娘好好人 知道我地系第一次黎 会讲比我地知有咩食👍🏻价钱唔会太贵 $58一碗猪肚、猪软骨胡椒汤拉面😋店内仲有啲雪藏汤包 可以买翻屋企整👍🏻
继续阅读
之前嚟骆驼漆工厦行街发现咗呢间小店，当时店主夫妇(七哥夫妇）好热情咁介绍佢哋嘅招牌菜，可惜𠮶日啱啱食饱饱，无缘试到呢日同朋友嚟开观塘，捉埋佢一齐试吓先一人一碗招牌胡椒双𩠌汤面，再加多个小食🔸招牌胡椒猪手猪肚汤面胡椒猪肚汤汤味浓郁，胡椒味突出得嚟唔会太呛喉，啱哂我口味汤带胶质，无油腻感，健脾暖胃猪手骨胶原十足，猪皮软滑猪肚软嫰面条软硬度啱啱好，分量亦适中个面唔系净系啖啖肉同面条，仲有甜甜嘅椰菜㗎～🔸招牌胡椒猪手猪软骨汤面朋友都觉得个汤好好味不过，好辣嘅佢话个胡椒味可以再重啲朋友话啲猪软骨超级超级软淋，一啖咬落去有肉有软骨，高度推介（七哥之后话我哋知啲猪软骨系嚟自鹿儿岛嘅，唔怪之得啲豚肉味咁出色啦！）🔸深海剑鱼腩七嫂话系刺身级剑鱼腩，舖头可以帮你煎埋，仲有九折添！佢介绍第一啖先试鱼嘅原味、第二啖就加柠檬汁，第三啖就加即磨海盐同胡椒～我钟意加咗柠檬嘅，因为可以提升鱼嘅鲜味，朋友就钟意加咗海盐同胡椒，口感重啲～呢度除咗胡椒猪手猪肚/猪软骨汤，仲有眉豆花生凤爪汤，七哥请咗我哋试，佢话凤爪系日本货，嚟自岩手县，味道好之余干净企理，朋友劲钟意，话啲汤好有妈妈煲汤嘅味道，只凤爪好淋好入味😋呢间小店嘅招牌汤除咗堂食，仲有急冻版可以买番屋企随时食，呢日试咗堂食好钟意，买两盒返屋企孝敬吓妈咪，自己又可以乘机再食😬
继续阅读