影片
天气热，想食日本野，咁岩行过见到七代目。本身系比个门面吸引到，好有日本feel岀面贴左menu，系食丼饭，好多选择，又有散点刺身，小食，铁板菜色等。咁多选择，真系好难谂，好彩佢有个牌写住厨师推介，上面都系set，配有饭同沙律。见到第一个系有海胆，个set叫做刺身七点，个名咁劲，又唔贵，一于就入去试下。店内装修得好有心机，干净阔落，仲播住日本歌。场内有梳化位同吧枱，我地选左梳化位。店主好有礼，主动为我们介绍餐牌上既野食。最后我地都系叫左2个刺身七点，店员话呢个系限量，卖完即止，好彩早到。再加一个店主推荐既土瓶蒸，芫茜烧，刺身。刺身七点，配饭和沙律刺身新鲜有光泽卖相好靓，赞呑拿鱼意外地好食，平时系其他地方食亲都麻麻地，反而呢到解冻做得好好，冇好腥既味，唔难入口，反而令我改观。其他都唔错，好鲜甜，三文鱼同带子不得了，好好味。个饭份量好大，一开始以为食唔晒会放弃，点知一试，珍珠米粒粒分明，寿司醋作调味，味道适中。芫茜烧 呢个好推荐，芫茜控必食，唔食过唔好谂自己系全块都系芫茜，师傅用铁板形式烹调，啖啖都系芫茜，并非落好多粉浆个种，完全唔会干争争同粉感，咬落去系会咇晒啲芫茜汁岀黎。刺身 （三文鱼，虎虾，墨鱼）新鲜，好鲜甜土瓶蒸呢个系一开始最快到，不过心急试，冇影到相。佢系一个茶壶仔咁，有个杯仔。打开会有原只虾、鲜菇、豆卜同切得好靓既花形红萝卜，唔好睇佢卖相细细，都装几多野，有得食有汤饮。汤系奶白色，味道鲜，系鱼汤。两个食法：1. 就咁倒落杯饮2. 加落饭到，好似汤饭咁，又另一种感觉，好掂总括环境靓，坐得舒服，干净店员有礼，主动，服务好好食物新鲜美味，选择多元化，卖相靓价钱平，完全系觉得物超所值一定会再去食
继续阅读
以前细细个觉得食铁板烧 贵到离地，下下都要成千落楼又食得唔饱。所以好少食铁板烧 。自屋企附近新开左间铁板烧 ，睇价钱都非常贴地，平有平食，贵有贵食。我地拣左坐bar 台，因为想睇厨师即场烹调。今次我拣左松($888)，有龙虾，银鳕鱼同安格斯牛肉厚切，而每个餐都另有沙律，面豉汤，炒野菜同樱花虾炒饭，就咁睇都已经份量足够。沙律，面豉汤见住龙虾系个水箱度拎出黎，见真身原来系好大只。厨师首先整左银鳕鱼先，龙虾同时一齐整，始终龙虾烹调时间长。银鳕鱼唔鯹，食落好滑好juicy。 之后到烧龙虾，火光红红，好刺激～龙虾肉身配合埋龙虾头Ｄ膏一齐炒，好好味，份量比我想像中多。另外厨师叫我地唔食浪费个龙虾头，果然好多肉，我真系每只须都去食～烧厚切牛肉，厨师都问我地想要几多成熟，我话medium。不过额缣有Ｄ系medium well，同埋牛肉可能本身有D韧。其实食到厚切牛肉都已经好饱，再加埋炒杂菜同炒饭，真系饱到上心口。本身谂住再叫野食都要放弃。连加一就$976 (只接受现金only)，价格都合理，而且龙虾真系整得好出色又好味，我应该会为左只龙虾而再黎帮衬。题外话，我走个时见到有人order活鲍鱼个餐，睇真身只鲍鱼好大只，下次有机会都想试下～
继续阅读
生日在即，友人为咗同我兴祝生日，于是提议lunch去揾啲好嘢食吓。呢间位置营盘街的七代目铁板烧，每每经过都会被佢门面吸引，全木材装饰加上灯光，再配上七代目的匾刻，完全充满日本风情。餐厅大约提供30个座位，我哋拣咗坐bar台，可以一边睇师傅煮一边食。Lunch set 共有6款选择，另外亦有其他散叫今次生日食好啲所以叫左两个最贵的＂金菊＂。店员快速地捧上前菜，有沙律、面鼓汤，菜新鲜，不过两者都冇咩特别。之后师傅开始烧大虎虾同帆立贝，师傅控制火喉刚刚好，加上少许调味已经好鲜好好食再来的是烧野菜同美国厚切牛扒，牛扒煎好会切粒上，可以睇得出生熟程度刚刚好，juicy有肉汁。最后的是樱花虾炒饭，我见师傅倒左大量樱花虾落去，无错系倒落去，另外亦有其他配料，炒完真系好香，不过略嫌唔够干身。整体黎讲以$178加一食到呢个质素嘅铁板烧我觉得叫做合理价钱，如果lunch set有甜品如雪米滋作结尾会更好。 另外当日佢哋冇热茶提供，只系得加左柠檬嘅水，希望日后会提供热茶。
继续阅读
由于疫情嘅关系，宜家越嚟越少外出用膳，就连写食评嘅意欲都冷却了！不过，今次想透过呢个平台介绍一间做得相当出色嘅铁板烧俾大家。本身食店座落于长沙湾盘营街，条街比较静，人流也不算很多。而呢间食店嘅门面唔太起眼，大家好容易直行直过。我都系朋友介绍先有机会大快朵颐！店内的装修雅洁、整齐，可能系开业不久的关系，佢哋嘅抽油烟系统设备非常完善，完全没有油烟味。虽然我偏好食铁板烧、烧肉、串烧……等食物，但食完成身油烟味却非常讨厌及令人尴尬。入去前参考过open rice嘅食评，系无呢份菜单。坐底睇到呢份午市菜单真系觉得价钱合理，相信唔系疫情嘅关系，平日应该座无虚席，一位难求！一人套餐分别有精选、特盛及至尊，价钱分别系$98、$138及$178。三个餐都包咗沙律、炒菜、炒饭及面豉汤，三个餐主菜分别系鸡扒、日本豚肉薄烧及美国厚烧牛肉。而后者则有帆立贝及虎虾。咁难得先有机会出嚟食lunch，我拣咗特盛及至尊两个餐试吓！沙律的蔬菜非常新鲜，加上沙律醋十分醒胃，无论色、香、味都俱备，令人胃口大增，的确系一款不错的前菜。面豉汤不是死咸的那种味道，有种啖啖的面豉香味，汤中还混入昆布，那股海草味既清爽又有咬口。汤底有细碎的豆腐粒，仍咀嚼到那股醇香的豆味，的确是绝佳点缀。师傅替食客将虎虾开边上，这样比较方便食用。师傅只是简单地用盐烧已经十分出色，鲜嫩无比，另外再加上少许黑胡椒作点缀，大大提升食味！帆立贝属于大size，也是简单的用上盐烧，不需要特别的调味。因为食材本身已经很新鲜，所以用不上浓味的酱汁。帆立贝的口感很爽脆，鲜嫩无比。主菜美国厚烧牛肉，虽然牛肉的质素不能与极高质嘅和牛相提并论，但套餐所包的牛肉质素并不差。师傅用上盐烧带出肉食的鲜味，烧得恰到好处，不会烧得过熟，也不会过生，还有一股焦香的味道。肉质嫩滑没有渣，完全没有“鞋”的口感，令人想一吃再吃，非常惹味！师傅在烧牛肉时配上蒜片，我比较喜欢大大片的蒜片，因为比较有咬口，而且蒜片炸至干身脆口与牛肉非常夹配。反而用上蒜粒或蒜碎更会影响牛肉的食味。如果食客喜欢牛肉的原味，则可以干脆将蒜片拨开。另一款主菜日本豚肉薄烧，这款主食相对较受女士们欢迎，因为肉身比较薄，而且肉片还包着新鲜的蔬菜，口感很清爽鲜嫩，少了一份油腻的感觉。好适合食得健康及清淡的食客。炒野菜份量很足，蔬菜很新鲜，而且蔬菜的种类也很丰富，绝不欺客。吃罢各款的肉食后，上一道清新的时蔬，彷佛遇上沙漠中的绿洲，令人精神一振，心满意足。食到尾声炒饭出场，除咗卖相不错外，食味也绝不马虎。炒饭很干身，每一粒饭都分明及均匀地沾上蛋液，而且加入大量樱花虾，每啖饭入口都好咸香。无论色、香、味呢碗炒饭都满分，美味可口。其实我一向都好欣赏呢类日式铁板烧料理，佢哋除咗对烹调讲究，对食材执着外，师傅还会替食物配上合适的配菜作点缀。而使用的碗碟器皿也十分精致。试问这不是一门巧夺天工嘅艺术吗？以呢间食店嘅食物水准及环境质素，的确物超所值。如果唔系疫情的关系，我相信会座无虚席，所以要把握呢段时间光顾，真系值得一试！
继续阅读
大虎虾多膏Tiger prawn has lots of "paste"鲍鱼鲜甜 Abalone is fresh and sweet帆立贝弹牙Scallop is chewy薄烧牛嫩口Thin sliced beef is tender厚烧牛juicyThick sliced beef is juicy炒饭颗粒分明Fried rice texture is good and not sticky总括嚟讲呢餐非常好食同抵食。会再试埋其他菜式。This teppanyaki dinner set is delicious and very worth the money. Will come back to try other dishes.
继续阅读