一風堂 (新港中心) (已結業)

回想起以前讀書的時候，害怕孤獨，做甚麼也喜歡幾個幾個人，人大了，就成反比，更喜歡獨自一人。「其實自己一個更開心......」一個人入戲院、一個人食壽司、一個人做運動、一個人逛街，不需過問其他人，喜歡就隨心去做。是夜獨個兒到尖沙咀逛逛，由於近日天氣非常寒冷，一心吃點「辣」也可保暖吧! 記得前幾天得知一風堂推出新的辣拉麵，就鎖定目標了。新推出的辛味噌赤丸餐牌，上面寫上有特辛版提供，味道不知怎樣? 問到侍應特辛版的辣度是否與辣肉味噌大辣相乎，她只說兩種辣不同。對辣度非常迷糊，又怕辣到吃不到，最後就選了普通辣。普通辣的辛味噌赤丸/$78，基本上對又不算平時吃得太辣的小妹來說，也好像吃不出辣味，湯底是豬骨湯底，味道濃郁，不過只見浮起層層厚身的油，加上有點鹹，非常失望。不過用上粗拉麵，彈牙之餘亦沒有鹼水味，拉回小小分數。再問到侍應可否加辣，隨即給了七味粉及辣椒油，為有自己下重手。由於Apps內有一張免費牛油栗米Coupon，要點選辛味噌赤丸才可用，就隨即點了一客。的確要讚一讚牛油栗米，做得不錯呢，栗米一入口已感受得到香濃的牛油味，加上粒粒爽口，可是值得推介。點餐時也猶豫點選磯邊北海道炸物，或是濃厚

叫左個鰻魚飯加个拉麵鰻魚飯超級細 但係好好味 个拉面溫度太低， 唔夠熱 都幾貴叫左一杯三十幾蚊既野飲， 比我想像中的更好飲再加十個percent的服務費比左二百幾蚊整體ok

好耐都無同朋友一齊去食拉麵啦~咁啱行過見到一風堂就決定去食啦~平時見到一風堂都係好多人排隊，可能我地早去所以無咩人，入到去就有位。2個人都係叫赤丸新味。拉麵煮得啱啱好，麵條明顯係幼麵又夠彈牙，湯底夠濃，但個人覺得太油膩。份量對男生黎講就唔太夠，女生就剛剛好。

一風堂 Black is Back「黑」($78)黑蒜油加豬骨湯底, 加埋比拉麵粗少少的極太麵，黑蒜油好香，碗麵放置一陣面頭立刻起左層膠，可見用料十足。兩塊叉燒，大塊，不過不失，沒有太大驚喜。還是湯底最好，很濃味又帶蒜油香。加上特製的辣豆芽和高菜，更惹味。黑蒜油比較其他拉麵更濃味，食完都幾滯。另外還有在店外玩遊戲得到免費的黑蛋有一隻，店員見到我和男友兩人，還會問你要不要一分二。十分貼心呢。黑蛋用醬油醃成，入面是糖心，不過有點咸，重口味的男朋友也覺得太咸不過既然免費試試就好

聽朋友說一風堂的溫泉蛋味道唔錯，正好路過就來嘗試一下。是日本面食的連鎖，所以主打還是以拉面爲主，比較顯眼的整面牆的漫畫，感覺很好玩。這裏的糖心蛋是比別的地方多用油炸了一下，所以吃起來外焦裏嫩，可以說名不虛傳了。店裏正好出新菜單-王者黑咖喱拉面，很有盛行的暗黑料理的味道，便嘗試了一下，結果看起來恐怖的拉面味道竟然很淡，面條雖然很唔錯，但是果然不適合嘗試新鮮的菜色。其實菜單上也有很多很想食的拉面，比如特製的白丸面，只好下次再補上吧。

禮拜喔，陪FD拿左嘢嘆咗個下午茶，距就話約左距同事有事喔。得返自己一個，隨便到處遊蕩。蕩蕩下，就走咗去尖沙咀揾食！！過到尖沙咀，都唔多肚餓，又逛多一陣，又敗多小小野！眼前一亮：一風堂！哇，好多人喔，反正得閑無嘢做，排隊就排隊咯，問店員我要等幾耐，店員話：你一個人啊? 咁好快就會到你啦，如果兩三個就難講D。yeah~~ 等左都系15分鐘左右就到我入場啦入到去，雖然滿座，但系感覺都好舒適下。一坐低唔使睇就點咗個白丸元味改良版既，改咩？辣！因為唔系好餓，點個辣味既會開胃D。呢個拉麵食過會永遠記得距幾正，湯底系豬骨濃湯，添加左蒜油，味道更勝一籌！一個人食住距，只得一個人系一種享受，咁樣先叫做品嘗美食！！食住咁好食既麵，邊個想用個嘴講野吖不過，一個人都點唔多嘢食，如果想食多款美食，都系叫多幾個FD嚟有著數

今日經過尖沙咀，突然想食拉麵，醒起一風堂都有得食，對佢印象都OK，便試吓佢新出嘅呢款拉麵$78蚊😋拉麵混合了一風堂原創的醬油汁 , 再以辣豬肉碎 ,椰菜 , 豆芽 , 竹筍 , 海苔 , 香蔥及香脆雞皮作為配料將以上食材混合帶來食，另外➕配鮮蝦雲吞清湯一齊食😋拉麵確幾彈牙好食，雞蛋加入拉麵混合去食，好有蛋香味令到個麵都滑啲～個人認為湯底就偏鹹，脆雞皮就唔脆，另外鮮蝦雲吞味道普通，碗湯就有啲油😅，但幾香麻油味，整體混合埋一齊幾好食又幾開胃😋       

話說有日放工同舊同事行海港城行行下要醫下個五臟廟，於是走左去一風堂到食拉麵。本來想叫拉麵食的，但係一風堂食拉麵，除左特式推介可以叫做入得下口外，其他款式拉麵還是算吧啦！其實兩個人真係食唔到好多野，叫了一個特式推介拉麵和鰻魚炒飯，以及叫了一個一風堂餃子。大家不要誤會相片好似影到個食物好大份量，著實每樣食物都「的的式式」，一口KO的樣子。一風堂的小食比起他的主菜飯或拉麵還要有誠意。「一風堂餃子」應該改名做「一風堂一口餃子」較為適合。食開傳統中華料理大大件餃子的人，這個餃子肯定能滿足你胃既慾望之剩，也不夠讓你「攝牙隙」。老實講，叫了三樣食物堂中，這個餃子是最好味的一道。外皮不是太厚身，裡面肉汁豐富，加上薑蓉和葱花，食落口是肉汁和薑及葱等味道平衡得好好，不會因為薑的辛辣而搶走了肉的鮮味；而葱花味道亦比較清甜，食落時令到肉味更加有層次感。至於另外的「特式推介拉麵」和「鰻魚炒飯」則相對比較失色。拉麵除左湯底比較有比機外，其他食起上來好像比較求其；而炒飯方面，亦是除了一大片鰻魚外，其他則屬於合格的味道，不會有太大的驚喜。假如想去一風堂當正餐食的話，可以說還是免了；但若以一個下午茶或離正餐還有一段時間

赤丸辣肉味噌☺️豬骨湯 配上辣味噌。湯底帶點辣味 加入辣肉碎，味道比較惹味。叉燒不算鞋口 尚算軟身💁🏻⋯新產品：混亂😍粗麵配以一風堂秘製醬油汁 加上炸雞皮 辣豬肉碎 椰菜 竹筍 海苔和香蔥 另有鮮蝦雲吞湯😉 味道特別，特別喜歡當中的醬油汁。

今晚係尖沙咀睇戲，咁睇戲之前就嚟咗呢度食晚飯，點嘢食嘅時候就一個操大陸口音嘅侍應來幫我，唔知佢聽唔聽得明，朋友叫咗個普通白丸，我叫左一個特製赤丸，加多一碟六隻嘅迷你餃子。赤丸嚟到嘅時候，來錯左，都唔係特製，搞到啲餡料要另外上。拉麵唔錯，唔會太軟，配埋啲湯底一流，又唔會太咸太重口味，不過佢唔算好辣。另外餃子一般，好細粒，啲餡亦都唔係話好多。

無錯，去「一風堂」唔食拉麵，仲有乜可以揀?很多朋友入到「一風堂」，第一件事就叫拉麵，因為可以儲一個印花，不過自從成為Bari Bari級別會員後，就不再受拉麵才有印花這個要求所限制。然後開始了我跳出拉麵框框的味覺之旅。其實餐牌上還有許多選擇，這晚我沒有選擇拉麵。名古屋風雞翼雞中翼位有半隻手掌長，很大隻，但調味很不錯，帶出雞的鮮味。不過我還是愛吃細細隻的雞翼。豬骨湯餃子端上來時熱騰騰，用厚鐵碗盛著的一口餃子，我沒有細心數，應該有6隻吧！因為是一口餃子，能吃熱的朋友可以一口一隻，我怕太熱會燙，將餃子分半才吃。加入了冬菇的豬骨湯，味道豐富了。湯底有微辣，想試的朋友要留意。豚骨湯菠菜另一熱食之選，也是用厚鐵碗盛著，端上來時湯還在滾著，看來是在明火煲滾原碗上菜。湯濃但味清，菠菜也夠新鮮，每一條都切成幾乎同樣的長度，湯裡放了少量菇菇吊味。一頓有雞有豬有菜有湯的晚餐，很滿足。

趁著假期，我去左尖沙咀，係我四圍行之際，突然就落起大雨，剛好我行到新港中心，便想起樓上有一家一風堂，雖然早前有嘗試過這家日本品牌既拉麵店，但我覺得拉麵既味道並非十分吸引，不過既然都行到呢度，不妨再試一次吧！當我行入一風堂，便給我前所未有，眼前一亮既感覺，一位高高瘦瘦的男侍應員，他很熱情地招呼我，臉上也掛著親切的笑容，並冇好似其他人一樣冰冷公式化咁既態度。入座後，更細心問我需唔需要暖水，我側過頭見到他的名牌好似寫著Lok（我估計他應該是經理吧，服務態度如此好，不過唔知係唔係呢）我既心情變得好好，好耐都冇係尖沙咀呢個咁繁忙既地區享受到咁細心既服務。看著一風堂既新餐牌，好似有不少新菜式。我舉手，那名男侍應很快便走到我身旁，俯下身子，有禮貌咁問我:hello,小姐，有咩可以幫到你？於是我問左佢幾樣新菜式入面既材料，因為我腸胃比較敏感，所以問得比較仔細，不過呢位同事並沒有唔耐煩，反而很認真同好有耐心咁解答我既疑惑，並且推介左一啲比較清淡啲既菜式比我。當佢為我送來函館鹽味拉麵時，仲好貼心咁話:小心熱，請慢用。而且佢仲留意到我杯熱水得返好少，又主動咁幫我加返啲，當然都有叫我小心熱啦。整個用餐過程我都

尊程去試期間限定既龍蝦豚骨拉麵，等左最少半個鐘先有位，不過為左呢碗拉麵，係值得既！龍蝦尾放係碗邊上，好吸晴，龍蝦肉就挑出黎被湯浸住，吸收哂湯既精華。湯底濃郁，龍蝦肉爽口彈牙，麵條軟硬適中，配上溏心蛋，無得輸！朋友仔就叫左碗赤丸新味拉麵，相比起龍蝦拉麵，賣相就普通啲啦，典型既拉麵，麵條軟硬程度可以自己決定，豚骨湯底偏鹹，叉燒夠腍，入口既溶，但略嫌太薄，唔多夠喉。另外嗌左碟一風堂炸蛋，溏心蛋外包左一層…炸粉團…？好乾，沾左醬先好食啲。中伏之選：鐵板醬油炒飯。一個字：鹹 。

只有極美味的食物才可以讓我一星期內再次翻兜，繼上星期六到旺角朗豪坊店初嚐了美味的龍蝦豚骨拉麵後，一直都想在9月30日再吃多一遍。平常都不吃晚餐，中午都在公司吃午餐的我，難得今天請了半天假去尖沙咀看醫生，於是乎我就借機會到尖沙咀新港中心店再吃這個龍蝦豚骨拉麵。在醫務所看醫生差不多十二時三十分才走，又趕著一點四十五分前回到公司，但我不理會了，一口氣由中間道走到新港中心就是為了臨別秋波的龍蝦豚骨拉麵。新港中心店比較「骨子」的，餐牌與其他分店也不一樣。為配合一風店X幪面超人的宣傳企劃，店外有期間限定的幪面超人扭蛋機，亦有兩個玻璃櫃放了幪面超人公仔。正值是午餐時間，店裡有不少是獨個兒來吃拉麵的人，而且亦有不少是日本人呢！我不加思索就點了龍蝦豚骨拉龍，原來可以加點成午餐，因為一定吃菜，所以我選了田園沙律，再配以蘋果汁。一風堂的佐料和調味區超正，有醬油、白芝麻、蒜頭、辣豆芽和辣高菜，其中辣豆芽和辣高菜是我最愛，簡直是一風堂必吃，我試過有一次與朋友五個人吃了他們三、四碗辣豆芽。辣豆芽爽口，雖然拌了麻油和辣椒醬，但不會過油膩。辣高菜夠晒辛辣，讓人欲罷不能。過了不久，侍應就端來了蘋果汁和田園沙律。正當我想

好啦，我晚餐去親尖咀就預左要等位，今次想食拉麵，所以揀左風堂，等又又等之後，終於都到我啦，我好快點點左個白丸元味拉麵，先講個湯，湯底好香濃豬骨味，是餚到奶白色的湯底，而叉燒厚切之餘，口感亦都好濃郁，叉燒油流出，浮係湯面，油香撲鼻，加上葱花，等待都值得!