一鼎‧台式火鍋 (MOSTown新港城中心(4期))

营业中

休息中

嗰日午餐時間我去咗新港城中心搵嘢食，打算試一試之前好想試嘅一人一鍋自助火鍋。我即刻就點咗QQ膠原骨湯底。湯味道非常濃郁，而且非常有營養，我仲攞咗幾樣小菜。另外仲有台式飲品🥤。香水爆檸 🍋係一款開胃嘅飲品，而且仲可以解膩。一鼎金萱烏龍。味道清新可口，口感甘潤，非常好飲。仲有一杯百香果三重奏。擁有滿滿百香果嘅百香果汁，飲落去非常順口。終於輪到主角出場喇。我點咗澳洲純和牛套餐。牛肉嫩滑多汁，而且有獨特嘅口感，真係牛肉中嘅頂級。讚！👍🏻佢哋嘅午市係九十分鐘任食，時間絕對充足。環境舒服，店員友善。真心推薦大家可以嚟試一試。👏🏻

夜晚想豪食一餐，大吃一餐豐富嘅晚餐，非常推介大家可以嚟到位於馬鞍山新港城中心嘅【一鼎‧台式火鍋】！佢哋嘅火鍋可是放題，任食㗎！Dinner buffet 有兩種時長可以揀，分別係一個鐘半同兩個鐘，為咗可以盡情咁體驗佢哋嘅台式美食，我自己係要咗兩個鐘任飲任食嘅套餐，【澳洲 200 日純殼飼牛】只需 $339。呢度環境非常闊落，裝潢都非常之舒適，喺呢度食飯感覺就非常之寫意。然後就係滿滿一枱非常非常豐富嘅火鍋放題！我跟朋友兩個人要咗唔同嘅湯底，一個係【紅燒火牛】，另外一個係【熏鰹魚】。【紅燒火牛】湯底有住非常濃烈嘅辛香味，撲鼻而嚟嘅香味令人聞到都流口水喇。而【熏鰹魚】就有着非常清香嘅鰹魚香味，鮮香無比。今次嘅主角【澳洲 200 日純殼飼牛】，肉質非常鮮甜，軟嫩 Q 彈，同普通牛肉嘅質感真係完全唔同。牛肉片可以充分咁吸收湯底嘅精華，令口感同味道嘅層次昇華！肥瘦相間非常均勻，唔會太油太韌，簡直係牛肉界嘅極品。我哋仲另外點咗幾樣小菜，有【澳洲黑安格斯殼飼封門柳】、【青藤椒牛舌】同【二荊椒和牛串】，配埋火鍋湯底嘅香味，都係別有一番風味！我自己就特別鍾意【青藤椒牛舌】，牛舌非常有咬口，配埋青藤椒仲微微

帶住屋企人一齊喺馬鞍山行街，無意中見到呢間一鼎茶台式茶隔籬係佢哋嘅火鍋，而且睇住餐牌居然係火鍋放題。老公同仔仔肚餓晒，嗰陣時又唔知食乜好，就索性直接嚟一餐台式火鍋！😄呢度環境好乾淨寬敞，感覺就非常適合一家大小一齊歡樂聚餐。食材配料睇落都好乾淨衛生，非常放心畀仔仔喺呢度用餐！價錢方面，兩個鐘嘅【澳洲純和牛】放題成人價只需要 $319 一位，細路仔只需要 $189，以呢個價位就可以無限暢食，就非常之抵食！😍我和老公都好鍾意食辣，叫咗【紅燒火牛】同【麻痺鴨】嘅湯底。呢兩款湯底都好麻辣鮮香，而且湯嘅調配都好到位，香料嘅輔助為湯頭增添咗唔少風味，清香濃郁。尤其係【麻痺鴨】入面嘅鴨血一點都唔會腥，反而將鴨血嘅鮮味勾勒出嚟。【澳洲純和牛】嘅涮肉睇落非常粉嫩，油脂分佈均勻，非常之吸引。同湯底嘅搭配，油而不膩，麻辣鮮香，每一啖都刺激住你嘅味蕾。同時老公仲攞咗佢哋嘅【嘆嘆蝦滑】同【青麻椒辣魚皮】做配菜。配住湯頭同和牛一齊食簡直係人間美味！蝦滑魚皮嘅鮮香，配住兩種帶辣嘅湯頭一齊食，越食越香！而且佢哋提供嘅飲品一點都唔遜色，【冬瓜牛乳茶】非常之清爽，仲可以解辣解膩，而佢哋嘅【百香果三重奏】飲住酸爽非常之開胃！

今次同老豆在屋企附近撐枱腳。我呢個吃貨都期待咗好耐食一鼎 · 台式火鍋。呢度嘅火鍋係一人一鍋嘅自助火鍋。首先我哋揀咗澳洲純和牛自助套餐。我爸揀咗紅燒火牛湯底，未食已經聞到濃郁嘅香味。而我點咗麻痹鴨湯底，湯底真材實料，遠遠超出我嘅預期。佢哋仲有自助吧枱，無限供應火鍋配料。我最鍾意嘅係佢嘅澳洲純和牛肉。入口即化，和牛鮮味滿滿，食到停唔到口。仲有特級牛脷，鮮美多汁，彈性十足。正！呢度仲有供應台式飲品，我飲咗香水爆檸，解膩之餘仲可以解辣。我爸飲咗冬瓜牛乳茶，獨特嘅味道令我爸讚不絕口。下次要再帶爸來吃牛火鍋！

今日想同大家推薦一間台式火鍋餐廳。一鼎 · 台式火鍋。地點喺馬鞍山新港城中心。住喺附近或者想試吓台式火鍋嘅朋友，千祈唔好錯過喇。🤗佢哋主打一人一鍋自助火鍋，分別有早市同晚市，仲可以揀90分鐘或者120分鐘任食。有多款嘅價錢同肉類選擇，仲有自助台全天候無限供應火鍋材料。客人可以依自己嘅食量同喜好嚟揀自己鍾意嘅套餐。🩷強力推薦晚市嘅澳洲200日純榖飼牛套餐。任食90分鐘$339，呢個係店入面最熱門嘅套餐，絕對值得一試。首先需要揀湯底，我個人最鍾意嘅係QQ骨膠原湯底同埋燻鰹魚湯底。QQ骨膠原湯底清甜爽口，帶有濃郁嘅豬骨香氣，非常適合作火鍋湯底。不過鍾意海鮮嘅朋友肯定會鍾意燻鰹魚湯底，味道香甜，帶有大海嘅味道，非常新鮮。💙重點嘅榖飼牛肉，只能用頂級嚟形容。油香豐富，牛肉切薄軟嫩，搭配湯底後入口即化，絕對係牛肉中嘅佼佼者。當然仲唔好錯過海鮮拼盤，包含咗帶子、海蝦、蟹柳、大蜆同魚片。蝦肉新鮮彈牙，帶子魚片鮮甜，非常適合鍾意食海鮮嘅朋友們。❤️‍🔥呢間餐廳已經成為我心目中無法取代嘅必食餐廳。❤️

今日我同我同事去咗馬鞍山附近做嘢，佢突然話要去食火鍋午餐。我就俾佢拉咗去新港城中心嘅一鼎·台式火鍋食午餐。🍲推薦一下呢間係一人一鍋嘅火鍋店。我哋兩個各自點咗一套一鼎殼飼牛套餐，$229一套。我點咗QQ骨膠原湯底（膠原豬王骨鍋），有助於皮膚彈性同埋關節健康，啱晒而家養生嘅我。而我同事點咗紅燒火牛湯底（紅燒和牛湯鍋），集合咗濃郁、鮮美、微甜嘅味道，絕對令人回味無窮。我哋嘅套餐主打肉類一鼎殼飼牛肉，塊塊肉香軟嫩，口感豐富。呢度仲供應好多台灣小食，其中我最鍾意嘅係紅糖炸麻糬。香脆可口，令我豎起咗我嘅大拇指。任食咗90分鐘嘅我哋非常滿意呢頓午餐！

馬鞍山最近新開了一家台式火鍋放題，終於有機會一試了。我們點了$289 「90分鐘澳洲200日穀飼牛吃到飽套餐」。整體超級滿意，肉類新鮮，台式小食款式多，仲有好好飲既台式飲品，是家超有誠意的餐廳！湯底：大推紅燒火牛湯底，濃郁牛肉湯底配牛肉火鍋超適合。另外朋友點了養生的QQ骨膠原。調味：超有誠意，台式調味料比之前係台灣食仲要多。我試了水果醋，好fresh。肉類：8款肉供選擇。當中最愛澳洲200日純穀飼牛，牛味濃，油脂均衡。驚喜竟然有牛舌。另外讚一下花雕雞，鮮嫩非常。台式小食類：台式小食種類多到我地試唔晒。我們點了地瓜球、梅香地瓜條、黑糖炸麻薯、酥炸菇菌、蒜味小香腸等。每一樣炸物十分出色。另外仲有紅燒滷水和滷肉飯等主食。台色手搖：每人可選一款台式手搖。黑糖珍珠牛乳和香水爆檸兩杯都超足料好飲，絕對唔係hea做。另外出面仲有好多其他飲品選擇。最後當然整番杯雪糕埋尾！今期係愛文芒味，為整頓飯錦上添花！

今日午餐嚟到馬鞍山搵嘢食，被呢間標榜火鍋配料、飲品同甜品都無限量供應嘅餐廳吸引過去～佢哋嘅menu真係好豐富，係一人一鍋嘅自助火鍋🤩 菜單有好多種選擇，搞到我呢個選擇困難症患者真係好愁啊⋯⋯最後我揀咗$229嘅「一鼎殼飼牛」，入面有令我無法忘懷嘅澳洲純和牛～和牛嘅肉質十分嫩滑，鮮嫩多汁，真係入口即化啊🥰仲有湯底有8種選擇，我揀咗QQ骨膠原湯底。呢個湯底係用豬骨熬製而成，味道真係夠香夠濃，口感十分濃稠但係又唔會太油膩，令人想一口接一口咁飲👍🏻話係一人一鍋嘛，朋友就揀咗同我唔一樣嘅湯底，佢揀咗特別嘅燻鰹魚湯底，呢個湯底真係非常獨特，有陣濃郁嘅燻香氣但係又能帶出鰹魚嘅鮮味，好鬼正喔！呢間店仲供應咗各式各樣嘅小食，我點咗煉奶炸油條同三星蔥燒串花枝，我同我朋友食到真係飽到走唔郁，非常推薦大家嚟試吓，好抵食啊～

馬鞍山開咗依間舖睇過啲Menu好啱食，所以想食好耐，今日約埋朋友去呢度食！呢個朋友本身好鍾意食牛大人😂😂😂好豪爽加咗個椰子雞湯 加$29 但係加原湯唔知係咩意思，加咗$9個湯底好似唔係好重椰子味，不過當中嘅蓮子馬蹄幾好食幾新鮮 不過整體而言食兩個鐘真係好趕急，因為我食得比較多菜，佔個碟好多位，又要又要花時間，拎上嚟又要攤凍吓先食到！我自己食得比較小肥牛、朋友食得好飽，因為佢食嗰啲肥牛就咁淥10秒就食得🤣🤣我諗我total食埋一碟左右㗎咋途中要去商場廁所都用得多時間因為我食嘢比較慢，又唔可以即刻食，好似自助餐熟食咁 所以兩個鐘嘅話真係太趕急享受唔到不過問心而言，呢間啲嘢食真係幾高質㗎 ！仲有手搖 但係原來佢清場之前半個鐘就會截咗單，我都唔知唔 等我個friend叫我叫嘢食叫嘢飲我都話一陣先啦仲有時間 搞到叫唔到杯芝芝芒芒同埋甜品有啲遺憾🥹🥹朋友個碗好靚仔極度喜歡呢度嘅滷水非常高質！唔會因為係任食而降低質素，牛筋初頭嗰啲好腍，不過注意返嗌一嘅話 係一條㗎咋海鮮正常！最期待最特別嘅瀨尿蝦其實我好想狂食 但係嗌咗兩隻之後就冇時間食同埋再嗌 始終剝殼好困難但係佢啲肉好實好高質😍😍😍我要多一個鐘食

今日去咗馬鞍山新港城中心一間叫「一鼎‧台式火鍋」餐廳食火鍋放題，我哋嗌咗一人$289嘅澳洲200日穀飼牛吃到飽套餐，總共食90分鐘。餐廳嘅環境乾淨，自助區嘅衛生程度理想，而且係一人一鍋，有6-8款嘅火鍋鍋底可以選擇。我哋嗌咗蕃客為主同紅燒火牛兩個湯底，蕃客為主有濃郁嘅鮮蕃茄味同菠蘿，令到個鍋底帶有酸味，非常開胃；紅燒火牛用咗多種藥材、牛肉、牛骨同牛脂熬製而成，成個湯底充滿濃郁嘅牛味，啱晒用嚟煮牛肉；湯底滾到咁上下可以自己添加豬骨湯，比加清水更濃味！肉類最推介一鼎穀飼牛、澳洲純和牛、特級牛舌同澳洲200日穀飼牛，全部都係薄切，牛味幾濃郁，QR code下單後嘅上菜速度都幾快；自助區有多款蔬菜、丸類、粉面類同飲品，仲有自助雪糕機，可以整杯裝或筒裝嘅牛乳雪糕或芒果雪糕；另外仲有多款台灣小食，當中包括我最鍾意嘅滷肉飯；每人仲可以限嗌一杯台式飲品，我哋嗌咗牛奶冬瓜茶同百香果三重奏，飲品唔算太甜，可以中和火鍋嘅油膩。📍馬鞍山鞍祿街18號MOSTown新港城中心(4期)2樓2001號舖位置就腳：🍊🍊🍊🍊餐廳環境：🍊🍊🍊🍊食物味道：🍊🍊🍊🍊整體CP值：🍊🍊🍊🍊🍊

今天去同事慶功宴，發現咗意外好食嘅台式火鍋店【一鼎‧台式火鍋】😋我揀咗【QQ骨膠原（膠原豬王骨鍋）】，飲咗第一口，真係太絕咗！肉骨香味十足，湯底帶有濃郁清甜嘅味道，一級棒👍仲有【澳洲純和牛】，牛肉真係讚不絕口，太有嚼勁咗😍刷咗湯底嘅牛肉更加鮮美可口，多汁，食得津津有味。我仲點咗【黑糖珍珠牛乳】，濃郁嘅焦糖味帶有Q彈嘅珍珠，只能講火鍋配奶茶絕配！呢間店嘅食物真係太驚艷我咗！價格公道，食材新鮮，係食火鍋嘅好地方😘

今日同男友去食晚飯時，意外發現咗一間位於馬鞍山，好好食嘅火鍋店【一鼎·台式火鍋】，我哋都好鍾意呢間店嘅食材，所以推薦畀大家🤤我點咗【QQ骨膠原（膠原豬王骨鍋）】，濃鬱嘅豬肉香味，令湯底甜而不膩，特別可口美味！男友點嘅【燻鰹魚（海苗鰹魚清湯鍋）】，魚肉特別柔軟，咬起來特別順口滑嫩，鍾意食鰹魚嘅朋友們絕對唔可以錯過！仲有【澳洲黑安格斯殼飼封門柳】，配上豬骨湯嘅精華，就變得好鮮甜多汁，而搭配鰹魚湯就特別柔嫩，入口即化，雖然係搭配唔同嘅湯底，但牛肉嘅鮮味依舊保持，真係回味無窮😍😍😍我哋整體嘅體驗都好鍾意，服務生亦都好友善，下次打算帶家人一齊嚟品嚐！

見新開鋪諗住試吓，但覺得員工服務態度一般。當日隔離枱客人似乎是員工的朋友，然後員工光明正大地送咗似乎不屬於佢哋餐入面，比較高級的牛肉比我哋隔離枱客人，令到隔離左右比足價錢的客人都覺得有啲尷尬。。好似做咗傻仔。而且員工不停在和顧客朋友傾計。。。有啲影響其他食客，例如我哋枱上菜速度比較慢，以及大家都被迫聽佢哋的傾偈內容。希望只是個別例子😓呢間火鍋放題都不算太便宜，而且要收服務費，下次應該會選擇性價比更高，服務更好的餐廳。食物質素方面就一般，可能同牛魔差不多的感覺，如果追求味覺享受可以去其他餐廳，但呢度主打食到飽，可能不能要求太多。

一鼎今日聽朋友講馬鞍山開左間新開既一人一鍋自助火鍋，今日見放假米同老婆去試下，去到剛剛開舖，已經有人等位入去，一人一鍋最好，自己鍾意咩湯底就咩湯底，唔駛爭。我地叫左個$269澳洲200日殼飼牛吃到飽套餐，揀左（麻辣鴨湯底）同埋（燻魚汁湯底），依個價錢仲有好多款牛選擇，有榖飼牛/草飼牛/安格斯封門柳/200日純榖飼牛。另外仲有好多小食，鹽酥雞/牛三寶/麻辣魚皮/黑糖麻薯/魷魚仔/另外最重要最重要係有即沖手搖飲品，香港真係冇一間自助火鍋🍲店有即沖手調飲料，味道同出面飲既一樣。甜品佢地竟然有部軟雪糕機，有3.6牛乳/台灣芒果2種口味。總結：以前係屯門食過一次已經念念不忘，估唔到今次係馬鞍山都食到，超開心又正🥰#馬鞍山#火鍋#放題#任食#美食

📍好少會過嚟馬鞍山 行經見到有新開張優惠🥳 午市90分鐘吃到飽套餐 做緊2人同行 1人半價promotion🔥 餐廳主打台式1人小火鍋 有8款秘製湯底可以揀 裝修簡約光猛 空間感十足 全程都播緊台灣流行曲 好有feel! 🌀 澳洲200日純穀飼牛 90分鐘吃到飽套餐 套餐包括多款豬牛羊肉類+ 前菜+ 台式滷水小食+ 台式炸物🍤 亦設有自助蔬菜🥬及丸子類區域～ 最值得讚係 除咗免費區飲品之外 仲配有 1️⃣杯台式手搖飲品🙋🏻‍♀️🔅 湯底: QQ骨膠原湯底 & 麻痺鴨骨膠原湯底用咗大量豬骨+雞骨熬製而成 豬骨湯頭鮮甜濃郁 配搭菜/肉都好適合 保持到食材嘅原味! 麻辣湯底用咗秘製香料 辣度幾高 不過做到麻辛香3種層次 好惹味🤤🔅 肉類包咗多款肉類 有一鼎/ 澳洲200日純穀飼牛/ 特級牛舌/ 澳洲黑安格斯封門柳/ 丹麥梅花肉/ 澳洲草飼羊/ 台南花雕雞...竟然有2款穀飼牛供應 因為飼料以大麥同小麥為主 油花分佈更平均同多 口感更加軟嫩 我就鍾意個豬五花 肥瘦適中無羶味 配麻辣湯底超好食! 🔅 前菜及台式炸物小食有齊各款夜市小食 鹽酥雞/甜不辣/地瓜球/台式小香腸/台南獅子球等🙌🏻 炸物都炸